東記粉麵家

营业中

休息中

如果經開觀塘，又不知道吃什麼好，推薦你這間粉麵店,在區內非常之出名，雖然舖頭裝修都是比較地道，只是一般傳統裝修，但多年來都保持水準，年青老幼都是常客之一粉麵店在全香港有數百間，每間各有特色，今次推薦這間在位於觀塘，主打手打墨魚丸，牛雜牛肚，墨魚鬚…….單一款$36，雙拼+$10，飲品+$8/凍飲+$10⭕️牛雜麵$36+$10凍檸茶⭕️牛筋併牛肚麵$46✨湯夠熱，牛腩湯底濃，牛筋牛肚夠味夠淋⭕️墨魚鬚（碟）必必必食👍，唔係間間舖頭有得食✨建議碟叫份量多過雙拼，再配上Wasabi加豉油，絕配

筋邊腩米粉$48，(因為係外賣而且係湯另上，所以貴兩蚊，堂食嘅話$46).係牛腩群組見到好多人推薦呢間牛腩粉麵，經過開就緊係試下.環境同衛生情況就同其他舊式嘅粉餐廳差不多，唔會太好，一入去有好大浸牛嘅騷味，所以都係叫外賣.腩邊筋其他地方我未食過，我覺得食落同崩沙腩有啲似，未食過嘅都推薦去試下，另外佢嘅湯底比較上濃，而且唔係死咸.Cp 值及夠飽: 個份量都正常，夠飽，個價錢係正常崩沙腩米粉嘅價錢.翻啅:我自己就一定會翻啅

除了新一代青年人外，不少人九龍東人都會認識官塘巴士總站隔離嘅粉麵街。G字頭嘅店舖，原先係一間百貨店，店舖裡面有好多化妝小姐，當時官塘真係好旺，用繁榮呢個詞語都好適合，店舖隔離行仔行入去就係大家所講嘅粉麵街。粉麵街成條行都係賣粉麵，由街頭行入去就係間小書店，有好多人買完書，就會行入粉麵街到食返碗麵，立即睇吓剛買嘅書。粉麵街除咗做街坊生意之外，仲有不少由官塘工業區過去食嘢嘅食客㗎~而小編呢就最喜歡去粉麵街入面一頭一尾嘅粉麵店喇~ 其實唔講大家都未必知，其實頭尾兩間店嘅老闆係兩兄弟嚟㗎~ 自從粉麵街拆咗，有不少都結業冇再做落去，而呢間東記就係粉麵街中，喺書店旁邊嘅粉麵店，街尾嗰間粉麵店，就開咗喺瑞和街街市附近。其實東記喺搬遷之後，小編喺好多年都搵唔返，就喺今年新年時，終於俾小編去搵得返，仲得悉街尾麵店搬遷後位置㖭~店內嘅實心木凳，天花嘅吊扇，加埋支裝汽水，真係好懷念啊… 小編叫咗喜愛嘅牛筋牛肚米，牛腩汁嘅湯底加上蔥花，味道更加香同好味。牛筋夠淋而不散欄，牛肚好入味，米粉煮得軟硬恰當，整體都好好。

我一直都有幫襯開東記，覺得呢度嘅豬手同牛腩真係幾唔錯，豬手夠哂大件之餘又yummy麵條好彈牙，並非用一般全蛋麵，難得！至於牛腩又係另一款美味之作，牛腩炆得軟稔入味，牛味香濃，而且食落完全冇渣，正！牛腩嘅份量中規中矩，呢度的食物㨂牛腩特別多幾元抵唔抵食見人見智。而今次是下午茶時間同朋友到處搵野食一經過門口聞到牛腩香，又好耐冇食一於入黎食碗腩麵!!我要豬手牛腩麵多蔥一上枱聞到好香牛腩同豬手汁味啖湯夠清，但有點過咸。豬手得一舊炆得夠腍。但是鹵水味不足.....掛住叫多蔥忘了一句多加腩汁..吃起來味道不足牛腩都較厚身大件，份量真唔少。有六舊...食落好香腍軟身，好正麵依舊煮得岩岩好夠彈牙。而且份量好足，又無梘水味。朋友食牛腩麵亦有同感。不過呢度下午茶同正價時間一樣沒有特別優惠....如果有相信我會經常幫襯

因為好多人以為觀塘東記牛腩河執咗～～ 所以我就落嚟睇下～咁當然好好彩佢仲係到未比租金吞沒 ～ 牛腩湯幾濃～ 牛腩河同牛腩麵我都試過～我都係鍾意河多啲～ 因為我比較鍾意食瘦牛腩～所以相中牛腩較瘦～菜心好林～18我曾經係街市問過啲菜檔～～點解牛腩河嗰啲菜心可以咁好食～～菜檔話因為佢哋有鹼水～所以佢哋焯出黎嘅菜特別好食～～不過佢哋嘅雲吞就比較一般般～～ 如果真係鍾意食雲吞嘅話～～會比較適合去牛頭角樂園多啲～～不過佢地話加$8有枝裝汽水……原來係細枝裝～

步入麵店，矗立在兩旁、金光閃閃的馬賽克柱抓住了我的眼球，為這間平民的粉麵店作點聚，店內設計用色大膽以金色為主，的的確確的土豪金沒有庸俗，反給人一種華麗的感覺。各式單拼粉麵$32，淨粉麵$18……各式各樣的麵餸中，時菜和紫菜是給彈性素食者不錯的選擇。店內每張台亦有一枝淘大荔枝醋可供食客自由選擇添加。我點了一碗紫菜米線，餸和麵亦是分量十足，整碗麵的底下都是紫菜，米線口感適中偏軟身，米線不至於碎散。能夠在宵夜時間找到一個有彈性素食，且食物質素不低的食肆，值得分享一下。店內主動提供即棄膠飲管，走塑人士注意。

下午茶時間見到好平就黎試下。黎到發現有九成都是叔叔伯伯...叫了豬手牛腩麵及凍檸茶....落左單好快送上凍檸茶，味道和茶記差不多，檸檬夠茶又濃。麵可能即煮所以好耐先到接著就豬手麵來，豬手因爲頗肥的關係，入口即溶分唔清係脂肪定膠原，忍唔住肥膏既誘惑一野食晒，但是豬手份量孤寒，吾夠送麵，味道方面偏咸。牛腩夠淋亦偏咸再食啖麵，嘩，好重有鹼水味，雖然麵條屬爽彈但亦難入口，另外似乎忘了叫腩汁又無比到扣一點分，湯底也是偏咸，麵量偏少，可能豬手少牛腩又少我食完碗麵都唔覺飽。不過勝在平，雙併連凍飲三十多可能今次失手，希望有改善

朋友八點要學網球咪行入呢間粉麵店食quick dinner入到去得幾粒人就覺得⋯應該普普通通果然哎左之後 伏啊伏湯底係完全無味的 白sap味早知道叫多碗腩汁可以救碗湯底米線超級林 林過龍一夾就斷牛腩味道還可以 但係一啲都唔嫩滑係柴的 好難咬sosad唯一ok就係鮮蝦餛吞 裡面混雜左瘦豬肉蝦肉非常QQ 所以都挽救翻少少希望好處嘅話～哦 澱粉同送嘅份量夠多咁囉普通如果係呢啲假期嘅話可能得兩三粒餛吞或者係三四塊牛腩不過如此頹食

今日原本係為左掛住上海榮華個擔擔面而上山嘅，點知遲咗出門口，時間有少少緊迫，又諗起上海榮華啲嘢都等得幾耐，所以就退而求其次，狗衝咗入呢間粉麵舖喇。入到去見到有個高啲瘦啲老啲嘅時應叔叔喺度忙緊執碗同收錢，我一直望住佢，期待喺佢回望我嘅一刻，我能夠喺口中嗌出腩河兩個字，直到我見佢就算忙完手頭上嘅工作，都無望過我一眼，我就決定對住空氣大嗌腩河，佢嘅面容令我確定佢只不過係逃避我的眼光唧，其實係一直等緊我嗌嘢嘅，因為需知道喺呢啲地方嗌嘢食，如果侍應忙緊，你未有佢一下眼神嘅肯定就嗌嘢嘅話，絕對會換黎一句比起問候娘親更加唔而煩嘅等陣啦或者轉頭丫。果然，等咗唔使三分鐘，個腩河就上枱，個碗確實係如其他食友所講係極大嘅，湯底清澈，味道淡如水，河粉未夠滑溜，唯獨是係個牛腩唔錯，味道夠得嚟咁啱我嗰份重斬到少少崩沙位，牛味香濃又肥美，弱勢嘅湯底方面好彩枱枱都有魚露，落番細半羹，乜都返哂嚟啦。

提早收工同細妹去買野記得小巴站附近有間東記都好耐無去，咁轉過灣行去食見到叫食粉麵雖然沒有套餐但叫粉麵加飲品都係加五元其實咁同套餐有乜分別呢講番我想講嘅野先，我地今日叫咗一碗魚皮餃河，一碗牛腩河大家分享的牛腩同魚皮餃起初見到顏色好深心唸好咸喝一吓湯先又吾會，都幾清甜魚皮餃扎實豬肉餡都新鮮有咬口個碗係好大，比例吾啱，河粉夠滑牛腩又係比好鞋嘅位我地痴住我啲牙就算幾好味都扣晒分環境整潔，服務就係我叫完兩碗野無人回應等咗十分鐘追問話整緊再等多六七分鐘先有得食二十幾元一碗野吾要求得咁多唉！勝在有街坊吾休做

同朋友係apm食完野仲覺得肚餓於是比朋友帶左黎東記食魚蛋粉..我地兩個都一樣叫左碗魚蛋河無幾耐就到左喇..魚蛋同魚片都好好味..唯獨是少左d..個湯清清地..河粉又夠滑..最好既係有d生菜係埋個湯到..好似多左d點綴咁..間野門面都幾靚..又有電視睇..冷氣好夠凍..價錢又唔貴..都係廿幾蚊..抵食又好味!下次會再黎

六點幾已食完晚飯，九點多行過附近剛好見到門口招牌寫住馳名牛腩牛什享譽三十載見有少少餓，於是被吸引入去我就叫了一碗牛腩雲吞河另外加一杯凍檸茶三至四分鐘內到都幾大碗雲吞有兩粒雲吞正常咁，無乜特別牛腩望落都吾少聞到河粉有少許花招八角香味但係全部都係太瘦部份少許脂肪都無而且仲有些係邊位，雖然炆得好淋除了得八角香味，就食吾到肉味口感上真的太鞋口，認真麻麻有幾片鞋到硬柴柴，就係果啲邊位河粉算是一般般湯底亦無乜特別，感覺有些微味精呢餐感覺失望，好似名過於實凍檸花亦都係一般舖面吾算大環境算乾淨幾張四人枱而沒有卡位坐椅全部用圓木實心櫈服務一般