九龍餐室

营业中

休息中

原本附近裝修最新的茶餐廳，點知食早餐時竟然見到水吧員工可以一邊食煙一邊沖茶。依家疫情而且室內不可能吸煙但佢習以為常咁做。我相信係常常發生。以後黑名單永不再去，尖沙咀仲有好多食肆。

話說身上冇散子, 想買個9蚊菠蘿包。 見佢入面有八達通走入去嘟卡,  但收銀嗰個叫我出去俾現金, 我話我冇散紙要俾八達通, 佢就口UP UP咁唔知佢講乜就嘟咗我10蚊 .....  我問"唔係9蚊咩?" 佢就話頭先講咗八達通要加1蚊!!! 仲話" 唔信你問側面呀姐做証...."      關鍵係佢D態度!! 當然無謂同佢爭議, 但想講自從消費卷後, 好多商戶都 "自行加大" 電子支付手續費, 大家要留意!!!!

咁嘅，我之前食過午餐覺得不錯，今日同呀媽經過想食下午茶，坐低叫咗2個餐，呀姐放低咗餐具，咁啱有位地中海男樓面經過，我就問：唔該可唔可以比2杯水吖~男樓面冇比反應，淨係望咗一望我，冇話唔得或者唔可以。我expect佢轉頭會斟比我，或者叫呀姐拎比我。過咗一陣，野食嚟曬，佢仲行黎行去，冇話特別忙，但好似完全冇件事咁，只係間中有望吓我果張枱，一副「死靚妹，我堂堂大男人，做咩要斟水比你」咁嘅樣，完全無視同睇唔起人。後面枱剛嚟咗2位女士，衣著光鮮，聽住佢落完單，竟然主動斟左兩杯水比佢哋，2位女士冇要求，佢仲望到我望住佢，我完全唔明果位男樓面點解要咁嘅態度，我只知道佢唔會斟水比我，我亦無謂去問佢。其實我冇諗咁多，我亦好有禮貌咁問，亦唔知原來佢自尊咁重，我又冇歧視佢，更加唔識佢🥴可能係我誤會咗，但係佢主動斟水比後面2位美女呢個動作令我覺得佢唔單止唔尊重人，仲好「無聊」。最後，客觀而言，西多士同奶油豬餐都唔錯，完全係地中海男樓面嘅態度問題。

晚上9時左右，點了三份餐、三杯飲品、單點菠蘿油及單點多士，埋單後發現收多錢，望完張單發現將其中兩杯飲品拍了入單點菠蘿油及多士，夾硬變成菠蘿油餐同多士餐，收多$33！搵返落單侍應反映計錯錢後，佢退返$13⋯⋯然後我哋再去收銀櫃檯反映仍然收多錢，收銀員搵返落單侍應，侍應再計之後終於再退多$20，咁先啱數🤦🏻‍♀️唔明白係電腦問題定人為問題，飲品應該先拍入餐🤷🏻‍♂️希望入單會有改善，唔好令人有 黑 店 嘅感覺🥴

返工前未食早餐，因為見到呢間餐廳都幾多選擇，於是同事揀咗呢間餐廳。第一次幫襯，我要左一個沙嗲牛肉米線配腸仔餐肉，同事要咗一個榨菜肉絲烏冬配奄列。上餐都好快，我個餐最先上左腸仔同餐肉，跟餐有一個細餐包，餐包仲熱辣辣，幾好味。餐肉好鹹，腸仔亦都一般。沙嗲牛肉米線算正常，味道都過得去。湯底唔算太鹹，米線好滑。同事嗰個餐佢都話水準一般。餐廳用餐的客人很多，味道雖然一般，但係很有港式餐廳的氣氛，算係不過不失的一個港式早餐啦。

去完iSquare行街，有啲肚餓，向樂道丶漢口道一帶睇吓有啲乜嘢食。見到這間茶餐廳坐滿人，我估食品應該唔會太差吧😅這裡除咗cart位比較闊落，其他嘅枱位都係比較細，枱面如果一次過擺2個常餐應該好迫是日有午餐嘅同時因為又啱啱到下午茶時間，所以都可以揀下午茶餐我揀咗洋蔥豬扒意粉，因為今日唔想食飯咯落單到意粉送到嚟大約5分鐘，不過杯凍鴛鴦就13分鐘左右才送嚟洋蔥豬扒意，份量大(下午茶都咁大份)，有菜和粟米粒，豬扒係切左細件炸過嘅，肉質唔硬，冇乜肉味和唔會好咸，配上茄汁，不過洋蔥茄汁唔係用鮮蕃茄煮嘅，似快餐店嘅茄汁豬扒意粉，味道係可以嘅，賣相肯定好過快餐店，性價比向尖沙咀區係可以。凍鴛鴦基本上冇伏嘅，係等咗比較耐。整體冇伏，會有下次😅

餐廳位於尖沙咀樂道，食飯時間過黎人非常多，揀下揀下已經去到下午茶時間，下午茶既餐牌都很多選擇，如炒粉，麵，飯，三文治，熱狗，西多士都有；而我就選擇左食焗飯，椰香焗葡國雞扒飯。向落單時都問一問焗飯系咪炒飯底，侍應話系我就即落單了因為若果焗飯系用白飯既話就唔好食。個飯熱辣辣滾住上比你，侍應都提醒你小心熱唔好掂個盤個炒飯底真系冇令我失望，非常乾身，椰香味十足，雞扒切件上食起來非常方便，但略有‘蘇’味。還配有薯角做配菜，份量好多。原來下午茶餐送紅豆冰系唔洗錢架，系見隔離枱飲緊先發現餐牌有寫，仲要大大杯架整體味道都可以份量非常多，樓面同收銀都算有禮貌

星期日中午吃飯時間，接近一點入座，坐下坐下就慢慢多人。想簡單快吃，叫左一個是日午餐-椰汁雞加吉列蝦焗意粉，味道正常，說不上好食嘅，得一條吉列蝦，不過問題係放左係汁裏面而非上面，所以搞到完全淋唒⋯⋯碟意粉入面仲有炸薯角，一樣浸在汁入面所以係淋既。雞就冇咩味，有少少乾，不過都接受到既。午餐有湯同飲品，叫左羅宋湯，幾好飲。飲品熱咖啡正常。友人叫左豬潤茄汁通粉，豬潤份量比得有點兒少，不過最大問題係個通粉整得超級淋，吾啱我地口味，反而個厚多士幾正，夠厚夠鬆軟！質素預左普通，畢竟價錢非貴，過得去啦

一月十日-朝早10點55去到食早餐一個人食早餐我要食菠蘿油指住個餐牌問佢珍寶菠蘿包餐係包定油點完餐11:10第一次開聲催旁邊枱遲過我黎既上埋菜食完我個餐都未上但我身邊已經行過幾次Waiter將菠蘿包俾其他枱既客人已經唔耐煩但途中已經聽到職員有幫我催好 唔緊要到11:17分我個餐先上上到黎係個菠蘿包冇牛油既時冇晒胃口19分起身走人有俾錢係因為飲左兩啖奶茶唔想煩 都係43蚊我一個月幫襯次數唔係多同朋友一齊黎10次8次總有故勿論出品質素好唔好落單有問題漏單唔識變通要個客嬲到唔食起身走人

今早要去尖沙咀一帶做嘢，見未食早餐就去搵間茶記去醫吓肚，見到間”九龍餐室”就入去試吓。初初睇以為電影”九龍冰室”上午差唔多10點，餐廳內都有好多人幫襯。餐廳內環境整潔乾淨。早餐有8款可以選擇，都係大路嘢。1. 早餐D，招牌沙嗲牛麵配火腿奄列、出爐迷你餐包連凍飲品($42)。沙嗲牛麵落order 後一分鐘唔夠就上枱，湯底本身無味，好彩有沙嗲牛汁搭救，而個麵過了2分鐘左右就淋晒(只係影幾張相)牛肉就不過不失。火腿奄列就一般，無特別，好彩多士喺厚身同脆。凍檸茶茶底有茶香味，但檸檬得薄薄3片，令到檸檬味唔夠。整體來講，食物水準不過不失，無乜特別。

和友人行街晚了，隨便搵間茶餐廳食宵夜，就食九龍餐室。食物：宵夜餐札肉雞絲湯河粉札肉雞絲幾好食，清清地，配菜有芽菜和生菜，河粉幾滑，份量可以 不算太大碗，適合唔想食太飽的人。個人覺得加啲辣油可能再好食啲 平時這間凍檸茶好飲，但今日茶味淡了😐友人吃咸魚叉燒粒炒飯餐，有忌廉白湯和凍檸茶。忌廉白湯比想像中好飲，有菇和粟米，沒有溝稀和淡，足料推介！叉燒雞粒炒飯，飯粒分明，不會很油膩，雞粒叉燒好食😋不會太鹹，整體質素不錯，宵夜飯中等份量。整體而言，茶記來說質素ok會再吃。

呢度嘅早餐午餐都好食，waiter waitress 都好有效率，出餐一般都算正常唔會等好耐。第三波疫情前，堂食都有9折埋單，但係好可惜，政府於8月尾在第三波恢復上班後就冇咗9折埋單。見到明顯少咗人幫襯，以前食開附近抵啲嘅食客都冇再去。當然，我都係其中之一。自從冇咗堂食埋單9折，我其他同事都冇再幫襯了。因為呢度價位始終比較高。附近又咁又選擇嘅就會返去食開嘅餐廳。希望九龍繼續做9折啦！一定繼續支付去食👍🏻（不過唔好好似午餐咁，加高價錢先嚟打折扣啦）

疫情下的尖沙咀對香港人黎講，各有不同感覺，對我黎講，路好行左，空氣好左，餐廳易搵位左，食嘢食得舒適左...平時行開呢條街，絕對唔會想食嘢，因為覺得呢條街既客路唔係本地人，咁入都廢事入，今日就)人-⁹ 冒險一試，誰不知...點了典型早餐，...沙爹牛肉公仔麵~沙爹味濃郁炒蛋~驚喜蛋味濃郁，蛋味係口中化不開，香到一個點午餐肉~普通普通奶茶~夠香夠濃墨西哥奶皇包~wowo, 有驚喜，夠香有咸香味，必試。。。

尖沙咀餐廳林立，但不少是高級餐廳收費高昂。樂道以茶餐廳為岀名，在尖沙咀區算是較多平民的食堂。這次就嘗試在其他區都有的九龍餐室。一貫的茶餐廳作風，正餐餐飲餐湯，預設的午市餐牌最得到繁忙香港人的歡心，皆因快靚正！五分鐘內試餐飲餐湯，十分鐘就有有正餐，有很多不同選擇。價錢公道，味道好！恰巧身旁有外籍食客，唯獨沒有英文翻譯午市餐牌和不太懂英語的員工，使外籍客有點尷尬，其他都十分出色！