上海姥姥 (翡翠明珠廣場)

营业中

休息中

今日一家人出街食飯, 嚟咗銅鑼灣明珠廣場嘅上海姥姥, 鍾意佢坐得舒服, 上海菜口味老少咸宜, 除咗經典菜式, 而家仲有春日餐牌, 一於試下佢！滬上兩面黃將麵條先蒸後煎呈金黃色, 乾身鬆脆。再用干貝、魚、蝦、雞、豬、冬菇炒燴濃稠醬汁, 淋上脆麵, 外脆內軟, 色香味美！家傳老上海粗湯麵用老雞豬骨製成濃湯, 味道濃郁。上海粗麵爽滑彈牙, 煙韌有嚼口, 伴濃湯非常搭配。爆汁鮮蝦非菜餡餅即叫即做, 外皮微微煎到金黃色, 焦香酥脆內裏軟熟, 肉汁豐盈, 啖啖鮮蝦肉韭菜味道突出！鮮肉小龍蝦小籠包手剝小龍蝦肉拌鮮豬肉剁成做餡料, 皮薄軟熟, 一口咬下去, 湯汁四溢, 建議趁熱食, 鮮味更突出！除咗春日餐牌, 梗係要試下經典菜色啦！雞絲粉皮粉皮晶瑩剔透, 軟熟煙韌, 涼拌雞絲十分搭配, 開胃小食！香煎素鵝腐皮香脆, 乾身唔油膩, 內有雜錦素菜絲, 口感豐富！水煮魚片有辣勁不搶口, 惹味十足, 魚肉無骨啖啖肉, 鮮嫩滑不溜口！鎮江黑醋骨經典菜色, 每次嚟都要食！排骨肉質軟嫩, 炆得淋身入味, 酸酸甜甜, 十分醒胃！

平日中午黎食上海姥姥，唔使排隊，一入到去就有熱茶，依家仲有lunch menu 套餐，$78-$88就有前菜、主菜、飲品，都幾抵食，但我食量細，所以都係單點一個四川擔擔麵 $55，仲可以走辣。等左10-15分鐘上菜，碗就好大，其實份量好少，得麵同d肉碎，好都唔係好食得飽，不過味道唔錯既，麵比較幼身，湯有非常香既花生味，唔會太鹹，如果有多兩條菜就好。如果個麵既份量咁少，下次應該叫套餐，會食得飽d。最後計埋加一，埋單$60.5。

5月母親節，媽媽提議食滬菜。我地一人三行去咗銅鑼灣明珠廣場食上海姥姥，有我媽媽最喜歡嘅小籠包😋餐廳環境舒適，座位闊落。上菜速度好快👍🏻呢間滬菜餐廳主打小籠包同拉麵，必叫！今次試吓新口味嘅小籠包😋鮮肉小龍蝦小籠包即叫即做，熱辣辣小籠包皮薄餡鮮😍 內餡係由小龍蝦同鮮豬肉剁成。一啖咬落去非常多汁，鮮甜👍🏻👍🏻另外叫咗我最鍾意食滬上兩面黃🥢滬上兩面黃表層酥脆焦香 呈現金黃色！再淋上澆頭 口感外脆內軟 十分滋味🥰有別於外面餐廳嘅兩面黃，脆同軟身嘅程度剛剛好，感覺唔會太熱氣！爆汁鮮蝦韭菜餡餅🥙實在有驚喜餡餅包住鮮蝦同韭菜餡料，煎至金黃色口感外皮酥脆 一啖咬落去爆汁 好好味呀👍🏻😋特意叫咗家傳老上海粗湯麵🍜俾爸爸食上海粗炒就食得多，以熱麵方式就比較少有上海粗麵掛上湯濃汁 味道鮮甜有驚喜😋湯底熬製得好入味，非常香濃嘅豬骨濃湯🍲前盤方面，我哋叫左雞絲粉皮同香煎素鵝雞絲粉皮麻醬味濃郁但唔油膩😉配雞絲、青瓜，味道清新爽口🌱香煎素鵝外表香脆惹味🤤🤤酥脆口感配合香菇，食到唔停口！爆汁鮮肉鍋貼值得encore 👍🏻底層煎至香脆，一啖咬落去豬肉鮮嫩爆汁😍乾煸四季豆 係上海餐廳先食到四季豆配肉碎，非常惹味👍🏻感覺唔算

〔 蔥油拌麵+菜肉雲吞 〕 .拌麵的蔥油香不出, 麵的口感很好,菜肉雲吞非常出色.〔 奶油津白 〕 $67 .菜熱熱的, 奶油好足料,但咸肉就反而比以前小左好多,味道方面肉味冇禁出, 幸好味道不會淡.〔 椒鹽小黃魚 〕 $288 .魚煎炸得不夠香口, 椒鹽不夠乾身.〔 招牌小籠包 〕 $40 .皮薄多汁, 肉好足料, 味道非常好.(好味指數: 8/10)

我本身是上海人，很爱吃上海云吞，但上海姥姥用广东式包法去包上云吞（估计是个贪快贪方便）真令我难以接受! 广东云吞皮薄，尾部搓作一團仍可接受，但上海云吞皮厚，尾部就变成一沱粉團难以下嚥! 此店其他食物还可以，希望有所改进! 期待!

一行四位同事因爲lunch time想去donki行街順便買零食，所以揀左間比較近既上海姥姥四位都叫左麵set lunch我自己就嗌左排骨拉麵，排骨味道正常，沒有什麼特別，反面我幾鐘意佢湯底清清地，對於間中想食下清淡口味既人係一個好選擇；小食選擇亦都多，我自己就嗌左雞絲粉皮，啲醬撈埋超級開胃呀！

放工去左銅鑼灣shopping，突然想食小籠包，所以搵左呢間。見到個餐牌就知我想食咩蟹料理本宮至愛點左杯杞子菊花茶暖下個胃特上蟹粉小籠包 $68小籠包皮簿餡靚，啖啖蟹粉。四川擔擔麵 配豬排個湯有好濃郁既花生醬味，辣味都幾勁揪！

今日嚟試一個蟹粉蝦兵蟹將黃金炒飯喺粉都算多炒飯唔算太貴另外嗌咗杯凍飲都幾好味炒飯都有鑊氣嘅新鮮夠蟹粉食上海嘢覺得呢度都算係平服務都幾好幾好坐 冇得去上海食下上海嘢都好

今日我，老公同囡囡，仲有BB去食下午茶，店舖空間闊落，店員為我哋安排好擺放BB車的位置(唔駛收車)，再加埋張BB椅，一行4人霸咗6個位，服務仍很周到，抵讚。下午茶都抵食，主食+小食+飲品都係$68,去開銅鑼灣都會幫襯。

銅鑼灣食店比較擠迫，但呢度環境算幾好，坐低慢慢食，有多少少私人空間，辛苦半天工作，值得享有這片刻的空間⋯寧靜和鬆弛前菜：芥末小雲耳，芥末汁掛滿每朵雲耳姥姥手製排骨拉麵，大廚煮得唔錯，面身適中有咬口，食到最後一啖，面質地依然keep得幾好，炸豬扒份量夠，色香味俱全熱豆漿味鮮，滑濃香，微甜

上海姥姥❤️開胃推介好耐無同朋友食飯，上星期終於約到😆，就到大家時間，放工之後去銅鑼灣等埋朋友放工，就四圍搵野食😋 可能因為疫情，好多食肆都推出好多優惠，最後簡左好耐無食既上海野👉🏻上海姥姥‼️ 其實係比佢既<超值雙餸客飯>吸引入去!餐牌係自選小菜（半份）+雲裡紅蒸滑雞+白飯🍚 加$5仲有飲品添😋熱凍同價。自選小菜符合大眾口味有辣🌶有唔辣任君選擇😆我地最後揀左1️⃣水煮魚片 ⭐️辣味恰到好處，辣而不麻，連辣汁送飯一流👍🏻👍🏻👍🏻2️⃣糖醋肉排 ⭐️酸酸的口味非常開胃， 兩個女仔都食晒成碗飯，哈哈😆😆😆另外叫兩杯豆漿☺️$55一個set 實係好抵，而且仲好開胃，晚餐高CP值平民價之選🙂👍🏻👸🏻🤴🏻評價：8/10

與同事一行3人相約食lunch,簡左近公司附近既餐廳。不約而同地，大家都叫左一個HK$88滬式䓤油雞配上海菜飯, 套餐配賣湯和飲品，我地都選配酸辣湯和熱豆漿。酸辣湯酸酸微辣，加賣呢面既竹筍黑木耳，咬落爽脆，清新開胃。油雞既份量都幾多，雞肉嫩滑。仲左套餐都散叫2份上海特色菜式黎試下:招牌小籠包個皮稍為厚身左d, 食落亦都唔會有太爆汁既感覺，一般般姥姥生煎包生煎包就汁稍為少左d, 包底煎到卜卜脆，還好唔太油膩

鍾意周圍搵抵食下午茶嘅我今日又出動，天氣咁熱唔想周街走，於是去咗翡翠明珠廣場搵食，見到上海姥姥下午茶都幾抵食喎，$30左右就有擔擔麵配飲品，一於試吓先！雖然下午茶時間，但餐廳都唔馬虎，擔擔麵上枱夠晒熱，飲一啖湯，充滿花生醬香味，啱晒重口味嘅我，配埋彈牙嘅麵底，呢個擔擔麵我俾80分👍🏼👍🏼干煸四季豆亦炒得好油潤好惹味，高水準之作，仲點咗排骨飯，排骨炸得酥脆而保留到肉汁，食落一啲都唔乾，整體都好滿意

好耐冇食過上海姥姥啦，今次嘅晚餐就食呢間啦 冇咗呢隻水晶肴肉，外表都幾晶瑩剔透，你都唔會太咸，記得質感都唔錯好耐冇見過有餐廳有貢菜，剛才整得好爽口，再加左啲蒜蓉，味道好香主菜就叫咗個老上海炒飯，用醬油炒嘅飯配上有好多肉鬆再加上有榨菜，味道好香，呢款炒飯真係幾好味！今次對呢個干扁四季豆有少少失望，因為佢嘅四季豆有啲老，咬落去有好多絲，但係都幾香嘅。

上海姥姥係我成日諗唔到食乜嘢，就會去食嘅一間餐廳，所以都覺得deserve一個post。之前幾次成日都唔記得咗影相，今次終於記得啦。今次我同男朋友一樣，都嗌左我最鍾意食嘅蔥油拌麵。佢嘅蔥油拌麵非常之香口，加上啲蝦米，好有口感。食完個嘴亦都唔會油粒粒，真係強烈推介另外，佢仲配埋個雞湯。雞湯裏面真係會有一兩隻雞俾你咬下，加上杞子，成件事好健康架。食幾啖麵跟住飲一啖湯，簡直係絕配除咗面之外，我哋都捱左個蒜蓉炒油麥菜。呢碟菜就有驚喜啦，炒得好香口，唔會特別油，加上啲蒜蓉粒都係菜面，口感好好，同屋企煮嘅真係好唔同如果大家諗唔到食啲乜嘢，又想食下啲健康又好食嘅，我就會推薦上海姥姥啦