串燒大皇

营业中

休息中

搵食搵到油麻地串燒大王，係一間唔起眼既小店🛖喺香港食串燒其實一啲都唔平，返深圳食就一定抵嘅，不過就唔覺有沙嗲醬囉🤔而呢度就即揀即烤，仲要係立食呀，🙅冇位坐架揀左成碟，大約係$13x，加埋啲醬汁，其實幾滋味。。。呢間都幾推薦比大家試下 🤑性價比：7/10🤤色香味：7/10🐖邪惡度：6/10🤗推薦度：8/10

燒賣先炸過，然後再燒，脆脆的燒賣，第一次品嚐，真的很特別，味道也不錯，只是九元一串，平過在7-11買的微波爐燒賣啦，值得一試。其他串燒雖然我沒有吃，但價錢皆實惠。

呢間簡直係平民串燒仲要係好食個隻😋😋😋話說知呢間野嘅原因係因為成日覺得香港食串燒好鬼貴，之後同同事吹水，先知有間平價串燒，不過對我黎講就有d遠🤣畢竟我大埔🤣🤣但係為左食，距離又算得d咩，尤其係平，我可以食多幾串啊嘛，😆😆😆距地嘅秘制醬汁好正，好味到，我唔識形容，總之就係食串燒比點🤣同距地嘅炸大腸都好好味，不過我呢d鍾意食腸嘅，當然司華力腸先滿足到我🤣每次黎食，我都一定叫司華力腸😋仲有隔離嘅椰青水，真係好幸福😆

有次去油麻地朋友介紹呢間串燒好好味咁我地就一齊食啦串燒種類都算夠多，想食乜就自己拎隻碟揀自己想食嘅嘢，好鐘意有得自己揀🤣好啱我呢啲師奶仔心態，因為可以揀串最靚，最啱自己心水嘅😁揀好之後，成碟俾老闆，就會即刻開始燒！因為我唔食得辣，就無要辣。因為大部分肉嘅食材本身已經預先整熟左，所以需要等嘅時間唔會好耐一路睇住老闆燒，一邊聞到好香好香口水都流埋呀😂燒好啦！第一串就食我至愛嘅雞軟骨！好好味呀！有個秘製醬汁加左上去，超好味！唔係平時食開嘅重慶孜然味！雖然我食唔辣都好夠味！雞肉串都好推介！大大舊肉！燒完都好軟嫩係雞脾肉呀！仲有翠肉瓜都一定再試呀！燒完之後勁多汁！好juicy 推介推介！

是我朋友街童歲月既必食宵夜☺️佢一帶到我去鋪面就問：「係咪好有台灣夜市feel 呢？」又真係既！成件事！好有台灣掃街感覺🤗自己拎個碟仔！想食咩放上去🤟🏻真係立即燒嫁🤗 而買幾多都無所謂，見到有人一串又有一大堆又有！口痕友or 想醫飽肚肚都可以黎食☺️最後食左 雞軟骨，牛肉，四季豆，煙肉金茹，脆肉瓜🤤🤤🤤🤤🤤 成為$51蚊🤤你可以同姐姐講燒得濃d 因為我鍾意食燒得個面脆d 既🤗D 醬汁充滿係面頭☺️重有一陣蜜糖味😘朋友真係無介紹錯♥️係細個街邊篤一串串既感覺☺️

尋晚食完旁邊個間廟街小食嘅燒烤，覺得唔得，原因喺燒得唔夠時間，今晚轉場食呢間，點知仲差，中曬伏，真喺一蟹不如一蟹！首先，d燒物完全未醃製過，換然之燒出來完全冇味！失敗！加上佢所謂嘅串燒完全喺靠油炸！竟然仲敢叫串燒大皇！完全喺諷刺！翻炸熱之後放上炭爐烤咗絕對無20秒，9秒9烤完話俾我知搞掂！本身d食物炸熟，結果出到來就喺一d水份都無！可想而知有幾難食！建議店鋪可以改名油炸大皇！因為個鋪名完全誤導食客！

話說小時候住的是舊區，記得當年的家附近很多小販。當中我至愛之一就是串燒檔，每每飄出陣陣香味。串燒牛肉加沙嗲汁，諗起都流口水。可惜市面上大多串燒店都走日/泰/巴蜀風，甚少見倒那種港式沙嗲串了。-某日去醫院探病前想吃點小食醫肚，被燒烤的香氣吸引，駐足這蚊型串燒店前，竟感覺似曾相識，頗有舊時的感覺。-叫了串燒牛肉，冬菇，茄子來試試。食材都是一般貨色，烤過當然是自帶香氣。但串燒最重要還是調味，醬汁超正，果然沒猜錯，是港式沙o爹，辣辣地，不是很濃稠但好惹味。想起小時候在街邊檔吃串燒那回憶中的味道。仲想叫多幾串，可惜趕時間，沒法再等多一round了，下次再來。

屋企樓下就係廟街，所以成日到幫親距地！其實仲有另一間串燒店係附近，但食過到係不及呢間兩父妻開檔，成日到好有笑容！最緊要係串燒燒得熱辣辣，醬汁超惹味！推介每次必點-司華力腸同雞肉串，司華力腸會幫您剪埋一粒粒贊！唯一缺點係，食物無用蓋蓋住，感覺上會吸街上既塵。但食物味道好推介