東CF士多小食店

营业中

休息中

雖然係熱辣辣嘅天氣，但係對於串燒仍然有一種不可抵抗嘅力量。路過長沙灣呢條食街見到有一間專賣串燒嘅小店，所以就去咗幫襯。見到佢有唔同嘅海鮮推介，而且店員亦會出嚟推介下邊一啲海鮮好食。而且佢哋都會有是日優惠，當日我嘅是日優惠就係牛肉串燒買一送一，所以我就嗌咗牛肉串燒，除此之外都嗌咗燒蠔同埋燒茄子。當日燒生蠔嘅價錢係48蚊兩隻，但係師傅話因為見到啲生蠔比較細隻，所以就決定送多一隻畀我食，感覺佢哋都算係貨真價實，另外燒茄子方面見到佢哋真係即叫即燒，仲要茄子有我半隻手臂咁長。漫長嘅等待之後再食嘢嘅時候生蠔燒得啱啱好，唔會燒得變得好細隻同好乾，而且蒜蓉嘅加持下變得更加香口。牛肉串燒略嫌有啲乾身，不過可接受，燒茄子就係最令人驚喜，不但係佢嘅份量，而且佢燒嘅火喉同埋時間啱啱好，所以茄子唔算太燶，差唔多成個茄子都可以食曬。師傅十分友善，下次可以再食過！

用心高質串燒舖 老闆燒得好有心 超足料 又會問下我地食完感受 羊架同厚切薯仔片都好好味！！男朋友都話好好味好掛住！特登出去長沙灣食！難得有心嘅店舖！秘制串燒粉同蒜香真係唔係其他舖可以食到！

上星期經過呢間新開既小店見到有5款串燒買一送一價錢即係只需要幾蚊左右覺得唔好食都好 都叫抵食咁就叫左牛肉串，豬頸肉，翠玉瓜黎試味(小麻&小辣)個人唔太食得辣當我食既時候 調味料好夠味 肉質相當唔錯 完全喜出望外 達致串燒應有既條件 當時已經萌生找天再光顧既諗法但可惜第2日已經頂唔住 所以決定買多幾款串燒試老闆都好有熱誠咁介紹幾款串燒，服務態度良好我個人最推介係豬頸肉，茄子，牛仔骨，(雞頸肉幾特別既食品)。唔多影相既人，冇相比總之讚讚讚

放狗行過，發現開咗間新嘅燒烤店，雖然平時好少食燒烤，但係聞到咁香嘅燒烤味，都忍唔住停低試吓新野。店東好有耐性咁介紹有啲咩推介，話墨魚咀、蒜香茄子、豬頸肉等等最多人叫，仲提我記得試吓小麻小辣，開頭諗住嗌幾樣試少少，點知越食越停唔到口要瘋狂追加，隻麻味辣得好過癮。少店東雖然係後生仔，但係feel到佢整野食好有heart，仲特登問我覺得啲食物點，而家已經好少有老闆咁關心客人體驗。特別推介大家記得要點蒜蓉茄子，材料新鮮、味道濃郁，好好彩嗌到最後一條。以後唔使再擔心夜晚諗唔到食咩宵夜啦

前兩日見到做緊買一送一即刻同男朋友試吓味叫左小麻小辣 真係100%驚喜！之後我哋等二日即刻買勁多嘢食見到師傅好有心燒個茄子打開外賣盒當堂嘩一聲好香啊！落咗好多蒜蓉 我哋連皮都食埋另外牛肋肉油脂分布好正 勁香雞翼係界開咗 唔知點解好多汁 夾埋麻辣好正同埋羊架個味道$38好抵食孜然味超重 一啲都唔乾身老闆娘推薦埋我哋叫必食牛仔骨一咬落去陣陣酒味 燒得少少燶邊好正總結個味道好上癮 好想瘋狂再食等得唔耐又好食價錢又街坊 下次一定會再叫朋友食

已經第3次去食，啲串燒真係無得輸。啲味道夠曬濃 令人好上癮 想一串接一串，而且價錢又平，只需十零蚊串，超抵食！推介佢既雞軟骨、薯片片、蒜茸茄子同燒牛肋骨，真係好入味好好食！

最近在家附近新開了這檔小食店，一開始也沒有留意，都是賣些車仔麵、魚蛋燒賣。直到今日收工經過，被一陣麻辣孜然味吸引，原來夜晚6點後賣店主自家調味的麻辣串燒！跟大多數的日式串燒不一樣，他們店是主打麻辣，零舍惹味。尤其是當中的「麻」，甫一入口就像打通你的味蕾一樣， 渾身一震，在你口腔開花，只想一串接一串地、無間斷地鯨吞下去。而且麻辣的程度也有得選擇，即是不能吃辣的我，小麻小辣也可接受。初初嘗試，試了雞皮、牛仔骨、雞軟骨和厚切薯仔片。當中最介紹的是雞皮！表皮燒得脆脆，入口又不失油脂的軟淋。其次是燒汁牛仔骨，牛仔骨與其他串燒的口味不同，用汁醃好後再燒，而不是麻辣口味，牛肉燒得非常juicy，不會燒得乾爭爭，骨頭與肉也很易分開。薯仔片有咬口，樣樣都不錯👍🏻而且有幾款串燒限時買一送一，也很划算，決定明天再試其他！