中村屋

营业中

休息中

一直都記得天后一帶F&B寶藏無數，今日一個人返屋企之前決心揾日料醫醫肚⋯大集團一律拜拜，我覺得喺清風街一帶一定有好嘢，上OpenRice 揀日本嘢食由後面揾上嚟，一相就相中哩間立食外賣小店。主打人手即做，食材有部分新鮮豐州直送，叫一碗我最鍾意嘅香葱Tuna丼試試(亦係除咗鰻魚飯之外，我一貫試一間日料有冇料到嘅選擇)，一試，不得了，我覺得有去咗新宿嘅居酒屋感覺：好好食！！雖然疫情下一個random afternoon要食HK$108一碗有少少貴，但我好好好滿足，it really made my day，no pain no gain，下次一定再嚟！

天后食街有間立食壽司小店，灰色店面搭配淺木色裝潢，採用自助形式揀完壽司可以喺鋪頭入面立食夠晒方便。壽司種類都有廿零款，有定食同埋丼飯，我唔想諗食乜就揀咗雜錦壽司，兩盒加埋都係$200，好抵食😆推介大家食海膽吞拿魚腩魚子甜蝦壽司，口感豐富味道鮮甜基本上唔需要wasabi都好好味😋

離開天后地鐵站半分鐘路程有呢間外賣式壽司店，門面一啲都唔起眼，原來內有乾坤...識食一定係點即叫即做既壽司堂食，溫度水分啱啱好，個壽司飯既質地同味道調教得好過好多銅鑼灣既高級壽司鋪，個手握壽司力度適中，好有驚喜喎，仲要只係千両既價位。白板上有日本直送既推介，今日就有深海池魚同埋油甘魚。每日4:00後開始供應三文魚骨湯，有大根既甜味同個蔥香好有火花，都只係$18！抵到飮兩碗😆唯一希望可以改善既係堂食由於係立食既關係不能久留，但係筷子剌身碟魚湯碗都係用即棄的，廿分鐘我掉咗甘多碗碟好浪費😔（最近見到壽司碟醬油碟開始用可以清洗既用具喇👍）太好味吾記得影相唯有下次再去😜店面空間有限，吾建議帶小朋友去外賣部有做好左既壽司不過我有心理障礙吾敢試，不作評論

外賣了一盒共13件的壽司拼盤，拼盤中有齊我喜歡的款式，大愛！！每一件魚生都有一定厚度、新鮮，味道鮮甜，飯量合適，一口一件，剛剛好。大型熊仔連鎖店的價錢，但質素絕對比連鎖店好，值得幫襯。支持小店！！！

約左朋友喺天后或者炮台山食飯，唔知食乜好，咁咪上openrice search下有乜好食囉。search完一輪，見「中村」d相同comment好似幾好，朋友又住附近所以就去咗買黎試吓囉。舖仔細細，一去到已經要係門口等一陣排隊入去落單。入元去有2位日本立食中。食魚生壽司，當然要飲番杯啦😬壽司非常好食！呢個價錢食到新鮮手握壽司，啲魚生仲要非常新鮮真係好難得👍🏻海膽非常好！ 鮮甜👍🏻👍🏻👍🏻最後再加咗個魚湯非常滿足好味😋？咁

#支持良心餐廳全港立食壽司最愛top3❤️呢間係我覺得次於立鮨少少 其實我同男朋友食依間已經食到做左第二level嘅會員😂 由未有黃藍店之分已經好中意食佢😳 係日本人開嘅 得好少位但成日都會有日本人黎食 最中意佢嘅燒左口魚 三文魚 三文魚腩 其實好多都above average 反而手卷就無咁推~

呢間位於天后地鐵站附近嘅壽司店。店舖細細， 佢可以畀你，單點壽司 ，即叫即整又有預先整定的 ，畀你購買。 有位置你立食 ，有清酒 當然我每一次去 ，都係叫外賣單點， 每次食都好新鮮 佢嘅刺身大大份厚厚的 ，入口即溶嘅魚油， 回味無窮仲有佢個海膽 ，香到不得了 嗰味道…係口裏面， 回味得你成晚 ！！另外仲有佢嘅魚子， 成嚿擺入口 ，啲魚子汁好似爆炸糖咁 ，喺你個口入面爆開 ！好新鮮好甜！！ 另外 ，佢有每日新鮮嘅刺身， 次次都唔同 ，但係如果佢推介得嘅，你就一定要試下啦 ，因為唔係次次都有 今次叫咗兩盤， 三百幾蚊， 好抵食出去 三百幾蚊都唔知食到幾多件 佢啲刺身真係好新鮮，同埋每一次都唔會同你慳，大大分 食到熟落咗 ，先知原來師傅係日本人， 仲有好多日本客人專登走去食 真係值得推介推介再推介

最近坊間開咗好多 棟篤食壽司店上星期經朋友介紹 呢間人氣店 已經試過一次 覺得值得 一去 再去 今次造訪 順便影張相 寫食評 值得推介 由日本人主理嘅壽司店 用料質素 同手藝 夠地道 食材方面 老闆每日喺豐洲 直接運送 保證新鮮 加上 每件壽司由師傅 即叫即整送到面前 彷如置身日本食手握壽司 感覺好好feel今次 菜單 深海池魚超好食、大 Toro 入口即溶(上次食中 Toro 有少少根)、墨魚好彈牙、火炙冇得輸、赤夢係海膽 + 吞拿魚碎 + 甜蝦，上面仲有三文魚籽先至 $20/件、連伊勢龍蝦沙律上面粒龍蝦都好彈牙 性價比非常高

味道：以一般嘅價錢食 我覺得呢間cp幾高我最鍾意食火炙帶子sushi ($17)覺得呢一間啲帶子唔會切得太薄 都幾甜左口魚裙邊都係必食入口即溶好滑環境：我覺得太迫 佢個地方只係夠四到五個人喺嗰度食嘢企喺度食好辛苦溫馨提示：個人覺得盡量唔好買啲已經包裝好嘅壽司 因為質素都有啲分別 尤其係嗰個左口魚裙邊 包裝好嗰啲冇入口即溶嘅感覺 即整先有即叫即整先係最好食 同埋呢如果太夜先去食即係接近9點 質素係會冇咁好所以大家最好都係晏晝食啦

食外賣壽司離不開都係「爭x」「元x」, 呢間係正中日本人開既壽司店（日本人老細係識講廣東話嫁！），都係做外賣為主，入面只有企位（大概5人左右），鋪位唔大，唔顯眼，行過真係會錯過！但食完呢次我一定唔會再錯過，因為真係瘋狂好味！ 價錢唔貴，但CP值真係爆晒燈！呢度壽司有兩款食法，即叫即整、整定比你揀快靚正。 不論即叫即整或是整定，都係咁新鮮好味（我試過，真係試過！），分別只係多左個包裝膠。講返壽司，佢啲飯好好味，好似去左日本食壽司咁好味，淨係飯都好滿足！飯係唔會散既！上面啲料，足到一個點，蟹子軍艦啲蟹子既高度，同個飯差唔多，落足料！ 總之所有野都係新鮮（包括飯，軟熟的！即使晚上去食，都仍係軟熟既飯）。炙燒壽司更係即叫即燒，oh my god! 啲芝士即到淋左但又未變形，呢個口感真係不得之了，同三文魚或蟹柳襯到一個點！仲有！佢個薑好好味，唔太辣但薑味仲保留住，平時唔食既我食左好多。佢仲有自助式既關東煮（sorry, 興奮得濟無影相），最少有8款食物，好味又特別，有款腸仔入面有條雞骨添架😂 Wasabi, 唔太辣又好特別，有咬口既！ 總之係唔同啲啦！ 鋪頭內仲有刺身、汽水、酒（sake為主）賣

我係天后返工都好耐了，而中村屋開左甘耐我都沒幫襯過原因係我覺得以外賣壽司來說，中村屋的價位有點貴！ 直到有日突然好想食壽司，而我又一枝公唔想去店入面食，而且選擇左試下中村屋。我揀左一個叫小樽的sushi set $118 $118 有11件壽司+6小圈，感覺又唔算好貴，可能係店鋪外見佢推介的都比較貴！ 以為其他野都會好貴！我想講佢的魚生質素唔差絕對配得上佢的價錢！ 好過好多連鎖壽司店！平時食開連鎖店的吞拿魚都好難食，以為只有拖羅先好食，但中村屋令我對吞拿魚改觀！如果係天后返工/住的朋友們～中村屋真係可以一試！

慰勞下自己咁辛苦做完運動。一諗就諗到天后呢間立食壽司店。之前因為成日要去圖書館讀書關係，夜晚晚唔想食太heavy。次次都會諗到哩間。細細間鋪頭，就已經逼左大概8個人喺我前面等緊外賣。個個都叫大大盒拎番屋企食。你就知好嘢。食完出黎，好快又有新一批人入去食物新鮮就不在話下，鋪頭係標榜直接由日本東京豐洲市場直送嚟。想食豪少少既，$168會有9件(如圖)，推介日日都唔同。平時大拖羅$45，中拖羅$30幾。花之戀$18。有咁既質素，其實都唔貴喎。如果唔想等，可以買已包裝好的。如果單件買，普通包裝好既，大概$10左右就有交易。絕對係大眾化價錢。我個人心急，次次都唔想等，所以都買一pack包裝好既。嘩~ Oishi~~ 咪以為包定既就無質素。真係一d都唔係hea，唔dry，仲有帶子，甜蝦，魚腩係入面。$56有6件火焰壽司。仲想點。如果好彩遇啱特價時段，壽司都會大約七折賣添。真係好抵食。大家都要支持下小店。立食鋪都係好細。所以買完，食完就閃了。咪阻住下個食。

開完OT好攰，想食好少少放鬆下，對自己好點。經過這家中村屋，因為已經過了9點，見有特價就走入去睇睇。店的位置很少，只有幾個立食的位置，而且佢地係主打外賣的。正常營業時間時，是可以order丼的，即叫即做，但過了9點後就只有外賣壽司。選了一盒有11件壽司加6小件三文魚卷的回家吃，$94 (原價好似大概$120)。 材料很新鮮，帶子好大粒鮮甜，三文魚子的質素很高，份量亦不少。八爪魚很喜出望外，平時吃的都是比較乾身的，但這卻是比較少吃較濕身的，非常好吃！雖然價錢不可以話好平，但以質素來說是很高的，整體個性價比是可以說是很高。當然，限時減價就更加吸引

立食sushi 在香港最近比較流行 ，我嘗過mk 有名的過後實在覺得名過其實。說到立食 ，我是這間店的老客了。（diamond black card) 但看到評價這麼少 ，實在忍不住要在這支持他。這的廚師是日本人 ，很多住在附近的日本顧客都光顧 ，所以信心有保證 。有預先弄好的 會便宜的 ，可是放在冰箱𥚃的不是最新鮮的 ，來這兒當然要食即叫即做 。魚湯是熟客才會點的 ，100分推薦。這是用三文魚肉 連骨煲的 ，味道很鮮甜 ，有滿滿的魚肉跟骨頭。$20 （要早點叫 晚些會賣完）Sushi都很好食 ，醋飯不會散 ，暖暖甜甜的 ，刀法利落 ，日本廚師就是不一樣 ，個人覺得飯跟功架跟omakase 比。（以下都是我最愛最推薦的）三文魚腩（ $10 ）、帶子（$16）很鮮甜、肥美海膽 非常creamy ，很大一份才$33 ，一口差點食不完。中tuna $38 肥美 ，油香會慢慢浸出來油甘魚 $16 很多腩位， 很新鮮（好食的油甘魚香港都賣很貴 ，這個性價比很高）牡丹蝦$12 鮮甜 ，清潔得很乾淨穴子 $18 100分推薦 ，燒得很香 ，醬汁很配 ，而且咬下去很鬆化，是比較特別的魚燒左口魚 $1

中村屋既門面好靚好吸引，行近去先知原來係立食＆外賣壽司店。店內有包裝好的壽司，亦有即叫即整的壽司，相片影就影得好靚，想知好唔好食，就要買啲黎試下喇🤤我㨂左三文魚壽司、赤貝壽司、火炙左囗魚裙邊壽司和火炙帶子壽司🍣火炙左囗魚好有油香，火炙帶子好厚身，加上火燒過魚面和帶子面，令魚和帶子更加香赤貝很新鮮無腥味，三文魚亦很新鮮肥美當然唔可以忽略飯的質素，飯很軟熟，唔會死實實，試過之後，真係覺得物有所值。