九斗半 (已結業)

酸辣雲吞湯麵- $42 ->有4粒雲吞* 酸辣雲吞- $42 ->有4粒雲吞**餐牌無寫明有幾多粒雲吞請問大家用common sense 覺得有無問題? 我叫左碗酸辣雲吞就覺得好有問題. 點解淨雲吞要一樣價錢呢? 餐牌無寫明有幾多粒雲吞係正常, 但common sense 話俾我聽酸辣雲吞既雲吞應該多過酸辣雲吞湯麵既雲吞囉!!!!向光頭店員查詢,答案係:因為酸辣雲吞既湯多D, 酸辣雲吞湯麵D湯少D. 我當場唔識應佢.我對店員表示不滿,店員就黑面表示不明白我覺得有什麼問題.可能真係我既問題, 入左去呢間嘢就係我既問題!!! 我唔知道消委會會唔會接受呢類投訴, 不過都會試下, 唔想其他人受騙!另外,坐低等叫嘢食都等左20分鐘以上!!! 碗嘢又難食, 油沐沐, 仲要收加一(以前仲要收埋茶介!)!! 真係一肚氣!

九斗半係三里屯都有間分店,人流黎得快去得快,尋日同同事去食lunch,叫左幾個麵,都算ok!排骨擔擔麵($34):湯底杰,少辣,尚算頂得順,但係夠香口;麵質少腍,質素只屬一般;排骨唔錯,有層外皮,勝在唔厚,而且少少香脆,可惜放係碗面入面,無分開上,整淋左;份量好夠,大大碗,抵食!酸辣湯麵($36):真係幾酸辣,似飲酸辣湯加麵,哈哈,所有送都放左係個湯底度,好似個酸辣湯至係主角咁!什錦素菜粉絲($34):呢味好清,粉絲好滑好好味,可惜什錦素菜唔夠"什",最多係腐皮,只係有少量菇類同少少菜,油豆腐就大大件,有點失望呢!整體而言,質素同味道都可以架!不過估唔到要加一...咁就略貴啦!

雖然好似已經執左,但係都要鞭多佢條屍一下....原因:太多所有近牆邊的位置都能發現客人走後,永遠無即時執,留番d宵夜俾小強出動....(想慳番d洗潔精?)見到d小強o係隔離度開餐自己都唯有睇住自己張,唔好俾佢地過界=.=!d侍應全部好似當係住客一樣,未見驅趕(可能已經麻目了!?)廚房門口同廁所對出地下永遠濕漉漉....扇低都唔知邊個賠!

12月25日晚上，本想去隔壁的上海小菜舘，但有很多人在等位，不得已去了這間讓我至今還後悔的餐廳。當日要了菜肉雲吞面給老公，老公從來不是一個挑剔的人，可這次卻因爲雲吞面毫無味道，只勉強吃了一半。我要了份擔擔麵，除了一碗溫吞吞的辣湯和面，就只有數得清的幾根銀芽。另外還叫了一份雞絲粉皮，雞絲有酸味，不敢吃了；外加蒜泥白肉，按理說，蒜泥白肉的肥肉部分應該是滑而不膩，而這裡的肥肉卻很脆口，很是奇怪，不知是怎麽個做法，所以也不敢吃了。而到了結賬的時候，爲了這麽幾個“出色”菜肴，要付250文，心裏實在是不開心。

Christmas Day, 2個人去左銅鑼灣九斗半食一Ｄ小食打底，然後睇戲。一坐低就放低兩杯凍茶。出面天氣都幾凍，想叫佢換杯hot tea, 佢就扮聽唔到走左去。（原來8 蚊位茶?！）叫左４樣好cheap?野小食，係鍋貼，小籠包，幾件肉其他都係腳骨?醉雞，同三鮮湯面。Ｄ野食，街邊貨式，但價錢就絕對物非所值。埋單時係170元，比左5蚊貼士，諗諗下覺得有Ｄ可疑，於是個叫伙計埋黎，佢\就拎個計數機響我地面前計......計到最尾。得131元﹐佢就話仲有茶錢同加一呢！我地話都唔洗百七掛！佢死死地氣再按計數機，每人8元茶，再加一先161.7。於是佢就靜雞雞響我後面伸隻手放低8蚊,其實仲差3毫子?！早知連5蚊都唔比。連sorry 都冇句。唔怪得其他舖頭都排隊，單單佢就有大把位啦！

同2 個friends 係上禮拜五入去食飯.....一坐低就有"小強"來招呼我地!!!!! 唉! 如果唔係其中一個friend 覺得唔好意思, 我一早就走左!呢間野真係好恐怖, d "小強" 好大隻! 但係d伙計就好似好平常咁.........而且一個2個目無表情, 話知你死咁.......d 野又難食, 都唔明點解佢可以係食街生存到.....唔駛錢都唔會再去!

第一次去,想信都係最後一次去,好唔得!我主要都係因為佢個$38蚊既雲吞雞而入左去,開始時個waiter都ok,suggest我地食個$138二人set. 但下單後,就唔掂喇。d餸黎齊,但兩個菜飯就唔見,全間鋪只有兩個伙計,間鋪並非大,叫極都冇人應,都唔知係咪扮睇唔到,其中一個一日到黑都係係度數錢,計數...等到d餸都凍, 而佢地既菜飯極其簡單,只係把白飯煮好再放下菜撈,相比隔黎既美味廚,人地就好味多了。我地叫既set係有甜品,唔係我地remind,佢地都唔會比,仲suggest我地食set?!最後比錢,話用唔到credit card,話部機有問題,要等..咁我地咪等,但我只覺得佢地想收cash,instead of 比Card Charge, 一句講晒,食物普通,冇Service & Cheap的鋪頭,最唔抵係有每位$5茶錢&10% Service Chg,比得好唔甘心.....

阿J與同事們到此食lunch,一入去已見烏蠅係碗碟度飛去飛去,好彩佢\地都識自動換晒d碗碟,而家lunch叫原價$30擔擔麵而家賣$18,我地點左,牛展擔擔麵(唔辣),勳魚擔擔麵(唔辣)及排骨擔擔麵(小辣)我吃的排骨擔擔麵d湯好多油,飲湯好似飲緊油,麵吸收唔到擔擔麵既味道,炸排骨尚算可以,好彩而家賣$18,如果係$30就非常唔值喇!我以前都有去過呢一間,今次去覺得真係退步左好多,佢\地真係要快快改善先得。

早知黎睇下食評先啦~~不過好彩冇見到小強飛蛾..我淨係見到好多蚊..個玻璃都有好多蚊o既屍骸!我地一行4人..見未食過...個店名又幾特別..就入去試!d野食好唔掂~~叫左小籠包(唔出名真係唔出名)..個皮厚又冇汁!鍋貼都算ok!!炒年糕一d都唔好食..仲有個蝦仁炒雙黃..完全唔知似乜..仲差過茶記o既炒麵!我地食完傾下計..可能我地夜啦..佢話折數叫我地埋單先,再慢慢坐..但係全店已經息左冷氣(根本唔係可以慢慢坐)..仲要check單發現收多位茶錢..又冇service!!唉~~一定冇下次!!

25 May 2006 (Thur) - 晚飯嘩，原來啲食評咁差，早知唔去，好在我冇遇到老鼠甴曱，否則．．．．我會暈過去！叫咗個最平既二人晩餐，雖然有好多嘢食，但係真係一啲都唔吸引，記得好似有：手撕鷄 - 呢個算係最吸引，隻鷄好大隻，其實己經飽晒；有咩粉皮，但真係好寡，幾乎冇掂過；仲有咩呢．．．好似唔係好好食，所以又係冇乜點食；仲有個菜飯，咪就係用個鷄送晒個菜飯囉．．．食完窄窄淋走，因為坐得好唔舒服！又成間嘢都冇乜人黎，都驚驚地！埋單時見比起佢個價錢$98有出入，問佢原因，佢話茶錢每人五蚊．．．明晒！初頭見咁平都冇人黎食真既好奇怪，睇完其他人既食評我就明晒啦．．．以後我都唔去啦！

If you like the company of rats, then come here. First you will be greeted with the opening act of moths and flies, but then! The guest of honor arrives on the sky platform on the ceiling. You will hear the screaming of the ladies. It is just like a super star arriving.Jesus christ. And they dare to have me pay for dinner. Should there not be health authority shutting this place down?I came with my girlfriend. I feel sorry for other guys who did not read the previous review. That is because I wa

食物本身係ok, 價錢亦得宜. 幾年前和朋友食過冇問題,再帶過2,3次朋友去試,大家都覺得幾好.可惜, 尋晚再去,先住2人卡位,發現有飛蛾, 都算了,再過一會,見有幾隻曱甴仔. 店員即來殺蟲. 但已影響胃口.店員雖醒目換個4人大位給我們,但飛蛾,曱甴仔依然.為怕與蟲同桌, 再換個中間位. 突然,後面台的小姐尖叫.原來有隻大老鼠在樑上行!! 老鼠絲絲然在漫步,彷彿是自己地頭, 而且本身比食物更見肥美. 見狀, 吃龍肉都冇味. 即走.唯一可嘉許的是那位身型健壯的店員,不斷為客殺戮飛蛾,曱甴仔.不厭其煩的為客人轉位定驚. 而另一位身型較廋的店員已經怨聲載道,埋怨客人不斷轉位.本人縱橫大排檔多年,都未見有此奇景.對飛蛾,曱甴仔老鼠沒有反感的話,一試無防

上完workshop成十點幾先同兩個朋友黎食晚飯. 點了個二人餐, 包冷盤兩款(海蜇&醉雞), 砂窩津白, 小籠包(5隻), 無鍚小排骨, 菜飯兩碗, 高力豆沙四隻=$198. 先黎冷盤, 海蜇麻麻, 醉雞夠味有酒香, ok. 再黎無鍚小排骨, 小排骨唔小, 所以有d肉會太硬, 味亦唔夠. 小籠包賣相麻麻, 相信係因為翻蒸, 食落亦係麻麻. 菜飯, 太油, 菜亦太大舊, 剩係賣相已經輸晒. 砂窩津白當埋湯飲, 清清地, 夠熱夠味. 甜品高力豆沙亦係麻麻. 總括黎講, 最好係個砂窩津白同醉雞, 但份量好大, 三個人都食唔晒, 四個人都夠食.

食得辣既朋友，不妨試下呢度既口水雞，好正，不過都好辣，雞好入味，仲有惹味既大蔥，每次去九斗半必叫，但其他食物一般，每次去都係為左食呢道菜。要有心理準備，位置都幾迫。不過呢間店有一樣唔好，就係成日有烏蠅仔"褸來褸去"唔係咁衛生囉！

酸辣湯- 都唔錯! 好多料.鱔糊擔擔麵- D湯濃而冇味, 成碗麵好多油, 好明顯退步左.菜肉雲吞粉絲- 大約有六粒雲吞, 味道唔錯! 粉絲份量比較多, 所以淨左好多冇食.