丸·茶手作 (通菜街)

营业中

休息中

叫無糖 但真係冇乜味成杯野好淡 唔知食緊乜Expect啲珍珠有糖 有味點知得好少桂花味 好淡好似飲緊水咁☹️下次唔飲無糖☹️☹️☹️珍珠一啲都唔特別好失望☹️🥲🥲🥲

我平時都係幫襯開何文田/黃埔分店，我覺得丸茶手作的桂花珍珠好香濃桂花味，我通常經過黃埔/何文田分店都會買桂花珍珠烏龍奶茶飲，旺角分店都係睇IG知道有mirror 成員的應援物品先第一次去幫襯，點知就中伏。1.旺角分店的飲品味道比其他分店差，桂花珍珠無咗香濃的桂花味，同之前係其他分店飲到的桂花珍珠奶茶🧋好大分別，珍珠細粒咗同味道偏淡。2.店員的態度更差，話說今個星期旺角分店分別有Edan 同 Anson Lo的應援物派發，領取方法都係按照IG公佈的方式去分店follow IG ACC同去分店排隊有禮貌地問職員就可以領取一份。應援物品只係當日隨機派發，我早2日去過2次買野飲，哩2日係派發Edan 的隨機應援物，我等飲品的時候已經聽到職員對之前客人排隊拎應援物品有微言。到今日星期五我睇IG見到應援物品轉咗Andon Lo,今日下午就去咗旺角分店打算買嘢飲同拎應援，點知一行入去鋪頭，出示已follow 的IG,好聲好氣同著碎花圖案恤衫女職員講想要Anson Lo 應援物品，我嘢飲落單都未講完，唔知道得罪咗哩位小姐什麼，就話我應援係咪幫人拎，咩應援已經派足三日，每人只限拎一份，megahit 的

經開旺角，就去左丸茶買番杯嘢飲，咁岩自己鍾意嘅明星做緊應援，冇理由唔支持吓㗎嘛ɞ-1.黑糖珍珠撞奶 $30普普通通不過不失，個奶味同埋黑糖味都好均勻，亦都唔會成杯都係冰，都幾足料嘅。2.古早味冬瓜茶 $20店員就推介我加桂花珍珠，都係加$6，於是就試吓，冇諗過都幾好飲，冬瓜糖味好濃郁，好有喺台灣飲嘅feel，同埋都有啲桂花碎，令到杯冬瓜茶充滿着桂花嘅香味，而且係白玉珍珠，軟糯又有特色。-我覺得第二杯都幾推介，又有驚喜。鍾意追星打卡嘅朋友都幾啱嚟呢度，嗌番杯冬瓜茶，又平又幾好飲又可以打下卡📷，一舉兩得。

不會再幫襯了，店員超無禮貌，又不願意收錢，要店長叫先肯放底做自己野收我地既錢，後期仲嘲笑客人，疑似笑客人表達能力，已經算了，我當聽錯，連野飲到左，放起度都唔肯叫號碼俾客人，顧住傾計。朋友上前問，仲話未有，其實已整好唔肯叫🤬，之後朋友起桌上見到有幾杯野飲，先發現其實係有自己既，店員先話自己睇錯左先未叫，最後雖然有道歉，但我地都覺得只係黎買杯野飲，好似我地做錯咁，要睇返佢地臉色咁，極之後悔幫襯旺角果間丸茶，雖然飲品唔錯，不過經過今次‘特別待遇’，不會因好飲而再幫襯了🤬🤬🤬

第一次飲呢間估唔到幾好飲 買既時候個靚女店員介紹我轉紫薯珍珠最好驚喜係個珍珠好煙韌仲有d紫薯味不過令我為佢寫食評既原因係因為個靚女店員實在太好禮貌 介紹得又好 起碼佢介紹完係唔伏服務真係值100分 會有下一次幫襯既衝動👍🏻👍🏻👍🏻

最近搬左黎呢頭🤪都諗左好耐想買黎飲 之前住左係台灣好多年🇹🇼所以自己對珍珠奶茶既要求真係好高呢間丸茶手作個名...應該就唔係我係台灣飲過既個間黎既之但係佢既珍珠我要大讚下!!因為佢D珍珠真係好Q之前叫過冬瓜茶加桂花珍珠👍🏻個味係好MATCH!今次既好評係好比佢地既珍珠🥛紅茶拿鐵加黑糖珍珠 $2️⃣9️⃣姐係珍珠鮮奶茶少冰微糖$23+6珍珠🤤奶茶太啖 相比起天X珍珠鮮奶茶都係微糖少冰 呢杯明顯冰既份量太多 同埋冇茶味黑糖珍珠好Q好出色!係旺角中心附近都幾方便飲料都多款有得揀既

夏天熱辣辣🌞🌞🌞，但🐖又唔想飲珍珠奶茶咁heavy，經過旺角準備搭車前決定買杯茶🥃飲飲先。———————————————————— ·舔舔脷指數 : 🐽🐽🐽🐽🐽🐽🐽(7/10)抵食指數:🐽🐽🐽🐽🐽🐽🐽(7/10)+0.5————————————————————冬瓜檸檬茶($21)其實🐖幾中意飲冬瓜茶，覺得甜甜哋🥰好好飲，但好多時都會甜得濟變相冇咁清新解渴，見佢冇得揀甜度驚會太甜所以🐖揀咗冬瓜檸檬茶😎。第一啖飲落甜甜哋酸酸哋又夠凍❄️好解渴亦都好消暑，冬瓜茶個陣甜味同檸檬🍋嘅酸味中和咗，飲落唔會好甜又唔太酸咁啱啱好，成杯都好fresh🌬好清新🌱。鐵觀音拿鐵（$23）小甜小冰佢好靚，層次分明兩層顏色，上面係茶色而下面係奶。不過呢杯🐗覺得麻麻地🌝，茶味唔夠濃🍃，奶味🍼亦不足，飲落好似溝左水🧊嘅感覺。入面重有啲茶底☕️既黑色點點，影響咗佢嘅美觀度，建議佢隔多幾次茶渣。哩間仲有好多唔同類型嘅飲品，除咗奶茶丶茶之外，仲有咖啡丶奶蓋丶沙冰同蜂蜜等等，都不失為一個好選擇。😏

今天好熱又有D口渴又吾知飲乜好經店長推薦買了一杯烏龍茶加椰果同菠蘿珠，由於本人不喜歡太甜她們建議半甜因加的椰果及菠蘿珍珠已帶甜試後果然不錯😋，有時自己吾知飲乜時問下店員都是ㄧ個不錯的選擇

💛💛💛黃店推介💛💛💛同家姐去完太子花墟，行到有啲口渴，就去咗飲丸茶手作。我嗰日有啲唔夠瞓，想飲咖啡，就叫咗黑糖珍珠咖啡。而家姐就飲咗古早味紅茶。黑糖珍珠咖啡 ($36)一杯咁大杯嘅黑糖飲品，三十幾蚊都尚算ok啦~飲落去，咖啡味道香濃，而珍珠都好煙韌。我比5/5分!而家姐都好鍾意佢個古早味紅茶，飲落喉嚨好舒服，又好養生而且佢張單上面寫咗好多打氣嘅說話同願榮光歸香港嘅歌詞，手足們一定要支持！

睇開Fatbrown 食評的朋友仔麵會知Fatbrown 有幾鐘意飲台式飲品一個星期飲幾杯真烏走唔甩，不過下下咁飲孜真系幾貴下，今時今日一杯珍珠奶茶分分鐘介貴過你個午餐所以Fatbrown 除左飲D網經店腐餘，有時麵會搵下平民小店黎飲<黑糖珍珠鮮奶$29>黑糖珍珠鮮奶差唔多三十蚊唔算平，不過勝在有優惠，飲品半價珍珠偏硬周細粒左少少，黑糖鮮奶甜到啱啱好黑炭未夠味，唔錯<古早味冬瓜茶$17>古早味冬瓜茶健康清甜，唔想飲咁濃味可以一試

一年後的今天仍然繼續經營，一定有佢嘅實力，再試回同一款飲品，保持水準除左珍珠奶茶外佢地仲多左款珍珠咖啡（Nespresso coffee X bubbletea）好飲又提神值得推介下次我都要再嚟呢度試試Nespresso coffee X Bubbletea，香港人至愛的咖啡。。。😎。。。。。。。。。。。。。。。。。。。。。。。。。。。。。。

今日收工無野做,下午6點去左行旺角,行左陣見到呢間丸茶手作好多人排隊,見好似d野幾好飲又唔係好貴咁,諗住買杯試下,排左十零分鐘就買到。一邊繼續行旺角一邊飲,開頭飲d味道都算唔錯既,飲飲下突然發覺有野卡住條飲管,覺得唔對路。唔睇由自可!!一睇點知係隻曱甴仔卡住係條飲管度!!!嚇到我成杯野扔都扔唔切!!!扔完先醒起應該影相報食環!!!本身諗住返去鬧鬼間野,但扔左又唔想返轉頭係垃圾筒執返,都預左佢地一定死口唔會認。唯有當自己黑仔,返到屋企柯左2次先嬲嬲地上來唱衰佢地,無下次。

夏天又到了， 加上越嚟越多台式飲品店爭商開業，見佢無人排隊 ，唔洗等，所以試下呢一間“丸。茶手作“。 原來期望越大，失望越大， 果然係永恆不變的真理。我叫咗佢做緊promotion嘅嘢飲， 諗住做得promotion都應該唔會衰得去邊，點知。。。一行埋去掂完面個招呼都冇， 見到佢哋 一個睇手機，一個喺度煲電話粥，都算， 我問佢可唔可以少甜少冰， 店員勁悔氣講無， 之後我話由佢。 但係佢接咗order之後都唔係即刻喺度做， 好似喺度等運到咁，等咗幾分鐘先做😂😂個名我唔記得嗱（ 因為佢個名完全同杯嘢冇關係），簡單黎講就係：鹽醃櫻花+密桃味嘅糖水+一大杯冰+ 蒟蒻， d冰嘅份量誇張到佢自己封杯個時啲冰都跌出黎， 過唔到部機佢，唯有倒緊啲冰出黎再封過🙈🙈杯嘢飲一飲落口好甜， 甜度好似擺咗十斤蜜糖入口甘，（ 如果飲曬呢杯嘢即刻糖尿病入醫院）， 然後再飲一啖今次終於飲到啲櫻花， 點知鹹到攞命（ 如果食曬啲櫻花版 即刻腎虧入醫院)， 除咗有啲蒟蒻咬下之外， 你杯嘢飲嘅層次十分分明， 格格不入， 完全唔值28蚊， 咁嘅態度，咁嘅服務，咁嘅價錢，唔會有下一次😱，

一直聽人說丸茶手作的桂花珍珠很特別，所以今日特別來一試。叫了一杯柳橙綠茶加桂花珍珠，珍珠是令我滿意的，不過飲品卻有點失望，沒有少甜的我飲落去都無咩味，真係只為想食桂花珍珠而買

今日行開旺角，熱辣辣緊係買野飲，既然旺角咁多選擇當然要試新野，揾到有呢間丸茶手作，感覺好日式又唔貴就決定一試，黎到無咩人排隊，好快就買左，今次試蜂蜜綠茶加黑糖珍珠，想走冰又係無，只係可以少冰，不過佢既少冰就真係少冰，唔係呃人等左大約5分鐘已經有得飲綠茶普通，蜂蜜味都出，想少甜佢又話只係俾小d蜂蜜，後來愈飲愈覺得好甜，早知少甜，黑糖珍珠都係普通，而且唔重黑糖味，仲有d痴牙一試無妨，下次試另一間，旺角選擇都好多