上海廳 (已結業)

天瑞商場一向餐廳選擇不多，有住天水圍區嘅朋友介紹，佢試過有一間上海菜不錯，所以今次就一於去試吓，點左5樣野，連茶芥加一，埋單都係＄343，兩個人都捧住個肚走，絕對抵食。四小拼＄96我就最喜歡點拼盤，因為可以一次過試晒不同嘅小食，今次就有四款，肴肉，熏魚， 烤夫，小排骨。最喜歡小排骨，味道帶少少酸甜，不會太乾身，肴肉係凍食，口感煙韌，反而熏魚就多骨左少少，要小心就住嚟食。排骨擔擔麵＄58餐廳細心地將排骨同擔擔麵分開上，豬扒不會浸林。擔擔麵份量不少，我哋兩個人分，每人都可以食到兩碗，湯底濃郁帶少許微辣，花生醬味香。麵底彈牙，炸豬扒香脆而不會油膩。上海廳炒飯＄68上菜時，已經聞到炒飯好香，本身以為見到顏色咁深色會好濃味， 但出奇地味道剛好，蝦仁爽口，飯粒分明，忍不住自己都食咗兩碗炒飯。上海小籠包＄36小籠包係每次去上海餐廳必點嘅食物之一，今次嘅小籠包皮薄餡靚，外皮薄新，要輕力夾住，在沾上薑醋，在一啖放入口中，入邊嘅湯汁流出來，裏面嘅肉也非常大粒，真心不錯。豆沙鍋餅＄46食晒前面嘅嘢其實我地兩個人都已經好飽，但係都想食啲甜野，所以叫咗呢個豆沙餅，外皮好濃嘅蛋香，豆沙不會過甜，甜度剛剛好， 趁熱

可以再試既上海菜近年天水圍愈開愈多間上海菜，間間都試哂，得呢間未試過，因為之前成日都好多人排隊.。今日屋企無煮飯，終於可以同屋企人去下呢間上海廳。可能係平日同時間尚早既關係， 今日唔駛排隊就入得.。餐廳坐位唔少而且幾舒服，店內裝潢懷舊且有心思。前菜點左四小拼，有肴肉、燻魚、烤夫同小排骨，燻魚同烤夫都好入味，特別係烤夫，咬落去好多汁，好好味。不過燻魚既骨幾大條，小朋友食就要小心。主菜叫左小籠包，銀芽鱔糊同擔擔麵。　小籠包上臺熱辣辣，小籠包皮夠簿，不過入面既肉就肥左少少。重點推介銀芽鱔糊，真係好好味，鱔好肥美同鮮甜，十分夠味，配埋銀芽唔會有太滯既感覺。擔擔麵既拉麵不錯，可惜湯底略嫌太淡而且入喉偏辣。整體而言，食物味道不錯而且每碟份量不少。雖然比同區上海菜價格高少少，但物有所值，可以再試。

同朋友仔喺天水圍公園做完運動後，又肚餓又累，他提議到對面天瑞商場醫肚喺商場地下見到一間懷舊餐廳-上海廳拍黃瓜海蜇黃瓜蒜味香濃，多汁爽脆，淸新又惹味海哲唔靭，爽口砂鍋粉皮魚頭鍋，用料豐富，魚頭包埋魚腩部分頗為大件，魚頭經過煎後，表面微燶，好香，有少少脆，魚嘴滑溜，魚肉雪白又滑，唔骸，煮得啱啱好魚湯鮮甜，一啲都唔腥每人飲左兩大碗豆腐同樣滑溜，唔會過火粉皮分量都好多，粉皮皮薄，滑溜溜，連埋魚湯一齊吃，好似食緊湯河咁，囗感唔錯其實重想叫甜品，不過，大家實在太飽，唯有下一次啦

雖很多人說領展好像魔鬼，只招引大財團，厄殺小店生存空間，又迫店舖豪裝，但作為街坊小巿民，覺得它有好有唔好，十幾年前在這小屋邨，邊有咁多餐廳選擇呢，都靠領展先有呢啲改革，就好似上海廳，坐得舒服，食得開心，唔出城都可以食上海菜，超方便。我幾鍾意食嫩雞煨麵，佢係砂鍋雲吞雞個雞湯底，又唔駛食咁大壇野，可謂一個人的浪漫，講返呢個湯底夠濃郁，麵條軟滑掛湯，有唔少雞胸粒粒，同埋少少菇片同菜頭片，簡單得來營養平衡。生煎鍋貼有三大件，煎得唔夠香脆，只係微煎，睇落似蒸，好處係無咁熱氣，咬下發現肉汁豐富，有鮮香肉味，有點似小籠包的feel。黃金四季豆，學港女話齋，係邪惡之物，用左鹹蛋黃，鈉同膽固醇都較高，而且多數較油，但上海廳這碟做得不太油，較乾身，鹹蛋黃份量頗多，夠惹味，略嫌四季豆較扁身，不夠飽滿。豆沙鍋餅同黃金四季豆相似，都係唔太油膩，但比較乾身，紅豆餡料份量足夠，味道幾甜，餅皮不算太厚身，食完甜品滿足曬。

講到新界西搵食，好多朋友都流連係元朗雞地，估唔到天水圍都有間咁既競爭力既上海食店！邊食邊捧住肚仔諗幾時再帶屋企人黎好餐廳外表同內裹裝修都睇得出花左好多心機，有上海攤年代feel, 有趣呢日3點前來，有幸食晒三份menu: 主menu(全日）, lunch(11~16:15) & tea time(14~16:15). lunch 同tea set 仲免加一，前者最平$4x一個餐，後者$3x 就有！抵到誇拉張lunch 有銀芽鱔糊，我地仲加埋個涼拌茄子同糖不甩，都係加$15/$10蚊咋！鱔糊味道香濃，送飯一流糖不甩有小小薑味，甜度適中，一食停唔到口，同朋友要爭食仲叫左個上湯湯年糕$38.呢個真係超推薦，勁抵食，好大窩，年糕軟硬適中，有咬口又香，湯底香甜，mix 埋d 菜/肉/菇，真係好正每食上海菜必點砂窩醃篤鮮，比砂窩雲吞雞light d 多菜少肉，但湯底有火腿香，飲完一d 都唔口渴個豆品好香豆味，混住湯飲真係覺得好幸福仲有香港人食上海food 必點既小籠包，即叫即蒸，皮薄汁多又唔破皮，有隻tea set 跟個拉麵先60零蚊，散叫都$36, 比起市區真係抵到喊，味道品質同d 大店有得fi

公司清假，無所事事事請左日星期三，約下舊同事食飯，黎左佢屋企樓下的上海廳，見新開好似好掂咁，加上食過其他分店都好食，一於食佢啦。呢張餐紙又幾靚喎，有啲懷舊feel坐低後侍應送上熱茶，之後refill都幾密，快快點了幾樣想食的，叫了好多澱粉質會唔會太飽呢？！黃金四季豆（$65）先黎四季豆，好多咸蛋黃好正呀，一上枱已經勁香，每條四季豆都黏滿咸蛋黃，咸香清爽，勁好味。四川雞柳炒年糕（$68）次次都係叫上海炒年糕，今次試下新口味先，四川雞柳好似好多辣椒咁喎，食落又唔係太辣，辣辣地幾過引，雞柳嫩滑，多汁包著年糕令佢無咁黏口，年糕軟身煙韌，加上惹味辣汁很對胃。黃金炒飯（$68）又係黃金因為太愛咸蛋黃了，雖然同四季豆個味重疊左，但食法是不一樣的，哈哈。同樣勁香口，粒粒米炒得啱啱好，不油膩不乾身，正。蔥油餅（$35）最後係蔥油餅，純粹是過過口引的，好耐無食啦，餅皮略厚不夠酥，蔥油餡料亦不夠多，有點失色了。總括食物都好好味，價錢又不貴，好飽好滿足呀

一早帶埋小朋友打算食完lunch就去附近遊樂場玩，就來到天瑞商場的上海廳一試，這裡鋪面座位不少，特色的中式懷舊裝潢很有心思，餐廳座位闊落，可惜沒有提供BB椅，小朋友就只好坐梳化位置。我們兩大一小點了兩個午餐加單點拉麵，午餐有一碟小菜配一碗白飯加湯(今次是蓮藕湯，沒有味精味，小朋友都搶住飲)，份量不少。 推介銀芽鱔糊，鱔條肥美，肉質鮮甜，芽菜亦十分爽口彈牙加上整體調味適中，用來撈飯最適合不過。 火腿津白大大碟，份量與一般小菜相若，津白有奶油香汁料香濃，火腿醎甘，好味!! 排骨湯拉麵，大大碗清湯湯麵分別配上現炸豬排，豬排爽脆香口，拉麵不錯，湯底略嫌太淡口。 另外我們還單點了蔥牛肉包，牛肉包上枱包皮色澤金黃又不會有太油膩感，不過令人失望的是內裡包汁欠奉，牛肉餡料尚可。 最後享用午餐加點的甜品酒釀丸子，未吃已聞到酒香樸鼻，糯米丸子質感煙韌，糯米糖水味道略甜。 午餐均配白飯及例湯，另亦可加$5配豆漿，$10甜品及$15小食，對於胃口較大的人來講午餐十分抵食。唯一美中不足是沒有BB椅，小朋友要跪坐沙發椅上食十分困難，眼見商場有不少BB車來來往往，如增設應能吸引更多家庭客。

成日都經過呢間上海廳。次次都好想走入去試下。初初開時就勁多人。呢排經過就見到少左好多人。今日又經過所以就行入去試下。餐廳環境不錯。 坐得舒服。服務都很好。上菜快。點左我至愛 回鍋肉。第一口食落好似好好食。。但食落就開始覺得甜。菜多高肉。D肉有D硬唔林。一個套餐有一碗優和一個例湯。是日例湯係蓮藕湯 味道很好。我仲加多5元叫左杯豆漿。 一杯淡某某。無豆味豆漿。我應該會再去試下。因為今日見到好幾台客都叫炒鱔胡。

今日放假，好懶洋洋，同屋企人落樓下食午餐，呢間上海廳開左一段時間，都未食過添。餐廳坐位幾舒適，但稍為有點焗，好似無開冷氣咁，午餐有飯有湯加$5有豆漿，幾抵食。午餐 銀芽鱔糊$65 +$5豆漿豆漿只有凍無熱，如果可以花啲時間幫客人加熱就更貼心，豆漿質感幾濃厚。例湯係青紅蘿蔔豬骨，幾清甜，肉煲到淋晒，又好足料。主菜銀芽鱔糊味道好濃郁，醬油味中帶甜，最鍾意大量芽菜，好爽甜，鱔已處理好無骨，細細件好易食，撈飯一流！金湯雜菌煮津白$68: 估唔到咁大碟呀，津白煮到清甜，菇菌有幾款，用料豐富，加埋咸蛋黃做調味幾驚喜，清得黎唔會淡，好甘香，個湯都可以飲埋。上海小籠包$36: 個皮薄薄的，底下墊了一塊好薄的瓜片，防拎起黎痴底漏汁，好細心，點少少醋食，咬開黎啜汁，味道好鮮，肉質細緻好鮮，不過就唔太keep到熱度，要盡快食。酸辣湯雲吞$52: 酸辣湯好杰身，味道幾辣又有酸，有筍絲木耳絲好有口感，雲吞勁大粒有五粒，餡料肉多過菜，啖啖肉香呢，皮都係好薄。服務方面算唔錯，會收埋野加茶，人手幾足。

一早行完超hea嘅山，返來天瑞食個晏，見到呢間上海野就諗起酸辣湯，好想食，於是入來試下啦~我叫左酸辣湯米線，朋友要左牛肉麵，都唔錯，我唔太辣得，但又喜歡有點點辣，呢個唔錯，是我喜歡果種，麵又煮得唔太腍，仲彈牙，連湯都飲左半碗，可能剛行完山，都好想食多啲，所以食完呢碗好似剛剛感到飽啫，仲有空間再食。不過接住要再遠遠征，留返晚餐食好啲。價錢來講，新年食都算正常，但一般日子食，我會覺得有點貴，但仍可接受啦！如果包飲品就更好啦

天瑞開咗間上海廳，個門門做到好懷舊幾吸引，點知一試無下次！門面同餐牌係做得幾有特色既。。上海小籠包，細細粒夠哂薄，有片瓜裝飾下，但個上湯好淡，肉都係一般；雞絲水晶粉皮，個花生醬夠香，粉皮尚算爽，係唯一ok既菜式...金絲蝦燒賣，入面係𤓓米，口感幾特別，但都係果句，無味...最伏精選，排骨湯拉麵，清到不得了...得幾條芽菜同胡蘿蔔絲，真係食車仔麵都無咁清，排骨明顯係翻炸，好硬，好唔掂...無諗過食上海野會咁清淡，一致認為無下次

在天水圍新開上海點, 新屎坑, 人頭湧湧, 今晚差不多8:30, 試下拎飛, 都等了半小時才入到4小碟(并盤)麵根 - 入味,醬味濃, 熏魚- 好多骨,太甜, 凍肉- 爽口,酸骨- 酸味適中黃鱔炒年糕汁夠濃, 黃鱔份量算多, 味道帶一點甜, 不錯, 就是油有點多上海粗炒汁夠濃, 鑊氣夠,份量略少小籠包肉汁多, 但肉不夠鮮味, 皮夠薄

因為喜歡吃上海菜式，偶爾見到天水圍開了一間新上海菜，便下班後去排隊嚐鮮因為人較多的關係，結果限制了入座後90分鐘交枱，整體上菜速度也很快，所以這個限制也沒有什麼影響。炒飯不錯可以選辣度，我們選了微辣～飯炒得很乾身而且入味，份量3人吃也很足夠，推薦生炒骨也是另一個的推薦菜式味道酸甜開胃，排骨同樣很入味，只是份量相比起來較少，菠蘿跟洋蔥多了些XD這個燒賣倒是一個後悔叫了的點心⋯⋯因為看到Menu推薦才特別叫，而且賣相也是不錯。但當咬下去後才發現燒賣包著的都是糯米飯，但感覺太黏，口感有點太'淋'身，如果喜歡吃糯米飯製品的倒是可以考慮？上海菜必點的小籠包XDDD沒什麼特別驚喜，中規中矩，但的確皮薄而且不易穿，也是不錯鱔糊炒年糕極度推薦！！鱔炒得很爽口而且鮮味，加上年糕襯托口感配合得很好必吃之選！