豐邑 (已結業)

新開張果陣我已經去食，一直有食開，一食就知係廚師高手。肉類process技巧，炒菜，炸功，打芡，都好到家，記憶中只有水煮魚有點失色。如果有人知佢地東山再起，請講聲，一定會再去幫襯。

本來想不到吃什麼，便又行去嘉頓那一邊，途中看到這間餐廳的午餐不太昂貴，裏面有不太多人，便毅然一試。隨便點了一個咖喱牛腩飯，例湯都算用料充足，細細一碗，內裏已經有豬骨及蘿蔔。咖喱牛腩飯，餐具的賣相不錯，有點兒像中式餐廳的感覺，嘗試在某間素菜館就已經見過類似的東西，看來像中式玻璃餐具，但實際是膠製。咖喱牛腩，味道不算非常辣，但還算有點香，只可惜其他配菜的份量遠比牛腩多，牛腩，整個大碗之內，可能只有四五件😫；真是激死，就像上次在沙田吃牛腩麵一般，明明點了牛腩，但竟然碗子內有極大件牛筋；其他配料，例如洋蔥、青椒、紅椒，好像更多。唯有用咖哩來拌飯，但是咖喱汁也不算非常黏，好像和大快活的咖喱完全不同，吃慣了大快活的黏身咖喱，在這兒不太習慣，這麼稀汁，不知如何撈飯。凍檸茶，味道也正正常常，茶味尚算濃郁，叫了少冰也的確少了很多。幾名店員都好像是年輕哥仔，感覺不太啱fu；但是沉默寡言，服務還算不錯。

咁岩行過見有間新開的食川菜的餐廳，就膽粗粗同朋友一齊去食，所以一行5人就入去食下吹下水咁，入到去叫左一個2人精選餐，同2個當日晚餐，特別係水煮魚，因為我唔係幾食得辣，原來可以選唔辣同微辣，最初仲擔心會唔會辣到飛起，好在老闆娘提一提，野食都真心唔錯，環境又幾好，只係地點有少少唔就腳，但如果幾個朋友坐低食下野傾下都唔錯，價錢都唔算貴，我地食左6樣野加埋野飲，埋單都只係每人百幾蚊，但朋友仔同我個個都飽到上心口，值得推薦，下次會再去光顧。

Realfoodie同朋友行深水埗，行完見肚餓，openrice見到呢間平價又有得book就試下啦。叫左孜然牛肉，炸魷魚鬚同四季豆。 每碟份量都唔小嫁！孜然牛肉，雖然睇落好多辣椒，但其實都系少少辣(p. s. Realfoodie都唔系好食得辣) 天氣凍，食落幾暖身。炸魷魚鬚系廚師推介，同樣系Realfoodie嘅至愛，雖然好肥膩炸得啱啱好，唔會太dry! 最後當然要食啲蔬菜balance一下啦，呢碟其實都有小小辣，因為落左胡椒粉調味。整體黎講，真系好有住家餸嘅味道！

睇完食評 話好好食 有水準 點知 中伏  ，賣相差到嚇死人 又難食 一個木薯粉 搞到咁樣 點食得落 叫杯熱檸茶 ， 完全無茶味 ，我份人重來吾鐘意食剩野 今次真迫住食一味就吾再食 碗野仲衰過廚餘

因欲賺飛行里數，而該間餐廳又近屋企，又不太貴，故經openrice網上預訂一試。1）麻辣米線：不是太辣，但幾香，米線的質感也不俗；2）無骨鳳爪（個全名可能有點出入）：跟餐加十二元，份量超少，但味道算好；3）口水雞：肉質鮮嫩，麻辣汁香口。整體而言，坐位舒適，價錢與食物質素成正比，值得推薦這小店。

價錢相宜，味道可以，沒想到份量頗大，在深水埗真是一家比較好的川菜館了！還會再來的！更值得一提的是就連奉送的例湯都有保證，非常之好！話食評要八十字，念著簡短D啦，應該夠字啦掛，間野令到我想介紹比其他人，第一次寫食評的人，我食的是二人套餐178元，有份例牌口水雞，一份拍涼拌青瓜，例牌水煮魚，一份青菜，奉送例湯及飲品，兩個白飯，底到爛！多謝招待

推介孜然牛肉滿佈辣椒的牛肉聞落唔算太辣，卻香味十足🖒牛肉仲好好質感好惹味如果唔想太辣仲可以分微 小 中 大辣果然照顧到不同嗜辣的人🙌價錢仲好便宜用料卻足其他款式菜都不失各有特色環境舒適值得嘗試

深水埗依個丟空好耐嘅舖位，眼見近幾年都轉左好多次唔同嘅食肆。今晚經過又見到一間新開嘅川菜小館，裝修清簡，儘管入內試一試虛實。雖然裏面嘅服務員全都是後生年青人，但服務殷勤有禮，招呼周到。食物味道不錯，大大超出我預期之外，而且價錢簡直超抵！(套餐更加超值)小食：(紅油豬耳、口水雞)主菜：(水煮牛肉、豆腐火腩、蒜蓉炒白菜仔)因為碟頭分量充足，三個人都居然食唔晒！