上海姥姥 (上水中心)

营业中

休息中

到上海姥姥食飯，原來已到下午茶時段，點了回鍋肉客飯配上湯水餃，另外一個點了酸辣湯溫吞。回鍋肉味道偏甜辣度不足，水餃不錯，豬肉味幾香；酸辣湯夠酸夠辣，配溫吞幾好味，可是溫吞皮略厚。兩個餐的份量較細，吃完未夠飽，再追加一碗擔擔麵，麵質彈牙湯頭也算夠味，是全餐最好食的食物。

疫情下，想搵食都好難，行過一圈見到呢間餐牌好似唔錯，於是入去飲啖茶暖下身。午餐餐牌不像一般餐廳既劃一收費，而是按食材收費，所以平價唔係對上海姥姥既合適形容詞。五香牛肉拉麵呢張係剛上菜時最真實的相片，有4-5片牛肉，而且是薄切，廚師刀工不錯拉麵湯底淡而無味，須再加餐卓上的醬料調味，拉麵煙韌度ok。糖心燻蛋蛋黃好似流心奶黃咁流出黎，正！紫菜鮮蝦春卷香脆春卷，有原隻鮮蝦係入面，小食黎講算好食。待應好快咁將食完既杯碟收好，衛生意識好好，落單有禮貌，會係加分位，只係食物唔得。

有咩開心過有時間可以係堂食時段坐定定食野嘆嘆上海菜 本身諗住食埋小籠包 同下午茶 但實在太飽了 放棄左因為屋企唔會整重口味嘅野 所以見到水煮牛要叫🤣水煮牛三拼，入邊有牛肚 牛柏葉 同肥牛肉牛肚好認真 堅好味如果肥牛轉小片滑牛便好了牛柏葉大塊啲 薯粉可以講得上若隱若現咁 多返啲啲就100分味道方面，畢竟食緊上海餐廳，對比重慶同四川風味，上海姥姥嘅就係味濃，微辣。小黃魚出色嘅 香脆可口 送飯一流 魚肉嫩滑 外面酥脆可口 大滿足！

最近無晚餐堂食，又唔想自己煮，想食上海麵，就用外賣app叫外賣。我叫左個南京路清燉牛肉湯拉麵同紫菜蝦春卷。首先想一讚是佢外賣湯麵係湯同麵分開器皿裝，唔會浸到d麵腍哂。個湯好鮮味，而且唔油膩，做到清既感覺，牛肉大塊入味，美中不足係d麵嚟到始終是外賣焗住十幾分鐘(外賣員其實已經好有效率)，係無堂食咁彈，但情有可原，非戰之罪。到於個春卷，嚟到仲好脆，又做到脆而不油，紫菜同蝦既味道亦十分夾，我第一次食，算係驚喜。

今晚係首次光顧此店，一行兩人8點35分到達，門口職員已提醒8點45分截單，原來佢哋收9:30，市度真係咁差?！咁早收工嘅? 定係商場入面人流唔多呢？我哋一坐低就快快落單，叫左素鵝(輕型版)、酸菜魚、擔擔麵追加排骨、小籠包。先上素鵝，賣相同味道都係一般，皮冧咗，跟住係擔擔麵加排骨，湯頭對辦有花生碎肉碎，但麵太冧無質感，要扣分！反而排骨做得不錯，炸漿薄身脆口，肉質鬆軟唔會死實實。酸菜魚偏辣，唔夠酸，魚肉用雪藏魚柳，無新鮮魚嘅鮮味同口感，配菜都幾多，有蓮藕、粉絲、少有嘅百葉、唐芹芫茜等，我覺得似水煮魚多D，$108都可以試吓。小籠包，皮薄湯多，有水準。服務方面，侍應態度有禮。環境乾淨唔會太迫夾同太嘈，算合格。

放左工，同老公去左上海姥姥食晚飯。鍾意哩度食飯，環境寧靜，餐牌有散叫或套餐，價錢唔貴。老公叫左個套餐，椒鹽豬扒+杞子雞湯+白飯，我就叫左個上海粗炒+熱既雪梨杞子茶。椒鹽豬扒份量多，炸得好脆口，杞子雞湯清潤入味，上海粗炒份量唔算太多，但都夠食，雪梨杞子茶好飲，夠熱夠潤。

黎到上水諗唔到食乜，搵間之前食過，又方便就腳既。叫左小籠包，回鍋肉，乾煸四季豆。小籠包之前都食過，保持水準。乾煸四季豆係食個汁同四季豆，都唔錯。但係回鍋肉，個名都冇個菜字，點解要炒到半碟以上都係菜，叫番時菜炒肉片把啦。

秋冬一到，又係食蟹粉既好時候！但每天食蟹粉都好似賭博咁🤦🏻‍♂️一係好食，一係就好腥，今次比我係上水搵到間好食既，就梗係要寫番篇食評啦！直接介紹番今次兩位主角：蟹粉小籠包（$60）：食落唔腥已經贏一半，鮮味都唔錯，皮簿餡靚，算係食過第二、三名好食既蟹粉小籠包蟹粉賽螃蟹（約$128）：睇圖都知好足料！蟹粉新鮮，蟹粉同賽螃蟹加埋一齊勁夾！撈飯一流！總結：上海姥姥作為連鎖食店，地方就腳，而蟹粉質素都唔錯，口痕個陣可以試多幾次

今天來到上水探朋友，晚饍想吃上海菜，想起這家餐廳未試過，便與友人一同進餐。在港鐵上水站B2出口，沿行人天橋走兩分鐘便可到達商場，非常方便。有晚市套餐選擇，又可以選餐牌其他菜式。套餐看起來較為抵食，便選了兩個，包括一餸、白飯、甜品、湯或飲品。茶芥全免，店員亦勤於斟茶。第一份晚市套餐 *黑醋骨 $93黑醋骨肥瘦適中，有少許酸味，與白飯一起吃幾開胃，份量足夠兩位用。*酸辣湯(一碗)套餐可選湯或飲品，友人一向愛喝酸辣湯，必點。材料豐富，有菇類、蝦及肉絲，但味道一般。*白飯(一碗)*杞子桂花糕(兩件)冰涼的糕點，味道清淡，又可以吃到原粒杞子，好味!第二份晚市套餐*滬式蔥油雞 (半隻) $129以這個份量足夠兩至三位用，雞件滑及已淋上了豉油，雞味尚算不錯。友人想味道更豐富，將雞件與黑醋骨的醬汁混合來吃，果然與別不同*白飯(一碗) *熱杞子菊花蜜(一杯) +$6 味道跟杞子桂花糕有點相似，吃完主菜後飲用這款熱飲，會更覺好味及潤喉!*雷沙湯圓(四粒) +$18上菜時熱度剛好入口，餡料的黑芝麻不太甜，口感柔軟又煙韌，湯圓較細可以一口一粒品嚐。以餸菜份量來說確實可以足夠三位享用，只是大部份的套餐菜式集中在

上海姥姥上次食完覺得個份量細，價錢又貴，味道又唔係特別好，今次見佢晚市有套餐所以就來試一試。晚市套餐平均要80幾蚊連埋+1 茶位費基本上都係$100最少埋單，話貴唔貴話平唔平。今次點左我最愛嘅黑醋小排骨套餐，嘢飲要左紅棗燉雞湯， 另外仲有個桂花糕甜品。雞湯味道算係濃，味道帶點清甜，唔係敷衍就算。黑醋小排骨份量比想像中多，呢樣野要讚讚，唔知係剩係今次咁啱係咁定係平時都係咁，味道方面就正正常常， 味道唔係最好食嗰種濃厚嘅黑醋甜酸味，但係都不錯，白飯用嘅米唔係普通泰國米，應該係中國嘅白米，口感還可以。桂花糕就正正常常啦。結帳$100左右，平一定唔係平，但比起平時散叫會化算一點。始終係商場鋪，呢啲咁嘅裝修，一定會平。

夏日炎炎，想食d酸辣野開開胃，上海野就最好不過！上海野好少門面靚，可以坐得舒舒服服，係我腦海中得好少，唔係上海婆x，就係上海姥x。其實我都唔知兩間舖有冇關係定純粹個名似。仲要上水兩間都有！/其實兩間都食過，都唔知有咩分別。。/今日叫左碗酸辣麵！我覺得呢種酸辣面比譚仔個種飽身，因為感覺多d料同埋個湯連餸飲埋都飽。不過由於實在太肚餓，所以叫多左個皮蛋同菜。兩樣都係凍食，涼涼地，可以稍為消暑降降溫。味道不過不失，但價錢比一般細舖貴d，但服務同環境都好d！/

同屋企人食晚飯，上水中心呢間上海姥姥唔使等位，所以入去食。無去咁耐，原來出咗個dinner set😯👍🏻有飲品、主菜、白飯同甜品，計埋加一大約$100，都算幾抵我們二人叫咗$93的黑醋骨，份量都幾多，一個人食絕對食唔晒，兩個人share就要叫其他野食。黑醋骨都幾香同少少酸，啲汁好惹味好開胃，所以我們又添一碗白飯$15，加$3轉咗罐裝可樂。另外叫咗一客小籠包，OK既，而奶油津白就偏creamy，都幾好食。最後上個杞子桂花糕，侍應有收走晒啲碟再另上新碟新叉。我們一人一舊，都幾清新啲桂花味，杞子味都好出，而且有shape唔容易散開，所以整體黎講都幾好食👍🏻

個個去羅湖之前，大部份人都鐘意係上水出閘，之後再入反閘，車費平幾元，我真係吳知，一來我嫌煩，二來曬時間，但今日我出閘係先食個午餐先在北上😉入去商場搵嘢食，見到上海姥姥，甘就入去食，因為之前係其他分店食過，都有信心，所以就入左去食😊叫左兩個套餐幾抵食，又平又夠飽，地方都屬於坐得舒服👌@杞子🐔🥣➕四川辣肉末炒飯➕鮮🍋薑蜜🐔湯清甜👌-飯夠熱小辣味道配合恰當——-飲品內🍋同薑蜜味好配合，又夠熱又好味✌️@糖🧡燻蛋➕姥姥排骨拉面➕鮮🍋薑蜜—-蛋🥚咬落口好香既燻味又流心😋好味👍👍拉面面質👌但排骨就稍有遜色，炸粉厚左同林左，應該係一早炸定翻熱，同食落較為鞋口😰⋯⋯隨左個排骨麻麻地，整體上其他都可以價錢也屬於大眾化👌（隨左厨房有個女人大叫嗌出來，比佢嚇左一跳）其他待應服務也算👌

叫了一份二人晚餐其中有兩分主菜，選擇頗多，我們選擇了豆角炒牛肉和雞，附送兩碗白飯和雞湯或飲品，因為餸菜都幾入味，偏咸，所以送飯剛好。另外，當然要試吓佢嘅招牌小籠包，湯汁多，趁熱食嘅話好味。最後套餐會送兩份甜品——酒釀丸子，酒味重，我個人麻麻地，如果唔鍾意飲酒嘅朋友可以加錢轉另外一啲甜品。總結嚟講，套餐幾抵食，入嚟之前冇諗到會有套餐，共$299。

咁啱黎到上水睇樓，睇完樓就肚餓，喺商場搵野食果陣就黎到上海姥姥，叫左碟紅油抄手撈麵同小籠包，加多廿幾蚊仲有炸豬扒，本身撈麵就有跟湯，兩個人食啱啱好不過紅油抄手太辣，女朋友食唔到，佢就負責食小籠包同豬扒，都好juicy, 性價平算唔錯一坐低果陣覺得凍，問佢可唔可以轉位，最後佢話個個位都差唔到，不過較細個冷氣，服務態度算唔錯。位置算幾方便既平民小食，得閒經過都可以過黎食下，午餐時間就唔洗等位，去到就入座了