上海麵家 (已結業)

今日26/5/2005~1點鐘食晏時候~我諗來諗去都諗唔到食乜~咁我又未食過咸豆漿+粢飯一餐~咁咪試下囉~~去到叫左個野~好快到左(咸豆漿+粢飯)~咁我咪試下好唔好食囉~~~食食下~~~點知係個碗咸豆漿道有隻小強~~~ 係小強丫~重要唔細隻個種~~~我即刻想嘔~~~個道真係好污穢不堪~佢成日都話自己24小時營業~~~ 唔通24小時營業就唔駛理下佢d食物同環境咩~~~我真係唔敢再食~我唔想再食到小強

昨晚晚飯前係度買粢飯充飢,$10, 個人認為只屬一般貨色,餡太少,飯亦不是份外煙韌!

20050220 4pm有事落老銅一趟, 未食lunch, 極餓. 加上得10度, 要搵o的澱粉質o黎食下.一人吃- 粢飯($10) + 熱豆漿($6), 老老實實, 我又真係唔覺得呢度o的粢飯本身特別好食, 但係勝在人流多, 貨如輪轉, 咁新鮮就自然得手o架啦. 豆漿就真係good, 滑, 唔太甜.不過外賣比堂食好, 因為呢度道真係逼得好緊要,

好味好味, 呢度d粢飯成日都即做, 熱辣辣,料又多, 油炸鬼好脆, 正!!豆漿就一般啦,唔係太甜, 好似之前有人都講過, 有時係隔渣隔得唔清架, 扣d分啦! 不過佢菜肉雲吞好正架, 菜多肉又唔肥, 好清, 唔油膩, good啊,唯一唔好就係坐得好迫.....

岩岩係第二個post講起粢飯，就諗番起渣甸坊d上海鋪。點知見到呢度既post，先至發現我上次係度post錯野，5月10號個d comment係俾新上海香港麵家個邊，sorry呀，兩邊鋪頭既名實在太似了......雖然都成好耐無入去食過野，不過佢地d服務唔係咁差，尤其是對學生好好，我地以前成日一大班人入去食，佢地專登叫我地上樓上坐，個段時間真係我地坐晒咁滯，好free!學生坐上去仲一人一杯free豆漿，雖然唔知點解不過坐樓下無ga~~我仲記得有次想叫多杯豆漿，個阿姐居然唔收我錢，真係勁好人!!所以我地出黎食lunch呢度係黎得最多~~不過呢，有時唔駛返學就咁走去食，我地無著校服唔當我地係學生，d態度真係無咁好，不過都唔係差就真的。p.s.呢度d粢飯都唔差，不過我覺得香港麵家好似新鮮d好食d。

食過好多次, 次次D差態度都令我諗下次一定唔o黎呢度食, 但係呢度D粢飯太好味啦~ 即叫即整~ 熱辣辣, 又大舊, 都係$9 jer~ 如果改下D態度同乾淨D就perfect啦~~

甜粢飯就未試過，不過咸豆漿就飲過。有條油炸鬼，有D炸菜仲有隻生蛋，雖然比甜豆漿貴成倍，但飲完暖笠笠冬天值得一試。有個阿姐在門口製作粢飯，新鮮熱辣係唔錯的。唯一可慮的就是衛生問題吧了，對正條馬路沙塵滾滾又人來人往，但我好多時都當睇唔倒照食。其他上海麵食只一般，如果要吃寧願行過少少去一品香。除此之外亦有好多款茶餐廳食品及盅飯等供應，選擇是不少的。

粢飯有咸有甜俾人揀。<br />不過我咁耐都無試過甜個隻...<br />咸粢係我食過咁多間最好食的了!<br />夠熱辣辣，夠煙韌(有d 鋪整到好淋pet pet)，d 油炸鬼同柞菜就夠晒脆落落，好正~~~<br />佢d 蔥油餅都唔錯ga，食落去仲暖暖地又脆又香~~

今日又去食lunch~ bf 話個排骨菜飯唔好食, 我個柱侯牛腩無肉, 只有筋(i prefer一半半), 仲有杯豆漿隔唔清D 渣~<br>失望...............

餈飯即叫即做，新鮮又大個！冬天走o黎食半個餈飯加碗熱豆漿，就o岩o岩好！成個人仲即時暖哂o添~。

北京水餃($24)幾正~ 加埋辣醬仲正~醉雞菜飯($25)都幾好~ 招牌牛扒湯麵($30)同京都骨o既味一樣~ 不過個香茅雞翼tea set ($18, 連豆漿)唔多掂~ 雞翼無香茅味~ 客似雲來, 外賣電話響過不停~ 掂!!!