丸·茶手作 (勝利道) (已結業)

睇左好多報導講呢間台灣人開的珍珠奶茶，上次晚上9點幾黎食左閉門羹，今次打左電話問收幾點先黎，講真地點有D吊腳，但係台灣友人堅持去試。店面同其他珍奶店差唔多，係個logo稍為有D design。menu好細張，字又細，建議整個大banner。今日推介黑糖珍珠和芒果寒天珍珠，就試呢兩個。黑糖珍珠奶茶($19)，珍珠比一般的細和Q彈，咀嚼時間長D，黑糖味調配得不錯。茉香奶綠芒果寒天珍珠($21)幾有特色，芒果寒天珍珠係台灣比較流行，也很Q，香港都係第一次飲，店員suggest 配茉香奶綠，果然係好match，芒果味道冇被奶綠覆蓋。

呢間啲珍珠好特別 有綠茶 紫薯 但係等吾到綠茶珍珠 試左芒果珍珠🤦🏻‍♀️好難食🤦🏻‍♀️珍珠吾似珍珠🤷🏻‍♀️ 粘埋唒😞綠茶好粉😑🍵吾好試🙅🏻等咗好耐都冇綠茶味🤦🏻‍♀️

我叫嘅係綠茶奶茶加珍珠，綠茶味足，又有回甘，甜度適中，細細粒嘅黑糖珍珠好味又QQ！正❣️下次要少冰就唔怕沖淡咗D茶味就更加正！😋👍🏻🍵 我一定會encore. 🤗 等候時間亦唔算耐，佢仲有冬季無咖啡因系列，好啱我呢D需要caffeine free 嘅人，讚! 👍🏻😊

早前在網上看到報導一間由台灣人開的珍珠奶茶店，有自製不同口味的珍珠，所以就來試試看(從旺角東站過來也不算太遠的說)。.當天有黑糖珍珠和紫薯珍珠兩款(據知還有抹茶珍珠)，最後點了紫薯珍珠奶綠。奶綠底下佈滿紫色的珍珠，大小比平常的珍珠細一半，不過要細味才食到少少紫薯味，味道突出。但奶綠感覺好順口，綠茶味好清香，值得一讚的是，雖然甜度是『正常』(沒有叫少甜)，但也不會太甜啊。如果喜歡地道台灣奶茶的人不妨一試！

我地食完大熱嘅平價pancake，向住勝利道出發，呢頭原來都幾多野食。我地主要係想試呢間台式飲品！丸茶手作係由台灣人主理嘅台式奶茶店，用嘅係台灣茶葉、澳洲全脂奶。主打由店主每日親手新鮮製作嘅珍珠，無添加防腐劑、人造色素、塑化劑。手工珍珠有五種味道：黑糖、紫薯、櫻花、桂花、抹茶，作為搭配，每款$4-$5。可能時間唔早，客人唔多，等左幾分鐘就做好。之前有部分照片見到係有樽裝，相機食先一流，不過店員提醒話已經冇哂~抹茶拿鐵 $23由於我本身唔喜好台式飲品嘅珍珠，所以試唔到小店嘅招牌喇。凍飲一律700ml，以此份量，價錢唔貴。抹茶拿鐵漸層效果明顯，完整嘅三層，即使冇樽裝，影出黎都係靚味道，老實講有啲強差人意…奶唔夠滑，冇香味，質地比較稀身，而且飲到少量冰碎。主角抹茶味唔濃郁，冇回甘，同自己搵綠茶包沖嘅分別不大，女朋友仲話…似元氣嘅綠茶粉開嘅凍抹茶…雖然價錢唔貴，又幾大杯，但味道麻麻，我地就冇下次了。

突登揸車來，呢個地點平時好少會來，一場來到，逼於無奈飲抹茶珍珠奶茶定吾知奶綠，苦澀到爆over哂，本身來之前我系一心想飲紫薯珍珠奶茶，然後佢話無紫薯珍珠，甘我問有無紫薯味飲品，無紫薯味珍珠吾緊要，然後佢話無紫薯味飲品，ok甘我明，我本身都中意抹茶野既，甘最後唯有要抹茶奶茶(期間問過桂花乜乜都又系無)講反個抹茶野，苦澀到已經無其他味，totally 一個澀字，另外，我男友系叫黑糖珍珠奶茶，又過甜咼，糖水甘，無乜茶未，點呀，真系吾識吾好開鋪啦，雖然每人口味吾同，但相信大部分人飲奶茶都中意有茶味又有奶味吾系糖水味囉

呢間丸茶手作係我嘅waiting list嘅頭幾位，今日路過又唔多人，即試！我同男友買左一杯黑糖珍珠奶茶同芋香奶茶加珍珠，依，啲珍珠好細粒，完全食唔到彈牙口感，雖然有啲失望，但味道係唔錯嘅。但當我飲到剩返3分1嘅時候，覺得條脷有嘢桔！其實真係好過分，原因係我飲到洗碗用嘅<<鋼絲刷>>碎屑有圖有真相...................我唔係想投訴，只係希望如果店主睇到我呢篇評語的話，下次真係要小心...小店加油！

今日去左勝利道食lunch，記得網上有雜誌介紹過呢間台灣飲品，話佢地的珍珠係每日人手做，每天的珍珠味道都唔同，於是食完野就過去買杯試吓！今天的珍珠味道係黑糖珍珠，叫左綠茶Latte$24加珍珠+$4，珍珠比起其他台式飲品細粒，味道就真係幾好味，但口感沒有彈口的感覺，可能是細粒的原故。綠茶味太濃，濃到有點苦澀味，不知是否因為叫了小甜的原故。另外其實當天只係有4-5人排隊，店內除了收銀有兩個職員沖飲品，但等候時間卻要用上15分鐘以上！

過農曆新年前到Salon 剪頭髮時，看到一本已過期的飲食及旅遊雜誌裏介紹一間由台灣人主理的手工珍珠奶茶，內容大致上講述台灣人同香港女仔結婚后定居香港，因不懂廣東話而找不到工作，好像是毅然決定返回台灣學整珍珠奶茶，再回到香港開舖賣手工珍珠奶茶，看完這篇報導就馬上用cellphone 影低地址。今天因事揸車過海順便入勝利道買狗零食而想起呢間丸茶，又順便買杯來試，我買的是苿香奶綠加芒果寒天珍珠＄21不到3分鐘就叫我號碼真的很快，之前見D食評話等至少5一10至多過半個鐘所以有心理準備要等，現在出其地快非常好。急不及待試飲，飲落有苿莉茶味同奶味非常配合順喉，一飲就知用真正茶葉冲出，不是用粉冲出來，而寒天珍珠煙銀彈非常有口感。值得一飲再飲，期待下次再過海飲。

今日特登來到何文田一試開業不久的手作飲料店（好吧其實是因為離大學很近，所以時常經過），店舖已經沒人排隊，不復我早前看見的人山人海。看了一會餐牌後便點了一杯黑糖珍珠奶茶，要試這些小店的真偽，始終還是要試最大眾的珍珠奶茶。這幾天非常寒冷，所以我點一杯熱珍珠奶茶，但店員竟然說沒有熱的，令我有點可惜，畢竟餐牌上寫有I/H ，讓我空歡喜一場，不過店員說可以調一杯室溫的，那便試試吧。由於沒有什麼人，所以很快便為我調好了，珍珠原來是細珍珠，不過也頗有口感，反而奶茶味道普通，不知道是否因為用黑糖，即使我沒有叫少甜但飲下去感覺也不太甜。埋單19元，以這個地段而言也不算貴，不過只是一杯平平無奇的奶茶，難以令人再試，若下次有緣便再叫其他吧。

飲之前已經上過openrice睇過d評語已經見到d人話唔好飲，但都想試下點解咁多人排隊同都有d評語話好飲。1點幾去到，前面無人排隊，我同朋友夾埋買左兩杯，但效率好慢，整兩杯野都整左成十至十五分鐘。佢個到個menu寫有4-5款珍珠，但去到得一款最普通既黑糖珍珠，完全唔明白點解無咁多款又要寫係menu到，無咁大個頭就唔好帶咁大頂帽啦好心！杯野嚟到啦，抱住新奇心態去試，點知一飲，杯野無乜味，得d甜品同水味，朋友個杯都係咁，好無奈。杯野勁難飲都算，d珍珠無其他人吹噓到咁有咬口，同d珍珠好細粒。以為都唔會再飲，見到有人排成半個鐘，如果要等咁耐更加唔值得。

今朝起身上facebook見朋友 like左丸茶FB post 話有桂花珍珠，跟手入丸茶的FB page look look，講述因為珍珠不能放太久，會破壞珍珠的品質，嘩巧用心掣作呀于是未到1點鐘，我就碌落山飄入勝利道買左一杯 桂花珍珠奶綠，現場有2個人在等叫茶號，等落單計埋我共3人，流程都順𣈱，大約不用3分鐘就叫我的號碼，去之前有少少怕要久等，比想像快得多o桂花珍珠奶綠飲落淡淡桂花香味和茶味清香在口中徘徊，人手做的珍珠QQ彈彈非常配合

聽同事講上個月，蘋果日報有一條短片介紹，由台灣人主理的珍珠奶茶，就開在我住地方隔2條街，同事問我好不好喝，為了回覆同事，今日專程行入勝利道買左一杯 ＊抹茶拿鐡＊ 來試，原本想試黑糖珍珠奶茶，但人家手上取到 抺茶latte，實太美了忍不跟店員講我要這款，加招牌手工珍珠合共＄27等了4分鐘拿到，真實太美真的好好飲珍珠好有黑糖香味不會太甜抹茶味香濃煙煙韌韌口感非常Q勁彈還有很多珍珠加4元簡直超值值得推薦，期待下次再試其他口味

平時行過呢間新開珍珠茶見好多人等，都覺得好奇怪點解D人願意為一杯珍珠奶茶企響條街等，可能我不是一個珍珠奶茶愛好者所以未能理解今日又行過見到冇咁多人，出於好奇買一杯來試我本身是很少飲珍珠奶茶，於是跟我前面客人點餐一樣是＂黑糖珍珠奶綠＂價錢19元，等左大約6分鐘左右就叫我的號碼都算合理拿上手覺得D珍珠比較其他品牌的珍珠細粒，飲落茶味很香在口腔內環回，手工珍珠好chewy, 口感非常好茶味香濃, 

台灣最近有間丸XX茶, 以為開在係香港, 買完發現勁難飲先發現原來個名既次序唔一樣, 估唔到連香港都有山寨店, 完全浪費時間排隊加浪費金錢!!真係勁難飲!!!!!!!!