丼家 (已結業)

雞排有濃烈雌激素味! 日式咖哩汁亦難食…氣味化學，味道又淡，完全唔得。單骨雞翼，太淡，脆漿又係果Ｄ大路野，油得很，但無異味，不過任何一間街邊串燒鋪都會好味過佢。咁就過百，早知叫ＫＦＣ好過。 總評分只有3.5，我都估到有問題，但無估到會出事係最重要既雞排到。唔上黎寫番遍食評表達下D不滿真係過唔到自己。　　　　　　　　　　　　　　　　　　　　　　　　　　　　　　_

一個人食飯經過見價錢合理 環境乾淨就入嚟試下叫咗吉列豚肉飯 包温泉蛋等咗約五分鐘就有得食 係驚喜既 有兩塊豬排 仲有大量汁加飯素用珍珠米 有咬口但多人未必啱得5個bar枱位環保人士可自備容器 減1蚊

位置：3.5 / 5餐廳位於元朗雞地（鳳琴街）係體育館隔離條小巷都幾易去環境：2.5 / 5餐廳主要應該做外賣堂食應該得5個位左右 類似日本既bar枱味道：4.5 / 5今次叫左個日式吉烈豚肉飯豚肉係即點即炸 所以上碟時卜卜脆汁方面 有幾款 有日式咖喱,燒汁同麻糬汁我今次叫左燒汁 配上豚肉好夾價錢：4 / 5價錢方面 我覺得偏平 唔洗$50 一個餐 而且食到咁好食既豚肉可以值得一試

店舖堂食有數個吧枱位，主要做外賣為主。用餐當日，買咗個和風牛肉飯，盛惠$42，不包括飲品，價錢尚可接受，但返到家用餐時，見到牛肉嘅份量就極度失望，所有牛肉只見放喺白飯面咁多，其他就係洋蔥，我記得當時男職員用鉗夾餸落飯盒時，有撥撥去睇吓餸量，然後再夾多少少，所以相信職員都見到牛肉嘅數量。因本身飯盒嘅餸格已經唔大，加上牛肉嘅份量（總數應該都唔夠拼返一片肥牛），用餐時以為自己買咗個洋蔥拌飯，啲洋蔥亦要慳住食，到食到最尾嘅幾啖飯時，只能用汁撈飯。總括黎講，食物味道尚可，不過不失，但以外賣自取嘅飯盒價錢，見到咁嘅餸量，就真係O咗咀。

那天下午嘗試前往朋友介紹下位於元朗的丼家，品嚐其日式小食。我當天叫了一碟日式炒麵，它主要是炒拉麵，並配以一些日式餸料如蟹柳、小栗米、椰菜、蘑菇塊、火腿絲、洋蔥及黑芝蔴等。在加油平鑊底一起呵成炒下，整碟熱辣可口美味的炒麵便進在胃口中。

自從嬰女皇出世後 多左發掘身邊美味而又可送上門既店子 是日找到呢間小店 滿$100就可外賣到家呢外賣半小時內送到 比起叫附近其他店子 算是很快 餐盒各以橡皮筋封好 很企理 餐盒亦不會油油膩膩漏晒汁 值得一讚！蒲燒鰻魚飯（上）前菜黑木耳爽口彈牙 鰻魚亦肥美 特別欣賞個蒲汁不會過甜或過杰呢飯也甘香 加埋飯素更添美味燒汁一口和牛飯（下）前菜牛油粟米粒飽滿而帶陣陣牛油香 較很多日本餐廳的乾乾無味粟米粒誠意得多 和牛粒真的牛有牛味 入口滿滿牛脂香氣 料頭的洋蔥亦吸收汁料 香軟口味 燒汁亦不會過咸 整體都恰到好處參考Openrice提供5月份的餐牌 以為埋單$120有找 但原來未updated呢 當晚外賣總數$147 仍然抵食 一定會再試試其他招牌菜

豚肉生薑燒丼和牛肉丼系此店精髓，夠味但唔鹹。燜軟後的洋蔥吸收肉汁，與醃過後再煮的肉互相輝映。不怕豬軟骨較為肥膩，豬軟骨丼也精彩。老闆夫婦算是比較健談，贊同前面食評說此店有人情味。

經過小店好幾次, 今晚難得搵到機會試下, 小店主要做外賣, 但有吧檯位置供堂食, 入內坐低已經聽到老闆一家同一檯熟客傾得好開心, 後來問收鋪時間先知原本應該收左鋪, 但有熟客嚟到幫襯所以先未收, 我第一次幫襯唔係熟客, 都無話因為趕收工唔做我生意, 呢點值得一讚!今晚點了脆炸招牌雞排飯, 難得嘅係配上咗黑木耳同涼拌青瓜兩款配菜, 自家製好開胃, 炸雞扒香脆, 聽老闆娘建議沾蜜糖芥末醬食, 好好味, 唯一係個照燒汁個人認為甜咗少少...如果咸返少少就Perfect喇!老闆一家真係好熱情, 挽回返我對小店出品嘅信心, 臨走時仲見到佢有客嚟食意粉, 眼見賣相唔錯, 下次會再嚟試btw, 小店真係主力外賣, 堂食會貴2蚊, 不過可以感受到一間有熱誠經營食店嘅招待, 我覺得抵嘅!

一般我都係睇食評多，寫係第一次，但此小店確實是難得的人情味濃，食物質素亦高，價錢掋食，不過主力做外賣，堂食位只有幾個。今晚一家三口叫咗鰻魚飯，雞扒秘制汁炒意粉，一口和牛飯，牛肉薯餅同章魚小丸子。薯餅好味，每次都幫襯，今次第一次試章魚小丸子但就一般鰻魚係大條無骨絲嗰種，一路煎一路加鰻魚汁燴落去，味道真係好食！實在而加好多食店買嘅係細條有骨絲嘅，有時都好懷疑係咪鰻魚老公叫咗一口和牛飯，有得和牛一般都唔差，呢個飯最加分係嗰汁，蒜頭片同姑片好香好惹味最後一定要推介雞扒秘制汁炒意粉，非常好味，意粉係彈牙口感，雞扒外表脆口，內裡肉汁滿滿老闆娘一家傾下講下，絕對有以前老街坊feel，聽聞遲啲仲會攪個秘密餐牌專俾熟客