影片
营业时间
今日营业
06:30 - 00:00
星期一至日
06:30 - 00:00
以上资料只供参考，请与餐厅确认详情
食家推介
這間餐廳真是可一不可再星期日滿心歡喜 與男友共享早餐一進入門口前方有四至五人等待入坐然後到我們入坐時男友俾一個耳仔旁邊有紋身嘅男人撞咗一下 但是那位員工仲要覺得我哋阻住佢送餐之後叫咗一個早餐D公仔麵好似未煮熟超級硬午餐肉凍冰冰到付款的時候因為八達通出現問題未能即時付款職員態度極之惡劣不停反白眼 及發出唾棄嘅聲音（摺摺聲）食完個早餐破壞咗一日美好嘅心情這間餐廳真是一生人來一次就好了或者不要來吃吧以免影響心情
继续阅读
🐷📌 #豬西食港島 #豬西食銅鑼灣 #豬西食灣仔.今日小編又要寫差評啦… 平時啲嘢其實只要正正常常 小編都費事專登寫啲乜嘢🙂↕️ 但係今日又食到啲好x難食嘅野🙂↕️今日繁忙時段 小編就同老母喺銅鑼灣做完啲野想搵啲野食下 又諗唔到食咩 心諗食茶記應該點都抵啲 😂 就見到附近有間茶記是但入咗去 見到咁多人應該食物質素同味道都唔差？（以為） 點知伏到喊🙂↕️😂😂首先入到去 裏面非常之繁忙 店員安排我哋坐卡位 （岩岩執好的）（多人時間明白的） 開頭都覺得冇問題 點知坐落去嗰下見到原來張「沙發」勁污糟 仲有條用過嘅牙籤喺上面😂 ok fine 時間太緊迫 店員都冇時間執得咁乾淨 加上唔知邊個人食完嘢咁好 將啲牙籤擺落去張梳化度🤣 算了 點知坐耐咗之後 加上食嘢嘅時候 越坐越覺得唔舒服 原來係有啲蚊蟲 周圍飛嚟飛去 食完野隻腳都紅左啲 唔知係俾嘢咬定點🙂↕️🙂↕️ 仲有就係啲碗碗碟碟全部都黐立立🙂↕️ 懷疑冇洗乾淨 尤其是嗰碟飯嗰個碟 好似上面好多漬咁 環境就真係有待改進啦🙂↕️ 再講吓啲食物..小編老母就叫咗個 類似午市套餐 北菇花膠燒腩仔蒸排骨伴豆卜粉絲 跟住揀咗老火湯同埋要咗杯熱檸茶花膠嘅份量少到懷疑人生（不過都明白嘅呢個價錢點會食到咁多花膠） 但係啲燒腩仔嘅份量亦都嚇死人 得一嚿咁多😂😂 呢個真係過分咗喎😅然後啲蒸排骨係冇味嘅 甚至啲肉質係好似霉霉地🙂↕️🙂↕️ 我都知道周圍嘅餐廳都係用雪藏嘅肉（唔通比新鮮你咩？）但係佢雪藏嘅程度有啲過分😂 真係有啲食唔落口跟住就係個檸檬茶偏澀 小編覺得真係比平時飲開嘅澀啲😂 不過未至於好大問題跟住小編就叫左個常餐A 沙嗲牛肉通粉同埋火腿奄列牛油多士🙂↕️呢度所有嘢都正正常常😂個沙嗲牛肉通粉都正正常常嘅…普普通通茶餐廳質素咁囉🙂↕️ 不過沙嗲味唔算好濃 得個咸字🤣火腿奄列唔錯 牛油多士普普通通真心呢間茶餐廳捱到咁耐 小編嚴重懷疑純粹係因為附近好多打工仔 個個晏晝唔知食乜先走入去 我唔知其他分店係咪咁 但係佢呢間分店真搞唔掂 真心連啲座位都唔乾淨 坐落去周身唔聚財 坐咗落去又唔好意思走人😂食物價錢嚟講普普通通啦 個午市套餐要$65 如果係好食 或者正正常常嘅話呢個價錢都合理 但係好抱歉 小編覺得一啲都唔好食🤣呢個價錢對小編嚟講即刻好似獅子開大口咁😂😂😂 .九龍餐室📍灣仔軒尼詩道396-416號德興大廈地下7-8號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #灣仔 #灣仔劣食 #銅鑼灣劣食 #銅鑼灣
继续阅读
收工後好經常去九龍餐室買菠蘿油食。今次都買菠蘿包，俾咗五十蚊，找一張破損十蚊畀我，嗰陣都未留意，照落銀包行街，去街口買栗子俾阿姊提醒，先知找咗一張破損十蚊港紙...所以搵返轉頭，轉咗第二位同事，唔認，唔收，嗌我去銀行換。如果一開始唔收，點會有破損紙幣？知道破損紙幣要去銀行換，又找番俾人？所以係無follow up，冇道歉，咩都冇。呢間唔會再去。冇人想收到咁樣嘅錢嘅，我唔該你下次見到冇找番俾其他客。十蚊好小事，服務太流。
继续阅读
灣仔午飯時間處處也多人！見到光線充足九龍餐室！又未幫襯過呢間分店！一於去試試！是日午餐有六款選擇，見到有XO醬蝦球豬扒炒出前一丁，就叫呢個！值得一讚是，差唔多坐滿人！侍應上湯同飲食速度很快！白湯(忌廉湯有粟米及磨菇粒，具咬口！到主菜到！味道唔差！豬扒份量也足，只係2隻蝦味道較淡！最後，餐飲凍檸茶，檸檬份量也多，四件厚切，爽快！
继续阅读
My friend was looking for something local but quick. Passing by this cha chaan ting, we immediately went in even it was pretty packed.Menu served variety options. No matter heavy stir fry dishes, rice, bakeries or light meals, you could find all the local goodnesses here. We ordered their tomato soup meal. Mine was slice beef macaroni in tomato soup set. I asked for two sunny side eggs and toast without butter.It was in an unexpectedly big portion. Generous amount of slice beef. Soft and in good size. None of them were chewy. Tomato soup base was freshly made by tomatoes instead of in paste. Fresh and with loaded tomato pulp and chunks. I pretty like it. Love the explosion soup of macaroni in every bite. Macaroni was cooked just right. Al dante. Eggs were cooked perfectly by keeping the runny yolk. Nice that it wasn't oily. Toast was light and served in half. Efficient meal despite in touristy price. Not bad.
继续阅读