影片
首先落单等咗45分钟都冇野食（正常打工仔食饭时间一个钟）然后催佢几次单，佢就上咗菜我嗌左豉椒凉瓜炒鹅肠但系佢最后上咗三色椒炒鹅肠食咗两啖先发现一嚿凉瓜都冇然后我同个男侍应好声好气反映返佢：咁都冇办法㗎，最多煮过碟俾你我：吓但我已经等左就黎成粒钟，要翻去开工啦㖞佢：咁呢个就系你既问题啦，一系你等，一系取消张单我：我而家赶住走，咁我取消张单佢出咗去一阵返嚟，然后话冇得取消张单，因为我已经食咗两啖跟住我叫佢揾咗个经理返嚟经理先肯帮我取消张单同埋道歉但其实都已经浪费左个lunchtime，同埋要饿住肚开工个男侍应态度十分恶劣，冇道歉冇提供解决方案，甚至尝试将责任推喺顾客身上同埋上菜速度真系奇慢，之前帮衬过几次，每次都要等差唔多半个钟已blacklist呢间野，冇下次！
继续阅读
昨晚在 #旺角 工作完，穿越时空入咗 #九龙城寨 食嘢！呢个 #西兰花炒肉片 好好食，好够镬气😋 (不过等上菜有啲耐，证明系即炒)下次多几个人可以打边炉。呢度竟然无社交媒体网站，真系有缘先见到！
继续阅读
之前刚开时经过觉得系食住电影的热度所以没有帮衬，后来看到餐牌跟公司附近的“友义气”一模一样，那应该是同一集团咁就试下啦去食下午茶时段点了份干炒牛河和味菜牛柳丝炒面，干牛河同友义气一样够镬气，炒面就差dd个“献”既味有少少怪但都ok既，但不老实的地方是入单时出了正价，问了男侍应他说折会在付款时显示，但付款时女侍应却收正价，当我说为何不是下午茶才说现金w7 Alipay 才有折，我谂如果我唔问你出声架啦？而且门口又无写明，如此不老实味道再好我都唔会再帮衬！
继续阅读
雅兰开左新餐厅叫九龙城寨，咁啱又睇完九龙城寨套戏，就食佢先。餐厅在地库，可以叫小菜或打边炉，睇完餐牌决定食小菜，好多𩠌都好吸引😋⭐干锅肥肠先来个肥肠煲，走过油劲脆口，肥肠肥美甘香，枝竹都炸到卜卜脆，似薯片嘅口感😆少少辣够惹味。⭐酱皇四季豆肥牛餐牌写酱皇，但黎到系干偏四季豆黎㖞🤔不过干身咪仲好食，肥牛嫩滑，炒得香口够镬气。⭐啫啫田鸡煲田鸡煲又系正，肉嫩鲜味，三色椒甜美多汁，虽然系啫啫做法，但入口唔干柴㗎，正㖞。⭐白饭饭略微水多左啲，有啲淋。⭐冻杏霜 & ⭐冻柠碧仲加左冻饮，先来的冻杏霜很正常，但杯冻柠碧咁大杯嘅？估佢唔到㖞😂一杯两个人饮都够啦。唔使加一，抵食👍
继续阅读
今日见呢间新开，系OpenRice 睇过无咩资料无食评无电话😂😂就一于同朋友胆粗粗去试下🤭🤭话哂都24小时营业，唔驶赶头赶命去到人唔多，店员几多👍🏻先赞一赞店员个个都好nice 服务好好野食方面有惊喜避风塘茄子🔥脆口好食，入面软熟唔会淋得济最爱系佢个辣，一食完觉得几辣但佢唔会长期系口腔停留个种辣系令我爱上又唔阻碍我的辣，辣得舒服🧡再黎既小炒王都好食香口，有虾米虾仁带子鱿鱼架蒜蓉炒包心菜，蒜蓉味都好香木出味，略为油左少少豉椒炒鹅肠，正常无太大惊喜胡椒猪肚鸡，一开始觉得淡唔够味，但一路滚一路滚，佢中途加汤唔系加水👍🏻最后走前个碗汤既胡椒味出晒嚟，驱风一流🥰总结： 情价比高，酒水唔贵，可以安歌既餐厅
继续阅读