九龍咖喱屋

营业中

休息中

朋友介紹此店, 今晚終於可以一試! 內裡很有家庭式經營的餐店味道, 有點親切 很快我們便點了幾道菜了:非常香脆的薄餅, 單是吃薄餅不吃上面的配料亦很有味, 不知是怎樣焗的, 很驚喜! 上面的配料是碎洋蔥,芫茜及香料, 很惹味喔!!!Samosa非常大件, 味道正宗, 有點與印度式的類似, 內裡的饀料很足!超薄皮的特式餃子, 豬肉饀料份量剛好, 整體有點似上海餃子, 一樣美味!鐵板上的雞肉tikka, 雞肉超入味, 眾人激讚一百分, 鐵板繼續熱著到底部的生洋蔥, 越煎越有味!香脆簡單, 令人開胃!乾身美味的飯, 配以沒有肉但有芝士的咖喱, 味道很匹配, 偶爾以傳統薄餅伴食, 更加有feel!

小妹0係呢頭返工~SO都係會0係呢邊周圍搵食呢期有食咖哩隱冇理由食LUNCH 都走到重慶~周圍行發覺呢間野~咖哩CHICKEN~配NANN BREAD因為我唔鐘意食飯叫佢唔好畀白飯我~佢就畀多左NANN BREAD我~幾好食~一D都唔油~0岩晒我減肥>3<雖然食咖哩都唔係瘦得去邊38蚊冇加一~仲要有湯有前菜~(炸角)有野飲~抵啦~仲有問我OPINION...~幾好~

這間餐廳的侍應不太懂廣東話,門面亦不起眼,若不是朋友帶路,自己必不會自己進去中午時分吃了一個尼泊爾餐同一個set lunch,又唔收加一,有飯,咖喱,samosa,naan, 汽水,咖喱唔算好辣,香料都幾足,d naan 仲好好食這兒是尼泊爾帶路的,他說食物都做得幾正宗,最欣賞他們的dal,(有d似炆豆),好味,唔太辣,女仔細食d都食唔哂,埋單都只是65之後夜晚(都有日間的套餐)又食過炒飯,mixed gill, 飯好食,好香,d grill就咸左少少,個feel唔錯,傾吓計relax吓都幾好食少少野,或只是同朋友飲杯野,消費少少都唔會被人白眼

星期日晚同兩個朋友出o黎佐敦呢頭飲酒聊天, 但又唔想去酒吧咁嘈咁多人, 我想起'九龍' 有酒飲又有電視睇, 於是三個人o黎o左呢度.坐低無耐我地叫o左一碟炒羊雜($45)同一jar嘉士伯($55), 周圍坐滿尼籍鄉里o黎睇阿仙奴對富咸, 我地都算o黎得著時咯! ^^炒羊雜(Mutton Bhutuwa) 同上次係度食o既炒豬雜唔同, 成碟全無肥肉, 絕大部分係羊肚, 羊潤都有幾塊, 比o係'夢娜' 食到o既大碟得多同炒得冇咁乾身, 所以塊塊羊肚都好襟'趙', 我兩個朋友都話好好食, 用o黎送啤酒無得彈. 一路食一路飲一路睇波鬼咁高興, 結果要叫多一jar嘉士伯至夠喉.埋單155蚊, o係個唔算嘈又幾舒服o既環境下飲飽食醉. 唯一唔滿意o既係場波: 阿仙奴冇運行, 雲達沙又狀態神勇, 唉!

第一次經過呢度門口o個陣係下午, 裡面冇人兼且個竇望落黑猛猛, 所以心諗就算o黎食都唔使抱大期望. 不過, 凡事無絕對...星期二晚同一個朋友o黎o左呢度食飯, 傍晚時分呢度裡面燈光雖然都係暗暗地, 但見有鬼佬, 香港人同尼籍鄉里o係度幫襯, 於是放心點菜. 見到佢地o既餐牌真係有地道尼泊爾菜式, 我地就叫o左一碟炒豬雜, 一兜尼式煮雜菜, 一碟羊肉炒飯, 同兩杯乳酪冰.炒豬雜(Pork Bhutuwa; $40) - 非常地道o既尼泊爾菜. 由於o係'夢娜' 食過炒羊雜覺得幾正, 就試一試豬雜又係點o既味. 呢度o既Bhutuwa 其實係香草乾炒豬腩肉, 豬'雜' o既成分唔多, 只係得三四粒豬潤同豬肚, 其餘全部係五花腩片, 肥瘦均勻, 用香草o黎炒好香又唔會好乾, 調味又o岩o岩好, 又夠大碟, 我同朋友都覺得佢好好食, 冇揀錯! 用佢o黎送酒或者送飯就最o岩.尼泊爾式煮雜菜(Vegetable Makhanwala; $35) - 唔清楚Olivian小姐叫o既係乜o野雜菜, 我地叫o既尼式雜菜係用蕃茄奶油汁o黎煮, 感覺就好似食緊素菜版o既Makhani(蕃茄奶油汁煮雞),

一兩個月前誤打誤撞入o左去，因為當時openrice未有所以post上去。始終對尼泊爾的咖哩麻麻地，碟頭好細，咖哩魚柳得四五件，咖哩雜菜只得青豆磿菇都唔緊要，不過汁多過料。總之味道差過茶餐d咖哩