東記粉麵家

营业中

休息中

今日原本系为左挂住上海荣华个担担面而上山嘅，点知迟咗出门口，时间有少少紧迫，又谂起上海荣华啲嘢都等得几耐，所以就退而求其次，狗冲咗入呢间粉面舖喇。入到去见到有个高啲瘦啲老啲嘅时应叔叔喺度忙紧执碗同收钱，我一直望住佢，期待喺佢回望我嘅一刻，我能够喺口中嗌出腩河两个字，直到我见佢就算忙完手头上嘅工作，都无望过我一眼，我就决定对住空气大嗌腩河，佢嘅面容令我确定佢只不过系逃避我的眼光唧，其实系一直等紧我嗌嘢嘅，因为需知道喺呢啲地方嗌嘢食，如果侍应忙紧，你未有佢一下眼神嘅肯定就嗌嘢嘅话，绝对会换黎一句比起问候娘亲更加唔而烦嘅等阵啦或者转头丫。果然，等咗唔使三分钟，个腩河就上枱，个碗确实系如其他食友所讲系极大嘅，汤底清澈，味道淡如水，河粉未够滑溜，唯独是系个牛腩唔错，味道够得嚟咁啱我𠮶份重斩到少少崩沙位，牛味香浓又肥美，弱势嘅汤底方面好彩枱枱都有鱼露，落番细半羹，乜都返哂嚟啦。