上海姥姥 (翡翠明珠廣場)

营业中

休息中

We came specifically for the vegan menu that utilises Plant Sifu Plant-based meat from an official giveaway hosted by Plant Sifu. The best dishes are the xiao long bao and szechuan dan dan mian. They taste amazing.Xiao long bao: has very flavourful, authentic-tasting juice inside each bao. However, the Tsuen wan branch serves xiao long bao with a softer filling, whereas this Causeway Bay branch's filling is firmer. I prefer the Tsuen Wan version.Dan Dan Mian: Very amazing soup, thick and rich wi

終於試到上海姥姥同plantsifu嘅collab, 素食者食到爆湯汁嘅小籠包表示真的很開針☺️☺️今次姥姥素造有四款新素姥姥素肉小籠包 - 除咗個皮綠色之外同真肉小籠包無分別, 仲要爆汁🥰素肉麻婆豆腐 - 少少鹹, 送飯就啱啱好素肉四川擔擔麵 - 充滿花生濃香, 麵分量好多, 兩個人都食唔晒😂個麵有種後勁辣, 不嗜辣者小心乾煸素肉四季豆 - 終於唔使考眼力, 四季豆好爽脆👍🏻同行肉食者覺得大部分都好似真肉, 我自己就覺得啲素肉似impossible嗰種, 硬身同惹味啲, 個collab做到30/4咋, 如果之後都留喺menu就好喇🥹除咗呢幾款限定素, 我見menu仲有素餃(蒸/湯都得), 豆沙鍋餅等素食菜式, 葷素共食GET!✨✨

呢間餐廳嘅食物一般正常啦，份量都唔算多，價錢少少偏貴。不過，餐廳嘅員工都算OK啦😊。總括而言，呢度餐廳嘅表現一般般啦。🍴👎💰👌over all is ok but can be improved largely

香港人愈來愈追求健康飲食文化綠色飲食漸漸成為社會大趨勢其中素肉更成為追捧對象之一·香港品牌植廚 Plant Sifu ™以嶄新素肉融入傳統菜式與上海姥姥聯手· 以「姥姥素造」為題重新演繹上海經典風味感受口感輕盈的上海素肉菜式上海姥姥·銅鑼灣分店簡約舒適設計· 悠閑舒適♡ 姥姥素造小籠包（$43）以植廚 Plant Sifu ™梅頭肉餡打造經典小籠包即叫即製 · 翠綠色的薄皮配上摺痕清晰分明而獨有技術令肉餡口感·軟腍富彈性最重要是還原小籠包脂香肉汁！！♡ 素肉四川擔擔麵（$68）以「植廚 Plant Sifu ™肉碎」入饌傳統四川擔擔麵肉碎粒粒分明帶柔嫩咬感濃香花生香湯底配以手工拉麵少了豬肉膩感· 令擔擔麵更為清爽♡ 乾煸素肉四季豆（$80）素肉碎爆炒後仍保持其口感伴以油炸過的四季豆香濃惹味·鑊氣十足♡ 素肉麻婆豆腐（$78）上海菜怎能少了麻婆豆腐豆腐細滑配上師傅特調醬汁再以素肉碎點綴· 打造經典名菜之餘亦令我清空一配白飯！♡ 雪梨紅棗茶（$21）♡ 杞子菊花蜜（$21）

以前在香港要吃中式素食，只會聯想到「食齋」的「齋舖」，但近年植物肉拓闊了素食的可能性，香港本地研發及生產的素肉品牌「植廚 Plant Sifu™」以「姥姥素造」為主題，為上海風味連鎖餐廳「上海姥姥」旗下四大招牌名菜注入「綠食」新元素，首次採用素肉入饌，破格跳出以往僅以蔬菜為主的素食演繹。位於翡翠明珠廣場的分店環境開揚，裝潢散發東方韻味而不落俗套。由即日起至4月30日期間，於「上海姥姥」遍佈港九新界的14間店舖，推出以「姥姥素造」為主題的四款期間限定素肉菜餚，植廚 Plant Sifu素肉全都是零添加防腐劑、零添加劑、零味精及零色素，不但令素食者有更多選擇，也可讓非素食者多了健康之選。姥姥素肉小籠包 $43招牌小籠包除了是上海經典點心外，更是餐廳最受歡迎的菜式，素肉版本換上翠綠外皮，添上清新氣息，口感帶韌性，足夠承住湯汁不滴漏，不會吃到一口粉兼糊口。品牌強調「手製心造」，每隻小籠包都在店內的開放式廚房內人手包製，形狀工整飽滿，每一顆看起來都被餡料撐得脹鼓鼓。輕輕一咬隨即爆出鮮甜湯汁，內裡肉餡為植廚梅頭肉餡，以高纖低卡蒟蒻及百分百植物成份而研創的專利仿脂肪技術 AROMAX突破性重構肉類獨

8點零行過門口見有位就入去食，反正平時喺康怡廣場嗰間食開都幾好就入去食餐廳4-5成滿，經理見門口張枱有位就帶我地埋去坐，我問經理可唔可以坐另一張四人枱佢話唔得，因為嗰邊幾張枱就收，咁算啦，點知都未夠5分鐘就已經有其他人坐咗落經理話要收嗰張枱度。而我地坐嗰張本身喺執好枱，不過未擺餐具，佢埋嚟擺餐具時先發現無抺枱，咁經理就邊擺餐具邊抺枱，當然抺得好求其😖我地兩大兩細，叫咗嘅嘢食普普通通小籠包：正常上海佬佬水平，okay 嘅賽螃蟹：賣相幾好，食物都同預期一樣酸辣湯拉麵：好咸，味精湯一樣😣黃金蝦仁炒飯：飯幾乾身，不過應該係炒完飯先擺啲蝦仁落去，啲蝦仁完全冇鹹蛋黃味☹️銀絲卷：小朋友食，我自己無食，唔敢評價，我落去都正常嘅豆沙鍋餅：同其他分店水平一樣，都係可以嘅食完正餐，問佢攞餐牌想嗌甜品，佢話已經過咗last order，我又問佢，你都冇通知我，佢就問我哋想要乜，我話想叫甜品，佢先唔係好禮貌咁話可以，講真你話冇我都冇計，但係做服務業可唔可以有禮貌啲呢同一間餐廳，唔同分店，服務水平相差好遠，銅鑼灣呢間我就一定唔推介，唔係價錢問題，我亦都唔覺得平餐廳就可以唔使有服務，呢間冇下次

今晚一家滿心歡喜去左食呢間「上海姥姥」當中叫左個揚洲炒飯,難食到以為我小六的兒子炒出來的,真係未試過出街任何一個店可以難食到咁,d飯又乾爭爭.小龍包好似自己買叮叮款咁.酸辣湯真係一般…不過出得街食飯,口味既野都唔係大問題…因為最大問題係收銀個男職員,好似我爭佢錢咁.個樣木口木面,d聲氣勁掘,問多句好似係你黎倒亂咁.整體人手好似不足咁仲叫左幾款野食,真係無款同個價錢成正價比.下次真係唔會貪地點方便再去呢間食…呢餐食左$600…

番學之前搵野食，又想食得稍為清一點～見到有套餐價錢麵唔貴於是同朋友一人叫了一set~(一款小食+一款主食+飲品）～說實在小食就非常普通，木耳有點硬，味道單一，而小籠包皮都是偏厚偏硬不吸引，可能是套餐關係預先放了比較耐。 不過講番兩碗麵，兩碗麵湯底麵算濃，但唔會得個咸字！而魚塊同雞肉都好嫩滑。整碗麵的麵底份量也很多，女生細食可能會完全食唔曬🫣成間店地方好大好闊落，但可能因為係算open area, 成餐飯都有隻小烏蠅陪住我地趕極都唔走🥺其他整體都算唔錯呢

今日黎到上海姥姥，叫左2個set套餐，1個係我最愛既嫩雞煨麵配手拍小青瓜（輕盈），加杯凍甜豆漿，另外叫左個四川擔擔麵配鮮蝦炸雲吞，再加多杯凍酸梅湯簡直係濃味得黎帶點清淡。首先我覺得個青瓜係好入味的，我比較鐘意食涼拌，青瓜黎講非常合格，如果再辣少少會岩我口味多點另外個鮮蝦炸雲吞都冇令我失望，夠曬脆卜卜，外脆內嫩，加埋個甜酸醬，就真係絕配到嫩雞煨麵，品嚐之先已經有好濃郁的肉味，麵條有彈性，總結，價錢平民價，員工服務態度掂

係cwb想食上海野，又想平平地，就黎左上海姥姥。呢度d野食都ok。前菜就叫左雞絲粉皮，好多麻醬勁好味，而呢個份量就係細既，如果想食多d就可以叫返個正常size。之後仲有上海粗炒，炒得好入味呀，唔錯既。然後仲有個蛋黃炒蛋，d蛋黃炒到勁香，食落口雖然好有罪惡感，但都忍唔住食完一啖又一啖。之後仲有個糖醋排骨，個醬汁整得好好味，酸酸甜甜咁，而且肉量都好多好大碟，最後仲叫左個小籠包，包得幾好，唔會一夾就散。

午市套餐 - $79包括1碗手製拉麵，1個輕盈涼菜同埋1杯飲品我哋就揀咗五香牛肉拉麵朋友叫的個湯底都幾清牛肉整得幾淋牛味都岀四川擔擔麵個湯底都幾濃郁有好多花生粒粒口感都幾豐富鍾意重口味嘅朋友應該都會幾開心拉麵幾滑軟硬適中雞絲粉皮啲粉皮好滑而且唔厚麻醬唔係好多所以感覺都無咁邪惡--陳醋小雲耳酸酸哋咁幾開胃雲耳好爽口--涼拌海蜇 (輕盈) - $48有得揀輕盈同標準Size都幾好輕盈呢個份量啱啱好過到口癮之餘又唔洗食太多海蜇個調味清清哋麻油味都幾岀海蜇爽口招牌小籠包 - $18跟餐再加呢個價就有2粒個皮有少少厚不過肉汁好夠夾起都唔會好易爛--甜豆漿唔會好甜飲完感覺都健康啲

又到左食蟹嘅季節 😋 同媽媽 shopping 完見附近上海姥姥推出左以蟹為主題嘅菜式，就立即衝左入去試 😂蟹粉金湯黃魚麵黃魚有輕微炸過，雖然有少少碎骨，但個皮脆脆地，油炸逼左 d 魚油嘅香味出黎，麵身就比較硬，但都算爽口彈牙，至於湯底就夠香濃同鮮味，仲有大大啖蟹黃添！海鮮愛好者一定要試試 🤤特上蟹粉小籠包 小籠包個皮厚薄都算適中，而且口感都幾好，不過入面個蟹油湯汁我就覺得未夠香濃，可能因為食左黃魚麵先，麵果個湯真係正好多 🙈薰蹄拌粉皮薰蹄略帶鹹香，肉質比較實，粉皮就彈牙，配合個有少少蒜蓉同辣辣地嘅醋，都幾醒胃 👍🏻蟹粉金湯黃魚麵都幾有驚喜，而且佢嘅冷菜有 d 都可以叫輕盈版，細細份好適合二人撐檯腳 😆

每次心思思想食中菜嘅時候，都會諗起去上海姥姥！今次就去銅鑼灣分店叫左幾樣招牌菜，每間分店都保持到相同嘅水準！特上蟹粉小籠包個小籠包一擺到上枱即刻「嘩」左一聲！啲蟹粉多到滿出嚟！食落爆汁同埋啖啖蟹粉香味，一個字 - 「正」啊！滬式葱油雞 雖然睇落賣相一般，但食落其實幾有驚喜！好香蔥油味，雞都好滑。作為冷盤出場完全係不過不失！紅油抄手啲紅油麻麻辣辣，再加埋大大舊足料雲吞十分之match！同行友人就算唔係好食得辣，都話好惹味！試得一試！姥姥手製排骨拉麵作為店舖其中一個招牌菜完全係當之無愧！排骨炸到好酥脆，再配搭埋清湯拉麵，味道即刻balence返晒！食完都唔會覺得好濟同熱氣～總括黎講用餐體驗好好，十分值得encore嘅親民上海中菜

今日星期五放工去了銅鑼灣行街食飯，又吾知食咩好，最後去左食上海野。叫左3樣冷盤，分別是手拍青瓜，陳醋雲耳及海蜇。比其他上海鋪好既係佢有分輕盈和標準，岩哂1-2人食。另外叫左出名既小籠包，熱辣辣又多汁正！主食叫左酸辣湯拉麵，味道適中不是太辣。

The restaurant is cozy and spacious. Food is very good and not expensive. Service is good and enjoyed the meal. @shanghailaolaoOrdered1. Chrysanthemum Tea with Chinese Wolfberries & Honey (Iced)2. Steamed pork dumplings3. Pork & Vegetable Wontons in Chilli Oil