串噹噹

营业中

休息中

琴晚去到竟然賣哂脆麵🥹下次一定要預留串燒好好食 最欣賞個鹽燒黑豚肉個鮑魚福建炒飯乾身好味另外最開心係食燒鱔腩 一碟3件 肉舊肥美多汁最最最後想表揚下老闆娘 細心解釋比我哋聽

食過幾次，每次都係為咗黑椒牛柳煎脆麵而嚟，脆麵係分開上嘅，香脆唔會比啲汁浸諗，性價比高，推薦👍九周年特價好抵食必叫，有幾款可以揀，一人可以叫一份，絕對唔會錯過。燒烤性價比低，味道也一般，通常只會叫一兩款。職員全部都有禮貌好nice

2個人食的晚餐$555,  不限時間,不用等位,但食物質素真係一般,  冇咩特別,  叫左2個小炒都算OK, 但串燒唔得, 雞中翼$15/2 隻但超細隻,  全翼 $20/隻, 咩燒菠蘿$30 只有一塊 (切開5-6夠仔), 娃娃菜$10/串, 要了2串, 卻只得2 大片菜, 韭菜花$28/份, 份量小得誇張, 菜貴過肉,  全部串燒放埋一碟, 紅磡好多選擇, 應該不會再去食了

萬中無一的串燒--------------一行8人去食串燒叫咗好多野食不幸地好多食物都賣晒店員好耐心地為我地推介其他食物其中店員姨姨大推嘅60蚊14粒燒賣尤其出色橡皮口感嘅黃色粉粒外皮煙韌內裏軟熟埋藏係一堆椒鹽裏面而中意食鹽嘅朋友呢一道菜絕對可以食到你嘔大約60分鐘鬆啲我身邊嘅朋友已經餓到語無倫次好彩 食物開始陸續嚟到原來細心嘅店員幫我地攤凍咗食物溫度保持係40度左右唔使等 即刻食唔怕辣親大家個嘴食物嚟到可以睇得到廚師嘅用心貌似無燒過嘅牛舌同兩蚊一塊嘅娃娃菜互襯造就出米g蓮等級嘅擺盤令人sick欲大增為顧及客人健康燒物嘅主要料理方法係白烚之後按廚師心情輕輕一燒再灑上調味料因此食物味道唔會太濃唔需要怕成舊肉都好鹹因為食物味道只流於表面十分健康長者/追求健康/鍾意原汁原味嘅人/我甚至懷疑屋企隻狗都食得總括而言最好食嘅就係燒午餐肉

好食 原汁原味 燒有蒸既味道 蒸有燒既口感 牛舌必試 茄子更佳 肉汁爆棚 值得大家擁有 又快又飽 未離開已經期待下一次 日日食都願意 又好味又健康 食完個人都大隻左 長命左 大家快d黎試 香港世一燒烤店讚讚讚讚讚讚讚讚讚讚讚讚讚讚讚讚讚讚讚讚讚讚讚讚讚讚讚讚讚讚

好食又大碟態度親切價錢同水準成正比碟碟上嚟都熱辣辣又近何文田站串燒又有，小炒又有，飯又有，麻辣燙又有，想食乜都有Lunch又有蒸肉餅乜乜你重想點先！！！！！！！！我愛串噹噹(˶‾᷄ ⁻̫ ‾᷅˵)

久違了的串噹噹上次食水煮魚勁正今次試吓水煮牛一上菜就勁香BB辣都有齊香辣麻辣得來都好有層次，超好食🥹(大概譚仔4小)份量又多真係好抵食薯粉索晒啲湯汁好惹味煙韌口感非常好👍🏻佢呢個價錢咁大兜真係足料抵食呀油鹽水花甲皇鮮甜味美粉絲金菇索晒湯汁啖啖精華，好好味🤤避風塘茄子🍆有十幾大嚿😂好抵食！超香超惹味！送汽水隊吓啤就啱晒！回鍋肉粗炒邪惡嘢夠3個人食真係好鬼大碟🤣生燒雞全翼惹味juicy買三送一呀

串噹噹鎮店名秒「避風塘茄子🍆」$88真係名不虛傳，超好食🤤雖然我唔係好食得辣、對得黎講偏辣咗少少🤏，但都接受到嘅🙌🏻另外重好鍾意佢哋嘅「臭豆腐」喔🤤🤤🤤$48比起傳統嘅臭豆腐，佢呢個表面無咁硬，臭度都可以😌以上兩味係我今晚大愛嘅菜色🫶🏻🫶🏻🫶🏻可以用必食黎形容🙌🏻我哋兩個人食唔到幾多野，都有嗌埋麻辣燙同串燒，但由於避風塘茄子同臭豆腐都太出眾，所以其他野我會用正正常常黎形容😂串燒就份量都比較少而店員都好細心喔，會睇下你食唔食得辣先，整嘅時候少D辣，唔夠辣再比辣椒粉你😃

差差差串燒(你無技術嘅)乜唔係就係將生嘅嘢燒熱佢燒熟佢，乜柒粉都落一堆就得嫁咩？呢間咁嘅垃圾就係連呢一步都做唔到有錢無錢都唔需要幫襯～完(原來要打夠80字先比出)咁繼續所謂嘅串燒連基本調味都無，等咗大半個鐘竟然可以以室溫出比客，我都真係大開眼界。什麼鹽燒黑豚肉，連我啊媽煲湯嗰舊豬骨湯渣都有味道過你嗰碟野。差～真係好差～差到影響心情

除夕夜，開完party，到朋友屋企附近搵野食，哩區嘅串燒好多選擇，我地選擇了這間性價比不錯嘅串燒。老實講佢熱地無論入座同埋串燒都係要等嘅，要有心理準備，但都有啲小炒可以選擇，可以先叫左少少小炒食住先，再等串燒串燒，食物質素尼講我認為算係唔錯，價錢都算合理，老闆娘好好人，員工服務態度都好好，可以一試再試。

差~如果可以比零星或者負嘅話我唔會畀一星, 溏心蛋食小小發現係梅嘅唔承認, 職員重要叫個老闆過度呢都問我哋有咩問題, 糖心蛋專家同埋經常食你質疑我同我講隻蛋冇問題, 廚房嘅廚師都唔識煮嘢食咁基本嘅食材, 非常之失望, 之後我們個換畀我哋淨係畀一條芝士腸...完全冇歉意敷衍了事

在紅磡找一間營業到較夜時間的餐廳, 除了火夫外, 這家以串燒為主的也是我的選擇. 入到去除了很香的香料味和烤味外, 就是大量和Mirror有關的剪報, 海報和成員擺設, 所以吸引到大量鏡粉聚餐, 當然還有打完波要醫肚的後生仔, 也有夜鬼如我的食客, 在這疫情下晚市生意依然絡繹不絕, 也算是頗神奇的.它的串燒種類很多, 價錢定位中間, 平均百零二百元就能填飽肚子. 當中最吸引的是其實燒雞皮, 不是一般吃開的細塊捲曲狀, 而是大大塊, 像乳豬皮一樣的外型, 吃起來香脆帶雞油香, 這可是我第一次吃到這樣的呢! 烤豬頸肉, 烤牛肉以及烤雞翼也做得很不錯, 帶焦香和焦脆之餘, 依然保持到肉汁和內裡嫩滑的口感. 調味粉不會死咸死辣, 自然也不會蓋過肉類本身的鮮味. 要說有少少失望的, 就是蔬菜類烤得有點過火, 有點乾, 也許蔬菜真的和串燒夾夾不入呢!除了串燒外, 它也有主食供應, 例如是我點的黑松露鮑魚炒飯, 鮑魚粒份量多而大塊, 見得到是原隻鮑魚仔切粒, 而不是用上仿鮑魚尼. 鮑魚粒和飯粒炒得爽口乾食, 松露鋪在飯粒上, 看起來相當Luxurious, 但吃起來味道相對輕盈, 主力味道還是鮑魚的

第一次寫食評就比咗佢，食物叫咗臭豆腐、避風塘茹子，仲有一堆串燒，佢真係我食過咁多串燒嚟講最難食... 食物冇調味直接燒，再喺上面加啲辣粉就算，全部乾蒸蒸，冇味道，真係食到想舉中指...真係唔知點解仲有咁多好評... 警世文，希望大家唔好中伏☹️呢度係純粹味道上嘅評分，店面方面環境都算正常，店員嘅服務都算友善同貼心，可惜我嚟係為咗食嘢，呢啲嘢都彌補唔到食物水平上嘅問題，如果佢有機會睇到呢篇評論，希望佢可以好好審視下個食物嘅問題...

朋友推薦多人黎嘅話可以book位上左二樓 比左張大枱 坐得好舒服勁肚餓 先叫兩個主食 因為串燒等比較耐估唔到 係咁高質 但我只係影左水煮牛🤪牛煮牛 叫左小辣 真係岩岩好 牛肉淋 麻辣香 最重要係有好多粗薯粉夠煙韌 真係好好食🥺🥺🥺 感動另外仲叫左個唔知乜炒粉絲 走辣 居然都好野味三兩下食晒！我諗其他主食都應該好掂，而且都唔少選擇之後就等串燒到，可能墊左肚，串燒就無咁驚喜😂但其實好唔錯，韭菜燒茄子燒菠蘿雞腎一般，娃娃菜一般會再encore！

朋友介紹唸住試下，冇book位，walk in等左十分鐘左右就有位，老闆娘超nice，大熱天時唔想我地在出面等咁耐，就勁快幫我地執好左張台。位置闊落，兩個人坐左張四人台，冷氣夠涼爽，值得一讚。食物全部係即叫即做，呢個避風塘茄子送酒一流。外脆內軟，加上少少辣，正。口感飽滿。成碟都係大大舊茄子。另外叫左其他串燒，都係即叫即燒；唔似某d舖頭炸完先燒一燒算，亦唔係靠重香料掩蓋食物噶原汁原味。燒牛肉同雞腎都好新鮮，完全唔靭，咬完內裡有肉汁散出來，回味無窮。老闆娘一直話串燒會等好耐因為真係燒出來，但其實都唔算耐，未食完一樣已經出第二道了。下次去就book定位！