九龍餐室

营业中

休息中

今早要去尖沙咀一带做嘢，见未食早餐就去揾间茶记去医吓肚，见到间”九龙餐室”就入去试吓。初初睇以为电影”九龙冰室”上午差唔多10点，餐厅内都有好多人帮衬。餐厅内环境整洁干净。早餐有8款可以选择，都系大路嘢。1. 早餐D，招牌沙嗲牛面配火腿奄列、出炉迷你餐包连冻饮品($42)。沙嗲牛面落order 后一分钟唔够就上枱，汤底本身无味，好彩有沙嗲牛汁搭救，而个面过了2分钟左右就淋晒(只系影几张相)牛肉就不过不失。火腿奄列就一般，无特别，好彩多士喺厚身同脆。冻柠茶茶底有茶香味，但柠檬得薄薄3片，令到柠檬味唔够。整体来讲，食物水准不过不失，无乜特别。