兩姊妹涼皮有限公司 (教育路)

营业中

休息中

依家涼皮好出名，一直都好想試，一直唔知原來元朗都有分店。嗰日就特登去咗食，原來依間係外賣店嚟，冇得堂食。嗰日就叫咗個招牌兩姊妹涼皮嚟試吓，食完覺得冇乜特別，同平時食開嘅差唔多，冇話特別好食。我叫咗微辣，但都覺得好辣下。涼皮唔會太鹹，亦都唔會太油。一碗涼皮唔係好大碗，身為女仔嘅我都只係啱啱好夠飽。價錢亦都貴過其他同類型嘅舖頭，感覺唔係話好抵。我覺得未試過嘅可以一試，但係下次想食涼皮嘅話都係會幫襯返其他舖頭。

今日亦都係一個人吃晚餐的晚上，懶洋洋的我，又再次選擇了網上外賣平台外送服務。今次叫咗（兩姊妹涼皮有限公司（教育路））嘅招牌兩姊妹涼皮走辣，個餐入邊包括一份雞絲同埋菊花決明子枸杞茶。我用咗唔同嘅角度去分析一下今次嘅餐飲體驗。份量：對於一個成年男人嚟講，呢一個餐其實唔係好夠食，建議再加一兩份小食會更加飽肚。味道：第一次試佢嘅涼粉皮，覺得好特別，完全冇試過有呢一隻質感，個感覺好滑好滑亦都好大呀好涼爽，醬汁調味亦相當配合。整體嚟講，唔會太鹹亦唔會太油。因為我係食走辣嘅版本，所以就評論唔到食辣嘅話係咩味道啦。餐飲：包括一個冷泡茶包嘅凍飲，味道方面，係類似藥材咁嘅味。人均消費：$59加兩蚊平台費等於$61改善方案：希望可以加大份量。

春天要來啦！這幾天天氣轉熱了，有點沒胃口，所以我同屋企人來試吓這間涼皮。大家都覺得呢度嘅涼皮真係好正啊！佢個涼皮滑得嚟口感又足夠，食落去有種好特別嘅涼快感，真係一流。我哋又點咗幾款唔同嘅涼皮試下，每款都有自己獨特嘅味道，但共同點就係都好夠味。食肉嘅話，我推介椒麻雞，幾啱哋嘅肉質加上香辣滋味，真係好惹味到暈😍。食涼皮同時加埋椒麻雞，嗰個mix真係幾搞作，辣得嚟又清新。至於個環境，雖然唔係好大間，但係幾乾淨整齊收拾得好好，令人食得更安心。運氣好嘅話，仲可以撞到啲好笑口嘅服務員，整體嚟講氣氛都幾悠閒。點解我會話呢間咁正呢？可能係因為每樣嘢食都見得出佢哋注重細節，由涼皮嘅口感到配料嘅新鮮，甚至係醬料嘅搭配，都做到位。下次天氣再熱，我一定要再嚟轉轉，試吓其他款式嘅涼皮👍。總之，呢間係一個可以令你食完之後心情都跟住變得好嘅地方，推薦畀大家試吓！👌🌶️🥒

期待咗食兩姊妹涼皮有一段時間，知道佢係旺角開咗新舖，即刻同朋友去試下！分別叫咗BB辣熱皮和小辣涼皮，但我又怕死所以要咗BB辣😂 我地一至應為小辣涼皮比較好食，而我唔食得辣嘅都覺得可以要中辣，始終涼皮要夠麻夠辣先正！另外，加咗兩份餸麻辣豬雜和麻辣蓮藕，小菜比涼皮出色！值得推介🉐要吐不滿嘅位係……我地排咗一陣入去比錢坐低，因店內無廁所，我要行到去附近商場或運動場解決。而同行朋友被店員e e um um 咗2次話要人齊先入坐😰咁門口都有人把關，仲要收埋錢先可以入坐，比8-10分鐘我行去廁所都有壓力。大家記得放曬水先好去排隊食嘢啦！我個人而言唔會再去食lu😗

-之前喺太子店食過一次，覺得佢個小辣唔夠辣，今次經過元朗大坑渠見到呢邊都開左分店就再試😳，留意返佢只有外賣🫓【招牌兩姊妹涼皮】 $30 (9.5/10)今次叫左中辣，配有芫茜、蔥、青瓜絲、花生碎、豌豆、芝麻，個涼皮好夠凍一食落去超滑，我唔係一個好食得辣嘅人，但我覺得中辣啱啱好，佢個涼粉比較似闊薯粉嘅質地，厚身得嚟有咬口，配埋個辣汁越食越上癮-📍【兩姊妹涼皮有限公司】 元朗教育路68號兆豐樓地下21號舖太子柏樹街15號地舖長沙灣青山道473號地下A號舖屯門仁愛堂街14號蘭苑地下5號舖🕑Mon, Tue, Thu 12:00 ~ 20:30; Fri to Sun 13:00~20:30 (元朗店）

好食，味道好出色，好香$29蚊好似好平，但其實勁貴，因為真係勁細兜，我女仔一個幾啖食哂😑呢個份量只可以當小食。雖然另一方面你係有良心，但係作為食店，咗既份量無幾無良唔會再食

今日來元朗就來試試這裡的招牌菜式-涼皮、金錢肚和夫妻肺片。兩姊妹涼皮的涼皮非常特別，它是由米粉製成的，非常爽口。涼皮的口感非常獨特，有點像是涼拌菜，但卻更加爽口。此外，涼皮的配料也非常豐富，包括青瓜、豆芽、豆腐等，讓人一試就愛上。除了涼皮，兩姊妹涼皮的其他菜式也非常值得一試。例如他們的金錢肚和夫妻肺片，味道非常正宗，是我在元朗吃到的最好的川菜。金錢肚的口感非常韌性，而夫妻肺片的口感非常爽口。此外，他們的湯水也非常好喝，非常適合搭配涼皮和其他菜式。總的來說，兩姊妹涼皮的涼皮、金錢肚和夫妻肺片都是我非常推薦的菜式。它們的味道非常獨特，配料豐富，而且份量足夠。如果您想品嘗道地的涼皮和川菜，在舒適的環境下享受美食，兩姊妹涼皮絕對是一個值得一試的地方。我期待著下次再次光臨兩姊妹涼皮有限公司，品嘗更多美食。

分店開到總有一間係左近但唔知點解我次次都係幫襯元朗店大熱天時食碗涼涼的招牌兩姊妹涼皮 (ᴴᴷᴰ 29)真係十分透心涼呢～涼皮晶瑩剔透，相對厚身再加入秘製辣椒醋、青瓜絲、芫荽、豌豆和花生碎口感味道層次都幾豐富不過配菜份量稍少，就唔夠過癮了！

今日去咗‘’兩姊妹‘買咗招牌涼皮、夫妻肺片、口水雞，酒香雞腳今日特價$20,全部都好好食。同收銀嗰姊姊好好人，好細心教點樣處理醬料，因有家人不食辣。還買了點品‘黑糖五彩冰粉‘’我不吃甜都覺得好好味

雖然成日經過，但又無發現到，今次終於可以食到啦😉！叫咗個招牌兩姊妹涼皮（$29）+雞蛋乾（$7）。涼皮每條分明，入口冰冰涼涼，喺呢個有28度的冬天（春天？）實在令人感覺舒服。表面會灑上芫荽、葱（我走咗）、青瓜絲、花生碎及脆脆碗豆，加上靈魂醬汁，令到成個涼皮十分惹味！但份量嚟講，如果一個細食的女仔應該夠，大食啲都唔夠飽了。我要少小辣，我相信辣嘅程度都係就香港人而作出調整，因為真係唔算辣。雞蛋乾呢，點睇都係鹵豆腐🤣，但食落真係蛋嘅質量，感覺幾特別。

兩姊妹由太子開到入元朗國，好受歡迎👏🏻 元朗分店門面乾淨企理，係門口位置仲有張枱可以俾食客放係度食埋佢😋 或者可以行幾步路，去籃球場一邊睇波一邊食涼皮，夠晒爽皮🫶🏻Order左招的涼皮，再加左金錢肚😋 入面有清瓜絲、脆豆、芫荽，撈埋啲微辣既醬汁，十分滋味👏🏻 涼皮冰冰涼涼又夠Q彈，如果夏天食一定更加正😋

🔸招牌兩姊妹涼皮 $29 7.5/10芫茜｜蔥｜青瓜絲｜花生碎｜豌豆🤩涼皮同平日食嘅唔同, 似極闊2.0版紅薯粉🤪😻質感好滑溜, 清涼同彈牙超順滑 “Sup”一聲滑落喉嚨🛝😆🤤好似食緊好薄嘅愛玉咁~醬汁酸中帶甜, 啱哂🌞夏天熱辣辣食 爽！🥳😵‍💫下次要叫多麻加辣, BB辣嘅辣度太微😢😗如果有得加大份量就好了～🔸粒粒雞髀菇 $29 8/10個人覺得雞髀菇更出色🤩😍🍄菇嘅切法令佢更加爽彈~吸哂啲醬汁, 微辣得嚟好惹味😝⚠️提提你: 分店逢星期三休息

元朗分店都開咗一段時間，今日行開附近買少少涼拌回家晚餐加餸。位置有啲偏僻，喺元朗大坑渠旁邊要行一條細巷仔，唔係特登搵其實都未必會經過。佢哋出名粉皮，但今次只想食涼拌，點咗三款-牛柏葉、肥腸、牛肚，唔辣，店員問走唔走配料，我好貪心，芫荽、花生、蔥全部要！咁先惹味。麻味好勁，又濃又香，不過冇乜辣味，後悔嗌咗唔辣，下次要嗌小辣先得！牛柏葉：好入味，每啖都沾滿汁，推介！肥腸：爽口彈牙，爽呀！牛肚：偏硬，相對其他兩樣冇咁好味。最驚喜係有五六粒細細塊青瓜墊底，食完麻香味濃，食番啲清爽嘅青瓜，好refreshing！下次要試吓佢嘅招牌菜- 涼皮！

有時熱到無胃口,但係又肚餓,咁食咩好？咁就食涼皮同冰粉啦！@兩姊妹涼皮有限公司,近年已在香港涼皮界出咗名收工去買元朗店買外賣,老闆好好,免費省多碗芫荽俾我呢個荽人 🔮兩姊妹招牌涼皮  這個涼皮真係一試難忘, 寛粉皮滑lu lu入口好彈牙有嚼口,涼涼地,花椒麻辣味好正,我叫咗少辣都食到,嗰種麻味仲會慢慢再滲番出來,仲有黑醋酸酸地勁開胃,上面仲有好多其他配料,蔥花,青瓜絲,碎花生,脆腕豆,同我最愛既芫荽,撈埋一齊食,勁正呀！ 🔮重慶涼麵 其實個汁底配料都係同涼皮差唔多,不過太后食麵,所以叫個涼麵俾佢.點咗BB辣,原來真係唔辣,不過依然有麻味.涼麵無涼皮咁彈牙,都算煙韌,個人都係鐘意涼皮多D 🔮椒麻雞 推,推,推!雞肉好嫩滑,醃得好入味! 入口又有冰涼感,個雞皮勁爽呀又唔覺得肥！麻辣味超正,後勁的更爽！份量仲幾多！我果晚好夜先去買,個椒麻雞仲特價,突然間覺得抵咗！very good! 🔮黑糖五彩冰粉 冰粉質地有D似台灣既愛玉,彈吓彈吓好得意!上面有青提子乾,芝麻,和黑糖漿！入口Q彈,又冰涼,黑糖香而清甜,恰好可以解咗之前既辣味！我覺得呢個甜品真係同之前既麻辣相映成趣呀！

《不負責任食評—兩姊妹涼皮》評分：🌕🌕🌕🌕總評：份量唔算多 定價高左少少但味道正宗川味濃🤭涼皮唔係平時葵廣見到白色個款佢個款有少少似唔黏既闊紅薯粉 質感滑嫩但唔易斷有少少似食凍湯粉咁個醬汁會比較酸爽帶甜 夏天食好岩🤭不過份量都真係幾少 仲要無餸都賣29蚊 椒麻雞（$52）係以花椒麻香為主底下有少少青瓜芯🥒叫左小辣都會有幾重既麻痺感 好爽快雞肉全部去左骨 但稍為嚡口 我諗得例牌份量 乘番一隻雞近200蚊都幾貴😂個人覺得無涼皮個汁咁特別老實講份量都係偏少但味道唔錯 又唔會好多紅油沖涼咁想食輕盈既川味小食都會再食😋