上樓 (已結業)

由於d朋友未食過，所以選咗佢．一行七人，叫了：1) 砂鍋雲吞雞－原來一個例牌只得6粒雲吞，點菜時個待應見到我哋7個人，佢都無出聲，到分湯時她才講出得6碗湯，其中一個人會無得食．2) 盬水鴨－這個冷盤都幾好味．3) 宮保蝦球－甜甜酸酸，雖然有好多辣椒，不過唔係幾辣，適合一d唔係幾食得辣的朋友．4) 賽旁蟹－炒得都算滑，唔係太多油．5) 瑤柱炒豆苗－OK6) 海參鍋巴－只得幾舊海參，有d菇同勝瓜外，個汁就好大碗7) 三鮮炒年糕－d年糕比較實，口感普通，而且個汁甜甜地d餸菜的份量比較細．為一的好處就係免茶，免加一．d待應的態度普通，有時叫咗佢都無反應，要叫多幾聲先聽到．由於有朋友生日，所以只得３個人俾錢．

星期六,同honey 係旺角shopping,便黎呢樹開餐,之前黎過幾次都唔錯,好好食,但呢次就都幾失望......兩個人點左以下食物:1.小龍飽:一客六件,好味,多汁2.担担面:呢個真係唔掂,唔夠熱都算,但食落係花生醬還花生醬,面還面,d湯完全滲唔到入d面到,仲有d面唔似係上海面,一句講晒,唔好食> <......3.春卷:呢個叫做保持到水準,唔錯,很香口,但都很多油4.雞粒蝦仁炒飯:呢個我記得第一次食時很好,好夠味,但呢次好失望,好淡,只係好彩有d金華火煺係到,有番少少味,唔係我以為係食緊炒白飯........是次盛惠:$106

因為朋友生日，今晚安排咗個surprised飯局响"上樓"。可能係平日關係，只得一半位有客，服務算勤快。一行四人，叫咗...1) 兩個炸銀絲卷: 炸得唔夠脆，唔好食2) 紅油炒手: 不是太辣，好味道3) 南翔小籠飽: 熱辣辣，很juicy，好味道4) 豆沙窩餅: 皮厚及頗油膩，唔好食5) 酸辣湯: 料多但湯比較希，唔酸又唔辣，但仍可接受6) 松花豆腐: 其實係皮蛋伴凍豆腐，我覺得全晚最掂的一道菜。如果用糖心皮蛋就更加perfect。7) 賽螃蟹: 很普通，可不叫8) 另預訂壽包半打: 熱辣辣，有少少咸蛋黃做餡，好味食物分量很多，我哋都食唔晒d嘢。總括來說食物質素都ok，座位闊落又坐得舒服，係朋友聚會嘅好地方。我會再去試其它菜式。免茶芥、免加一，埋單才$280，真係好經濟。* 值得一讚幫我訂位的那位reception小姐，服務態度很熱誠，有問必答又清楚。

上星期五,有朋友生日,一行9大2小叫左個10人套餐,份量足,味道亦OK,獅子頭十分大,重有咸蛋黃響入面,好漏!但服務好差,0的食物黎左4,5個就停左,小籠包都未到,餐尾的甜品高力豆沙就到左,一共催左3次小籠包先到,埋單亦等左超過15分鐘,隔離台遲過我地埋單都快過我地!!

我訂左位,不過等位都等左幾耐,成半個鐘,好采有梳化坐下唔使咁攰首先上左一碟紅"早",我好buy跟住叫左小籠包,豆沙窩餅,上海粗炒,蟮糊...哈哈好貪心跟住帶上海口音o既經理sell我地一個豆酥斑球要埋小籠包有湯汁,讚豆沙窩餅夠軟唔太甜,讚上海粗炒太油蟮糊不過不失豆酥斑球新鮮,魚唔梅弄酥夠晒口感真係好想試埋酒釀丸子呢!!!

早前朋友生日食飯，當然又係我做搞手啦，因他們沒有什麼要求，就決定在旺角區找間酒樓晚飯；忽然想起很久沒有來這裡了，之前食感覺都算幾好的。一行五人，叫六人餐又太多，四人餐又唔吸引，最後還是決定散叫。最後選擇了灌湯小籠飽、糖醋蜜瓜魚片、江南脆皮雞、蒜香骨...等。灌湯小籠飽- 皮薄水多，一不小心便很容易破爛，肉質幾好，比想象中出色。糖醋蜜瓜魚片- 蜜瓜幾爽口，魚片當然係雪魚片啦，沒有驚喜也沒有失望。江南脆皮雞- 脆皮雞竟然落了很多茨汁，令本來脆的外皮變腍，茨汁又唔係好味，真係唔明，雞肉好韌唔新鮮，失敗之作。蒜香骨- 蒜茸炒得幾香，但肉質好韌，骨多肉少，可以不要。本來還叫多了幾味，但忘記了名，不寫也吧！雖然價錢很平，但食物比半年前差了很多，看來都唔值得再來了。

昨日與一班舊同事一早相約與一位準媽咪食餐飯, 搞手C小姐選擇了這裏, 自己未來過, 當然唔會有異議.因其中一位友人遲了點, 近七點半我們才落單點菜. 八個人點了六人餐另加奶油津白, 蒸炸銀絲卷和三鮮炒年糕.因無留心套餐內容, 只知有三小碟(揀左雲白肉, 燻魚, 烤麩), 薺菜肉絲豆腐羹, 糖醋班塊, 咕嚕蝦球, 半隻南乳燒雞, 獅子頭(或東坡肉)同埋雜菜煲. 其實昨日頭痛得很, 每樣只試了少許, 味道都唔係太深印象, 只記得個獅子頭一上檯就有點意外, 因每個”頭”都好大個, 足有五六歲小朋友的拳頭般大, 內裏混入了咸蛋黃, 惹味但應會幾漏; 另外蝦球都幾大隻幾爽口; 小碟之一的雲白肉帶點辣, 但肉片好厚; 班塊都幾滑, 外圍的炸漿唔厚. 其他的都不過不失. 較失色的要算是甜品–高力豆沙, 因為外皮好厚.環境方面裝修幾modern, 但坐位之間距離較迫, 我地坐的一張檯好似臨時在角落加檯般. 服務速度較慢, 可能客人多的關係. 這裏九點後有七折, 加上三免, 所以我地都被迫要埋單, 雖然大家正傾得高興, 但見門口的人潮, 都要乖乖地埋單讓座.這裏三免, 份量亦唔少,

跟友人平日下午到這裡飲下午茶，因為那時不用上班，可悠閒地嘆番三兩句鐘。我們三人要了碧螺春，菜不夠清香，跟著點了一碗酸辣湯麵、花素蒸餃、奶油娃娃菜同小籠包。酸辣麵，麵條過腍，酸辣味不夠平均；素餃ok，皮夠薄，餡料有豆腐，好fresh；小籠包都可以接受，但湯太少，而且皮過厚，可能驚穿，總括來說三免是她最吸引的地方，環境過於嘈吵，而且付應手腳忙亂，又有漏單情況，尚待改善。

好鐘意9點後黎食, 因為抵食! 不過而家已經冇左小食半價... 小籠包等等全部正價..可能因為咁人少左, 唔駛點等, 如果人多既話黎食都仲抵既~ 人少既話就可以試下第二d lu~

琴晚一家四口去食晚飯，第一次去，d野分量中等，算ok，不過比想像中差。唔幾得叫乜既露筍，ok。雞絲粉皮，麻醬掂，幾好。上海炒年糕，分量多，年糕有口感，但偏鹹。砂鍋雲吞雞，雲吞實到可以用黎打波，雞都仲滑不過得好小，個湯有雞味。咋銀絲卷，唔掂，好韌，似叮過咁。生煎飽，幾好，有汁。荵油餅，好熱，好鬆化。韭菜炒鱔，勁唔掂，鱔少，獻汁又鹹又多。高力豆沙，砂糖少，有個仲穿左，唔掂。九點後有七折，三免，算幾抵。

其實同唔同既朋友都分別去過幾次, 個個都覺得食物唔錯, 甜品都ok, 份量都恰當. 有幾次試過等朋友等成個幾鐘都未到, 待應都無表現不滿, 有時仲會深表同情, 都有少少安慰…因為最唔想就係未俾錢就先要睇面色(要等咁耐我都唔想格嘛~!).窗邊二人坐位較裏面既好,好闊落,仲俾埋咕你忝.最正既就係免加一免茶芥, 仲有d特別茶俾你揀(碧螺春, 龍井, 人蔘烏龍等等)唔使加錢, 好正!! 坐低就會放低前菜, 唔係普通既花生蕎頭, 而係幾特別既紅棗栗子或者紫菜花生, 兩樣都好好味.每次都係越坐越多人, 9點後仲多d 忝, 不過我未試過9點後入席, 所以唔知價錢同味道會唔會有分別. 唯一要改善既係, 多人之後會有人手短缺既情況出現, 要舉好耐手先會有人得閒埋黎, 同埋間唔中都會有d 蚊蚑不停咁飛來飛去.

今天一家人下午茶..同一集團的潮樓吃了多次...今天試下上海下午茶8個人..一大枱...坐得好舒適!!!開茶...居然有碧羅春..lung 井..是免費的..ok好飲..吃了13 個點心..除了銀絲卷較差...其他也ok..今日好開心...一家人很久沒有一起...一路吃...一路討論晚上吃什麼...最後一起到街市買東西打邊爐....開心的一天...一家人各自成家立業...要珍惜一起相聚的時刻..哈哈...才150元埋單....

男友話請我媽媽家姐去泉章居食晚飯,但7:30去到,有好多人等位,我地又等到8時多,但都未到我地,唯有去第二間醫肚,黎左e度,曾經同男友9:00後食過,覺得食物ok,而且夠平..但今次就要晌門口等左一陣,8:30pm入座,因太肚餓,唔等到9:00pm喇,但人手不足,坐左好耐先有人理會,而且問個侍應問題,佢好似乜都唔識咁,要再問另一個侍應,仲要係慢手慢腳,唔知係咪我地太肚餓,覺得d餸黎得好慢,食物好一般,東坡肉完全唔掂回窩肉一般,但我地食剩好多醉雞都係冇咩雞味,好細碟我媽媽好慳,次次有剩d食物多數都會打包拎走,但今次佢都話d野麻麻,唔拎走lu$290

個日見好耐都無約班朋出來,於是就大家約出來食下飯.我們星期五晚訂了8:00,但去到都要等大約15分鐘先可以入去,都吾算太耐.我們叫了大約8個菜,但味道好一般,同街上食的上海菜無咩分別. 但都可以.5個人叫了小籠包,雞絲粉皮,生煎包,招牌炒飯,三鮮炒年榚,黑醋骨,紅油炒手.我最鐘意就係個生煎包,因為食個時仲係脆.我們都唸住叫甜品,但原來大家都好飽,所以都無叫到.

四個人叫了一籠小籠包, 鎮江肴肉, 雞絲粉皮,上海粗炒,雲吞雞和火腿津白,甜品叫了高力豆沙和酒釀丸子.高力豆沙和雲吞雞幾好食, 酒釀丸子強差人意, 火腿好咸, 其他水準只屬一般.