影片
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
以上资料只供参考，请与餐厅确认详情
🪭日式丼物专家《丼丼屋》一直以来不停地推出不同新丼物，可以不时品尝到各款日式料理。今日经过「MOKO」《丼丼屋》，发现最新推出嘅期间限定系「极上德岛魩仔鱼丼」，由来自日本四国德岛县嘅魩仔鱼以「蒸」同「炸」两种烹调手法炮制造成丼品呈现，价钱为$92 ，另加$10可升级为超满足定食，包前菜、味噌汤、甜品及果茶，性价比极高！推广期做到6月3日。前菜日本纳豆酱油物，味道唔咸，易入口嘅前菜小食。味噌汤餐前暖暖胃，仲有腐皮粒，味噌味唔会太咸，一碗够哂喉。极上德岛魩仔鱼丼定食，$102来自德岛嘅魩仔鱼外表细细粒粒白雪雪，有清蒸同酥炸嘅两重食法，清蒸口感细嫩，酥炸就口感香脆，两种口感交织，一丼尽尝双重风味。另外，加上吞拿鱼蓉、吞拿鱼、三文鱼同三文鱼籽，中间仲加入咗一只酱油渍嘅日本生蛋黄🍳，拮穿蛋黄心令蛋黄流入喺海鲜鱼生入面，滋味极致。德岛魩仔鱼渍蕃茄 ，$28同样加入咗两款特制清蒸与酥炸嘅魩仔鱼，而酸甜渍蕃茄淋上柑橘🍊沙律汁，食落非常清新，饭前食半个好开胃，留一半饭后食好解腻，可以啪哂成个蕃茄🍅真系大满足，爱酸既熊妹大推呢款新产品👍🏻。澳洲和牛寿喜烧拌乌冬定食，$106牛肉🐮用上寿喜烧汁煮起，酱汁浓烈非常惹味，份量颇多铺满面头，中间有一只日本温泉蛋，🉑搅拌入乌冬捞埋一齐食，乌冬里都浸满寿喜烧汁，拌乌冬要够酱汁就会滋味无穷。唐扬鸡软骨（半）$32跟餐可加餐点小食，脆炸鸡软骨绝对令人无法抵挡。刚炸起好香脆，一粒粒啪入口好脆口，系必点嘅小食。甜品黑糖冰粉有三大旧，透心凉💧的感觉好啱做饭后甜品。果茶带甜嘅果茶够解渴。📌除咗新品之外，丼丼屋原有嘅产品都有好多种类，有海鲜丼🍚、咖哩饭🍛、乌冬🍜等等，价钱平民化，想试正宗又新奇嘅日本野🇯🇵止下瘾，《丼丼屋》确实系唔错嘅选择！
继续阅读
相信不用多说, 大家都对这间餐厅耳熟能详, 香港有不少分店 😊 味道与品质都有保证, 价钱既合理, 环境上更有日式风味, 难怪平日都会满座 🙂赘沢三种吞拿鱼丼定食 $118日本白桃梳打 加配 $10以不同手法制作出3款独特吞拿鱼丼饭, 这个为期间限定系列, 由现在至7月16号才可以吃, 正所谓‘’手快有手慢冇!‘’ 😃赤身配酱油玉子丼一块块赤身覆盖在丼饭面, 中间加只酱油渍蛋黄, 蛋汁和赤身混合后更显幼滑, 而赤身本身新鲜, 与蛋汁2合为1, 鲜上加鲜 🤗特上中拖罗刺身丼这个有2片中拖罗和几片黄瓜, 简简单单, 反而更尝到丼饭的醋味十足, 饭粒软硬适中 👍🏻炙烧拖罗•拖罗蓉丼拖罗十分软腍, 轻轻用火枪烧过, 油脂都被迫出来, 跟拖罗蓉完全是2种口感, 平时我喜欢吃拖罗蓉多一点, 但这次炙烧的反而更得我心 😄盐烧厚切牛舌丼定食 $103属于主餐目新升级其中一款新产品，一件件非常厚实的牛舌摆成1个圈, 完全堆满整碗饭, 看上去相当震撼 🤩 这款牛舌虽然满有咬口, 同时是容易咀嚼的, 而且我很喜欢它烧焦的香味, 另外加了青葱和蛋黄, 捞起来十分滋味。炸芝麻鸡翼 $32日式南瓜薯饼 $242款小食都是即叫即炸, 热腾腾 ☺️ 芝麻鸡翼腌得十分惹味, 酱油味浓, 绝对是吃完1件就想再吃下1件。南瓜很甜, 外脆内软, 里面会带点南瓜蓉的感觉 😚班戟爆谷雪糕 $18迷你班戟上面放了球爆谷味雪糕, 雪糕半溶口感与烟韧的班戟形成对比, 加了焦糖味道, 配搭更好。
继续阅读
今日天气热到爆，似焗桑拿咁，特别想食啲清爽嘅日本嘢！一谂到性价比高嘅日式餐厅，就即刻谂起丼丼屋。佢哋食物质素唔错又抵食，今日特登过嚟试吓升级版餐牌，食完真系有惊喜，唔写低同大家分享唔得！。一入餐厅，门口热闹，电子屏幕仲放新菜式宣传，望落好吸引！店内木色设计，灯光暖暖，坐低好舒服。我点咗最新出嘅盐葱厚切牛舌丼定食同赘沢三种吞拿鱼定食。。先讲盐葱厚切牛舌丼定食，牛舌切得够厚，煎得外层微焦，咬落juicy又有咬口。配秘制盐葱酱，咸香清新中和油腻，日本蛋黄戳破后捞饭，香浓唔腻，日本米饭烟靭有米香。定食仲有味噌汤同寒天，汤鲜甜，甜品解腻。。另一款系赘沢三种吞拿鱼定食，呢个定食真系吞拿鱼控嘅福音！佢有三款唔同嘅吞拿鱼迷你丼，每款都各有特色。第一款系赤身配酱油玉子丼，赤身切得厚实，口感好扎实，唔会太肥，但又有少少油香，配上酱油渍蛋，戳破蛋黄之后捞饭，蛋汁浓郁得嚟好香，赤身沾咗蛋汁之后入口更加嫩滑，味道好浓郁。。第二款系炙烧拖罗・拖罗蓉井，呢个真系我最爱！炙烧咗嘅背中拖罗蓉外层微微焦香，内里仲系好软嫩，鱼脂嘅甘香味好突出，配上少少葱花，清新嘅葱味同油脂嘅浓香好平衡，食落完全唔会觉得腻。。第三款系特上中拖罗刺身丼，厚切嘅背中拖罗片油脂好丰富，入口即化，鲜味十足，简直系极品！定食仲配咗一碗鲜甜吞拿鱼汤，汤底好浓郁，饮落好暖胃。我仲加咗$38，多咗三片中拖罗刺身，刺身新鲜得不得了，油花分布得均匀，食落真系好正！。整体嚟讲，新餐牌诚意十足，份量大味道正，价钱亲民，环境温馨木枱有feel，食饭好放松。食完同朋友好满足，下次天气热再去试其他新菜！。丼丼屋 (旺角) 旺角太子道西193号MOKO新世纪广场3楼301-302号舖。
继续阅读
朋友钟意食丼饭，特登同佢去充满日本feel嘅丼丼屋。今次发现丼丼屋主餐目升级咗，新增7款丼物料理，好开心有好多款式拣。🌟「赘沢三种吞拿鱼丼定食」 （期间限定) $118～配吞拿鱼汤、副菜及果茶～呢个定食包含咗三款迷你丼饭，全部以吞拿鱼不同部位做丼物，并附上吞拿鱼汤，诚意满满，百零蚊价格好亲民！• 赤身配酱油玉子丼赤身口感扎实，用酱油渍蛋拌开，满满蛋汁令赤身入口更细嫩。·炙烧拖罗•拖罗蓉丼经炙烧嘅拖罗 结合拖罗蓉，两种不同嘅口感，但都充满鱼脂甘香。·特上中拖罗刺身丼厚切中拖罗片，油脂丰富，彷佛入口即溶。🌟咖哩滑蛋吉列鸡扒饭 $72 （新）～加$18升级定食～咖喱滑蛋系列新出咗「滑蛋吉列鸡扒饭」，鸡扒炸得松脆，但内里仍然Juicy唔嚡口。秘制咖喱汁几厚身，配滑蛋同日本米饭真系perfect match!除咗主食之外，餐厅仲有多款小食可以用优惠价加配：🌟班戟伴爆谷味雪糕配焦糖酱 🌟北海道浓厚芝士薯饼 🌟吉列虾🌟日本白桃梳打
继续阅读
早两日同阿女行完MOKO肚饿想食下午茶，见到丼丼屋优惠定食，最平$48🤩即刻俾佢吸引咗😜✨芝士蟹柳滑蛋丼定食 $48性价比🥇成个定食包咗前菜+面豉汤+甜品+饮品！味道方面都好得👍🏻 绵密湿润滑蛋加埋浓郁芝士完美融合，仲有大大条鲜甜蟹柳增加口感层次～✨鸡肉筑前煮定食 $98来自福冈嘅日式家庭料理主食，用咗福冈传统炖煮鸡肉同野菜，鸡肉软嫩又juicy，莲藕、茄子，南瓜、红萝卜等野菜吸收晒浓郁嘅汤汁😍 送饭一流！个餐仲包咗三文鱼刺身、玉子卷、盐烧鲭鱼、前菜、面豉汤、甜品同饮品👍🏻
继续阅读
您可能会有兴趣的...