丼丼屋 (已結業)

剛好約了yy與友人到旺角食晚飯，因為小法和yy都是天秤座，當然也有嚴重的選擇困難症，所以友人就決定帶我們去她慣常的深宵食堂－丼丼屋。雖然是樓上鋪，但等位人數卻不少，跟對面的元氣不相伯仲，幸好前面大多也是在等大枱和二人枱，等了十多分鐘便有座位。蟹肉玉子卷 - 味道其實不錯，蟹肉亦多，但吃下去略為有點冰冷，有種再加熱不夠的感覺。滑蛋豬扒丼 - 半生熟的滑蛋伴飯確實一流，滑蛋是仍然有蛋汁的那種，豬扒亦厚身大件，是不錯的滑蛋豬扒飯！十勝帶廣名物豚丼 - 豚肉燒得恰到好處，而且肉質爽口，再配上獨特的燒汁，值得一試！ 北海道四色丼 - 丼丼屋的魚生飯選擇也不少，但最吸引始終是四色丼，只因有齊小法最喜歡的蟹子、帶子、三文魚和蝦。賣相吸引外，魚生也十分新鮮和用料足。雖然是大集團旗下的餐廳，但食物的質素確實不錯，唯餐廳服務略為有點緩慢，員工也不會自覺幫忙加水，可能繁忙時間食客太多吧。

丼丼屋一向是我的開飯食堂，特別是一人用餐又想吃得豐盛的時候。午飯時段，最划算的莫過於午市套餐了。選了十勝帶廣名物豚丼(並盛)定食($88)，上次嚐過味道不俗，這次卻不如理想。    主角豚肉明顯較以前乾硬，即使烤過肉香也只是一般。肉邊圍上一圈半透明的油脂，但烤得不夠脆身，是有點浪費了。    依舊是圓潤有咬口的珍珠飯，卻只是微溫，醬汁份量不多，感覺比以往失色不少。麵豉湯味道淡淡的，野菜沙律以和風芝麻醬伴吃，也不賴吧!   客人眾多，丼丼屋的侍應似乎忙不過來，態度木然之餘，也出現漏單情況，希望這次的失準是單一事件吧!

一向都鍾意食日本野既我，不嬲都好鍾意黎呢到食野，貪佢多選擇，價錢又合理。星期四放工後未到七點，呢到都唔洗等位，2個人叫左2個餐，再加多2個小食，似乎有少少過多。吉列豬扒: 可以揀跟或者唔跟套餐，跟套餐既話就有埋白飯，味噌湯，日本蘿蔔同埋一些配菜。豬扒炸得又香又唔油，加埋秘製既汁真係好好味。滑蛋雞肉丼: D蛋真係好嫩滑，加埋隻半生熟既蛋拌飯真係唔錯。呢個真係我既至愛，每次黎都一定會叫咁濟。跟餐既話除左有沙律，味噌湯，仲有日本蘿蔔同埋一些配菜。松葉蟹肉沙律: 食起黎幾開胃，D菜都幾新鮮, 用左醒胃既酸沙律醋，蟹肉都好似少左d，但整體個味都幾好。鐵板野菌露筍牛油燒: 食左咁多肉，就梗係要叫返D菜食下啦，熱辣辣既鐵板加上香噴噴既牛油味，真係好開胃，加上野菌份量都算多，真係幾吸引既。2個人叫左呢4樣野，有點兒過多，唔轉套餐或者叫少一個小食會好少少。

睇完mission impossible 5後到丼丼屋醫肚，原本只係打算隨便食個tea，打開menu先知原來冇tea set，所以就隨便叫左個滑蛋雞肉親子丼。配菜同味增湯其實普通冇咩特別，但個滑蛋雞肉親子丼真係有驚喜蛋真係嫩滑，半生熟既蛋拌飯真係一流！加上佢既雞肉唔係是但煎既雞肉，係有誠意好特別既雞肉餅，雞肉又嫩又入味，混合少少唔太辣既薑絲，食完個胃唔會濟又有味感，真係令人食指大動，like!!!!其實個雞肉同滑蛋既組合已經係天衣無縫，好可惜我唔食專業食家，唔可以完美分析雞肉餅裡面有既每款材料，只係單純地覺得好好味又足料！有興趣既朋友仔真係可以一試。

每次走到旺角，雖然多餐廳選擇，但仍然會傷腦筋，剛好在花園街附近逛，所以就在這裡用餐。兩人，晚上七點多不用等位就可以進去，肚不算餓打算叫烏冬，看到新出品有點特別，焗芝士三文魚烏冬，還真的沒試過焗烏冬，非常期待，另外點了杯威士忌梳打。焗芝士三文魚烏冬 - 烏冬能保持濕潤，而且口感堅韌，三文魚有幾塊，味道不錯威士忌梳打 - 沒什麼特別，沒給飲管，都喝到冰...之後，再叫了一碟蟹肉玉子蟹肉玉子 - 味道一般，不太突出

今次食牛肉烏冬，但呢間分店o既服務生態度很差，黑口黑面甘…，牛肉烏冬到了，很細碗，牛肉很林很低脂的牛肉，湯底清清地，但牛味不太好，其實同越式生牛肉湯d牛無乜分別喎，係d烏冬爽口囉，而且湯底係清但有少少薑味，不值，同上次食o既燒牛肉飯差很遠

一個人獨自在旺角走著,看見久違的丼丼屋食堂,對上一次食應該已經有大半年了吧..很懷念他家的牛肉鳥冬呢 把心一橫去食個下午茶餐!!3:00上到去看見人也不多,女侍應安排我坐最貼近那開放式廚房的位置,感覺很不錯,環境十分溫暖,舒適。等候大約10分鐘左右,一碗熱騰騰的牛肉鳥冬終於來到了!此時的牛肉還呈粉嫩的顏色,泡浸在湯底裹一段時間再食便剛剛好,鳥冬有彈性不會太粉,湯底是清淡的味噌湯底,不會蓋過本身牛肉的清香,真係食幾多次都唔會厭!!!很難得餐飲可以簡橙汁而不用額外加錢,橙汁似係粒粒橙的味道,不過不失啦~宇治金時的賣相的確不錯,原本以為係牛乳雪糕的味道,但係入口第一啖的味道即刻聯想到麥當勞的新地雪糕..呢個真係大打折扣 下次應該不會再點了...最後值得一讚的係呢度既staff果位男經理擺低左碗鳥冬之後主動幫我拉出裝筷子果個盒仔拎對筷子比我,服務十分貼心staff大多和善有禮,服務態度真係好過其他日本餐廳好多,希望可以繼續keep住落去

十月中旬，OpenRice同Casio搞咗個美食攝影班，非常幸運地XO仔同K哥哥都有份參與。深知XO少過海，踏入旺角區域感覺會有所迷失及缺乏安全感，K哥哥好有心地相約細路喺旺角地鐡站見面，一齊食少少野，再赴攝影班會場。意外地，旺角週日中午時段，街道靜寂無人，食肆及商店大多都未開舖，眼見原意想去嗰間餐廳仲有成個鐘先開門，K哥哥就臨時揀咗一家喺攝影班會場附近o既「丼丼屋」度食個簡單午餐。喺二樓o既丼丼屋，同香港一般o既日本料理格局差唔多，裝修包括牆身、餐桌、椅櫈、屏風等都以木為主，簡潔整齊。門口直望入去就係廚房，圍住廚房係一橫排o既矮吧位，左手邊大部份都係四人散座，右手再入o既散座多為半卡位式，亦係我地二人被安排入座o既位置，因卡位有較多空間擺放隨身物，應為餐廳內最舒服之座位。入座不久，服務生隨即送上開水及餐牌，雖然我兩遲遲未決定食乜，但工作人員都冇催促過，亦冇黑面，感覺良好。剛剛食完早餐冇耐，個肚唔係咁餓，我地就叫咗一客鎮店菜式「十勝帶廣名物豚丼」黎分，上完攝影班如果見餓先走去食甜品。真係估唔到小小一間丼丼屋居然咁有文化，提供筷子製造商公認為最好揸o既五角形筷子，小肥未食已經暗地裡加分，

這家日式餐廳在我公司附近，我亦自不然成為這裡的常客。我喜歡這裡是因為這裡環境舒適，適合減肥食物選擇又多又夠新鮮。這裡的牛肉烏東牛味十足，而且牛肉的肥肉比例十分低，烏冬彈牙，湯底夠清又少油，完全適合正在減肥又想吃得好味的朋友。至於滑蛋雞柳飯，蛋汁十分豐富，融合在飯粒之中帶出另一種更高層次的味道。特別要讚的是這裡的那位短頭髮，瘦瘦的分店經理先生，我經常來用膳都看見他工作勤快，對於客人的要求以及上菜進度十分上心，經常穿梭於廚房、餐廳、餐廳門輪候口位置打點一切，而且經常面露笑容，可以帶起他店員的工作效率，讓客人享受更好的服務。

平日黎呢度, 唔洗排隊, 入到黎唔知食咩好, 估唔到點左個五色刺身丼有驚喜,首先兩隻牡丹蝦刺身真係大得好跨張, 蝦尾好容易剝, 証明好新鮮, 仲好彈牙 咁大個仔真係第一次食咁大隻蝦刺身, 口感爽口彈牙又不失鮮味, 推!!! 三文魚刺身厚切肥美入口即溶, 非常鮮甜, 三文魚子份量都不少, 沒有腥味, 個人本身唔係太好但都可以接受, 反而吞拿魚同帶子刺身就相對遜色, 無咩特別, 帶子食到有點海水味, 唔知咁樣係咪代表好新鮮, 係咪要加D檸檬汁呢???反而個醋飯有驚喜, 我同朋友都好鐘意, 因為飯唔太淋唔太硬, 醋既比例又剛好唔會太酸但可以把飯每粒痴實, 不用加任何醬油調味已覺好好味, 咁樣先食到飯既甜 總括$148 五色刺身丼本人覺得好扺食, 剩係2隻牡丹蝦己經值回票價, 服務都不錯, 會再ENCORE!

丼丼屋不嬲都係我飯堂..今日落樓下就食左個十勝帶廣名物豚丼我本身就好鍾意食豬..呢個飯既豬肉真係好好味..吸哂d汁既精華..又唔會好"un"..又有d肥肉既部份..唔會成塊乾爭爭..比起d吉列豬又新鮮..真係一流另外d飯又係正宗日本米..唔似我試過其他居然用普通白米黎整日本飯..寧舍好咬開胃..另外朋友叫左個三文魚親子丼飯..刺身好新鮮..料又唔少..所以食完都好滿足..侍應都幾經常黎幫手加水..服務都ok..呢d連鎖食店做到咁都算係幾好

叫左個鍋燒讚岐烏冬定食，等左超過4個字以為會好熱辣辣甘送上來，點知烏冬只係和暖連小食都係和暖，烏冬味道偏淡。明明間鋪唔多人但都要等甘耐，等多耐兼無水準。唯一可取既係員工好有禮貌。

我地兩個睇完變形4，行到後街，上到嚟等咗陣，見到醬汁吉列豬扒丼，$128。限定喎，一定要試！然後我地叫咗一杯梅酒，一杯威士忌梳打。飯未到，先飲嘢。兩杯酒都幾得意，ok好味。威士忌較濃，唔飲慣就小心。飯到。嘩！好大碗，我地兩個食一流。waiter好好人，慢慢講點食最好。我地先起豬扒放碟。好多菜，好新鮮！豬扒好脆，好juicy。成碗飯好好食，我比85分。唯一係等候時間耐，見到有枱都要等20幾分鐘。

從朋友們的貼圖得知丼丼屋食堂又有期間限定的新出品, 醬汁吉列豬扒丼是也, 實在很有興趣, 就在放工後拉了文迪來一試. 星期五的晚上, 人客不少, 也要等好一會兒才能夠入座呢.醬汁吉列豬扒丼 $128: 9分, 當然要試的就是醬汁吉列豬扒丼, 此品是跟長野縣的醬汁吉列豬扒丼專門店明治亭合作推出的. 特別之處當然是那醬汁, 用十二種材料熬煮而成的, 味道是超級香濃, 用來撈飯吃, 一流. 至於豬扒用上的也是來自日本產的豚肉眼, 肉質很嫩滑, 炸得熱辣辣, 很香脆, 不會太油, 有水準. 另外, 椰菜絲份量十足, 其實吃豬扒, 配襯一些菜蔬同吃, 實是健康一點的呢.十勝帶廣名物豚丼 $108: 9分, 另外一款選擇就是十勝帶廣名物豚丼, 不想吃得太多, 只要了並盛, 包括4枚豚肉. 跟上次吃的相比, 水準依舊相當不俗, 用上北海道的豚肉眼, 質感相當軟腍. 豚肉烤製得香氣四溢, 肉質很鮮嫩. 而醬汁再一次是相當吸引, 用上超過70年歷史的秘製祖傳醬汁, 相當美味. 白米飯吸取了醬汁之後, 當然是人間美物!無論是醬汁吉列豬扒丼以及十勝帶廣名物豚丼也是相當令人滿意的出品, 當中期間限定的醬汁吉列

Happy Friday Lunch, 對自己好d食貴小小。雖然知道係大集團，但係總覺得唔同line會用唔同食材。點了一個石鍋鰻魚飯，鍋燒得好熱，但內容卻非常普通...鰻魚唔係寫，都係似一pack pack買番來番叮果隻...收得$118, 以為會好少少。。。點知都係失望，呃一次就夠了。