中記

营业中

休息中

呢晚真心好抵食，真係要快d手happy shareeee！！！！！雖然係喺街市既熟食中心，但環境都乾淨企理小炒鑊氣夠，串燒又惹味～唔收加一但店員熱情快手態度好仲見到有煲仔菜同火鍋好吸引！！！私心推薦呢度既酥炸腩仔，沾上黃芥末食特覺風味！！！黃金鮮魷都好邪惡呀救命～～~而串燒可揀辣度或走辣即使唔辣都好惹味，蒜香十足~必食一定係原條茄子同雞翼！！！雞中翼一串兩隻，每隻都燒得岩岩好朋友就勁中意食原條既燒秋刀魚～唔想啤一啤都仲可以飲返杯香滑地道既港式凍奶茶添～我地食到飽一飽，超級盡慶都係人均百多元，正！下次一定要同多啲朋友黎試下！！！！

約左老友食飯，佢話要同我麻甩一下xpp所以我地就上左黎街市既熟食中心打邊爐～呢間既價格超親民，好似呢個鴛鴦湯底只係38，仲要唔洗加一店員姐姐仲會細心問我地想要辣定唔辣既醬油添因為我地懶，所以就決定要一份拼盤～omgggggg～呢盤巨型既拼盤只係228，真係非常抵！！！！！！！先有蓋係面層既肥牛都有成十幾二十塊仲要配埋雞蛋入面仲有魚片、鵝腸、粉腸等等等等既火鍋配料～真係好似尋寶咁，食食下仲發現有大蝦～食落仲要好爽彈，真係幾新鮮！！！最後仲可以食返啖索晒湯既粉絲，真係肥到加零一唔飲啤酒都要飲返罐肥仔水先搞得掂～

中記位於灣仔駱克道市政大樓嘅熟食市場，環境就非常地道，港式風味大排檔，性價比相當高，小炒 鍋煲樣樣得仲價格相宜，味道相當唔錯。熟食中心食嘢，係食風味餸，V仔同朋兩人就叫四個特色餸。其實中記仲有川菜，火鍋燒烤，煲仔菜，真係樣樣都得。兩個人可以四餸一啤，試晒中記人氣必食加廚師推介，當然係精選四款：廚師推介：地道酸菜魚，泡辣加胡椒湯，魚片非常嫩滑，重點不是油膩的湯，酸味加魚味融和在湯內，加上薯粉，酸酸地少少辣，不愛辣嘅人都食到酸辣味道。另外一個是芝麻雞，脆香雞皮加上粒粒芝麻，雞味加芝士味都十分有趣，脆皮加芝麻粒，有脆香酥口啲感覺。人氣必食有兩個：👍👍👍👍非常好食蜜瓜脆奶拼椒鹽淮山： 個蜜瓜脆奶唔單外脆內軟，還有奶香加蜜瓜味，好似甜品🍮奶香加脆奶味十分有趣。最後係咸魚蓮藕煎肉餅：咸香加蓮藕爽脆，炸得蕉香，唔會過咸有肉餅味，鬆鬆內涵，香脆外表。都係值得試吓。中記絕對係高性價比嘅人氣小炒。

中記（灣仔）#今日朋友話帶我去一個灣仔平民食堂食飯,原來在駱克道街市二樓,嗰度食物種類繁多元化,價錢便宜,今時今日嘅經濟環境,難怪這麼多人光顧。1.酸菜魚：大大碗,各樣材料非常豐富,魚切成一片片薄片,肉質嫩滑,非常滑溜和鮮味,沒有一點兒腥味,湯底加入胡椒粒,不但清甜,而且飲起來有暖胃的感覺。酸辣度適中,薯粉吸收了湯的精華,超好味。2.椒絲腐乳通菜：大大碟,非常夠鑊氣,廚師除了利用腐乳之外,再加入薑絲和蒜頭去炒這菜,提升了菜的味道,通菜非常新鮮,翠綠爽口。3.黃金魚皮：預非常大碟,份量十足,魚皮炸得香脆可口,咬起來卜卜聲,但一點兒也不油膩！放進口裏鹹蛋味慢慢滲透出來,味道在口腔中回盪,大膽既刺激了我的味蕾。

有朋自遠方來，他說想試試香港地道風味，我香港19區都有不同的熟食街市，決定帶他去灣仔中記。上到去人頭湧湧，同一層樓有不同的餐廳，我人頭湧湧，談天說地，嘻嘻哈哈的聲音此起彼落，朋友就覺得非常特別外國未見過。看看餐牌有不同小炒又有串消，決定樣樣都買啲試一試，先來主菜：鹹菜胡椒豬肚湯酸菜魚脆皮燒豬手大量串燒：燒矮瓜，燒韭菜，燒冬菇，燒完隻雞翼，燒海蝦，蜜糖芝士腸，芝士𧐢….估唔到喺熟食市場，小炒嘅燒烤都有不錯質素。

銅鑼灣站地鐵飛門事故，讓不少在港島工作的市民叫苦連天，朋友也是其中一員，地鐵的班次疏落得可怕，挺多乘客白花一個多小時才回到家中，我們與其白等，倒不如在熟食中心慢慢吃個晚飯，到吃完起程回家也不遲。中記是朋友經常惠顧的熟食中心的小炒店，這裡既有鑊氣小菜供應，亦有炭香串燒販賣。油花均勻的牛舌，口感帶脆彈，經過炭火的洗禮，牛舌每一處散發誘人的焦香，加上牛舌本身濃濃的牛味，足以令人吮指回味。孜然粉調味的牛仔骨甚具滋味，牛肉肉味沒被掩蓋，細細咀嚼細嫩多汁的牛仔骨，甜味與香氣在嘴巴裡釋放出來。雞中翼13元有2隻很便宜啊，雞中翼只簡單用了孜然提味，但味道好極了。雞中翼雞皮烤到脆香，裡面雞肉嫩嫩的，吃完又想再吃。燒物中我最喜愛豬仔髀，中記難得有供應，我怎能錯過? 因為豬仔髀是豬最常運動的部位，因此豬仔髀肉幼嫩有彈性，只要吃過豬仔髀，絕對會愛上它的種種。大口吃肉之餘，也要多吃菜蔬，我們用厚厚的蒜茸燒原條茄子來補充蔬菜纖維，茄子經過燒烤後仍保有水嫩感，蒜茸更能帶出茄子的自然甜味。這裡亦嚐得到蒜茸燒廣島蠔，一口咬下蒜茸燒廣島蠔真是滿足又過癮，鮮美的蠔肉搭配獨特香濃的蒜茸，豐沛蒜香與廣島蠔的海味充斥整個口腔。將

呢間喺灣仔駱克道熟食中心屹立咗多年嘅中菜餐廳中記小廚，最近喺網上同家人口中得知佢有呢間平民飯堂嘅存在，可以算係聚餐嘅一大之選，而佢哋嘅CP值好高，所以我同小女友收工就去試吓。德國咸豬手：無諗到熟食中心入面嘅中菜餐廳有得食德國咸豬手，而佢哋一啲都唔差。豬手勁大隻，CP值好高，好細心咁起哂骨，所以食落係啖啖肉。佢呢度做到皮脆肉嫩，外皮酥脆無比，肉質軟嫩，調味得宜，唔會話太咸，蘸埋佢哋提供嘅酸辣醬汁就更加惹味。啫啫雞煲：用料豐富，火候十足，雞肉仍然嫩滑多汁。潮式蠔仔煎蛋：份量好多，肉碎，蠔仔同蛋嘅比例好均勻，而蠔仔夠哂新鮮，令到其鮮味更能突出。椒鹽鮮魷：鮮魷彈牙，椒鹽勁惹味。串燒：呢度嘅串燒種類繁多，有多款肉食，海鮮，蔬菜，而佢哋呢度嘅牛肋肉同牛舌就好推薦，前者肉味香濃，肉汁豐富，CP值好高，而後者因為採用厚切，所以食落更有咬口，佢哋呢度嘅串燒即點即燒，同埋會採用生燒，所以更能食到原汁原味。汁燒魷魚鬚：魷魚鬚加咗啲秘製醬汁去燒，食落更加香甜同惹味，令人一食上癮。蒜蓉燒原條茄子：原條茄子燒得夠哂稔，蒜蓉份量好足，蒜味勁濃郁，入哂味。

去完灣仔利東街影完燈飾就到灣仔熟食街市食個晚餐，喜歡這裏可以食到地道菜式，而且鑊氣十足！餐牌上的菜式多，有海鮮，小菜，火鍋及串燒等….芥蘭炒臘味芥蘭菜嫩綠清爽，臘腸和潤腸鹹鹹地好惹味，臘肉肥瘦適中，肉爆出來的油脂一齊炒，好香口！黑醋排骨排骨炸得香脆，用黑醋酸味比較香濃，酸酸地配白飯一流！酸菜魚這個酸菜魚比起平時食會有少少不同，味道比較迎合到食唔到太辣既人，湯底好鮮甜，魚切得好薄容易入口，肉質嫩滑，薯粉吸入湯底好好食😋芝麻雞芝麻雞是這裏的招牌菜，這個煮法都是第一次食的，雞皮鋪滿芝麻去炸，食落香脆之餘帶點芝麻香味，雞肉亦都好鮮嫩，配上甜酸醬一齊食，更提升口感的味道！

天氣咁凍，去食小炒最好不過，今日收工就去咗呢間《中記》大排檔幫襯一吓先😊！環境同一般大排檔冇乜分別，因為係熟食中心，抽風系統ok，所以沒有油煙味，價錢亦大眾化，真正係平民飯堂！🐟地道酸菜魚大大碗，酸菜又多，魚身好滑，完全冇骨食既時候可以連湯都飲埋👍🏻👍🏻，酸辣度適中，難怪係熱賣精品！🐔芝麻雞肉質帶鹹香，雞皮最出色，沾滿芝麻，特別香口，另外再配上雞醬，好開胃😋！蠔餅不是脆卜卜嗰種，係蛋餅既口感，蠔仔夠足料，有家的味道👍🏻！而其他小炒，芥蘭炒臘味、黑醋骨都夠哂鑊氣👍🏻👍🏻👍🏻！

夜晚想嗌小菜食 朋友介紹去熟食中心豉汁蒸鯇魚 無鯇魚轉倉魚中記小炒皇 無菲菜轉西芹兩碗白飯一枝青島 比左2隻戰鬥碗我地小炒皇有穫氣 西芹粒腰果好好味係咁夾入口 有少少魷魚仔蝦仔菇類食到一半先上條魚 岩岩蒸起熱辣辣 魚肉嫩滑無蒸過頭 略嫌豉汁鹹得濟但點少少汁係好味既配埋芫茜再昇華~2樣野送飯好快食哂 百幾蚊抵食又好味除左小菜 呢到有邊爐打又有雞煲 重有串燒食另外員工態度幾好(當時眼見唔太忙)熟食中心環境衛生尚可下次可以再戰!

XO醬肥牛炒公仔麵😇$28最近成日響關注組見到多咗人介紹佢哋🤣我就每次去到灣仔，都會走去下午茶😆雖然環境一般，但$28仲要包熱飲仲想點😂肥牛都有好多片，炒公仔麵都幾大碟😋而且相當夠鑊氣，真係好抵食😛中記 (灣仔)灣仔軒尼詩道225號駱克道市政大廈街市熟食中心2樓 CF9-13 號舖

前前後後係中記都食咗10幾年，一個炒粉麵下午茶做到$28一個，仲要係有水準，全香港區你都算最優惠成個灣仔駱克道街市最旺係你，下午茶時間又要趕去搵位，有時間再嚟嘆吓茶先

灣仔附近食肆排大隊，平靚正要鑊氣，一定大排檔。大排檔午餐時候就可以試一試附近街市樓上噶熟食中心。在駱克道市政大廈街市熟食中心，環境相對差少少，一定有比較，始終不是普通餐廳地方，多數系街市龍蛇混雜地方，其實灣仔呢個商廈多，也有多數什麼人都會有，包括有工地，建築，寫字樓都多人幫襯下。菠蘿黑醋排骨飯大大碟頭飯，黑醋汁回味，可以撈飯。菠蘿新鮮不是罐頭，排骨有肉不算好多骨，午餐36元都夠喇抵食！另外等耐少少兩點開始下午茶，更加抵食。不過我地等不到下午茶，30元樓下匆忙離開。或者有機會再試一試炒粉麵飯。

中記下午茶好抵食，$28元有炒粉麵飯送熱飲，另加$3元可選凍飲，美極生炒牛飯味道略淡，但飯粒炒得分明，份量又夠多，凍奶茶最好飲，奶同茶嘅比例啱啱好，夠凍又解渴，熟食中心內有冷氣開放，坐得舒服，價錢夠哂大眾化，真正打工仔嘅飯堂。

坐低冇杯，叫咗兩次冇人應，最後我自己出去攞；打開水壺蓋表示冇水，便服阿姐行過嚟帶位 順便幫我冚返個水蓋， 即刻喝住佢叫佢斟水；人生第一次食冇味嘅腐乳豆腐蒸雞；餐湯等到食完飯(難食到根本食唔完) 都未嚟，2個侍應應咗兩次後都冇聲氣，然後就係便服阿姐應完之後又係❾行咗去冇理到， 最後第4 次又係要大聲喝先有人攞。同枱另外2 個搭枱嘅都身同感受。免費都唔會再去嘅地方。