東京の味

营业中

休息中

經過此餐廳多次，總想去幫襯，今日中午終於有機會一條冷殺上去。上到去已有兩位女職員企喺樓梯頂等候客人即我😆，職員很有禮問我想食燒肉定火鍋，我係衝著嚟食火鍋的，貪夠快。中午時分客人唔多，只得4-5枱客，心諗係咪伏咗，但都唔理了，既來之則安之。最後點了個$198放題餐，有兩款牛肉（一般），一款豚肉（唔錯），其他料及飲品自取。原來中午免加一兼有9折，時限原來去到3小時（以前90分鐘），真係生意難做，以民生區呢個價錢任飲任食3小時，坐下食下啤下吹下水，係抵玩嘅！環境算唔錯，窗邊有卡位，但個地板有啲滑。自取食品同飲品都算唔錯，一般蔬菜，丸只得貢丸（好食）和墨丸（唔得），有急凍蠔，魚片（有骨），熟泰國蝦（好食），泡菜，麻辣雲耳等等，飲品有兩款啤酒，兩款清酒，汽水茶等等，自取食飯品區算企理的。肉類掃碼落單，好快上枱。職員幾好，有禮貌。希望呢間餐廳保持到呢個價位，益下街坊，依家香港飲食業難做，星期六中午咁少客，其他時段唔知係點，希望佢長做長有。

燒肉最重要就係啲肉夠靚。呢餐最開心就係呢樣嘢！我哋揀咗$148燒肉放題，老闆同職員主動提出幫小朋友度高，享用$88小童價！放題餐提供基本豬牛雞同素食，全部都相當新鮮優質，可以唔用調味料，不過個胡椒都非常惹味。枱面醬料錦上添花，亦有另外收費嘅食材可供選擇，飲品半價。我哋響非繁忙時間去，上菜速度快，職員禮貌友善，環境亦寬敞舒適。小朋友表示好似去旅行咁開心，仲飽到上個腦下次會試埋火鍋，咁就可以食到自助區啲嘢！

【深水埗區】【東京の味】喺夜晚行經長沙灣，想搵啲嘢食吓。咁我一條友又好難去食朱敏記大牌檔嘅，但係見佢對面有間做日式燒肉同火鍋嘅，就過去望吓。嗰吓有啲肚餓，我見佢哋個火鍋有任食，所以就放棄咗要叫定食嘅日式燒肉而選擇咗任食火鍋。餐廳有兩邊嘅，食咩任君選擇。而任食火鍋都有好幾款，我就揀咗 $268 嘅「極上美國牛小排放題套餐」，係第二貴嘅套餐，有得食極上美國牛小排、澳洲穀飼牛肉、特選美國牛胸腹肉、北海道夢之大地豚肉、嚴選牛肉。而湯底我就揀「櫻花蝦豚骨鍋」，櫻花蝦味都可以，個味係幾出嘅。除咗可以任叫任食嘅肉類，仲有自助吧拎嘢食，估唔到佢地方唔大但啲選擇幾實在，有蠔，有蟹棒。嘢飲方面，日式、韓式都有選擇，甜品有泡芙，麵食都有幾款，有驚喜嘅。佢哋九點後做緊八折優惠，所以就算加埋一，埋單都係 $241，解吓放題癮係可以。。。（地址：長沙灣東京街31號恆邦商業大廈地下3號舖及1樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #ta

去食午餐火鍋放題，價錢表面上十分平（50蚊起），但其實好多都要額外收費。 最搞笑係出面寫放題專用既野，其實你好多係唔比拎，包括飲品，肉類，午餐肉等，好多要單點加錢！冇錯，係要逐樣單點加錢，唔係加錢放題。只係可以拎菜，而且係冇任何侍應講比你知規矩，而出面所有食物櫃都貼著一張寫放題專用的標示，冇任何特別注明，連顏色都一樣，點分呀大佬。最搞笑既係想拎泡菜時，侍應又話唔可以拎。原來泡菜唔係菜，完全刷新我認知！最正既係仲要個侍應成程望實你個煲有冇拎到其他唔俾拎既野。講真食得放題就唔介意比多d少少錢，你未收返百幾蚊任食囉，完全係貼錢買難受，平野冇好。

長沙灣街之巷聞的日式燒肉放題餐廳 - 東京之味首先感謝餐廳老闆Ryan邀請CK我同好姐妹去試食，為餐廳既持續進步提供寶貴意見 ! 東京之味呢間餐廳地方寬敞，通道寬敞，環境乾淨衛生，四處都有滿滿的日式風情打卡元素沿路行入坐位前已經見到自助區有醬料、熟食有關東煮同炸物、多款飲品、鮮菜區同好多好味嘅丸類💯有蠔肉😍烚完仲係脹卜卜又新鮮。仲有其他丸都好高質，唔係平價味道!!淮山魚卷第一次，仲有大大條蟹柳！任食牛肉非常吸引，價錢亦非常抵食，每人最底只係$168，而最貴既頂級黑毛和牛都只係每人$368 ! 餐廳提供左多種食材同配料，可以自由選擇同搭配，滿足不同口味既需求。牛肉、丸類同蔬菜呢D常見既食材必有，提供了豐富的選擇，可以根據自己的喜好和食慾來創造自己喜歡的火鍋組合。享受到個人火鍋的獨特體驗 ! 我同好姐妹揀左日本產頂級黑毛和牛放題套餐，開頭上菜會提供哂每款肉類比我地，肉類望落顏色好新鮮，無血水，我地最喜歡既係和牛，牛肉香味十足，牛肉入口即溶 ! 北海道夢之大地豚肉油脂分佈均勻，香而不臊，我自己都食左幾碟😋除此之外，每人一鍋非常方便，仲有好多款湯底提供，我揀左櫻花蝦豚肉鍋，朋友揀左昆布鰹魚鍋，

今日冇人陪，唯有自己食自己，之前見到呢間舖頭以為剩係得火鍋放題，原來佢都有「一人燒肉」，今日終於可以試吓🤡最方便係可以order唔同嘅份量，有100g / 200g，最多去到300g都有，如果想嗌多少少，仲可以加十幾蚊，就試到其他部位嘅肉🥩但我唔係好大食，所以100g都啱啱好，我叫個套餐，仲包埋一碗飯、一個牛肉湯、泡菜或者沙律，真係勁抵食，我仲加咗個壽喜燒牛五花，食到飽飽先係$90，真係一個人食飯都開心晒🥰

✅東京の味雖然夏日熱辣辣 但都冇阻我打邊爐嘅決心！今次就去咗位啦長沙灣東京街嘅東京の味食火鍋放題😎😎餐廳分開咗有得選擇食火鍋放題 或者燒肉放題毫無疑問一定揀火鍋放題🤙🏻呢到放題嘅時間統一咗係90分鐘有得揀唔同嘅套餐同肉類最平$168 就已經有牛肉放題🔆牛胸腹肉日本豚放題套餐  $198呢個套餐包咗基本嘅嚴選牛肉 仲有美國牛胸腹肉 仲有北海道豚肉牛胸腹肉油花唔算太多 但勝在食落都好有牛味！湯底一共有6款選擇 有辣有唔辣今次火鍋就想食清啲 所以叫咗昆布鰹魚湯😻😻唔好以為完全冇味 食落清清地仲有淡淡嘅鰹魚味食菜就啱哂啦！自助吧可以仼拎丸類餃子等 仲有各種嘅菜類！熟食就有關東煮同炸物 飲品都花多眼亂~ 呢個價錢食到咁多嘢其實真係好抵食到飽仲可以食埋韓國嘅雪糕雪條添！地址: 長沙灣東京街31號恆邦商業大廈地下3號舖及1樓

有時收工後想一個人即興去打邊爐🥸 位於長沙灣嘅東京の味會係一個好選擇！一人一鍋，唔洗應酬，揀自己鍾意嘅湯底同食材，有個少少空間去放鬆😋收費係根據人頭，豐儉由人，我就揀咗$198/位既套餐，有美國牛胸腹肉、北海道夢之大地豚肉同嚴選牛肉🙆🏻‍♀️ 自助櫃耶蔬菜同丸類都係任食，另外設有熟食區，竟然有關東煮同麻辣燙！一共有六款湯底，日式壽喜燒湯有甜甜嘅醬油香，配牛肉好夾，另外牛肉質素都唔錯，上菜時間都好快手！

呢間長沙灣既任食餐廳，有得揀火鍋定燒肉🤭 夏天最啱就係打邊爐🤣 今次試下呢間抵食之選!湯底有6款選擇，今次就揀咗櫻花蝦豚骨鍋🍲湯底有鹹香味，仲有蒜頭粒，幾特別🤣有4款套餐選擇，我哋今次就揀牛胸腹肉既放題套餐🥩放題套餐除咗肉、菜、丸、飲品任攞之外，仲有熟食區既關東煮同天婦羅😆肉既選擇有3款，美國牛胸腹肉、北海道夢之大地豚肉同嚴選牛肉。肉質唔錯，肉味夠，一坐低就即刻上咗幾份肉😋丸同菜既選擇都好多😆仲有蠔、大蟹棒、餐肉同唔同麵類等等。而甜品除咗有雪條同雪米糍之外，仲有泡芙同蛋糕等等既甜品😋味道 🤩🤩🤩🤩性價比 🤩🤩🤩🤩

今天下班後我去了長沙灣的一家火鍋和燒肉放題餐廳，真的給了我一個驚喜！最近這一年，長沙灣新開了很多食肆，這次去了一家提供火鍋和燒肉放題的餐廳！我們試了他們的火鍋放題，真的非常不錯！這裡是一人一鍋的形式！我們點了番茄芝士湯底和山椒味噌湯底❤️😋首先，番茄芝士湯底非常濃郁，番茄的味道很突出！配上新鮮的蔬菜非常出色！而山椒味噌湯底也是一個新的體驗，咸咸辣辣的味道！在配料方面，我們點了牛胸腹！切片很厚實！搭配芝士火鍋真是絕配😍除了火鍋豚肉之外，他們的五花片真的讓我驚喜！非常好吃！🤤🤤🤤火鍋的配料也很特別，有新鮮的廣島蠔，這在其他地方很難找到，還有關東煮，關東煮還有雞腎串燒👍🏻👍🏻整體來說，這家餐廳的環境很舒適，非常乾淨！配料新鮮，真的不錯不錯👍🏻👍🏻👍🏻

今日🐧 獨獨黎到長沙灣，食個平靚正嘅90分鐘任食火鍋😋 餐廳裝修名副其實，處處都充滿日本東京嘅特色，包括有櫻花飾品、日式海報、日本名勝壁畫等等，精緻又風情十足❣️ 值得打卡🥰 今次㨂咗牛胸腹肉日本豚放題套餐😋 套餐包三款高質肉肉任食，包括美國牛胸腹肉、北海道夢之大地豚肉同埋嚴選牛肉👍 只要透過QR code 落單即可無限任添😋 超級正❤️ 火鍋採用一人一鍋形式，可以按自己心意㨂鐘意嘅口味，超讚👍 餐廳一共有六款經典湯底提供，🐧 就㨂咗甜甜地嘅壽喜燒🥰 配牛肉食真係一流😋除咗肉肉，仲可以係自助區㨂選多款美味食材，丸類、海鮮、蔬菜樣樣足👍 真係好高質好正正😋餐廳還會提供超級惹味嘅炸物、串燒熟食和關東煮😋 新鮮出爐嘅炸蝦真係無得輸🤤 油香滿溢，酥脆又可口🤭 自助區還有多款飲品和甜品提供🫶 真係超級豐富😍 令人超級滿足👍

我好鍾意一個人打邊爐烤肉，但一個人自己食喺人哋嘅眼入面係好奇怪㗎。長沙灣有一間主打一人火鍋或者一人燒肉嘅舖頭，啱曬我呢啲毒毒去。佢有好多個套餐畀客人選擇，每個套餐都包含咗一個珍珠日本米飯一個和風湯、泡菜或者迷你沙律，大食同細食嘅都一次過滿足曬。我覺得咁樣幾好真係唔會浪費食物。今次叫左個牛五花套餐100g牛肉肥瘦相間，燒完食落口有油脂甘香而且份量剛剛好。我仲額外追加日本和牛50g同壽喜燒牛五花50g，日本和牛好香，燒完之後入口即溶，小小地食下，夠滋味。而壽喜燒牛五花加左壽喜燒汁一齊燒，又係另有一番風味。一個人嚟燒真係好開心，慢慢食，慢慢燒。社恐嘅我係呢度食得好舒服。

朋友介紹黎東京の味食野，有打邊爐又有燒肉，火鍋同燒肉爐都係一人size，方便一個人都可以放題😋選左牛胸腹肉日本豚放題套餐$198，湯底就要左昆布鰹魚鍋，清清地嘅湯底幾好。呢個餐有三款肉，美國牛胸腹肉、北海道夢之大地豚肉同嚴選牛肉，三款都唔錯，入口嫩滑無渣，亦唔會過肥😋自助區有多款火鍋料，抵讚係菜洗得好乾淨，切到長度同個鍋一樣，啱啱好食得方便👍其他熟食仲有天婦羅、關東煮等，朋友大讚炸蝦夠香脆。飲品有唔少罐裝同紙包，茶、果汁、汽水等，仲有唔少日本同韓國款。最後梗係唔少得甜品啦，泡芙、蕨餅、雪條雪糕等，全部任食，爽呀🤤好飽好滿足，正👍👍

這間位於長沙灣的放題店，主打一人火鍋或是一人燒肉，即使一個人臨時起意想食，又或是成班朋友一人一鍋／一人一爐都可以，重點是價錢親民，食物質素都幾好，勁抵食呀！火鍋放題有四個套餐，最平的是$168嚴選牛肉，我就選了中等價位的$198牛胸腹肉日本豚肉放題套餐（嚴選牛肉／美國牛胸腹肉／北海道夢之大地豚肉）牛豬肉任食。自己一個小火鍋不用跟其他人共用其實食得特別開心，90分鐘內任食真係可以食到好飽。點了湯底後可到外面自助區挑選飲品、熟食、火鍋配料及蔬菜。熟食方面，關東煮做得不錯，雞腎好好食；火鍋配料最驚喜的竟然有韓國急凍生蠔及八爪魚可選，松蟹長蟹柳真的超級長，麻辣牛丸亦好食；蔬菜種類都多，洗得好乾淨好新鮮。主菜任點的美國牛胸腹肉，油花紋路靚，嫩滑有牛香；嚴選牛肉脂肪少，入口肉質較為紮實；北海道豚肉肥瘦均勻，未算肉嫩多汁但有彈牙口感。其實飲品有好多，甜品都有好多，包括泡芙、黑糖蕨餅，但實在食得太飽，只能試那支椰子雪條，好味喎！總括而言這間性價比算不錯，推薦。

鄰近長沙灣A2出口，交通便利，餐廳坐位寬落，有燒肉或火鍋任食。牛胸腹肉日本豚放題套餐 $198套餐包美國牛胸腹肉、北海道夢之大地豚肉同嚴選牛肉任食。個人比較鍾意美國牛胸腹肉，雖然望落好肥，但係煮完一啲都唔肥，入口比較嫩滑。嚴選牛肉就啖啖肉。自助區豬五花肉、雞肉及其他火鍋配料任取，特別啲嘅有超長蟹柳、韓國急凍生蠔🦪同埋竹笙春卷。蔬菜區亦種類繁多，各種菇類及菜任君選擇。仲有熟食區有啲關東煮，特別推介麻辣雞腎。最後甜品方面，有多款韓國雪條，我揀咗士多啤梨牛奶雪條同埋抹茶糯米糍💚。✏️有加一服務費