影片
港铁元朗站 H 出口, 步行约10分钟
继续阅读
营业时间
星期一至日
10:00 - 22:00
以上资料只供参考，请与餐厅确认详情
這間店在一田裏面，佢既地方不大，位子很少加上當日太多人，所以我見到其他桌子有位就求其搵咗個位坐嚟食，自助形式付了錢然後自己拎食物。這店看落主打食拉麵，但我當日行開因爲好肚餓，所以最後叫了鰻魚飯。鰻魚嘅份量很少，雖然佢既味道唔錯，但是用來配飯的話係完全唔夠既，只足夠配食半碗飯。。。我食完條鰻魚之後仲有半碗飯剩。。。
继续阅读
堂食外賣都試過幾次。堂食，食物一般，拉麵份量少，啲材料超市有買。外買仲差， 個日仲要吾多人幫親，仲送漏嘢，打個電話冇人聽。下午茶29蚊系抵嘅，餃子系用王將，味道算系咁。不過總括而言，都系偏差，最遲等過差唔多三十分鐘先有得食。
继续阅读
購物優惠日嘅時候入嚟食，$49一碗，諗住填飽個肚繼續買嘢，明白員都好忙，俾錢同埋等候時間比較耐，不算太大問題但係個麵攞得嘅時候，一拎起個盤成浸怪味撲鼻而嚟。。。臭的。。我唔肯定係唔係附近環境有味，所以照食。其實食落就唔算太臭，但係個湯底係清水加少少鹽嘅味道。。完全無味。。食咗啲配料，已經頂唔順冇再食。。其實嘅時候見到佢地煮，已經知道，唔會太過好食但係冇諗過個質素會係咁差，一定會再嚟食多一次，非常之中伏
继续阅读
睇戲前先醫一醫肚，Yoho mall想速食嘅選擇不多，二期個邊係有嘅，但等位等到痴線，一期呢邊就係得food court同一田個美食廣場，咁food count無咩啱食，轉完一圈都係黎左食九湯屋，唔係話好食，但勝在夠快。札幌魔獄（$52）是日就試下札幌湯底，想食辣就揀左魔獄級，個名聽落好勁，但其實不算太辣。味噌湯底挺鹹的，豬味亦有，但一飲就知係沖泡式湯底，不過呢但價錢就不要要求太高啦，麵條還可以，叉燒是圓形滿滿肥肉那種，仲有半隻溏心蛋，份量係細啲，叫做ok啦。極細嘅店內有三名店員，由於無其他客，煮完呢碗麵後便一直閒聊，幾輕鬆咁樣，哈哈。坐位上寫住自己放回餐盤，但大部份食客都無做到，搞到啲位被吃完嘅餐盤佔據住，無人收拾。純粹解決一餐還可以啦～
继续阅读
今晚要到一個連接元朗西鐵站的商場超市入貨，入貨前先在超市內的麵店吃晚饍再逛!快到晚市高峰時間，付款及點餐暢順。超市熟食區內有少量座位及企位，食客從熟食擋購買食物後可在熟食區內享用。我們還是選擇沿着九湯屋所設的高抬位置坐，可以專注在拉麵的香味!大約等了五分鐘便聽到店員叫號碼取餐，取餐處有幾款調味，我要認真試原味道，調味粉就不需要了。2號 九州白湯配搭濃厚香蒜醬拉麵 $59 加配木耳絲 +$5在下單前詢問過店員1號東京豚骨跟2號的湯底有何分別，店員簡單的說沒有分別，兩款都是豬骨湯。今次先試2號，1號湯底可能在調味上有分別，所以在餐牌見到湯底的顏色會有所不同。九州白湯是乳白色的湯汁，看來厚重，但有清爽感，香蒜醬的味道不太明顯，湯汁是好味的。叉燒較薄，肥瘦算適中，很稔。麵身算挺，口感不錯，有咬勁。木耳絲有原味道，是最有咬勁的食材。筍干雖然有點稔，都夠爽，味道不錯。雞蛋原隻沒有滷過，有流心蛋黃，是好味的原味道!7號 東京醬油拉麵 $49醬油湯汁呈啡色，喝起來也不太鹹，只是味道較單調。麵同樣有咬勁，其他食材與 2號白湯拉麵一樣味道，口感也是一致!若是白湯跟醬油湯麵比較，九州白湯更勝一籌!麵及食材份量作為晚饍只是剛剛好，喝完九州白湯更有滿足感!
继续阅读