串燒食堂

营业中

休息中

今日放工收到男朋友msg話突然想食串燒😈於是我哋就去咗朋友介紹嘅*串燒食堂*！見到出邊d相已經覺得好吸引流哂口水😝入到去坐低之後店員好細心即刻遞咗杯熱茶俾我哋👍🏻落單時間好掙扎😂 因為好多野揀又樣樣都想食！選擇困難症發作之下最後揀左6款食物，1)鰻魚飯鰻魚飯算係好抵食，$68大大條鰻魚 而且好入味！！平時出街食鰻魚飯都最少要$70以上又未必有咁大條鰻魚！2)韓式泡菜芝士牛肉湯麵本來都唔打算叫湯麵不過又想試下佢得唔得，結果比我想像中好！芝士配泡菜再加埋個湯麵簡直係絕配！3)厚燒牛舌，汁燒牛柳串滿分💯，燒得好香好入味 食落又唔韌！$36食到咁高質素既牛真係好抵！4)明太子雞翼+鹽燒雞翼雞翼控每次食串燒係一定要叫燒雞翼所以今次分別叫左兩款雞翼試下！一送到黎已經好香，燒到雞翼D油漏哂出黎再配埋燒既香味味道真係好香!!而且雞翼皮都燒到好香脆。只能說唔係雞翼控既人都要試試佢！包你一試難忘!!5)鹽燒雞腎一黎到我已經覺得好驚喜，因為每次去食串燒叫雞腎好多時燒完已經好細粒，但串燒食堂既雞腎就有別於一般既串燒店，佢D雞腎燒完出黎仲大大粒起碼食得到個口感！燒得好香!!!!!!!6)燒韮菜燒韮菜又係食串燒指

早前發現公司附近開了一間新的串燒店, 叫串燒食堂, 我當然要去試下. 愛食牛的我, 第一時間點了兩款牛, 包括我最愛的厚切牛舌心和汁燒牛肋骨. 厚切牛舌心. 無我想像中咁厚切, 但入口幾彈牙, 帶少許爽身, 而且調味較濃, 啱晒我口味. 汁燒牛肋骨. 估唔到肉質幾嫩滑,完全不覺得乾和硬身, 仲幾惹味. 京蒽雞脾肉串. 以前唔多食蒽的我, 試過京蒽後就鍾意食, 與雞肉幾夾, 入口有淡淡的蒽的香味. 香燒明太子雞翼. 雞翼外層幾香脆, 而內裡釀滿了明太子, 微微辣身, 幾醒胃, 唔食得辣的我也完全無問題. 一口氣食了幾款肉類, 要點蔬菜中和一下. 車打芝士翠肉瓜,翠肉瓜配芝士, 我也是首次這樣食, 估不到出來效果也不錯, 兩者也算夾. 脆炸軟殼蟹沙律. 份量相當大, 足夠兩個人食用. 蔬菜夠新鮮爽脆, 而軟殼蟹好大隻, 炸出來後, 唔會太乾, 夠鬆化, 非常好味, 配上沙律一齊食, 可以減少油膩感覺. 最後, 點了一串海鮮, 就是蒜蓉大虎蝦. 蒜蓉份量也不少, 蝦肉幾容易整起, 肉質幾彈牙, 調味適中. 估不到公司附近開了這間食串燒的食店, 可以

北角和富道雖然衹是短短一條街道，但食物選擇頗多，而且頗集中，中西日式和酒樓茶餐廳一應俱全。今晚專誠去食日式串燒，貪佢夠香口而menu亦頗多選擇，雖然店舖面積不算大，但招呼極好，給人舒適感覺。坐低梗係即時落order醫肚，首先點咗《蒜蓉燒生蠔$20/隻(原價$24)》和《燒七味魚翅$40(原價$45)》。七味粉燒魚翅，魚翅香脆，入口一點都不辛辣，加入七味粉燒烤，更能把魚翅帶出日式味道。唔好覺得優惠食品就一定求求其其，咁稔就錯了，食物制作一啲都唔馬虎，大大隻的生蠔舖滿惹味的蒜蓉，未上枱已經聞到濃濃的蒜蓉香味。《豚肉荔枝卷$24》，薄薄的豬肉片包着荔枝一起燒烤，荔枝味道滲入豚肉，味道帶出生果的感覺，正合我心意。《鹽燒鷄心串$12》和《汁燒鷄肝串$16》，同樣是泡制雞的內臟部份，但鹽燒和汁燒，入口的味道就截然不同了。除了食咗幾款不同味道的串燒，始終要有一碟《墨魚魷魚圈炒烏冬$78》暖暖胃口，墨魚味的魷魚圈出奇軟滑，有一咬即溶的感覺，但仍然保持香口的魷魚味道，加入烏冬一起炒，烏冬入口彈牙。最後再來甜品是《原個日本柚子雪葩$56》，雪得冰凍的日本柚子雪葩，甜中帶點點酸的味道，在這個寒冬吃這個雪葩，

放工約了家住北角的朋友食燒烤，可以慢慢食，交換近況。這間港式串燒店的價錢合理（但其實有部份食品是日式做法的）店員很友善。鵝肝配脆多士的鵝肝比想像中大塊，加了蔥絲和蒜片，幾特別，有點中西合璧的感覺，但朋友則覺得原味食較好。串燒每客一串，我們每次點三、兩樣，每樣一串再拆開share食，可以食多幾種：汁燒鵪鶉蛋、汁燒雞肝串、鹽燒雞心串，全都好味，醬汁又不會太咸太濃，最驚喜是燒日本迷你甜蕃薯，超甜，應該是因爲新鮮。作為牛魔王的我點了安格斯雪花一口牛，$38，覺得很抵食！有咬口，牛味極濃！厚切牛舌心則沒有想像中厚，但知道牛舌心是牛舌較好味的部份，彈牙好味，而且火喉控制得好，沒有燒過熟的情況。朋友愛吃魚，點了燒油甘魚鮫，説有很多骨膠原！魚鮫很滑，也不腥，讚！羊架和明太子雞翼都很抵食！不太喜愛秋葵，但朋友説連日式木魚一齊吃很好味。最要讚的是原條燒茄子和燒芝士年糕。本身冇味的茄子配上惹味的蒜頭、蔥和辣粉，超好味！雖然明知芝士年糕不是自家製的食物，但軟身的年糕配上半溶了的芝士真的很好味，一客兩件，結果我們要encore 再來一碟！整體來說，看得出店主的用心製作，

北角和富道銀輝大廈地下G1舖的串燒食堂，串燒的份量夠飽肚，而且價錢實惠，約朋友吃串燒當晚餐也可以呀。串燒至少有六七十款選擇，豐儉由人。串燒店的營業時間至凌晨一時，算是小區內較為遲關門的餐廳。點了一客中華帶子裙邊作冷盤。帶子裙邊和海哲不會太大條，切得夠短，充滿嚼勁，麻油味香濃。金菇肥牛卷的味道也不錯，肥牛和金菇的比例平均，能同時吃到肉的滿足感和蔬菜的清新。汁燒牛柳串來到了，燒烤醬味道香濃，但又不會太鹹，牛柳也不會燒得太乾。個人頗欣賞這串燒店，把整支竹簽幾乎由頭至尾也串滿食材。除了點串燒肉類，當然要點一些蔬菜來平衡一下。鮮冬菇在表面切了一個交切，賣相美觀。而且不會燒得過乾，入口有汁。脆皮芝士腸和芝心丸來到了，表面燒得金黃色，芝士腸的表皮燒得微微爆開，賣相吸引。個人也頗欣賞蒲燒鰻魚這菜色。大大塊鰻魚用竹簽插住，很有份量。醬汁夠香濃，頗為惹味。豬頸肉和鹽燒廣島蠔也燒得十分香口。豬頸肉的肉切得細件，一口一件。而且肥瘦相間，口感豐富。枱上除了有七味粉、鹽和燒烤醬，還細心地放置了即抽紙巾，食客可以單手抽紙巾抹抹咀。個人喜愛吃較為上火的食物時下下火，餐廳提供加多寶涼茶，啱曬口味。

放工跟同事突然興起想吃串燒、就在他住的地方附近找到串燒食堂。店子小小的、串燒的款式很多、平時較少見的燒物也有提供、店主亦親切友善介紹各款招牌串燒。燒牛舌很香、肉質爽而嫩、好味！露荀豚肉卷幾香口、露荀嫩而爽脆。燒蠔脹卜卜、香氣撲鼻、裡面很juicy!作為明太子粉絲每次一定會點明太子雞翼、炸得金黃飽滿、雞肉好嫩、釀滿明太子、美味！燒白磨菇燒汁味美。最喜歡的要數豚肉荔枝卷、香脆的豚肉夾著清甜多汁的荔枝、串燒的膩感瞬間沒了、口腔還留著甜甜的味道😋偶爾跟朋友去吃吃串燒聊聊天好愉快～

對於唔係住港島的我來說，去北角吃串燒系好大考驗，不過朋友中意吃，唯有陪她啦！串燒系好適合冬天吃伽，然後叫一壺燒酒，不知不覺會吃好多落肚。店面不大，裡面只有幾張桌子，做得滿滿的，老闆很熱情，和客人的關係很好。有時候，我選擇一家店去吃飯，或許更多的是那份情懷。我想這就是我朋友選擇在這裡吃飯的原因吧！燒雞泡魚乾雞泡魚乾好好吃，真的，你不能抗拒這種魚香味迎面而來，嗯！有口感，有咬口，有香味，吃了許多，還是覺得不夠，這是容易讓人喝著酒去吃的小吃，然後就不小心喝多了，佐料最大的用意是令酒和整個氣氛，更上一層樓。滿足！脆味七味魷魚酥魷魚我不是太愛吃，只是看著朋友吃得太投入，我也對如此香脆的魷魚按奈不住，吃了2條，脆的，香的。豚肉荔枝卷香脆的豚肉，瘦肥難以分辨，總之在這種情況，我是不會去顧這麼多的，瘦肥照吃，真的是很美味！淡淡荔枝的清香味，減輕了豚肉的肥膩，有時食物搭配得好，是非常重要的，至少看出店主的用心！清酒煮蜆蜆我吃多了，對於蜆我的感覺就是，它是活的就不會太難吃，只是要是煮久了就會很難吃，酒放多了也會苦，所以它是易學難精的。這家做到恰到好處，酒也讓我喝光了！燒菠蘿燒菠蘿是我去吃串燒時，必叫的，菠

上星期過北角探媽咪,順便同家人去和富食街醫肚,見到間新野寫住'串燒食堂',....好喎!都好耐無食串燒了,今次我話事就食呢間.舖頭不算大但坐得舒服,乾淨企理,配埋柔和燈光食晚飯最啱啦!攞住個餐牌密密麻麻都系想食既,真係有選擇困難症啊!可能個老闆見我咁煩腦就過嚟問下我想食d咩?咁梗係順勢叫佢推介下啦......轉過頭廿幾款美食就擺在眼前(呢度出菜都算怏,可能時間尚早吧),未食就咁睇都好滿足了,原本以為普普通通都收貨........點之未食由自可.....一食不得了,點解可以咁好食嫁?當堂就用平生9秒9速度續樣試一舊,嘩...!我敢講枱面廿幾款串燒超過9成9都係非常好味,有d係出面重係未食過,細問之下原來這裡既食材大多數都系外國入口,乜野國家都有,原來呢d都係老闆咁多年做唔同餐廳累積返嚟既心得,加埋同兩個年輕師傅既創意,難怪好食之餘又可以比到客人新鲜感了!係度系咁易推介吓我覺得好味到不得了既穩胆:牛舌心同果個荔枝唔知乜乜卷,前者唔會好似一般咁好乾,口感超正,那味道只此一家,老闆話係落左特別調料,不能透露;後者重點就是荔枝,估佢唔到荔枝攞嚟燒烤係咁好食既!臨走見到一個著住校服樣子甜甜既小女孩

住北角的友人帶我來這間串燒店，平日傍晚六時多來到，我們是第一枱入座的客人。燒物種類很多，而且還有烏冬、飯和甜品可選擇。牆上小黑板寫著是日精選和特價燒物老闆說羊皮串不是每天也有供應，鹽燒口味跟羊皮很搭，羊皮焦脆又帶點油脂，吃後帶餘香。蒜蓉燒生蠔幾厚身，入口多汁。鹽燒黃花魚一夜干很嫩滑，一夜干的鹹味也沒有太強烈，很適合佐酒。車打芝士翠肉瓜燒得恰到好處日式蒲燒鰻魚飯抵食又美味，$68有這麼大件的鰻魚，下面還有一些蛋絲和酸蘿蔔。是日特價的汁燒白蘑菇（$10）夠juicy老闆的服務很好，介紹了多款招牌菜給我們，又會不斷主動加水。小店位置不顯眼，但平日晚上也有八成滿，看來很多是街坊客，又是一間以食物質素吸客的用心餐廳。

北角和富道其實也是好一個美食之地，一條直街易行，店舖間間分明。今晚在和富道想找串燒吃，幸運地給我看到這家門面不大的低調串燒小店。門口放有易拉架餐牌，串燒的選擇不少，而且還有飯麵類，對於想吃串燒但又怕不飽的我來說很實際。餐廳裝修簡單柔和，而且還有電視，令人坐得舒服自在，連餐廳老板都是很nice的。飯/麵：《日式冷蕎麥麵 $42》有醃春蛋、香蔥、薑蓉、芥末和另上作調味。蕎麥麵夠凍而沒有乾硬，醃春蛋倒在蕎麥麵上再拌混能令蕎麥麵口感滑溜；我喜歡將香蔥和薑蓉倒入冷麵汁中，令醬汁更香口，蕎麥麵蘸上後更惹味。《日式蒲燒鰻魚飯 $68》鰻魚厚身不會過腍，魚皮煙韌有口感而鰻魚燒很入味且肉質鮮甜，不會只有鰻魚汁的味道。米飯是用上珍珠米，比起一般日式小店來得有誠意，讚！串燒：《燒菠蘿 $16》火喉剛好鎖住水份，令菠蘿燒香後仍然汁多清甜。《厚切牛舌芯 $36》牛舌芯是牛舌中最軟腍的部分，所以價錢一般較高、來貨亦較貴，所以不多串燒店會入貨。此牛舌芯燒得外層微脆帶鹽香，入口嫩腍有肉汁，滿意。《鹽燒雞心串 $12》雞心爽彈不韌，灑上了海鹽來燒很提味。《日本迷你甜蕃薯 $16》完全沒有燒焦，全粒入口都不會有苦澀味，十

同小朋友去和富公園玩，經過見到呢間串燒食堂，由於時間尚早，冇咩客，就去試下。鋪頭細細間，乾淨企理，牆上貼晒食物相，而且聽侍應介紹，每日會有幾款唔同食物做特價，梗係唔好蝕。見「醬油魷魚軟骨」個名好特別，叫來試下，原來係魷魚眼附近，感覺似雞軟骨質感，但味覺上較為鮮甜，作為前菜加上少少咸既醬油，都好開胃。另叫左燒雞泡魚乾，些少燶燶地，好香口又唔太乾，點上沙律醬，阿仔幾乎食晒成碟，佢話好似肉乾甘，但好味啲。小朋友最中二玉子，所以叫左一串蜜糖玉子燒，好厚第既玉子，加上蜜糖，甜甜地好惹味，而且蛋味足又飽肚。鹿兒島一口豚肉都好岩小朋友，肉嫩汁多。最特別係豚肉荔枝燒，薄薄豚肉包住粒荔枝，淡淡荔枝香滲入豚肉中，兩者合二為一，荔枝減淡左豚肉既油膩感，豚肉吸收左荔枝香同汁，健康又好食。中二濃味既可以點上餐廳自制燒肉汁，但我覺得原汁原味最正。鹽燒白鱔，肉厚又嫩滑，所以加上少少海鹽好夠鮮甜，入口肉質都彈牙。鹽燒鯖魚就冇咩特別。川式香燒原條大茄子，侍應好貼心問使唔使走七味粉，怕小朋友食唔到辣，好彩阿仔唔中二茄子。當茄子一上台，聞到濃郁孜然味，蒜香味加七味粉味，而且顏色上都好吸引，成仔茄子好大條，而且燒到岩岩好，肉

天氣開始轉涼，正好食串燒。友人推介這店，決定一試。交通方便，出地鐵站後步行數分鐘已而。極多選擇脆炸七味魷魚鬚 - 值得一讃七味粉份量適中，提升口味同時不蓋過本身鮮味。魷魚外皮鬆脆，肉質細嫩彈牙，太太平常對此一般，吃過一條後也愛上。燒雞泡魚乾 - 有些店太乾身不好吃，這碟夠厚身爽口，加上微微的魚腥味，下酒一流！蘆筍豚肉卷 - 蘆筍多汁嫩滑到似蒸多於燒出來的，外層薄豚肉令口感豐富。 豚肉荔枝卷 - 微焦荔枝很甜，中和了裏面豚肉的油膩，多吃幾串也可以。蒲燒鰻魚 - 極嫩，一條細魚刺也沒有，喜歡醬汁不會濃，嚐到魚肉微甜的味道。太太對這讚不絕口！清酒煮蜆 - 鮮甜蜆帶點酒味，爽滑又甜，湯不苦，可以喝。下酒一流。川式香燒原條大笳子 - 未吃過這種香燒方式，茄子厚身多肉軟淋，蔥花提升笳肉甜度，難以置信是燒出來的。鹽燒黃花魚一夜干 - 全晚最驚喜的一道菜，皮又香又脆，肉質有口感，因為有預先調味再燒，好像燒熏魚一樣。我和太太本已吃得差不多飽，試一口後瘋了一樣不停的吃，五分鐘把整條魚吃清光之餘還回味無窮。總結：高質串燒平民價格，值得一試。

今日同朋友來到北角行outlet買運動衫，誤打誤撞來到呢度食串燒。我個人喜歡食沙律先，叫左個蟹籽蟹柳沙律，新鮮菜鋪上滿滿的蟹柳同蟹籽，少少沙律醬~唔錯，清清地又夠鮮甜。到燒物啦，我就喜歡食肉，梗要食厚切牛舌，肉厚又嫩滑，唔乾身，撒上黑胡椒粒，夠曬惹味。京蔥雞肉串都唔錯，大蔥燒完甜甜地，爽脆口感配上嫩滑雞腿肉，幾好。朋友喜歡食海鮮，有鹽燒白鱔同多春魚，鱔肉爽彈滑嫩，魚皮燒到脆一脆帶有少少韌性，咬落好重魚油香。多春魚就烤到脆一脆，唔會過鹹，頗香口。再來個鹽燒蝦，一食蝦頭就知新鮮，多膏又甜，蝦肉爽彈。還有清酒煮蜆，連埋清酒一起食，好正~海鮮甜味同酒味，係好夾架最後加多串鹽燒蘆筍，十分嫩又爽脆。新鮮既食材真係唔需要太多調味，少少海鹽燒已經好好食。呢度就做到呢一點啦！

今日工作緣故來到北角，同事好想食串燒飲啤酒。見附近係有間新開，入去試下先。我地叫左鹽燒雞中翼，同雞腎。雞翼普通，雞腎幾好食，爽脆又唔燒到好dry。仲有同豚肉車里茄，呢個我最愛。薄薄肉片包住番茄仔，係口中醬爆，酸酸地同特別肉夾。另外有燒廣島蠔，幾肥下，都好鮮甜，不過我以為係帶殼燒呢~再來個芥末雞骨腸，呢個好正啊，好似脆皮芝士腸但係個餡係好濃肉香，唔鹹。好味道~食完肉了，食返多D纖維先，有我最愛燒菠蘿，同韭菜。另外還有燒豆腐，外脆內滑。同事好喜歡秋葵，我就好怕個滑潺潺既口感，但係試食左一個，燒既秋葵又幾好食哦，咬落去好爽脆，唔會好多潺。有小驚喜呢！最後有牛油玉米，呢個好普通，無特別。反而個香燒大茄子幾好，有孜然粉五香粉，少少辣多多蒜，勁惹味。不過，好可惜呢度無酒飲，我地叫杯柚子蜜share~同事好想飲酒....哈哈哈。呢度老闆話可以外帶酒精飲品哦~又幾體貼既。

今日同屋企人嚟咗呢間串燒食堂，香港島唔算話好多串燒店，同屋企人食比較傾向揀一啲比較平民嘅餐廳，人均消費越低就越好啦！所以呢日嚟咗北角和富道食串燒，裝修同埋環境嚟講冇乜特別，只係感覺好闊落，唔覺得特別似日本嘅居酒屋，整體都係行平民路線，都係因為咁，每一樣串燒嘅價錢都唔貴，叫得多都唔會肉痛，嘿嘿! 首先我哋嗌咗蟹仔蟹柳沙律＄42，青瓜絲嘅口感非常爽口，配上美味嘅沙律醬非常之好食。之後就嗌咗蒜蓉燒生蠔＄40值得一提嘅係呢度每一日都會有Ｄ優惠串燒寫喺小黑板上，佢哋比起正價平幾蚊，咁抵一定要叫。最令我驚訝嘅係生蠔燒過後仍然係咁大隻飽滿，呢一點比起其他串燒店都做得好，超多水份，正呀！！然後點了紐西蘭羊架＄48 羊架上好像灑了一些孜然粉，味道非常可口，而羊架本身多汁鮮嫩，出面燒得微乾。金菇肥牛卷＄26 個人認為肥牛味道不錯，但是口感乾分了一點點吧。燒羊皮串$38，聽老闆講呢度一星期只係得十串左右，所以只會寫在小黑板上不會寫在主菜單上，吃到與否就看你的運氣啦。感覺係超好食，有啲似。。。羊肉版嘅五花腩，一定要試。之後仲嗌咗泰式冬陰功蝦丸、燒菠蘿和豚肉荔枝卷。佢哋嘅味道都唔錯，平平哋又一串，豚肉荔枝卷意想