東京の味

营业中

休息中

今日收工去咗長沙灣打邊爐，非常有驚喜！呢一年起咗好多新樓，都多咗好多食肆👍🏻今次去到長沙灣一間有放題火鍋及燒肉嘅餐廳！我哋試咗放題火鍋，非常唔錯！呢度係一人一鍋！我哋叫咗蕃茄芝士火鍋湯底同埋山椒味噌湯❤️😋首先蕃茄芝士湯底非常濃郁，蕃茄味非常突出！配上蔬菜類一流！另外山椒味噌湯亦都係新體驗，辣得來，但係有少少鹹味！配料方面我哋叫咗牛胸腹！切片都算厚身！配上芝士火鍋配搭一流😍除咗火鍋豚肉之外，五花籃片打邊爐真係超驚喜！好食！🤤🤤🤤火鍋配料，有非常新穎嘅廣島蠔，好少地方見到，另外仲有關東煮，關東煮亦有雞腎串燒👍🏻👍🏻整體嚟講，呢間餐廳坐得舒服，非常乾淨！配料新鮮，唔錯唔錯👍🏻👍🏻👍🏻

呢間餐廳好特別，分開一半既枱係食日式燒肉，一半係食火鍋放題。而最開心既係呢度係一人一鍋嘅，於是我就選左自己食火鍋放題。7點鐘左右就滿晒咁濟啦！坐底第一件事就係選湯選餐，鍾意日式壽喜燒鍋，清清甜甜，個湯容易掛入肉，之後就點了$198既餐有美國牛胸腹肉、北海道夢之大地豚肉、嚴選牛肉。首先會上每樣各一，跟住想添就可以繼續用QR code落單。D肉意想不到地高質，幾鍾意牛胸腹肉個種好濃既牛味，超惹味，豚肉好軟腍幾滑下。其他野就可以去自助區拎，首先我就豐富我既鍋底，去左拎蔬菜，粟米超甜菜亦新鮮，同埋有我鍾意食既芋絲，就算火鍋都可以健康。跟住就試左少少丸類，款式都多，蟹柳超大條，仲竟然有蠔!醬汁全部大大盅，可慢慢自己調配。熟食區有關東煮同埋特色炸物，都幾特別，不過因為驚太飽就冇特別去拎。甜品有泡芙同埋清涼西瓜，但原來仲有個櫃係有melona雪條同埋朱古力脆皮雪條!正! 飲品有日本嘅梳打同埋綠茶，當然仲有可樂紙包飲品呢D打邊爐必備既飲品。

今日就去左長沙灣既東京の味食飯餐廳主打一人燒肉同一人火鍋, 環境超大, 一路沿樓梯上都見到超多日本特色貼紙燒肉可以自由配搭同揀唔同份量嘅牛肉套餐所有套餐都包括日本珍珠米飯, 迷你沙律同和風湯, 一人一爐超方便牛小排&牛肩肉套餐有100g & 200g份量選擇, 100g既份量就岩唒胃口較小既我, 日本和牛牛肉好薄身, 燒一陣就已經熟,燒香後牛脂更香口, 牛肩肉肉質比較腍身, 配搭燒汁醬或蒜蓉牛扒汁更美味另外, 我都額外加添左50g既鰻魚, 鰻魚汁香濃, 肉質肥美

東京の味 (長沙灣)長沙灣東京街31號恆邦商業大廈地下3號舖及1樓。有時唔知食咩，去食下任食打邊都幾開心～ 唔洗用腦又有好多食物選擇。呢間餐廳係長沙灣新開，有得食燒肉又得打邊爐，打邊爐最平只係$168，回本有賺話咁易。我就試左$198套餐，有牛胸腹肉+日本豚任食，呢度係一人火鍋，所以湯底係每個人揀番自己口味。出面仲有關東煮、炸物、飲品、菜類、丸類任拎，真心抵過自己買料。#gpigcheungshawan

東京の味 (長沙灣).想食一人燒肉，依家多左長沙灣呢個選擇. ▪️壽喜燒牛小排&牛五花套餐▪️.一個人想食sukiyaki出面普遍嘅份量都會太多，呢到就有一個人份量揀左生蛋就可以燒完沾上蛋汁，肉都比較細舊牛五花就比我肥，啱啲喜歡食滑啲肉嘅大家，我個人就喜歡瘦啲.定食仲有個湯，小食泡菜同飯可以加錢飲野，但我不太舒服飲水就好出面可以自助.📌 東京の味 (長沙灣)長沙灣東京街31號恆邦商業大廈地下3號舖及1樓

冬天對燒肉同打邊爐嘅渴求特別大行過東京街見到呢間新開嘅餐廳坐低感覺冇黐笠笠同幾乎冇油煙感覺好企理衛生程度非常唔錯而且幾個侍應姐姐態度都好好牛舌，牛肩肉＆澳洲牛胸腹套餐150g / HKD 115 再加一套餐有包括日本珍珠米飯日式羅宋湯+泡菜或迷你沙律四樣嘢推介返蘿蔔蓉牛扒汁燒肉撈飯都唔錯肉類選擇算多亦可以自由選擇加購最貼心嘅係可以加購半份咁就可以試到多啲唔同嘅肉類見到好多枱都係一家四口去食小朋友都可以自己一個爐好開心呢間嘅地方闊落有一半位置做一人火鍋最平168蚊一位另外可以加啤酒放題有六個湯底選擇我都有興趣下次再試吓

今日去開長沙灣，就入咗東京之味食飯。店內的環境很舒適，位置闊落，有日式的裝飾和音樂，服務員也很親切和專業。佢地有得食火鍋或者燒肉，我自己一個黎，所以選擇品嚐佢地既一人燒肉。我點了豬五花和牛五花的套餐。豬五花和牛五花都是100克的份量，肉片切得不厚不薄，剛好適合烤肉。豬五花的肥瘦比例恰到好處，肉質鮮嫩多汁，沾上店內提供的燒肉或胡麻醬，更加美味。牛五花則是佈滿網狀油花，牛味十足，入口即溶，燒完只需沾一點玫瑰鹽就可以品嚐到牛肉的原汁原味。套餐還包括白飯、和風湯和泡菜或沙律，我揀左沙律，食落都幾新鮮，可以中和肉的油膩。東京之味的燒肉晚餐值得推介，肉質和服務都很好，價格都合理，如果想自己一個舒舒服服食餐燒肉，呢度都唔錯👍🏻

同屋企人食咗個368 日本和牛餐120分鐘放題打邊爐.一開波叫咗10碟日本和牛,等咗半個鐘黎咗一碟. 咁問個侍應可唔可以幫手追一追, 佢之後答答我和牛未解凍完唔可以切俾你.之後再等多15分鐘上咗2碟.但係時間已經過咗45分鐘.另外,食物嘅種類(菜類)對比起同價位係完全唔值.值得讚嘅就係環境係闊落同埋舒服,侍應執野嘅速度都好快.最後,我唔係好明點解食晚市7點, 食材會未解凍未準備好,我覺得係幾離譜嘅事. 咁點解要俾我揀368個餐？

東京之味🥩 牛五花 去東京之味試咗牛五花，真係幾正。份量好滿意，肥瘦分佈得好均勻，嗰種熱辣辣入口嘅感覺，好滿足。每片牛肉嘅味道都好豐富。🐖 豬五花 豬五花都幾出色，份量同樣足夠。燒到外皮脆脆的，入口即化，肉質軟嫩又保持住濕潤，吃落去真係好過癮。🍲 和風湯 和風湯亦都令我印象深刻，用嘅牛肉煮出嘅湯頭，味道清而不淡，喝落去既舒心又溫暖。尤其係天氣涼啲嗰陣，飲呢碗湯真係好貼心。📝 總結 整體來講，東京之味嘅牛五花同豬五花套餐都幾值得一試。價錢方面都算合理，係一個不錯嘅選擇，尤其係想食點熱乎乎、滿足感強嘅食物嗰陣。整個食物質量同服務都幾好，係一次滿意嘅用餐經歷。📍 地址：長沙灣東京街31號恆邦商業大廈地下3號舖及1樓

舖頭除佐有一人燒肉套餐仲有打邊爐食～啱晒成班friend🤪🔸壽喜燒牛小排&牛五花套餐 💰110套餐組合：珍珠米飯，和風湯（泡菜或沙律）呢個set配埋日本生蛋🥚燒肉沾埋蛋汁食真係好好味😋高質～肉嘅份量都適量，肉質鮮美油脂都豐富～和風湯仲要有牛肉同蘿蔔👍🏻🔸壽喜燒牛五花&澳洲牛胸腹套餐💰85牛胸腹大大塊！好正呀呢個價黎講CP值算高，套餐仲配飯、湯、泡菜或沙律🤤牛五花脂肪分佈平均🥩加埋我鍾意嘅牛扒汁食正正的！🍽️餐廳名稱：東京の味📍地點：長沙灣東京街31號恆邦商業大廈地下3號舖及1樓🕒營業時間：星期一至四及日 11:30am-23:00pm星期五、六及假期前夕11:30am-00:00am💰人均消費：$101-$200📞 電話：2422 2222/ 9826 1136(WhatsApp)

今日兩個人晚上七點多行到東京街東京の味，呢間係日本焼肉同火鍋 mix餐廳，今日想食d香口野就揀左燒肉。叫左個牛五花套餐及牛舌、牛肩肉及澳洲牛胸腹套產。牛五花肉質鮮嫩多汁帶有濃郁的牛肉味。牛舌新鮮好味，牛肩肉質鮮嫩好食有𡁻口，牛胸腹值得一讚肉質鮮嫩多汁，食完又再想食。套餐有白米飯及湯，令人飽肚。套餐限時90分鐘，未到90分鐘已食完，個肚裝滿了、很滿足。餐廳地方光猛寬大、座位寬敞，服務員多及有禮貌，價錢大眾化超值。值得再去。

長沙灣無乜好食日本餐廳，壽司式餐廳唔係我杯茶，路經元州街，發現一間新開燒肉店，標榜一人燒肉，而我光顧時間差唔多兩點，人流不多，所以坐大枱。我點了300g牛五花及豬五花，兩款好好味，份量足夠。略嫌不足是爐烤爐火力控制不太好，8度火好猛，6度火則很弱。前菜是生菜絲沙律，非精單調，沒有其他配料，生菜絲好硬，唯有狂加胡麻醬送口。醬汁有燒肉醬，蘿蔔蓉牛扒汁。送肉口味配搭一流。總結是這間店可以一試。一人燒肉店大量湧現，發覺有特色既餐廳做起左，就會有大量模仿。

呢區除咗連鎖快餐店外終於有一人邊爐了！今日去食左個牛肩肉餐，蔬菜任食（眼見有蘿蔔翠玉瓜海帶唐生菜），味道不錯。呢個價錢性價比高，特別一提個白飯（$9）好大碗，等於出邊茶餐廳1.5碗. 下次試吓個晚餐放題會唔會多啲嘢食先

最近長沙灣新開咗呢間日本料理 餐廳有提供日式燒肉同火鍋放題 呢晚我同友人嚟咗呢度食火鍋放題🍲 最平$148就可以任食90分鐘 非常抵食 我就揀咗高一級嘅牛胸腹肉日本豚放題套餐湯底呢度係一人一鍋嘅 我同友人各自揀咗個自己喜歡嘅湯底口味😚 日式壽喜燒鍋同櫻花蝦豚骨鍋 壽喜燒鍋唔會太鹹 有淡淡嘅甜味 豚骨鍋就有少少櫻花蝦嘅鹹香肉類呢個餐嘅肉類有三款 美國牛胸腹肉 北海道夢之大地豚肉同嚴選牛肉🥩 係可以任叫嘅 用QR code落單就可以啦 牛胸腹肉油脂感幾豐富 食落牛味重啲 豚肉淥完都唔會好韌 值得食多幾碟☺️自助區有多種丸類同埋蔬菜可以自己夾 我就幾鍾意佢嘅雪櫃冷氣夠凍 啲食材先可以保持新鮮🥬 芝心獅子狗 麻辣牛丸幾特別 仲有豬五花可以自己夾🐷 蔬菜方面整體都洗得好乾淨 又好新鮮 整個自助吧仲好企理添⭐️熟食自助吧仲有炸物同埋關東煮拎嘅🍢 我地試咗炸物 面頭有啲椒鹽幾香口 雖然有盞射燈照住 但係始終冇即炸嘅熱辣辣 溫度微暖 有茄子 番薯 南瓜等等嘅食材🍆甜品除咗有雪條任食之外 呢度仲有日式蕨餅同埋泡芙🍦 泡芙好Creamy 忍唔住食咗好多嚿🫢飲品除咗常見嘅汽水同埋無糖茶之外 呢度仲有日本嘅梳打水

呢間餐廳有做燒肉同火鍋，今次我就揀左食佢既一人燒肉Set😛我地揀左個壽喜燒牛小排&牛五花套餐 ($98) 同三部曲套餐 ($78)，有豬五花、豬頸肉同雞腿肉🙌🏻D套餐仲會包左飯、湯、泡菜/沙律😬食物質素方面都OK既，D肉食落唔會好鞋或者好韌，D牛肉沾埋D蛋汁就更滑🤪調味方面佢有提供鹽、黑椒、胡麻醬、燒肉醬同牛扒汁，選擇都多😬份量方面每個Set都會有唔同gram數可以揀，我壽喜燒個Set叫左100g其實都夠，因為佢碗飯都多，又有湯同小菜👍🏻整體黎講呢間既燒肉Set都抵既，最平個Set都只係$50，大家有興趣都可以試下😛