九龍粉麵 (已結業)

個招牌好架勢 以為賣傳統粉麵 但原來有好多新派食物 仲要好正 尤其個四川麻辣油😍 .🍜麻醬手撕雞腸粉🍜冇叫多醬都夠多 麻醬仲要親手磨 好香滑腸粉算粗但滑 手撕雞同樣夠滑 兩個份量非常多 正😎最最正當然係配埋四川辣油同炸醬😍😍最近去完四川嘅我表示非常滿足💃💃的確係四川嗰隻香麻辣❤(四川運來青花椒)勁在辣到流汁但不刺舌頭 舒服嘅辣怕辣嘅朋友可以配帶微甜嘅老牌炸醬 可減後勁的辣😌我拌曬一碗辣油 再添呀💋💋.🐮牛沙瓜🐮一隻牛得荷包仔咁小嘅 香港非常罕見呢度係一頭一尾 口感唔同頭的偏軟糯 尾的硬中帶爽口👏又係配辣油 加1000分.⚪⚫松露雲吞⚫⚪呢個好有驚喜 松露控必愛加上蝦仁超大粒又彈牙🍤🍤

又到LUNCH唔知食乜既時侯, 今日見唔太餓所以去咗食麵, 九龍粉麵, 以前公司係附近經常黎幫襯, 今日同以前一樣食咗佢地都出名既炸醬撈粗麵, 撈麵跟個清湯, 平時我食麵唔會飲湯因怕油同多味精, 但呢個湯係我會飲, 因為真係好清同冇味精, 飲完唔口渴,個炸醬撈麵混有肉絲連甜甜醬汁, 份量唔多, 所以輕食可以。

放左工，落左去九龍粉麵果度食麻辣手撕雞腸粉同狀元粥。麻辣手撕雞既麻辣醬料好特別好好味，熱辣辣既腸粉好夾，天氣凍凍地，係時侯食下熱野同辣野暖一暖胃啦！狀元粥材料多又豐富，配搭腸粉就最好不過啦。

買了一個團購，今天決定去試。麻辣手撕雞腸粉 - 相當大碟，配搭也很特別，但味道竟然不錯，手撕雞很有肉味，腸粉既滑也彈牙排骨粥 - 非常豐料， 粥煲得很綿，排骨入口溶化，整碗粥都像煲了很久，非常香原本想要豆漿，但說賣完了，只好要了支汽水地點比較偏僻，不好找，但附近很多食店，不知生意如何做。團購價32個大洋，抵食

今日咁岩lunch hour時路過灣仔老老實實想是但食飽就算但間間都唔岩口味行到呢間餐室見到蝦子撈麵就入左去試入到去又見到有我至愛炸醬撈麵 即改變主意黎到真係覺得唔錯 炸醬嘅肉半肥瘦 佢寫明無加味精 即刻試下個湯真係真材實料飲完唔覺口渴最驚喜位其實係服務 茶餐廳/冰室一般都expect員工唔鬧人已經叫唔錯 但呢度所有事都好細心 佢個飲品係紙杯上 唔洗趕頭趕命或飲唔哂好浪費每枱仲有一個調味架 上面有生蔥 炸蒜 辣椒油 豉油等任君選擇

立即Follow ig @itadaku_hk 每日速遞最真實飲食情報！—-灣仔區高級招牌手撕雞 —-【麻辣手撕雞湯米】＄56麻辣手撕雞味道岩岩好，唔會好咸。啲雞肉夠嫩，麻辣味好香濃，米粉唔會太淋太硬，好爽口，配埋個入味豬骨湯底，真係好好味。😋😋不過以依個價錢，性價比偏底。👅 —-本身小編一望個餐牌，見到$36$36$36 ，點完手撕雞先發現原來係$56 蚊，其他係$36，手撕雞係超貴。😭😭😭傻的嗎？嗚 —-【牛腩湯河】＄36小編同事點左牛腩河，正正常常，同平時街頭食既一樣，腩汁同牛腩夠淋夠香既，河粉唔會散碎碎。😋 灣仔區有錢既朋友想食手撕雞既可以一試。💁🏽‍♀💁🏽‍♀💁🏽‍♀ —-為食指數：7.5/10推介程度：6.5/10打卡指數：6/10性價比： 5/10

每日食晏既時間，謝斐道都總係人山人海，就算一個人想要搵個位堂食都難，更何況係一大半班人一齊食🤢呢日經過見到呢間有位，唔理三七二十一都入左去先👁‍🗨 柱侯牛腩河💲36黎到主打魚類既粉麵店，梗係想叫同魚有關既嘢，可惜撞正休漁期，無賣我想食既魚蛋🐟所以決定要牛腩，呢度既牛腩望落比較碎同散，全部都係瘦既🤔不過勝在瘦得黎唔會黐牙，口感都幾腍身，而且河粉份量都多，係略嫌間唔中會有細骨碎，無咩湯同埋啲河粉又索湯索得好快🙈🔛 整體評分（7/10）

對返工人士黎講，lunchhour最緊要快靚正。今日午餐黎到謝斐道食出名嘅麻辣手撕雞撈麵！！(當然有時後要對自己好啲去食好啲食豪啲😆)餐廳唔大，估計大約坐20人左右。我入座大概1:15，嗰時唔需要等位。個撈麵份量都幾足，任何撈麵都附送個湯。之前食過好多間撈麵嘅湯都偏鹹，呢度係我食嘅第一間無落味精又唔鹹嘅「撈麵的湯」🥣👍🏻個撈麵亦跟埋啲菜，都發覺好少食店會俾埋菜，除非另外叫一碟👍🏻因為怕會好辣(雖然叫左小辣)，我亦叫左coke zero陪襯。哇！好耐都無飲支裝可樂喇^_^除左撈麵，餐廳亦有餛飩、牛筋、牛腩、牛肚、魚蛋、炸醬撈麵等，價錢$4X-$6X。下次會黎試試其他😋🍜🍲

落雨想係灣仔快食，見隔離旺記冰室仲要排隊，就過黎試下無味精粉麵係點。牛三寶撈麵 ($58)牛腩炆得軟腍入味，大大塊牛筋有如入口即融既骨膠原，連同彈牙金錢肚既份量都好足，近乎無可挑剔。 腩汁吸收左三寶既精華同香氣，撈麵本應好完美，但全蛋麵底梘水味好重，轉河粉、米粉或伊麵(+$8)會比較滿足。懷舊牛沙瓜撈麵 ($46)牛既第四個胃牛沙瓜外貌似豬肚，幾爽口、唔會有內臟怪味，但滷水味道較單調，連帶撈麵都遜色左。 始終牛沙瓜唔係度度食到，鐘情豬肚口感既人都可以一試~例湯 (跟餐)飲落似冬瓜湯，清清地唔算好鮮甜，勝在全店聲稱冇落味精，飲完唔會口乾。腩汁蘿蔔($12)冇渣蘿蔔炆至淺啡色好吸引，可惜唔夠清甜。粉麵份量較少，女仔都要加碟菜先夠飽。 店內以大圓台為主，一定要搭台，適合自己黎食，下次想試下個魚蛋米~

今時今日，聲稱自己無味精而生存到既粉麵店真係買少見少，咁岩今日喺灣仔，就專誠去証實係咪真無味精。差唔多4點去到，魚蛋魚片果d已經沽清，就試左筋腩米，問佢可唔可以轉肥腩，佢話無晒，只係賣淨d瘦腩位，仲保証唔會硬到食到鞋口鞋面，講到咁就緊係試下有幾出色。份量方面適中，大食者最少食2碗先飽。牛筋唔會夾起軟到爛咁，食落爽口同好淋👍雖則本人不太喜歡瘦腩，但真係好淋，同埋食完竟然無痴牙👍最重要任務係試下佢個湯有無味精，雖然有腩汁喺入面，但一飲竟然無渴喉感覺，飲左五六啖都完全無頸渴。另外仲叫左油菜，個蠔油唔會太咸都幾正。下次希望試到佢個龍躉三寶。

I ordered a beef tendon noodle with a side of vegetables and both were tasty. The soup base was very flavorful and hard to resist. This place is a lot cleaner and more comfortable to sit in as compared to a lot of the other noodle joints. I’d come back.

昨日去開駱克道行街買野，行到4點幾有啲餓，突然想起朋友講過入境處天橋邊有間粉麵檔有牛沙瓜食。於是行過去睇睇。在馬會附近，1個鋪店，5，6張細圓枱。枱面上的配料架好骨子。一問之下原來牛雜了沒有了差不多1年，現在只有所謂的牛3寶（肚，腩，筋），呢個配搭完全滿足唔到我。最後叫了個牛沙瓜併孖筋河，牛沙瓜咬落似猪肚；啲牛孖筋比較細，唔夠彈牙。個湯就唔濃唔淡咁，唔會有令你想湯都飲埋的沖動，不過真係唔覺有味精，之後一啲口喝感都冇。兩個伙記好熱情，有其他客人問路，佢唔識都幫佢再問其他人

通常遇到寫上 無味精的，我都是非常敏感的，不知為什麼，對味精的抗拒越大，什至只是呷到少許的味精感，已經感到口乾非常。因此，遇到這間宣稱自己無味精食肆，一方面暗自高興，另一方面更是希望唔好失望的那份焦慮感。。。我只是點了最簡單的 「細蓉」雲吞麵，加腩汁。有5顆雲吞，算係咁，唔記得影相，真失敗，雲吞皮算厚的，但食下去的感覺真的不覺得有味精啊，驚喜。。。因為差不多關舖，好像阻人收工咁，拿拿聲清碗，連湯都飲埋，但飲完後，卻有點點口乾了~~整體來說，不錯，性價比算高的，宣稱無味精，我的感覺是，雖然我都有口乾情況，但程度不高，相信店東也不是放了太多調味料吧

呢幾日晏就都係灣仔, lunch時間人全部都係人，，😣大部分餐廳都大排長龍是常識吧，咁岩見到呢間等既人比較少，仲有我好鍾意既手撕雞，諗都冇諗就入。麻辣手撕雞撈面($56)撈面大概係壽核牌個種幼面，口感不錯，亦夠濕👍不過麻辣香料真係冇乜味，食落香>味，更加少少苦味😨，唔知係條脷麻得濟（但未必係，唔算好麻）定佢本身真係苦苦地, 搞到每一啖面都苦苦地，唔enjoy😫手撕雞肉質幾好，但味道較淡，唔太沾到麻辣，感覺普通。我諗如果唔係我超肚餓都應該食唔曬😥牛三寶撈面($58)呢個係朋友點既，味道比麻辣豐富得多，柱侯醬放埋碟既一邊，因應個人喜好而撈入，不過唔好撈太多，因為都幾咸~ 至於牛三寶（牛筋牛腩牛肚）最鍾意牛筋，夠淋身又不失煙韌口感，有種食collagen入口既感覺😂牛腩夠淋亦入味；牛肚都不錯，夠爽。整體黎講都ok~另外FREE配左碗老火湯，清清的瑤柱豬骨湯啦我估～熱辣辣好正！！仲加左$16食蠔油菜心，純粹因為呢排狂出街食冇乜食菜，菜心岩岩夠淋，但d葉鞋鞋地，anyway 最鍾意都係食屋企煮既菜😌

見佢開左一排都冇試過, 今日放假中午叫份海南雞撈粗麵（59+2外賣）, 係最貴嘅粉麵, 原来羌蓉之類分開裝, 還要額外加錢, 但我已比左$2外賣盒. D雞瘀黑色,味道就係雞味喎,份量少且價錢貴, 完全中伏. 阿姐又串, 以後可blacklist.