丸亀製麵 (iSQUARE國際廣場)

营业中

休息中

睇戲前有20分鐘食晚飯, 趁未多人和朋友來到isquare樓上餐廳, 要快手食晚餐, 最好食烏冬!點左豚肉叉燒烏冬(大), 餐廳長期做21蚊兩件炸物; 有當日飛尾, 又送小食。七點前來到, 排隊點餐唔洗等, 有大量坐位。點餐, 付款後可以自己加蔥和芝麻和裝水。整體, 烏彈滑, 湯底唔鹹, 叉燒唔肥, 較薄身。餐廳行自助形式, 相對自由。**如果尖沙咀無咩時間又無咩idea可以來食下!

喺尖沙咀做完gym，約咗朋友短聚食個輕盈嘅晚餐，於是就去咗isquare 幫襯丸龜製麵。買野食係採取半自助形式。入到餐廳，首先同職員order 你想食嘅烏冬，佢就會即刻煮碗烏冬俾你，然後可以喺隔離自己揀d天婦羅或者飯團，再喺汽水櫃攞野飲，最後一次過俾錢。我就食咗個新推出嘅清湯蜆肉烏冬，唔好睇烏冬細細碗，入面有成十幾廿粒蜆肉，好抵食，而且烏冬十分爽口彈牙，湯充滿蜆嘅鮮味，真係好正。😍😍😍有朋友就食咗腐皮烏冬腐皮幾新鮮甜美，配烏冬簡直一流，加埋鰻魚飯糰就啱啱好喇。😋兩人加埋都係100蚊左右，真係好抵食。下次口痕想食個light 嘅餐，得閒一定會再幫襯！👍🏾👍🏾

呢間餐廳係Isquare裡面，算係少數價錢比較親民嘅食肆。我自己間唔中都會去Isquare睇戲，如果睇戲前後，時間比較緊湊的話，我就會推介你黎呢一間食，價錢親民得來，排隊拎嘢食非常之快，同埋餐廳入面都有好多座位，唔使嘥時間慢慢等位同叫餐上菜。係呢度由叫餐開始都係走自助路線，跟著排隊方向做就冇錯喇。首先同第一或二個日本師傅講，想食邊一款烏冬（有冷烏冬揀tim啊），之後再一路跟住條隊行前啲，可以揀炸物同埋嘢飲，最後就係俾錢啊。比完錢之後呢，都會需要你自己去拎餐具，同埋水（如需要）。最後食飽，都要自己將個托盤拎去回收counter到收集，其實都唔會麻煩

每次諗晤到食咩，簡單d，晤洗諗了，去食丸龜吧。Isquare 樓上有一間丸龜制麵，冷烏冬，熱烏冬，溫烏冬，湯烏冬，乾撈烏冬，咖哩烏冬，大，中 size任揀，仲有好多款天婦羅，唔怕諗晤到食咩了，實有一種岩食。餐廳保持日式飯堂特色，先揀野食，比左錢再入坐，晤好一早坐定定去霸位吖，另外食完，需要自行執野，放去回收枱，呢d都系日本飯堂的禮貌。呢間丸龜成日有好多日本人幫襯，應該糸附近返工的白領中午過來食飯。我最常點既系餐牌的7號中腐皮烏冬（中）天婦羅方面選擇都好多，今天只揀左竹輪天婦羅，水準都一如從前，幾好味！朋友點左咖哩牛肉烏冬，魷魚天婦羅，好味

呢幾日特別想食烏冬、搵一搵公司附近就見到呢間日本既丸龜製麵，記得係日本成日都見到但又冇食過。所以試下香港版又係咩既味道啦。烏冬黎講，50幾蚊一個唔平又唔貴咁啦，不過因為係下午茶先係呢個價錢，如果lunch 或者 dinner 就唔係咁計喇。🍜🍜🍜🍜🍜服務一般般，日本公司黎講。🇯🇵🇯🇵🇯🇵🇯🇵但外賣包裝都唔錯既，起碼都係有返咁上下既膠，而唔係遇熱即溶果啲，係可以安心去買既外賣🥡！

今晚心血來潮想食呢間，點知食得幾唔開心。叫左個蕃茄牛肉烏冬，加溫泉玉子。負責煮烏冬個位同事（“a")同加餸同事（“b")講呢個客加玉子，b仲應左a一聲，之後b竟然唔記得左件事，我同番b講，b話"我地係分開上,而家上番俾你”。到俾個玉子我的時候，我見佢好似好緊張，然後竟然俾隻打爛左的玉子我...我呆左...九蚊一隻玉子，話貴唔貴，話平又唔平，我加錢你俾咁的野我，點都有d講唔過掛。經過今次，我應該唔會再去食，或者你會講，反正玉子最後都會爛有咩所謂，但食物俾人第一感覺唔好就係唔好。仲要你係一個知情的情況下俾咁嘅野食個客，俾你係個客你都會唔開心。一個餐廳的質素唔單止係食物的質素，員工的服務態度都好緊要。

又係一間我既飯堂丸亀呢間鋪頭好多人都食過，無他，佢既價錢合理，野食又不錯，裝修又靚，環境又好，難怪佢開左咁多間分店啦！每次同男朋友都會點：明太子烏冬同蜆肉烏冬。明太子咸咸地做撈烏冬一流，勁香勁順口！而蜆肉烏冬，湯底清甜啲蜆肉多到滿晒，勁幸福！不過略嫌有時運氣唔好啲蜆會有少少沙！而其他配料都好值得推介！炸物唔太油成日有得refil保證熱辣辣！正！而我平時就最鍾意加多個明太子飯團，雖然唔算好足料，但熱辣辣既飯團同平時車站買到果啲好唔同！最後，日本人食咩都送啤酒，加埋個啤酒perfect match!!!!

呢間係半自助嘅形式拎完烏冬就去自己拎配料然後再俾錢，而多數都係炸物。個醬油係有少少甜，可以再多d，個讚岐烏冬煮得剛好夠煙韌👍🏻個溫泉蛋烏冬再加醬汁撈埋一齊食好正😜d炸物其實拎嘅時候有d凍凍地，畢竟唔係即叫即整🤔🐥個雞塊雖然唔係話熱辣辣，都仲係脆嘅，而且肉質都尚算嫩而且係有調味，唔會話淡。個竹輪卷同個茄子天婦羅🍆，炸粉有少少厚。不過雖然佢唔係即整，個外層都仲keep到脆。🍤個人覺得2樣餸已經好夠，拎左3樣炸物連埋個烏冬真係有d飽同膩，最後都係局住食晒佢🙊烏冬來講呢間我覺得係性價比高之選。

丸亀製麵唔洗多講 當然係主打烏冬架啦🍎👧🏽蘋果姐作為烏冬迷 呢度簡直過足癮🤤－－－－－－－－－－－✔️溫泉蛋烏冬🍜 中size ($39) 加配 蕃薯🍠➕竹輪➕茄子天婦羅🍆.是粗烏冬喔❤️ 醬汁份量剛好 均勻佈滿麵條 麵條軟滑同時充滿咬口 是完美的烏冬麵🤤特意叫的溫泉蛋♨️🥚拌入麵裏 令整碗麵的層次不再單調 入口順滑🤩 ⭐️評分：(8/10).本身對炸物興趣不大 但係見個樣幾吸引就點左幾舊嚟試😛.✔️蕃薯天婦羅 ($7)一向係我既至愛 甜甜地 似係食緊脆嘅甜品🤣.✔️茄子天婦羅 ($7)略嫌調味不足 有點淡😮.✔️竹輪天婦羅 ($12)好巨型🤣 裏面煙韌 出面脆卜卜 口感幾得意🤓.⭐️整體炸粉唔算太厚 評分：(7/10)－－－－－－－－－－－想平平哋食碗高質素既烏冬 呢度係首選💋下次一定要叫大碗先夠喉😈

尖沙咀想揾平野食唔係咁易，想揾好食又抵嘅就更難。係openrice揾下，就揾到呢間平價烏冬。一個人食埋單都唔過50蚊，加埋小食都係60蚊咋。今次黎就叫左 溫泉蛋烏冬 ($44)，賣想就一流，都好吸引，烏冬入口有韌度，唔會太淋太硬。亦都可以自己加配料，唔只得溫泉蛋或者得烏冬咁dry。仲有天婦羅或者魷魚，今次我就加左個野菜魷魚($14)，好香好好味。覺得烏冬唔夠就可以加小食，一定夠飽。位置都坐得舒服，如果唔想再加錢飲野，佢地有自助水，你中意飲幾多都得呀

In a sudden I wanna have some hot udon tonight so I went to this Japanese udon place. I ordered a big portion beef udon and added additional egg and squid tempura. The egg was half boiled which was very runny, very tempting.The udon was chewy but the beef was a bit under seasoned for my liking.Tempura was so-so as it wasn’t that crispy and hot.

上次黎的時候，佢仲未係譚仔嘅老闆，今日再嚟，先知原來係日本超級大嘅公司！咁平日夜晚黎啦，以前就有個天婦羅優惠嘅，好似最近就冇咗啦， ＄20兩件天婦羅，之前食一set，慳成＄10 㗎今日嚟到，梗係又係食我最鍾意嘅咖喱烏冬啦，配上冰凍嘅麒麟啤酒，埋單都係幾十蚊。我真係見唔到有任何食日本拉麵，或者烏冬嘅地方可以咁平啊，譚仔都未必得喇一如以往，烏冬非常之韌，咖喱非常之入味，日式咖喱，勁甜。一條友好，幾條友好，黎尖沙咀，就不期然想食呢間野，又坐得舒服，又可以叫野飲，又可以添小食，又有水自助飲，真係好過去樓下Starbucks

又係素食時間！前幾日係尖沙咀isquare，發現有一個性格比高既烏冬🤤🤤去到食既時間都下午茶3點幾，又無咩人坐低就食！其實想幾日食一次素都唔難，呢間就係幾好選擇～可以揀自己想要d咩combination🙌🏽叫左個茄子天婦羅🍆🍆都ok既！加埋個溫泉蛋烏冬🍜yummy🤤🤤面質唔錯，湯底揀左唔濃既，幾好味👏🏾叫左罐可口可樂，哈哈哈，榮升男神😹😹大家估下最後幾多錢呢？埋單$51咋！都ok呀！又幾好味！可以用8達通俾，方便呀

呢排成日出遊尖沙咀 荷包都越嚟越細 抵食嘅嘢呢?呢間烏冬舖頭採取自助模式~ 想食咩就叫乜嘢! 最後一次過去埋單! 而且接受八達通~唔通去烏冬鋪就真係想食烏冬呢? 今次我就嗌咗個咖哩飯啦~ 個人認為啲汁未免太多~ 咖哩薯好食! 咖哩湯飯就麻麻了

因為下班的時間差不多在6點, 而我差不多晚上7點要上課。為了要讓自己可以快速吃飯, 我就挑了這家, 清潔, 快速, 價錢合理, 好味道, 是我對這家店子的總結。我叫的牛肉烏冬, 牛肉分量並不少, 而且我這胖妹子, 胃口一點也不小。那烏冬的分量是足夠的。最讓我開心的是, 配料是可以讓我自行加添的, 有蔥, 薑和炸天婦羅粒。這讓我開心死。加那些東西讓我有飽足感以外, 我覺得可以更能增加烏冬的層次感。