中記

营业中

休息中

好耐冇食，經開灣仔，唸住近近哋，快靚正食個午餐⋯點知又受氣又谷氣！事源中午嗌個飯，嗌碗湯，催咗足足5次，而我亦開頭搵同一個阿姐幫手，一係就無視！一係個阿姐就話：「我知、得啦⋯」我知你哋中午繁忙時間，但湯飯照出、隔離嗌檸茶都係3分鐘內送到！你話激唔激氣？最後我食哂個飯，仲未有，再問多次，阿姐竟然答：「唉呀！得閒先裝到俾你㗎！已經冇收你錢！」咩話？咁一開頭落單你唔講，咁我加錢嗌檸茶奶茶都得㗎！係咪呀？然後我起身去俾錢，佢走去一口氣裝咗4碗湯派⋯有冇攪錯！唔會再嚟！差到無其他詞語形容！

今次去試，因為，從澳洲回來親戚，想試地道大排擋和氣氛加小炒鑊器，需然環境是很嘈和地面有些少濕滑，具體來港味道都算不錯，買料給他們煑，收費合理，比其它地方收費便宜一點，值得推介。梅菜扣菜比想像中好味好多，蒜蓉炒荳苗，不會太油👍

成日聽到男人的浪漫🌹😂😂今日就去體驗下先⋯果然真係男人🧍‍♂️飯堂🍚 街市熟食中心—中記推介1）黑椒什扒飯——有雞扒，豬扒，腸仔，鑊氣ok,加上黑椒為主要調味料，口感香濃，肉扒肉質鮮嫩，配上煮好的米飯，不錯嘅碟頭飯2）醬爆什菇牛肉飯 ——牛肉+各種蘑菇再搭配醬汁翻炒，風味十足😋😋😋口感香醇，牛肉薄片嫩滑，蘑菇的鮮香與醬汁的味道完美融合，搭配煮好的米飯更加滋味。環境雖然差一點，但食物質素對得住個價錢😂😂

呢日又嚟灣仔逛街街.逛到咁上下.嚟到灣仔駱克道.突然之間諗起駱克道市政大廈熟食中心嘅《中記》呢度好似以前啲大排檔咁.夜間朋友聚會.出名晚飯鑊氣小炒.晚晚座無虛席.熱鬧非常.中式鑊氣下午茶.出名平靚正！🚶🏻‍♂️👉📌中記 (灣仔)灣仔軒尼詩道225號駱克道市政大廈街市熟食中心2樓 CF9-13 號舖今日下午茶點餐如下：1. 雜燴炒河 X1 $40元2. 鹹魚雞粒炒飯 X1 $38元3. 星洲炒米X1 $40元另加外賣帶走加$1元盒袋費.因為外賣帶走.所以無影相。註：堂食可以$3 追加冷熱飲品（咖啡或茶）

之前見網上有人推介 話呢間餐廳早餐好平。好，咁就試一試先，點知完全中伏就算平，都唔會再食。本身想點蕃茄牛肉通，點知冇，咁就轉點鴛鴦扒早餐。 返到公司一睇，外賣盒破爛左一角，雞扒變左2粒一口雞球，豬扒變左2細條豬肉條另外加十幾粒茄汁豆，半塊方包同半塊火腿，份量少到呢！重點是食物完全冇味道，2款扒都好乾又硬，食左2啖真的食唔落了！*外賣等左差唔多20分鐘，終於拎到..而且落錯單，想飲熱檸茶比左熱咖啡，又無比餐具，如果大家趕時間的話要小心了。

中記出名炒野。以前個椒鹽豬排飯係無敵，雖然已經同以前冇得比，但每次都好想叫下睇下撞唔撞到好食個味道。都個幾兩個月冇去食過，今日，下午茶自取外賣，比完錢等待過程間已經見有另一個客叫，有個男(疑似廚房佬，白衫)同佢講野，跟住聽到佢呢面比錢果面出，20分鐘後，個疑似廚房佬截左我個飯比左我後面個客，幫我落單個阿姐已經話係我，我等左好耐，個疑似廚房佬堅持話係另一個客，話呢亂晒咁，下個飯兩分鐘就出，雖然我見住另一個客係遲過我，但我見阿姐幫我講左，又聽到2分鐘後有，所以我諗住算。最後，過多十分鐘，一共等左30分鐘，我先拎到個外賣，而個椒鹽豬排飯，似白烚豬排撈埋啲蔥同蒜，送多條鋼絲。乜再退步成咁咩？已經唔多人食，等半個鐘呢個質素?

之前晚餐來食過一次 感覺麻麻 沒想到被下午茶顛覆佐之前的印象😅碟飯味道好正 熱辣辣 真係有鹹魚嘅魚香茄子肉碎唔肥 炒底有蛋有味且幹身同埋有鍋氣 整體唔會油膩新飯堂Get！👍🏻P.S.下午茶到18:00😌

中記（灣仔）我平時最鍾意去熟食街市搵食，快靚正！今次同女朋友同啲學生一行差唔多10個人去灣仔駱克道街市2樓嘅中記搵食。週末下午茶時間去，大把吉位，侍應姐姐們都好有耐性逐個幫我哋落單，咁好嘅服務態度喺熟食中心都搵到，難得👍🏻中記下午茶真係超抵食，大碟粉麵，跟熱飲都只係$32。唔想食咁多，輕食食件三文治單拼$20有找，真係除咗街市，唔知邊度仲搵到咁嘅價錢……我主要食咗：咖喱牛腩撈麵$32港式咖喱，撈麵夠掛汁，牛腩算係半肥瘦，佢個麵係乾餸麵好港式好爽口🤤招牌西多士$23西多唔算十分出色，可以再厚身啲，但勝在價錢相宜，冇得complaint🙌🏻XO醬肥牛炒公仔麵$32肥牛算多，XO醬麵夠撈哂成個麵，整體算好👍🏻推薦指數：💛💛💛💛

Today we have a farewell party for our team leader and one of the colleagues suggested this wanchai restaurant for us to experience the local food.It’s really crowded since we have arrived at around eight o clock. Food was ordered from my colleagues. The skewers are good. They come with spicy style. The beef tongue skewers is the best one among all. I also like the garlic eggplant too. It's more like a Sichuan style and tastes well.For the main course, my favorite one I’ll pick sesame chicken. T

平時都無留意中記，無意中有次係OpenRice 落單外賣自取，居然發現中記而且仲要有一個40 蚊都唔洗就可以食到既炒粉麵飯包凍飲。今次試左瑞士汁牛河，味道唔算太鹹又唔會太油但份量夠。凍檸檬茶都有大排檔特色，茶底好濃。值得一試再試中記！

又係時候同舊同事聚下, 吹水飯局當然要搵個任坐唔趕嘅地方. 灣仔駱克道街市大排檔就最好 , 今日上左中記,7點到大把位任揀. 好勁嘅冷氣. 小菜選擇多, 我地叫椒鹽九肚魚, 豉椒炒鵝腸, 蒜蓉炒芥蘭.  仲有大排檔必有嘅啤酒小姐推介嘅啤酒. 1)椒鹽九肚魚- 好香脆, 唔會死咸....好正配啤酒一流. 2)豉椒炒鵝腸- 滿滿嘅鵝腸.份量超多 好惹味. 3) 蒜蓉炒芥蘭- 炒得好爽脆..食食下姐姐走埋黎問好唔好食...吹下水,有傾有講...呢餐晚餐非常好.雖然環境一般, 但都清潔. 但整個氛圍好好...一定會再來...太多菜式想試...

係灣仔食一餐，平均都要$50-$60。但係喺灣仔駱克道熟食中心就可以搵到$30一個即炒嘅下午茶！$30-32一個下午茶，真係喺香港好少地方搵到仲要即抄埋俾你就真係買少見少。但係落單阿姐就有啲怪怪哋，經常都十問九唔應，就唔好預咗有服務。落單睇你好唔好彩，如果多人落單嘅話可能都要等成三四個字先有得食好彩記得你一個叫嘅話就5分鐘左右就嚟到你面前。嘢食我差唔多次次都係叫XO肥牛炒公仔麵加杯熱奶茶。先講個熱奶茶，中規中矩，係奶味比較多茶味都幾算有，係一個合格嘅奶茶。個XO肥牛抄公，就比較重口味偏鹹，但乾身唔算太油，肥牛大概五至六嚿，食落去係啱我口味嗰種，所以我都幫襯咗好多次。

兩個男人收工 又想飲吓啤酒 行行吓朋友就介紹咗呢一間灣仔街市上邊嘅中記小炒 位於喺駱克道街市 河，方便搭電梯就可以直上 轉右第一間就係由於朋友係熟客嘅關係 今次決定等佢介紹！我哋兩個人就叫咗芝麻雞，椒鹽鮮魷同埋一個炒菜。大部份菜式都係$60-$70呢一個價位，以晚餐嚟講呢一個價錢真係好抵，港島區冇乜地方可以做到 啤酒就大概25蚊支，配上打卡一流既戰鬥碗，爽 好快就拎咗白飯同埋例湯俾我哋 出奇地 呢啲都唔使收費 可以任添 啱晒食量大嘅朋友，我就食唔到咁多 食物質素都係茶餐廳水平，不過不失！但係環境就比較嘈吵，如果對環境質素有要求嘅朋友可能就未必咁啱！overall 每人$100多啲，真係非常抵食

在灣仔食大排檔，上咗市政大廈上面的大排檔。6點上到去，大部份食肆都沒有客人，見到這一間最多食客。環境真係麻麻，坐低見到枱油油的，還有飯粒。但朋友話，大排檔預咗㗎喇。廚師推介價錢也不貴，非常便宜。還有串燒。廚師推介：蜜瓜炸脆奶 $68很少地方有炸奶，還算挺特別的，外脆內軟，但蜜瓜奶有少少香精的味道。廚師推介：野生椒七彩牛柳絲$88非常普通的一碟餸，牛柳絲好鹹，沒有白飯真係入唔到口德國鹹豬手$118豬手是微暖的，皮有一些是脆的，肉少少韌。真的非常普通。三個餸 $280，價錢是便宜的。見到午市套餐$36 ，的而且確是非常便宜的，但在進食的過程中，真的看見一隻很大的老鼠走過，馬上胃口也沒有了。可以理解，街市樓上是非常污糟，但老實說，當真的看見的時候，還是很難接受的。唯一可取，就是價錢便宜了。

平時老公踢完波都會同啲波友去中記到食飯，所以今晚決定都帶我去麻甩一下🤣今晚禮拜日都唔算太多人，一去到就有位唔使等。一坐低姐姐就拎咗碗筷同埋兜水俾我哋洗，老公大力推介中記嘅德國鹹豬手，我就揀咗個炸蜜瓜脆奶同埋細既蠔仔粥。見到佢仲有好多菜式好吸引，例如金沙涼瓜同埋士多啤梨骨，可惜都係得我哋兩個人真係食唔到咁多🥲地下比較油，但都可接受第一樣上菜嘅竟然係炸脆奶，心諗會唔會係炸定😳一啖咬落去吐都吐唔切，熱到出煙呀🤣外層炸漿好薄好脆，而且炸到好乾身，一啲油益味都冇，入邊嘅蜜瓜奶我相信都係X他牌子😏隻味一模一樣㗎，好彩唔會話好甜同漿口細蠔仔粥每人都可以分到兩碗，而且入邊嘅蠔仔係我見過咁多間蠔仔粥裏面最大既😳份量都好多，唔會因為佢大粒而比少啲不過味道就偏鹹，而且冬菜味好重，落少啲冬菜就好啦少少美中不足嘅就係冇芹菜碎同芫荽🙈德國鹹豬手嘅豬皮非常之香脆，而且肥膏唔算太多，豬手肉亦都非常之嫩口😻可以喺熟食市場食到個咁高質素嘅豬手真係好喜出望外埋單都係$234😻抵食到爛呀！！！！