丸·茶手作 (已結業)

何文田的丸茶手作開到尖沙咀了! 特色是有5款手製珍珠可選, 我和朋友都選了較清新的檸檬冬瓜茶, 配不同珍珠令飲品的味道大有不同!試喝了朋友的黑糖珍珠, 黑糖味濃不死甜, 令冬瓜茶添上了濃厚味道。我選的桂花珍珠反令茶更清新, 多了一陣清香。珍珠的口感煙韌, 做得不錯。下次要試試其他口味的珍珠!

熱辣辣誠意推介！今次真係值得推介未試過叫一杯益力多綠茶少甜係份量岩岩好平時就算叫左少甜杯野都好似倒左兩支益力多咁 又冇茶味但今次依間絕對唔會過份甜 又有綠茶香味中杯20蚊依加有好多特別口味珍珠每款加6蚊今次加左櫻花珍珠 仲有好多種想試 見到餐牌有桂花，紫薯完全唔係得個樣好煙un 有花味 特別又好食重點 我傍晚時份去 六點到都唔會多人到有排等 好快就有可惜太遠 要過海行開尖沙咀先幫襯到希望快啲港島會有分店！一定會多多幫襯啊

行過尖沙咀，新開左間裝修特別，而且有得買滷肉飯嘅台灣奶茶店鋪，叫做「丸茶手作」。成間野好似黑芝麻糊咁樣，用黑色同埋灰色做主調，非常吸引👀最搞笑係有得買滷肉飯，搵日都可以試一試。價錢方面，都好平， 最平＄14已經有一杯茶🤔好過去starbucks、太平洋咖啡嗰啲凍鐵觀音茶、配黑糖珍珠凍鐵觀音味道香醇濃郁，專登唔加入牛奶，而且走甜，咁樣先可以食到鐵觀音茶味道！走甜之後，專登選擇一啲比較甜嘅珍珠去平衡返味道睇返原來每一粒珍珠都係手作仔。配左黑糖珍珠，一粒一粒非常QQ、又彈又煙銀，味道適中好好咬😁，但又唔會太硬。不過好快比男朋友食哂💢🤬！

聽說是台灣來的手工珍珠奶茶，珍珠也有很多特別的口味，桂花、黑糖、櫻花通能讓都有～因為怕中伏，選擇了一個比較穏陣的珍珠，是紫薯～但，珍珠也吃不出紫薯的味道🤔 另一杯是黑糖珍珠，平凡一些，不過不失。奶茶也就一般般，茶味不夠濃，不至於差，但在尖沙咀的確有太多更好的選擇，好像無再回來的原因，也有一點名過其實。 (雖然買來影張相也不錯啦)

近期愛上嘗試不同口味的台式奶茶，隨著不同的過江龍登陸香港，人人手上拿著一杯珍珠奶茶的情境，隨處可見，這股奶茶風可謂一時無兩！「丸·茶手作」，台灣店主每天自製珍珠，保證大家品嚐到的珍珠均是新鮮的！而且，標榜所有珍珠無添加物或防腐劑，不加人造色素和塑化劑，口味獨特，如紫薯、抹茶、桂花及櫻花等...店中選用的茶葉、黑糖、抹茶粉等，都是店主專程從台灣精選直送，確保令人品嚐到台灣風味！芋頭拿鐵+桂花珍珠芋頭蓉份量十足，伴勻之後，都可喝到綿滑厚身的芋泥口感，桂花珍珠煙韌帶嚼勁，桂花口味清新，沒有過份甜度，整體不錯！

今日喺尖沙嘴食完dinner醒起之前有間珍珠奶茶舖一路好想試就黎左大概九點左右黎到唔洗排隊 得兩個人喺度等緊野飲呢間鮮奶系列起碼都要$22 加珍珠要成$6其實都算幾貴叫左杯芋頭拿鐵加芝麻珍珠一見到杯嘢覺得好靚好surprise因為佢係用芋泥加鮮奶喺出面未見過咁樣沖既舖頭飲落個味好清甜好有芋頭味而且因為佢係用芋泥 d味一d都唔假芝麻珍珠好Q彈 算係我食過咁多種珍珠比較彈牙既芝麻味都有 但唔算太重唯一美中不足既係甜度冇得自己揀我飲開半甜既覺得稍微甜左dd

同女友到尖沙咀行街, 因為頭先果餐吃不飽, 女友又要嚷著試人地宜家好興的茶類台式飲品,行過呢間之間睇過FACEBOOK介紹, 就試下呢個, 都可唔少人飲....因為女友唔喜歡飲奶茶, 所以我地最後點左呢杯可可鐵拿, 其實即是我們香港人俗稱的朱古力而已, 台式飲品就是可以自行揀選糖同埋冰的半量, 可以根據個人喜好去自行決定, 可能不是太明佢地個半糖少糖的意思, 點錯了半糖, 其實是想點微糖的, 因為我地都唔太飲甜的, 不過無辦法就唯有照飲啦.即叫即時沖製, 見到佢地都有加入明治的鮮牛奶去調配, 證明材料都係真材實料, 朱古力味幾香幾滑, 但係半糖都可能芍於我地黎講會多左d, 所以除左甜左少少之外, 整體都唔錯, 下而就識點啦

去尖沙咀行街途經呢間飲料店，見到滿滿既長龍，又咁啱口渴就即管試試佢。餐牌都幾多選擇，而我就揀左佢地既皇牌飲品，皇室奶茶加珍珠。落order時先發現原來佢呢到既珍珠係有唔同既口味，有原始既黑糖珍珠，桂花珍珠，紫薯珍珠，同埋顏色好靚既櫻花珍珠。我揀左入口應該比較香既桂花珍珠試下，等左5分中左右就已經有得飲，1入口茶味好香，唔算話太濃，但飲得出佢既茶唔係1般珍珠奶茶既茶。而佢既桂花珍珠都好驚喜入口陣陣桂花味，1啲都唔伏口感仲好好tim。可惜暫時呢間香港只有2間分店，如果唔係必定成日去飲

今日經過見由何文田開到尖沙咀嘅丸茶手作即入去試！抱著好期待嘅心態叫咗芋頭latte+桂花珍珠。本身諗緊會否太濃味，問店員會否遮掩了桂花味佢話唔會咪照加$6要珍珠。注意，Latte冇大杯裝的。等待中，都幾多芋蓉加桂花珍珠，但變了珍珠較少有得拎喇！原來係鮮奶，沒有打泡或混合，即係芋頭鮮奶！唔怪得冇得揀甜度。。因為好難混合，一飲就成口芋蓉漿住了喉嚨，桂花珍珠亦被芋蓉甜味蓋過了。。。飲唔到咩味，QQ的ok。如再光顧只會清茶先加桂花珍珠

丸茶手作之前已經係FB彈過出黎好多次，一直都好想去，但係淨係得何文田店對於我黎講真係好唔就腳，今晚同朋友係尖沙咀食完飯諗住買杯台式飲品，一開OPENRICE SEARCH 尖沙咀&台式飲品，竟然見到丸茶手作!! YEAH!!!新開分店係尖沙咀呀!!超興奮!!一支箭衝黎!!唔知係咪真係好新，冇咩人喎，唔使排隊就買到，不過我地2個好似選擇困難症咁都揀左好耐。(左) 古早味紅茶+桂花珍珠 $20 (小甜小冰)好清呀我呢杯古早味紅茶，其實我都唔知古早味即係咩味，大概既意思都係古代傳統留落黎既味道，反正就係一杯加左糖既純阿薩姆紅茶。今次第一次睇第一次食桂花珍珠，半透明既珍珠同平時既黑珍珠一樣煙UN，真係咬到好淡好淡既桂花味，係一個不錯既嘗試。(右) 黑糖珍珠撞奶 $28 (少冰)朋友呢杯黑糖珍珠撞奶係冇得走甜少甜架，我估大概係因為佢既甜味都係來自浸住珍珠既黑糖，所以預先已經浸左就冇得再少甜啦。試飲左幾啖，真係太甜，但味道係好好味既，飲一兩啖會好回味，但想像唔到飲晒成杯之後會甜到有咩感覺。XD 糖尿病真係會黎搵你。> <影左全部珍珠款sample

上年，已從雜誌報導認識了「丸茶手作」。當時手做珍珠還未大行其道，「丸茶手作」已經有多種口味的手做珍珠，對愛吃珍珠的我來說是很吸引的！但礙於地點”唔就腳”，始終未能一試。這天在尖沙咀見到它，實在是很驚喜，然後當然是光顧了☺️☺️☺️近期都不太想喝有奶的，還是口感清爽的茶飲吸引我（但是，我始終覺得珍珠跟奶是絕配！！），所以我選了「古早味紅茶」。大家要留意一點～雖然這店的賣點是手做珍珠，但菜單上絕大部分的飲料都是沒有配珍珠的！（好像只有一款飲料有配🤔）珍珠是要自行加配，菜單上寫有5款珍珠，但其實還是要看當時店裡有甚麼，像我那天只有黑糖、桂花、紫薯、芒果。我有選擇困難症，本來有點想試「櫻花味」，但又怕中伏（櫻花味產品令我又愛又恨😑），那天沒提供就不用煩惱；「黑糖味」好像有點兒普通；「紫薯味」跟紅茶好像不太配；「芒果味」，我是來吃珍珠，不是爆珠啊～「桂花味」是全球首創（菜單是這樣寫🤷🏻‍♀️），感覺跟紅茶蠻配的，看大家對它的評價也不錯，最後選了它。落單後等了3～4個字左右才有。珍珠約佔整杯25%，摸摸底部，暖暖的，感覺珍珠是新鮮做好。珍珠口感帶點軟糯，但還是有嚼頭的，桂花味很明顯。喝一口紅茶，的確是傳統

🍎👧🏽蘋果姐成日好想試呢度啲手作珍珠😋 但因為夜晚去 得番黑糖同芒果珍珠😭 唯有第日再去碰個運氣😪 點知真係比我試到桂花珍珠😍所以就一次過分享下~－－－－－－－－－－－1️⃣皇室紅茶拿鐵 M size ($22) 配 芒果寒天珍珠(+6).拿鐵+芒果呢個組合聽落有啲怪😂一入口已經充滿住芒果味🙈 奶+芒果 感覺似食緊芒果布丁😂 已經叫左微甜 但仍然偏甜 但勝在個寒天珍珠 又爽又彈🤓 幾特別👅㗳真啲都叫做飲倒啲茶味🤤 茶同奶的比例挺好.⭐️評分：7/10.2️⃣🍯蜂蜜檸檬紅茶 M size ($19) 配 桂花珍珠(+$6)..🍎👧🏽蘋果姐一向飲開微甜 但係職員話會減少蜂蜜嘅份量 所以最後冇調整甜度😶 結果出到嚟真係甜左啲 蓋過咗桂花嘅香味😩桂花珍珠算煙韌 但係偏軟身 食到有桂花係入面 可惜飲品過甜 只能嚐到好淡嘅桂花味☹️ 好sad啊.⭐️評分：6/10－－－－－－－－－－－總括嚟講 應該將呢兩杯飲品嘅珍珠掉轉 會好飲啲😂🙈 不過對桂花珍珠的期望有點過高了😌 反而較喜歡寒天珍珠💕

上次飲丸茶手作嘅時候，覺得非常麻麻，見到尖沙咀開咗間，就諗住去試多次啦。之前都係得兩種味嘅珍珠，但今次珍珠嘅款式多咗好多，紫薯珍珠同櫻花珍珠都好似幾特別咁。我今次就選擇咗桂花珍珠。 (因為上次無試到)本身想飲水蜜桃烏龍茶 ，好可惜嗰日冇得賣，所以就飲咗桂花冰綠茶，配上桂花珍珠，成杯都好有桂花味！！哈哈哈 (冇就奇) 係咁炎熱嘅夏天飲杯清淡嘅凍飲 sooooo jeng!今次沖調嘅飲品比上次好，所以下次都會去再買。

本來聽到有多間珍珠奶茶開台都心存感激話哂香港唔似台灣咁多手搖常見都係歇腳亭、天仁茗茶、茶湯會或者貢茶🤨聽聞呢間嘢嘅手工珍珠好有綽頭就嗌咗杯薰衣草奶綠加桂花珍珠同埋黑糖珍珠撞奶一飲真係隔夜飯都作動🤢隻味極度人工，唔洗問阿貴又係用奶粉沖啲珍珠完全無味，同埋偏韌咁樣就收多我6雞！？😵講真賣貴啲唔緊要，畀少少誠意好嗎？飲ShareTea都無咁燥底🤬又要另外哂錢買涼茶有生之年都唔會再幫襯👎🏻👎🏻話好飲嘅人應該係味覺失靈收得錢做打手都做好啲戲啦😪

朋友講尖沙咀開咗間新嘅飲品鋪叫〈丸。茶手作〉，最特別嘅係有好多唔同味嘅芋圓或者珍珠喺飲品度。店鋪收十點半，尖沙咀離講時間算係收得幾早，好彩今日趕得切去。餐牌亦都放咗喺門外面，等大家諗清楚先入去，幾有效率。一心想是香芋珍珠，但點知去到已經冇曬，唔知係賣曬定係每日只會出幾款呢？一場嚟到，唯有揀芒果珍珠吧！最後揀左水蜜桃烏龍茶加芒果寒天珍珠。值得一讚係用茶包沖泡，可以見到裏面係真係有茶葉同埋水蜜桃乾粒，絕對好過唔知係咪用茶粉沖出嚟嘅茶。而且芒果寒天珍珠嘅口感都幾得意，唔係平時飲珍珠奶茶的那種煙煙韌韌，而係有少少爽爽地嘅口感，芒果味幾清甜但唔算好濃。仲可以蓋引仔儲印花，儲夠十個可以當$22用，如果飲杯唔加珍珠嘅嘢飲都夠嘅！