影片
更多
2003-11-28
88 浏览
第一次经过呢度门口o个阵系下午, 里面冇人兼且个窦望落黑猛猛, 所以心谂就算o黎食都唔使抱大期望. 不过, 凡事无绝对...星期二晚同一个朋友o黎o左呢度食饭, 傍晚时分呢度里面灯光虽然都系暗暗地, 但见有鬼佬, 香港人同尼籍乡里o系度帮衬, 于是放心点菜. 见到佢地o既餐牌真系有地道尼泊尔菜式, 我地就叫o左一碟炒猪杂, 一兜尼式煮杂菜, 一碟羊肉炒饭, 同两杯乳酪冰.炒猪杂(Pork Bhutuwa; $40) - 非常地道o既尼泊尔菜. 由于o系'梦娜' 食过炒羊杂觉得几正, 就试一试猪杂又系点o既味. 呢度o既Bhutuwa 其实系香草干炒猪腩肉, 猪'杂' o既成分唔多, 只系得三四粒猪润同猪肚, 其余全部系五花腩片, 肥瘦均匀, 用香草o黎炒好香又唔会好干, 调味又o岩o岩好, 又够大碟, 我同朋友都觉得佢好好食, 冇拣错! 用佢o黎送酒或者送饭就最o岩.尼泊尔式煮杂菜(Vegetable Makhanwala; $35) - 唔清楚Olivian小姐叫o既系乜o野杂菜, 我地叫o既尼式杂菜系用蕃茄奶油汁o黎煮, 感觉就好似食紧素菜版o既Makhani(蕃茄奶油汁煮鸡),
星期二晚同一个朋友o黎o左呢度食饭, 傍晚时分呢度里面灯光虽然都系暗暗地, 但见有鬼佬, 香港人同尼籍乡里o系度帮衬, 于是放心点菜. 见到佢地o既餐牌真系有地道尼泊尔菜式, 我地就叫o左一碟炒猪杂, 一兜尼式煮杂菜, 一碟羊肉炒饭, 同两杯乳酪冰.
炒猪杂(Pork Bhutuwa; $40) - 非常地道o既尼泊尔菜. 由于o系'梦娜' 食过炒羊杂觉得几正, 就试一试猪杂又系点o既味. 呢度o既Bhutuwa 其实系香草干炒猪腩肉, 猪'杂' o既成分唔多, 只系得三四粒猪润同猪肚, 其余全部系五花腩片, 肥瘦均匀, 用香草o黎炒好香又唔会好干, 调味又o岩o岩好, 又够大碟, 我同朋友都觉得佢好好食, 冇拣错! 用佢o黎送酒或者送饭就最o岩.
尼泊尔式煮杂菜(Vegetable Makhanwala; $35) - 唔清楚Olivian小姐叫o既系乜o野杂菜, 我地叫o既尼式杂菜系用蕃茄奶油汁o黎煮, 感觉就好似食紧素菜版o既Makhani(蕃茄奶油汁煮鸡), 个汁好浓蕃茄同奶油味, 冇乜咖喱味, 甜甜地, 杂菜有薯仔, 椰菜花, 蘑菇, 青豆同粟米. 料够多, 个汁味清淡而质感浓郁, 都系值得叫o既菜式.
羊肉炒饭(Lamb Biriyani; $45) - 典型印度餐馆菜, 但份量仲要比一般印度餐厅o既大碟得多, 羊肉足足有六大旧, 唔骚仲几入味, 黄饭炒得o岩o岩好, 唔会干哂水, 感觉好似食紧真正家庭式o既Biriyani(焗同煮, 而唔系餐厅o既炒). 系意外o既惊喜! 我地两个人差o的食唔哂.
乳酪冰(Lassi; $15-18) - 同样系大杯过其他印度餐厅, 我o既净乳酪冰好滑, 甜度适中, 朋友话佢o既芒果乳酪冰好好饮. 以呢个价钱o黎讲可以话系超值.
埋单差唔多150蚊免加一, 我地当然会再返o黎帮衬啦. 真系舖不可以貌相. ^_^
P.S. To OpenRice Editor: please add the telephone number of '九龙咖喱屋': 2384-3570
Thank you!
张贴