世一冰室

营业中

休息中

外賣app 送餐員心急攞漏餐，餐廳好有心咁搵人手送返黎，溝通好順利。明明無義務自己抽人手出黎補救人地既疏忽，但真係「拍攔擋」幫手，同事有得準時開飯，好滾動，會幫襯多啲！ 多謝餐廳老闆！

以往都曾經幫襯兩次中規中矩,沒有驚喜也沒有失望,今次見到網上食評世一炒飯唔錯,專誠去吃,但老板說現在已沒有炒野供應,所以叫了一個下午茶餐咖哩牛肋條飯,飯來了,味道正常,但找來找去也找不到一條牛肋條,全部都是牛筋,問老闆,他說牛肋條暫時沒有貨所以用牛筋,我奇怪為什麼我叫這個飯他不告訴我,如果全是牛筋我是不會吃的,眼見他生意越來越差原來是有道理的,既然沒有牛肋條就不應寫在餐牌上,而且人客叫的時候也沒有告知,這樣做生意有點不老實,又怎會留得住客人呢？

上次晚市黎食叫左小菜先見到隔離枱每人都叫左半隻燒雞，賣相好吸引，今日lunch專登過去試一試佢！等左十分鐘就有得食，雞皮好脆，雞肉好嫩又有汁，世一！$78 有埋意粉+飲品，呢個質素好抵食！會覆桌！😍

世一冰室服務+出餐速度真世一！同屋企人黎食午餐，屋企人個炒河正常速度出餐我個餐(三眼仔豬扒飯) 好耐未黎，眼見餐廳外賣單爆多，問我既幾時有，女侍應只hea答整緊整緊，再等都係未有，再問都係整緊整緊，但眼見其他客遲過我黎，叫炒飯中式炒粉麵，好快就有，我話再未黎就同我取消張單，因唔知再要等幾耐，隨即被粗口問候，個廚房男人佢聲稱係老闆仲走埋出嚟爆粗狂鬧我地外，仲繼續兇我&屋企人，想打我地咁款，話個個都要等㗎啦，家下唔做我地生意喎咁既'世一'服務態度都真係世界第一！催單卻被餐廳粗口問候都係第一次！

世一開左幾耐，但因為睇相覺得比較細，所以之前無來，今日附近搵吾到其他新野，所以來試下。去到真系覺得比其他附近茶餐廳細，4個人無位要搭檯，好在夥計招呼都幾周到。但現在香港真系越大越容易執，附近都有茶餐廳同一為主執幾次優點- 份量非常夠- 味道亦是中上，尤其是歐陸早餐歐陸趴餐（$43）5分- 哩個餐絕對要推介，無論味道，價錢，份量都贏曬- 豬扒 - 早餐來講，真系勁大勁厚勁脆勁”淋” - 薯餅吾覺得系預製品，就算系，都選擇得好好-炒雞蛋 - 炒得勁滑- 多士同其他兩個餐多士吾同，好香好鬆- 番茄豆，火腿正正常常黑蒜豬扒出前一丁（$42）4分- 豬扒比歐陸早餐細同薄，兩個個餐只是差$1,感覺真有D吾舒服，但其實已經夠大。- 一丁好似真系好似其他人講一樣，交比餐廳同自己一包包買系吾同，無咁彈口- 火腿奄列都系滑蛋，吾錯-練奶厚多士就一般般。招牌沙嗲牛肉公仔麵（$37）4分-沙嗲牛肉真系算多，沙嗲幾香，牛肉幾”淋”,仲要哩個價錢好多得個麵吾會比其他野。-炒蛋系滑蛋，好靚- 雞肉腸正常。

我係一個愛吃蛋包飯嘅人，所以當我聽到有一間世一茶記晚餐喺我附近開業嗰陣，我就決定去試試睇。世一茶記晚餐係一間提供港式茶餐廳嘅餐廳，有各式各樣嘅食物，從早餐到晚餐，但係佢冇賣燒味嘅，因為佢專注喺做其他嘅菜式。我去嗰陣係晚上，所以我點咗一份招牌嘅蛋包飯同一杯凍奶茶。蛋包飯再淋上濃郁嘅番茄汁，最後用煎得香脆嘅雞蛋包住，成為一個完美嘅飯團。蛋包飯嘅米飯好香，番茄汁好鮮，雞蛋好脆，每一啖都好滿足。蛋包飯嘅特別之處係佢冇用雞肉，而係用咗豬扒，令到蛋包飯更加香口同多汁。豬扒嘅肉質好嫩，醬汁嘅味道好香，跟米飯嘅配合好好。蛋包飯嘅份量好足，真係好抵食。我覺得世一茶記嘅食物好好味，價錢又合理，服務又好，氣氛又好，令到我食得好開心。我會推薦大家去試試睇，尤其係佢嘅蛋包飯，真係一流。

係世一既常客！態度好服務好食物都好好！最近試左佢地既脆皮燒雞 真係回味無窮！用皮脆肉嫩黎形容絕對適合～一啖咬落去仲可以見到好多肉汁流出黎燒雞可以配薯條，意粉或者飯！嗌半隻都絕無欺場 大大隻！真係食到捧住個肚走

聽朋友介紹就黎左同插畫界及NGO嘅朋友黎一嚐燒雞有種相熟感，帶興奮。隻燒雞上碟黎到 真係皮脆肉嫩！好juicy 薯條同沙律雖然只係普通既配菜，但唔失色。一行8人叫左4份半隻雞，之後都無雞食，而荷葉蒸雞、牛仔骨等其他食物都不錯聽講新開左唔夠一年，整體好多野都好好，尤其服務，樓面收銀都好有禮、係咁幫我地加位合枱，好快手好有動力，感覺好窩心，依家真係好少見，而且有人情味。小妹都唔好意思漏左張單佢都好好肯影相WhatsApp返俾我地claim數今次一行人好多人想食燒雞但賣晒，佢地好好叫我地下次黎打定電話留 真係唔好意思我地人太多，好食之人總愛相聚同好。

第一次食係呢度食早餐，都要等一陣先有位，裝修簡單都舒服，位置都算闊，啲野都大份，奶茶又滑又好飲（一定要試下杯奶茶，因為我成日飲奶茶，呢間奶茶好值得試）呢間值得大家試下，最緊要好食大份。外賣食後感：我食完一次堂食之後都不停外賣佢，仲食過佢蛋包飯（雖然冇堂食過，但外賣既質素都唔差）食過三款蛋包飯，我覺得最好食係魚柳蛋包飯，魚柳又脆，大大份的蛋包飯😋😋😋仲有個芝士漢堡蛋包飯都好值得試，中間仲有流心芝士。好好味

嚟到長沙灣青山道【世一冰室】坐低卡位，叫個歐陸魚柳早餐同咖啡少奶，店舖乾淨明亮，座位舒適，魚柳同薯餅都好熱好脆，咖啡濃香唔錯，仲有炒蛋火腿同少少沙律菜，件多士就稍腍，但係份量算多，$43蚊食到飽飽。

➖ 日式原條蒲燒鰻魚蛋包飯黎到見佢貼牆海報有新野試食價七十幾蚊緊係試下，無記錯既話平時出面好多地方都要過百。碟飯幾大碟入邊係白飯底無汁有啲啲乾，如果入邊淋返一下汁會好啲。炒蛋夠滑夠大隻真係岩岩好包哂成個飯無多亦都無小。鰻魚成隻碟咁長夠淋無雪味，蒲燒汁味道都剛好無太鹹，鰻魚上面有啲木魚同紫菜好香用黎餸飯都唔錯🪧 影完相準備食貼心既師傅行出黎問我要唔要插住支旗仔影，不過三點幾仲未食飯太肚餓廢事又影過拒絕左

去咗長沙灣世一冰室食飯。叫左鹽酥雞滷肉飯。味道正常。今日食嘅鹽酥雞滷肉飯味道幾好。特別適合一啲唔係太想食得太濃味的人。個雞扒依間冰室有冇整得太過乾身，係個脆皮裏面仲有少少肉汁，唔算好韌。同埋叫咗杯凍華田少冰。世一冰室好似新開咗冇幾耐。所以裏面環境係好乾淨，至少起碼坐到四個人甚至再多啲人都可以。

放工同朋友經過青山道見到間新開張冰室 驟眼睇感覺乾淨企理 我地就入去試下，坐低無耐即刻有招呼 店員更親切有禮 呢度已經加分再睇下Menu 價錢好親民仲好有驚喜 我地分別叫左鹽酥雞扒滷肉飯 個飯一d都唔乾 師傅係俾好多滷肉汁 絕對唔同你慳 味道濃郁 雞扒係厚身肉質仲好嫩滑世一招牌炒飯炒飯係好足料 有菜叉燒粒 蝦 腸仔粒似楊州炒飯 食落有少少辣好惹味 飯粒粒分明令人食完想一啖再一啖 咖喱豬扒蛋包飯 首先汁可以揀咖喱同燒汁 我地就揀左咖喱汁 一上枱賣相好吸引豬扒食落好香脆 再加埋個汁 總之個配搭就係好好食 好出色題外話野飲杯好有型 有佢地自己個logo 總結長沙灣街坊或者經過值得一試 另外就係少少意見 》係音樂大聲左少少，同朋友傾計就辛苦d

搵緊啲大閘蟹放題時，係社交平台見到里間新開既冰室竟然有大閘蟹放題，見佢有貨源資料，同埋有雌既大閘蟹，於是揀左里間。雖然得90分鐘，但係冇咩客人時可以加時唔洗加錢，所以最後我哋食左120分鐘左右，食到好飽。服務很好，會問定我哋洗唔洗蒸定啲蟹，食完一輪好快又上一輪，唔洗擔心時間趕唔趕。薑茶同汽水飲品係任飲，薑茶好好飲，唔會太辣但薑味都重。大閘蟹我揀既係3兩重，但都多羔，雌同公都係任叫。有唔同煮法，值得一試都叫左個蟹粥，非常鮮甜，真心一叫！總結而言，唔伏，推介

下午茶點咗個熱狗🌭️餐！好快就整好送到檯上！嘩😍包面既顏色非常吸引！熱狗🌭️包非常軟熟包包不會過甜！配上恰到好處既沙律酸瓜醬（絕配）！味道不錯👍🏻👍🏻質素高非常抵食👍🏻👍🏻夏日炎炎進入店內冷氣足夠👍🏻環境光猛整潔！座位闊落！店員非常有禮貌、親切👍🏻👍🏻👍🏻一間不錯的小店！用餐期間發現餐牌內有驚喜既特色早餐😍😍蔥花炒蛋三文治！坊間茶餐廳好少提供！期待下次一定要試吓😍