上樓 (已結業)

8月15日..星期三我們一行8人去上樓吃晚飯, 知道九點之後會有特價(七折), 所以八點半左右就去等位了.(之前可以打電話去訂位的, 現在取消了), 因為是平日的關係, 大約九點已經可以入座了...一坐下來, waitress推介松子桂花魚, 只剩一條-.-", 問我們有沒有興趣, 我就請佢幫我落單啦. 之後再畫單點菜, 叫了: 素鵝, 油爆蝦, 銀絲卷, 鱔糊, 砂鍋雲吞雞, 上海粗炒, 賽磅蟹, 擔擔麵, 份量都幾多, 當雲吞雞來到的時候, 會幫我們平均分成8碗, 基本上都很有水準, 最後, 我們還叫了豆沙鍋餅和高力豆沙.... 正不過我個人認為最好要有6個人或以上, 會比較可以吃到更多的菜式^^ p.s. 全日都是免茶芥和免收加一的

補番張相先^^

指的是我們所點的份量吧!!!一行四人為友人C慶祝生日, 因男友幾近要九點才到, 醒起之前食過覺得水準不錯, 兼且九點後有特價, 0岩晒!! 先打電話問個情況, 亞姐話: 八點九派飛, 八點十開始入座. 我八點半左右到, 都算係頭幾張籌, 但結果都要等到九點四先有位(入面D人唔走嘛> <)一坐底, 壽星仔話已經飢饉廿四, 於是我就不理後果地一口氣點了十二款菜....涼盤小吃: 燻魚, 雞絲粉皮, 肴肉, 醉雞, 紅油抄手, 小籠包, 生煎包湯: 薺菜海皇豆腐熱葷麵食: 砂窩雲吞雞, 黑醋骨, 上海粗炒, 擔擔麵每款食物都幾好食, 友人唯一要挑的是上海粗炒稍咸了一點, 但個人喜好啦, 我倒覺得ok喎, 上海菜就是如此的濃味吧~ 而且麵身沒有炒得過淋, 不錯嘛!!叫得滿滿的一圍菜, 埋單也只是四百二十個大洋, 除了小菜特價, 還免加一茶芥嘛. 而且份量不少, 基本上我們今次叫的, 足以加多一兩雙筷的呢~

20070729請長輩吃飯，不敢怠慢，最後還是選了這裏，就算沒有驚喜，至少也有保證。買單的時候正在奇怪為何便宜如此，部長告知全天免茶芥加一，哇~更加覺得很抵。臨時打電話訂位，竟然有一個不錯的小廳，裝修是帶一點現代中式的典雅，低低的窗臺上放了靠枕，可以將旺角街景盡覽眼下，鬧中取靜，也是一個意外之喜。如果人數多可以做兩圍的，當不做他選。雞絲粉皮：粉皮很滑，芝麻醬略略帶甜，很香；賽螃蟹：穩鎮之選，清淡的美味；砂窩雲吞雞：分好了端上來，雞味濃郁，又沒有浮油；松子魚：煎得火候很准，最快掃清；火腿津白：用的火腿是靚貨，從湯底可以感覺得出；小籠包、蒸饅頭：各六隻，沒有試，但聽其他人的評論，似乎相當不錯；紅油炒手：辣度適中，幾香口；豆沙窩餅：長方形，剪作八份剛好一口份量，不會太甜。每一種菜的份量都不大，每個人都試一點，少食多滋味，又清清淡淡，老人家小朋友都吃得滿意，我們也可以松一口氣了：）

12個人9點後去食野,好多食品都有7折.點左d例排上海野:雞絲粉皮- 好多花生醬, 我好鍾意.窩巴- 幾特別,有碗好多料既海鮮+菌+etc一齊食火腿扒津白銀絲卷東玻肉醉雞蔥爆牛肉京爆羊肉白切肉幾碗麵及白飯etcd食物quality都好(雖然唔係話特別好食)...有d野叫左多過一碟,但最後都係每人$60!勁抵食.服務環境都好.

以前呢度九點後特價係超墟堪的，而家，就只得十多檯的人等，點解呢?相信係貴左有關，只有一半菜式左右係有七折(冷盆同風味小菜)，其餘的炒粉麵飯及點心都係原價，所以，即使是星期六的晚上，也不很多人。食物質素一般，川椒雞好鞋，唔好食。砂窩雞就唔錯，雞雞都好滑。茄汁蝦仁窩巴都相當不錯。三絲炒年糕幾好味。小籠包沒特別的。賽旁蟹都可以。呢度的茶壺設計幾好。好易倒但又不會瀉出。碧螺春好好飲。四個人食唔晒以上的東西。唯有打包。

和一班初中舊同學, 每隔一兩年總會聚一聚, 談談近況. 20年了, 依然能夠一起吃喝談笑, 也是緣份. 知道他們對吃的要求不高, 便趁機會提議去我一直想試試但無人奉陪的"上樓". 當然, 一如所料, 無人反對.訂了7:30六位, 但接待員說找不到我的booking, 並有點不耐煩問我是否打錯電話, 我反問她, 是否聽錯我的姓氏呢? 用電話號碼找就找到了, 證明我並沒有"打錯電話". 但因為如此, 對此店的信心, 還未吃已打了個折.環境尚算不錯, 只是有點逼, 而且不知為何總有一兩隻小昆蟲在飛舞, 由入座至離座都未消失過, 以其裝修格局, 實在不應如此. 套餐並沒甚麼吸引, 便看餐牌散叫算. 六個人,要了兩個冷盤, 四個小菜和雲吞雞.雞絲粉皮, 不過不失, 粉皮夠滑, 麻醬香濃但味道略為單調; 蒜泥白肉就把肉切得太單薄, 而且又是配上粉皮作底, 早知如此便要另一道冷盤好了.鹽水鴨, 肉夠厚但稍為實了一點, 味道鹹淡適中, 不錯.韭黃鱔糊, 只算中規中矩, 材料的味道皆表現得出, 但就似各自為政, 只吃韭黃吃不出鱔味, 明顯是火候不夠. 砂窩雲吞雞, 完全見不到砂窩, 上桌時只每人一碗雲吞

星期一晚女友說想吃上海菜，一行三人便去了這間試試。早前和朋友試過另外一邊的潮樓，這間的裝潢跟那邊大同小異，算是不錯，如果是二人卡位可以選擇窗邊位，只不過人開始多時就會比較嘈吵。是夜點了：1)ｘｘ豆腐－是味冷盤，有些皮蛋作點綴，麻油味頗重，女友說口感似百福豆腐，我覺得味道還可以，不過賣相一流。2)特價雲吞翅－$18一客，真是有些像群翅的東東，真假也好，這個價錢都吃得過。3)火腿扒津白－味道不錯，不過現在很多酒家的火腿都略帶「油益」味，這裡沒有例外。4)小籠包－有好重酒味，怪怪的。5)煎鍋貼－煎的不錯，但餡料又奇怪地有蝦？6)嫩雞煨麵－麵不錯，雞少了點，三十多元一碗不太托扺食。席間留意到很多桌都是全女班。呀，值得一提是那壺茶（我們的是香片）相當不俗，而且加水相當密和自動自覺！

5:30pm到泉章居,即刻有枱但未齊人,攞唔到枱,佢仲要係6:45pm交枱,都唔知點食,轉改上樓.1/7/2007第一次來幫襯,一行五人:-雞絲粉皮($40),雞絲ok,粉皮夠滑,青瓜絲入口帶點苦味,麻醬味不太香而且很"杰",很細碟.-炒鱔餬($70),都夠味,不過都幾多汁同好"杰".-砂窩雲吞雞($70),雲吞皮薄味一般,湯底唔夠咸又唔夠熱,只係暖暖的感覺,差些少.-鎮江排骨($55),炸得較乾身,無juicy感覺,個汁無酸醋味,又唔夠汁.-甜酸松子魚($85),甜酸味剛好,有魚味,新鮮炸起好脆,是侍應小姐誠意推介.-煎鍋貼($36),6件,皮勁厚煎得唔夠脆,no way,唔會再order.(紅磡有間上海飽餃店,食煎餃子,鍋貼,蒸小龍包好食好多,都係$2元/件).-小龍包($36),一般無甚特別,而且唔夠熱,皮還有點硬.-青島啤酒($20)埋數: $412 無加一,無茶介.旺角區會有更好的選擇.食物無鑊氣,無熱氣,真係差少少.難怪當晚假期由6:00pm到8:30pm一直都仲有咁多枱剩啦!成晚座了兩個多小時都無被趕就知啦!

呢幾日的暴雨，真係落到令人無所適從。係屋企出發就通常無雨，但係去到目的地，就落到好大，大到有遮都會濕。去旺角整野，整完想飲茶，咁就上助黎，近近地，呢度同潮樓共用一個接待處，咁兩邊都等，睇下邊邊有位就入邊邊。都幾多人等，等了十五分鐘都有位，都可以接受的。呢度裝修唔錯，不過有d四人臺貼埋一齊坐，好似快餐店咁。其實未飲過上海茶，幾得意。點心方面都係上海包點，不過都有二三十款。我地兩個人，點了上海薈餅，蒸素餃，奶黃包，恣飯，帶子腸粉。上海薈餅，你估佢唔到，竟然似荵油餅，圓形果隻，脆脆的，有芝麻係面，幾香。蒸素餃，一籠有四隻，皮薄，餡唔錯，略為多油。奶黃包，流沙的，唔錯。恣飯，呢個又係出人意表，唔係我地食開那隻，呢隻係切到一條條，炸的，沒有餡料的。帶子腸粉，不過不失。呢度服務有改善空間，因為侍應太忙，所以沒有留意客人的需要。

之前朋友心血來潮想食小籠包,於是就特登過o左去旺角食(因為聽講呢間野幾好味)一入去時呀姐冇問我地係去潮樓定上樓(因為2間係共用一個招待處)咁呀姐就安排o左我地去潮樓,搞到攞menu時先發現搞錯o左,又要走番過去上樓.因此大家下次攞位時最好講明係去邊間,以免浪費時間(不過因為係下午茶,所以都唔駛點等,唔錯)之後同朋友叫o左都幾多野食,包括有個唔係叫福建炒飯既福建炒飯,春卷,紅豆餅,蔥油餅,餃子,當然仲有唔少得既小籠包.先黎係炒飯,雖然唔鍾意食cham豆,但個汁濕得黎唔會太"希"太杰,伴飯就岩岩好,而且用料足、新鮮,成個炒飯絕不欺場,而且2個人分岩岩好.至於春卷,真係一定要叫!佢唔似一般平時茶樓食的春卷咁乾爭爭,相反同炒飯一樣,係好似炊汁咁,而且個春卷炸得恰到好處,唔會太老,咬落去仲脆卜卜!令我對春卷有新睇法.蔥油餅唔似一般茶樓食開一塊塊扁,係一舊舊,以為上錯菜,食落好脆,好多層,好似人地o的so皮咁,不過易碎過春卷,食o個陣要小心o的.紅豆餅其實係諗住做甜品,細細舊又唔係好甜,岩晒我呢o的唔食得甜既人,唔錯.最後就最出名既小籠包,都唔細粒架!一淡咬唔晒,所以好難食晒o的汁,皮冇想像中薄,

上星期同朋友一行十幾人去食，分左兩張枱，我張枱叫左小籠包、海節頭、燻魚、雞絲粉皮、炒鱔餬、紅油抄手、順嫂魚羹、上海粗炒、鎬貼、桂花酒釀圓子、高力豆沙。海節頭最唔受歡迎，除左爽之外，冇乜得別。燻魚ｄ骨多到暈．．．同埋佢\係成條魚炸左先切，唔係切開一件件炸，所以唔夠香口。順嫂魚羹有ｄ似食碗仔翅，不過都幾好食，好多料，有醋味又唔會好酸。個小籠包好多汁，都幾好味。其他ｄ野食都ｏｋ，不過冇咩特別。其實佢\ｄ野食都ｏｋ，但係ｄ服務就差左ｄ，ｄ野食好耐都唔上，好似要等你食完一樣先上第二樣咁，而且仲漏單．．．再加埋成日都有蒼蠅飛黎飛去．．．我唸我唔會去第二次。

一點左右黎到，已經有唔少人，等左十五分鐘左右有位。想食冷盆，叫左雞絲粉皮；另外加點四樣點心：小籠包、蘿蔔絲酥餅、豆沙鍋餅和炸銀絲卷。雞絲粉皮好滑，麻醬又多，超讚！銀絲卷面層好un，唔得。豆沙鍋餅唔太油，甜度適中，唔錯。小籠包味道稍淡，個人認為反而更好。酥餅熱上，但酥皮唔酥，似牛油皮多d，不過蘿蔔絲粗幼分明，整體都ok。坐位寬敞舒適（我地兩個人坐八人桌），侍應唔該前唔該後，服務良好（反而門口知客小姐一副唔休做的態度）。埋單九十六元，食咁多野都係呢個價，超值啊！下次要帶家人試下。

提前慶祝母親節，選擇了上樓，只因大家都在這附近上班。我地一行七人，叫了六人餐加一擔擔麵：- A) 自選三小菜：1）雞絲粉皮- 好多花生醬，粉皮又好滑，好味道。2）熏魚- 很香口，夠入味。3）肴肉- 有八塊那麼多，好好味。B) 糖醋蜜瓜魚塊-好似生炒排骨feel,都幾好食!魚片本身就幾好, 糖醋汁很開胃。加上用左蜜瓜，很特別。C) 江南脆皮雞(半隻) -皮脆肉嫩, 份量並不太多，好味。D) 砂鍋雲吞雞－原來一個例牌只得6粒雲吞，其中一個人會無得食。D湯很清甜，但有味精。湯榨有半隻雞和津白。E) 鮑片蔬菜–鮑片有咬口，切得不太薄。D汁好夠味，D冬菇吸了D鮑汁，好好味。F) 麻婆豆腐–相當辣。D蝦很彈牙，很新鮮。G) 東玻肉–兩大塊四寸乘四寸的東玻肉，很入味。不肥也不油膩。正！H) 雜菜煲粉條–普通。I) 高力豆沙–不油膩, 比出面既細粒。這六人餐太多了.我地七人食晤曬。免茶芥加一, 埋單$661, 幾抵。環境很吵, 食物出得好快!但沒有什麼服務。

上星期朋友介紹呢度~9點坐到11點~因為9點後有7折!好抵!!4個人食,每人$6x~相隔幾日又再去~今次冇7折~但都ok抵!每人$82~5個人~叫左9樣野~松花伴豆腐x2 (因為好好味!!)煎鍋貼(趁熱食)小籠包(都係)鎮江骨(酸酸甜甜好開胃)唔知咩魚.....(凍食,ok多骨)炒鱔糊上海醬炒年糕豆沙鍋餅(比較細件.....)雞絲粉皮(好香麻醬味)傾足3個幾鐘!野食又好味~坐得都幾舒服~服務都ok~價錢又ok~值得推介!!如果唔介意夜既9點後去食真係好抵~因為供應既野食同冇7折既時段完全冇分別!!唯一要挑剔既.....埋單果陣叫個waiter擺\\\\\\\\\\\\\\\低張單等我地集資先,佢\\\\\\\\\\\\\\\真係擺\\\\\\\\\\\\\\\低左張單o係木台,但佢\\\\\\\\\\\\\\\個人仍然企左o係度望住我地!!上次都係咁!!個人覺得呢樣野可以改善一下......