丸亀製麵 (iSQUARE國際廣場)

营业中

休息中

我幾中意黎依度食烏冬，中意加咩都得！形式非常自助！開頭第一次黎唔係好識點餐，跟住人哋叫😂今次點左熱嘅濃口醬油 牛肉牛蒡烏冬，追加溫泉蛋、茄子天婦羅、炸蝦餅。有個自助調味料區，加左天婦羅脆粒同蔥花。 炸蝦餅同茄子天婦羅都好香脆！

門口排隊選烏冬款式先，有冷麵，有湯，有餸無餸，跟住行入少少，一堆炸物等緊你。大量天婦羅，餃子，炸物。。。。仲有炸漿脆脆同醬料位攞。朋友選左細冷麵，加餃子同2件天婦羅。大食嘅我叫左個大嘅豬軟骨烏冬，再野菜尤魚同蕃薯天婦羅。本身豬軟骨烏冬有蛋，正!整體烏冬夠彈牙，係我鍾意嘅煙韌度，而野菜尤魚好香，好味，豬軟骨尚算夠入味我會比75分。天婦羅最basic，夠脆。嘢飲人係收錢邊，有凍有唔凍，唔凍啱我。 大食 嘅我都係$80，我覺得物超所值。有機會會再黎最抵讚係佢仲有水你位飲，自己攞，有凍熱水添，我最需要水，又一賣點令我再黎嘅理由。

話說今個月洗大左(仲要係月頭有排涯)係尖沙咀搵食一定貴啦仲要係isquare，但係咁橋我發現6樓有間丸亀製麵。好似幾平，所以入左去試下。佢好似個自助餐形式咁，落左食咩先之後有排炸物簡加唔加，有炸雞，天婦羅等等，之後再比錢。比完已經有得拎。都算幾快手。仲有葱同炸粒，醬料免費任加，水都可以自己拎。叉燒烏冬 (大) 48睇落細細碗，其實都幾多下，味道高一般，伴菜完全唔得，叉燒好咸，係烏冬叫正常，味精湯底。無特別既蛋。總結，勝在夠平，又飽肚。但係味道要取捨了。

有時覺得尖沙咀好似只得貴野食？咁你就錯喇！因為哩間讚岐烏冬專門店價錢平之餘，味道同選擇都算多首先要去門口揀要邊款烏冬（都有多過10款選擇）而且仲有限定推介，大家可以留意門口POSTER 之後可以向前行揀自己鐘意的炸物，炸物都是一大批炸，炸完送出黎俾大家夾，供件收費，夾得愈多，價錢會愈費。再前行可以揀飲品之後就係收銀處今次我揀左一個中SIZE 醬油熱烏冬同一件炸鱈魚我再加大量脆物同七味粉（小女太喜歡辣喇）烏冬麵質爽滑而且見到即場製麵，所以感覺唔錯大家記得食完要自己收盤同埋要叫左野食先好入坐啊

依間野剛剛開個陣有一排要排隊食， 依家過左人人爭住試， 基本上都會有位， 依到個叫法係先落單跟住俾錢然後羅返位慢慢食。有一大堆唔同烏冬menu任你揀， 餐牌亦都有少許飯種類。 我叫左個冷烏冬， 冷烏冬有兩個size， 中size$29，大size三十幾。 烏冬唔會話好多水， 爽口彈牙， 收銀隔離有調味料區， 可以加蔥同天婦羅脆落個烏冬汁一齊食， 味道會豐富D， 我個人鍾意加埋少少薑， 中和返天婦羅脆ge油味同油膩感。叫完餐會經過一個自助區， 有一堆炸物比你揀，同埋幾款飯糰。 炸物會推薦大家食南瓜同雞， 依到D雞炸之前會落調味料‘葉’味先，所以就算無沙拉醬依日好味， 炸物唔會炸得過份， 雞肉食落口仲可以食到雞肉ge鮮嫩肉地， 唔錯的。 我跟住叫左個野菜魷魚餅， 蔥味太濃， 我就麻麻地啦， 無一般魚蛋彈牙口感又略嫌蔥味太勁， 無特別之處。

算是i square裡其中一間性格比高的日式烏冬店。今次我地食左兩碗烏冬，一是豬頸肉濃湯烏冬。烏冬湯底夠味，不太鹹。女仔而言，份量一定夠。今次遇上星期一至四的$22兩件炸物優惠，於是試下，炸雞同炸蝦都足料，不會「粉肉」分離，值得一試！另外一碗是京蔥牛肉烏冬。這碗是無湯的，有醬汁，但也很滋味，份量也十足。牛肉與醬汁很配合！不過，冷氣機滴水滴到我個頭⋯⋯就是美中不足！係尖沙咀找到這一間烏冬店，都是教人驚喜！

之前係荃灣已經有食過，今次再係尖沙咀食，因為價廉物美。喜歡普通食個麵又得想食得豐富D又得，因為可以自己之後夾想食既小食，每樣收費。對於日式烏冬湯底無咩要求，所以揀左個醬油冷烏冬，之後揀小吃食。今次揀左好多款，因為同愛人2個食，可以夾多D～～～揀左份餃子（麻麻地），魚餅（唔錯，次次都有食），雞肉串（炸粉都算薄），炸野菜 （都唔錯）。仲要左一杯乳酪特飲，飲完可以拎走隻杯架，都係1X蚊咋～由於尖沙咀區食野都唔平，所以呢間平價烏冬店，十分推介～

每次去親ISQUARE睇戲前後晚餐一定會選擇丸龜製麵，除左價廉物美，環境亦唔算差之外~~ 最中意既係佢D烏冬食落唔會好” 林”同一PAT野，湯底又唔算鹹 至少食完唔會好口乾先，呢點我幾欣賞!! 飲品方面都幾出色~今次飲左杯雲抹綠茶都覺得幾好!! 下次可以再試下其他。呢間幾推介，午餐黎食都算抵架，可以黎試下J

冷烏冬（大）好吃份量大，有咬口，蔥自助任加。相比熱烏冬，個人覺得冷烏冬做得出色一點。今天有優惠炸物20蚊2件，比平時平了三份一。 全部夾埋只係55蚊，晚餐來說算是十分平，非常適合月尾的月光族來吃。

尖沙咀想食得實惠又好味❤️所以朋友簡左呢間食烏冬的佢係先點餐後穩位的 場地乾淨又衛生 亦都好舒服好細心的地方是設有一人位的 所以一個人去都5會太監介牛肉麻醬撈烏冬：烏冬好彈牙 唔會好似坊間大部分烏冬禁又酸又冧 而肥牛亦都不過不失 醬汁非常入味而且有大同中size任君選擇❤️不錯製作過程都很快 現場仲有好多豐富既天婦羅整體來講 實在很不錯

星期一當然是 Blue Monday，還下起紅雨。寶寶決定去 isquare 看電影。距離電影還有40分鍾，所以決定吃個簡單晚飯。但在 isquare 吃飯也頗昂貴，然後竟被我們發現丸龜製麵！太好了～我吃的蕃茄牛肉烏冬 ($49) 很美味，蕃茄湯底十分濃郁，湯底還是稠身的，最後我連最後一滴湯也喝乾。還有西蘭花和蕃茄粒，絕對真材實料。牛肉和洋葱煮得入味，味道有點像吉野家的牛肉飯。用的是讚岐烏冬，爽滑彈牙，煙煙韌韌的非常好吃。寶寶要了咖喱牛肉飯 ($40) 很掋食。咖喱不辣，拌飯一流。雖然份量不算大，但還能暫時填飽肚子。但 iSquare 還有什麼更掋食的選擇呢？還有自助配料，我夾了很多葱花，蒜蓉和天婦羅碎呢哈哈～

今日去到尖沙咀開茶會，午餐係丸龜解決。一來我是「日本人」，二來丸龜的確係實惠又好食。丸龜同一般典型日本餐廳一樣，先order後付錢。你先order 你想要的烏冬再可以自選天婦羅，日式燉蛋等小食。小食全是自取每次我都例牌叫一個大麻醬牛肉烏冬，麻醬配上肥牛，出奇地配合！係一樣很開胃的食物。每次要加上大量蔥撈一齊食先惹味！烏冬全用上巑岐烏冬，超級彈牙

今天是吃過那麼多次最生氣一次 員工態度惡劣 還說自己一直是這樣 覺得自己沒問題事發是這樣的 我看到她們剛弄好茄子天婦羅 那我就等她放出來 那態度差的員工沒帶口罩一邊弄飯糰一邊說看不到有的東西在收銀叫就可以 她說這個是這裡的規矩 帶有一點不負責任的說話 這回答已經令我不愉快 其實我知道可以在收銀叫 但我見剛弄好 不想你們員工辛苦拿過來 我自己等就可以 我到收銀說要茄子天婦羅 她又說自己去拿 好像是玩弄客人的 問那收銀的男生經理在那裡 他說放年假 根本就完全不理客人的 之後我其實見到經理的 完全明白香港服務質素下降是有原因 還好意思說自己一直都沒問題 處理食物又不衛生

#雪雪茄大滿足 😋🈵 味道：🔴🔴🔴🔴🔴🔴🔴⚪️⚪️⚪️👁‍🗨 環境：🔴🔴🔴🔴🔴🔴⚪️⚪️⚪️⚪️💰CP值：🔴🔴🔴🔴🔴🔴🔴⚪️⚪️⚪️🔙 番撻 : 🔴🔴🔴🔴🔴🔴🔴🔴🔴🔴每次去到尖咀人多人龍既時候,又餓又累時就一定會食 「丸龜製麵」😝點解？！👍🏻 一定有位坐👍🏻 保持到食物水準👍🏻 唔洗加一自己例牌叫1）熱醬油烏冬 (中) $29 😋👉🏻 重口味人士最愛～ 哈哈哈 😆👉🏻 每次都會再加1-2圈鰹魚汁&多多七味粉係面 😝👉🏻 讚岐烏冬好有咬口 😍（有時會整到少少lum,, 整體不錯吃）2）經典釜揚烏冬 (大) $35 👉🏻 鰹魚汁超濃 💕👉🏻 烏冬會再彈牙啲 ～～👉🏻 以前成日食佢, 但食左醬油開始就番唔到轉頭 😂以前打工計住荷包只會淨叫麵,最多嗌大碗, 胃細 (🙈) 夠食 ～後來成日另加炸物/小食 ：🍤 鱈魚排 $15@1件 💓💓💓💓💓🍤海老天婦羅 $13@1件 💓💓💓💓🍤 番薯天婦羅 $7@1件 💓💓💓💓🍤 南瓜天婦羅 $7@1件 💓💓💓💓🍙 明太子飯團 $12@1件 💓💓💓🍙 腐皮山葵飯團 $12@2件 💓💓💓💓💓🍙 腐皮飯團 $9@2件 💓💓💓💓（相片下次再補⋯ 今日好多都俾人清晒🙈） ** 最抵食係

如果在I Square睇戲,通常距離入場時間有一小時內,我都會選擇食丸龜,快令正!!要系門口簡左食咩買左先可以入去坐,因為唔洗簡我必食*明太子溫泉蛋拌烏冬(中),無湯但烏冬,料是熱的,所以不會有食完冷冰冰的感覺。排隊叫餐,拎個Tray裝碗烏冬,我必食天婦羅/小炸物,還有飯團,甜點,汽水綠茶等飲品(以前有個紫菜墨魚好好食,但已經無左好耐,希望會再出),拎完食物去到前面收銀比錢,再慢慢食。我呢款烏冬無湯/汁,系收銀處隔離有可加鰹魚汁(大約加兩個大圈分量),蔥花,炸天婦羅脆粒,薑茸,七味粉,芝麻,還有天婦羅汁。有冷熱水免費供應,*明太子溫泉蛋烏冬除左薑茸我咩都加哂落去撈撈撈食食食!!呢度天婦羅唔錯架,第一次食呢度既*炸蝦餅,推介呀,又大塊又炸得好.*雞肉洋蔥圈就硬左d咸左d,*蕃薯蘸天婦羅汁正!,他的溫泉蛋烏冬醬油(中),幾好味呀,我都中意。(keep底收據下次有減$5優惠,不能當天使用,15日內有效)