丼丼屋 (HomeSquare)

营业中

休息中

個滑蛋親子丼。。。好彩d滑蛋ok,, d雞又無味又老又硬。。。好"鞋"。。。食石頭咁。。。個豚肉飯仲衰。。。真係好硬成塊紙板咁。。。 衰過親子丼ge原因係親子丼都仲有d滑蛋撈下 d飯易入口d。。。豚肉飯d飯都要乾食咁。。。成餐飯都係訓練咀嚼肌 無咩嘢味道又硬又鞋又唔好味。。。唔會再食

📍丼丼屋📍💡沙田 Home Square諗唔到食乜，係沙田行過就救奇入一間食飽就算，🐥 贅沢三色吞拿魚丼定食($158)有大拖羅、吞拿魚 、長鰭吞拿魚刺 配 三文魚籽，整體都多肉食跟餐仲有埋 蝦沙律，小食，甜品，麵鼓湯🐥 什錦刺身丼定食($138）刺身同 配料都唔多跟餐有蝦沙律，小食，甜品，麵鼓湯🐥 十勝帶廣名物豚丼 ($88) 份量十足 但肉質偏熟，豚肉入味而且煎得好黎，另外可以另加$15轉套餐呢個價錢我會選擇食其他😂

呢間商場食肆選擇唔多所以就入咗呢間搵嘢食飲品我嗌左走冰普普通通一杯雪梨茶另外一杯嗌咗少冰就好飲啲 不過冇影到相帆立貝幾好食 魷魚鬚有啲油淋淋碗湯幾好味 有3舊豆卜索晒啲湯嘅味有一舊紫薯蓉+黃番薯粒 都幾香紫薯味甜品都幾好味 黑糖味好香 呢個餐淨係個主食同上面個set唔一樣大拖羅都OK 食到又油脂香另外紅啲嗰款有好多根 麻麻哋帆立貝個餐都OK 吞拿魚個set真係麻麻地

我同朋友到達丼丼屋取票，因我地有5個人，咁我地就拎左5人票。取票後我地跟住條隊由後面排上去，到我地係第一個既時候都我地見到有1張4人枱，另一張2人枱既人準備離開，職員話，我地係跟「時間」安排客人入座既，但係佢之後係安排俾我地後面既人坐先，而唔係俾我地入去，重點係，排我後面既人係遲過我地拎票，仲要職員態度真係好差！唔會再有下次！

少到離譜，值$98？叫咗刺身丼，等咗大半個鐘先有外賣，回家一看，個盒好（大）喎！打開真係驚喜既啫，得兩淡飯，加少少刺身！咁就叫刺身丼，食水都幾深！真係差差差，唔會再幫襯

今晚收工去咗沙田嗰邊行吓諗住買下啲傢俬行到咁上下之後就諗住去食嘢Home square依家餐廳嘅選擇唔多都係得幾間餐廳最後決定食呢間 因為同男朋友都無食過同埋個價錢都好抵，百零蚊就有成個餐不過今次我揀嘅都係散叫叫咗一個炙燒魚生丼，加$12變set，有湯有前菜有野飲有甜品😋😋😋 另外叫咗一個泡菜牛舌飯，男朋友話幾好味😋另外我哋加咗$98要刺身刺身都幾多份量，每款都有兩件至三件，好夠食😋😋最後我哋兩個都飽到癲咁走😹😹😹成餐埋單都係三百幾蚊，性價比好高，下次會再試其他😋

第一次嚟呢度食之……唔係間間日本嘢都可以亂試……但唔試又唔知道好唔好 🙄 （好矛盾）下次試新嘢，都係搵返啲穩陣嘢食嚟試……擒晚行過先決定食呢間，攞咗飛（下次可以用 gulu 攞飛 😏）鋪頭唔大，得九張枱加 bar 枱，而四人枱多過二人枱，二人枱得三張，仲要如果有六人，張二人枱會同四人枱合併。所以四人飛等兩張枱就到，二人張要得十張枱 ……🙄🙄🙄🙄 終於等到二人 bar枱角落頭……值得贊嘅係，一坐低有兩個紙袋裝口罩，兩張濕紙巾，仲有一支搓手液。 👍但個 menu 好簡單，只有文字，大約知係咩嚟……點餐時，經理企響 bar 枱頭問我哋食咩，我就要嗌出去點餐 🥴，中間係有四個人坐嘅 bar 枱 😫黑咖哩野菜和牛……得幾片好細片嘅牛肉，一大 pat 咖哩汁名物牛筋丼……正如之前講，menu 得文字，只知係牛筋都好啦。睇落好似幾多料，一咬……多都無用，係硬到咬唔入，如果面頭嘅沙律醬都叫做汁，咁我係靠呢少少汁食咗碗白飯，其實係乾哽咗碗白飯 😭好彩送咗杯果茶最後濕一濕個口，其實係蜜桃茶，唔甜，少少蜜桃吊吓水嘅味……好過飲水。硬食咗碗飯，其實我想飲水 🙄 但水都費事麻煩佢哋，迅速離開……如果有下次，應該

新城市廣場 下午茶 ， 環境清靜 ， 我哋兩個女生就嗌咗 ，三文魚角切魚生飯 ，配飲品，三文魚 好新鮮， 還有雞蛋粒和其他 鮮蝦粒，上面鋪滿 脆卜卜的魚子， 另外仲有爽脆嘅青瓜粒 和八爪魚粒 口感豐富得嚟又清爽。 絕佳嘅搭配 滿足咗我嘅味蕾，真的好喜歡。

丼丼屋嘅lunch set真係無得輸👍一個月至少都食2、3次～滑蛋吉豬同十勝豚丼都不斷encore~前菜都絕不欺場㗎~去唔到日本旅行，唯有黎呢度食下野，當自己身在日本啦

話說iPhone突然開唔到機，即刻book咗去沙田整機，嗰日一家四口去科學園玩完平衡車之後就過去沙田，但係新城市冇乜車位淨，所以揸去HomeSquare泊車，趁仲有時間嗱嗱臨同兩個細路搵餐廳填飽個肚先，嗰時都五點幾好彩俾我搵到呢間餐廳仲有位。拖羅丼$15x只能說，可以填飽個肚....湯太鹹了滑蛋和牛丼定食$78呢個足料，有滑蛋嘅都會加分（本人勁愛）兒童餐問侍應先知原來佢哋有兒童餐。個薯蓉係冷盤嚟，我本人覺得如果係兒童餐比個熱嘅普通薯蓉會比較好啲。有兩個蛋糕仔，兩個仔可以一齊食，白飯有啲乾，好彩我有滑蛋丼，撈埋小朋友先肯食。沙律都係大人食，小朋友比較細我唔敢比佢哋食太多沙律老實講我覺得呢個兒童餐唔合格，佢哋冇企係5歲以下小朋友立場去諗

今晚睇完傢俬，順便喺附近搵地方坐低食埋晚飯。講真，呢個商場係繁忙時間食飯真係排好耐😓今日我同朋友兩個人，就排咗一個鐘頭十分鐘，明明只係等六張枱，入座限時食70分鐘，點解可以等咁耐🤔🤔算啦算啦，香港人放鬆啲啦～😆一坐低，見到每個座位都有一個紙袋送，比客人放個口罩。疫情下...唔係每間餐廳都有，都算窩心👍🏻我同朋友都好肚餓，每人都叫一個「特上盛大蝦海鮮丼」，但可能因為太夜，話已經賣晒！咁我哋唯有改叫「炙燒海鮮丼」，而我同朋友都另外加錢加配小食、湯、同埋飲品...。我覺得丼丼屋係抵食嘅，雖然魚生切得比較薄身，但係新鮮。平均百零蚊一個餐，有主食、小食、湯、飲品...真係已經值回票價👍🏻

今日開始實施餐廳枱與枱之間有1.5米距離，來到沙田 homesquare丼丼屋也排了一會兒才可安排入座，入去要先度體溫，之後店員給予濕紙巾及紙袋放口罩。今次我點了店鋪限定炙燒三文魚配牛油果丼，賣相非常吸引，三文魚及牛油果片鋪滿在飯上，再加上三文魚籽！特別一提珍珠米加入醬料非常好味，而且珍珠米還是溫暖的！牛油果非常香滑，加入炙燒三文魚相當搭配！而且不用加豉油已經夠味！我還升級加了蟹花卷、湯、沙律及南瓜蓉，好味而且非常飽！

下午2時許，喺沙田買傢俬順便搵食， 撳飛攞位後，好快號碼牌便叫我的號碼， 以為可以入座， 點知等咗成10mins都冇人理會（心唸：唔通要等2：30下午茶開始，我地先入得），點知原來餐廳係冇下午茶…………………起初食既時候，覺得依個風味醬汁好咸，但若果你會食哂成碗飯既話，佢真係需要有依個咸度，因為豚肉底下只有飯同椰絲，係一D sauce都冇，冇農味野配搭，真係食唔落套餐要加錢先有咖啡或者其他飲品，如果唔想加錢， 餐廳都會提供一杯冰凍桃茶，都唔算太差，仲可以走冰，而個湯係超級清， 只係比起水多一點點蔥花

今日嚟到沙田行傢俬店，除咗店內半自助式西餐，同一個場仲有幾間食肆。日式定食選擇都多，仲有店舖限定嘅湯咖喱，記得好耐之前睇過套日劇以湯咖喱做主題，好想好想試，今日終於有機會$98,跟餐加$38有湯有沙津前菜同蟹卷，價錢合理蟹卷飯多咗D，可能本身都係食飯，覺得份量多咗，肚餓D會更好。湯咖哩內有豐富嘅雜菜，半熟蛋同主角嘅炸脾。湯上加各樣材料，好有食火鍋嘅感覺湯咖喱嘅精髓心係偏向湯汁嘅口感，撈飯食係湯飯咁俾平時咖喱汁撈飯更易入口，但味道唔會淡咗。另外最欣賞係茄子，食得出有先走油再放湯，茄子上以十字密集花，湯汁更加滲入，香口又入味，估唔到茄子除咗魚香，同curry一樣咁Match肉類擺到最後，雞脾都炸得香脆，又大大隻，十分抵食。食類單點都份量十足，除非肚餓到食得落大笨象，否則單點都夠食。

一向都好鍾意食九州名物南蠻炸雞，之前喺日本嘅塚田農場食過佢嘅南蠻炸雞之後簡直係一試難忘，可惜香港塚田農場完全係行貴價路線，同日本嘅平民居酒屋價位差好遠，咁啱嗌網上外賣平台嘅時候見到有南蠻炸雞，無懸念即刻叫咗！大分南蠻雞便當 Chicken Nanban Bento $110「大分」指嘅應該係九州大分縣，但又咁啱佢嘅份量都真係幾「大份」！基本上一餐係唔會食得晒，便當入面有千本漬、蟹柳粟米番茄沙律、薯仔沙律、玉子燒同清淡的和風湯，好豐富！主角雞扒大大塊，仲有南蠻炸雞嘅靈魂－特製tartare sauce!佢個醬食落好似有薯仔同洋蔥蓉咁，甜甜酸酸好開胃，同香脆嘅雞扒形成對比，但入口嘅感覺好爽，唔知可以點形容。滑蛋吉列豬扒丼 Katsudon $110男朋友最愛，吉列豬扒雖然因為外賣送到嚟淋咗，但都依然好香熱辣辣，配埋滑蛋一流！花畑牧場芝士豚肉薯餅 Hanabatake Pork Raclette Cheese Minced Cutlet $48如果可以多返少少豚肉少啲忌廉就會好食啲！