串爆里居酒屋 (已結業)

今晚黎試下呢間燒野店，個人推薦燒茄子🍆同鵝肝，茄子有應有蔬菜既甜度，而鵝肝都唔錯，平時唔食鵝肝怕果陣騷味既朋友可以試下。如果飲酒既朋友就要叫燒雞泡魚干拿。整體來說都算唔錯，始終一分錢 一分貨，堅持即叫即燒可見用心，如果趕時間既朋友就要耐心少少拿，不過同朋友仔摸下酒杯底都算幾好既選擇☺️

食物同cocktails 味道都唔錯，但真係好細份，以炸雞軟骨為例$33超細兜，25粒左右。一串魷魚鬚 $3x 亦係算貴，日本迷你蕃薯仔$18有4粒。反而cocktail $48一杯mojito都算合理，始終佢環境冇酒吧咁好feel，所以都酒水好難收更貴價錢。腐乳芝士豆卜幾特別，但味道略鹹。燒雞泡魚乾味道唔錯，價錢亦合理。其他燒翠肉瓜、四季豆都ok，燒牛舌值得一讚。最後我哋兩個人食咗$47x 但好似冇咩落過肚咁，對比起同區嘅串燒店，呢間嘅份量真係好迷你，以長沙灣呢區係講係算貴，所以真係唔會有下次。

好朋友叫我去試食一間新開張的串燒，即時心唸蒜蓉+孜然粉！好邪惡的配搭！減緊肥的我雖然有點抗拒！但為左朋友！豁出去啦！😝😝我的食後感如下：1）青島生啤是燒烤最佳的選擇😆😆（如果唔飲啤酒的朋友可以叫特色飲品）2）恰到好處的蒜蓉+調味料（大家可以隨自己喜好的味道通知店長）3）親民的價錢同店長4）用心製作的廚師 綜合以上各點！為朋友豁出去係正確的！下次要約多幾個朋友去！🤣🤣🤣大家有時間可以試下啦！

屋企對面開左間串燒店聽日放假就落去宵夜海鮮燒得岩岩好食得出鮮甜味特別推介燒雞皮真係超用心製作，脆卜卜得黎又有小小煙煙韌韌芝心豆pop好得意，聞落去似臭豆腐，食落去脆得黎中間係拉絲架 飲品除左2款生啤仲有紅白酒&唔同味道嘅cocktail 美中不足係落單後要等，因為係即叫即燒(呢度係生燒不是燒定再加熱的)一行5人食吓飲吓唔覺唔覺就食左十幾樣野，飲左幾杯唔同味道嘅cocktail好飽吖！3位老闆都好好人，我地會再黎幫襯架💪🏻