二悅

营业中

休息中

穿梭元朗不同橫街小巷， 總有驚喜發現，今日發現一間在後巷的小麵店，裝修雅緻，只有十幾個座位，食物誠意十足，我叫了一份紅燒牛肉麵和桂圓冬瓜茶，店員會細心同你講解，先食麵後飲湯，再用湯汁整湯麵，麵質爽彈湯汁濃郁，牛肉和牛肚炆得很入味，百分百真材實料，猶如置身台灣食拉麵，難怪外面總有一條排隊長龍。 細心留意，當每一台客人離開，店員會馬上收拾，在枱上噴上消毒液，才抹枱 收拾完畢，馬上用酒精清潔雙手後，才為其他客人送上食物。疫情流行，這樣殷勤清潔，每一個小節都做足，用心經營的小店，一定要多多支持 💪💪💪

今次食元朗一間好用心既小店，間舖頭位置係小巷中間，一開頭跟住google map搵間舖時都差啲蕩失咗路，行多左條街。店舖睇落唔大，坐到3至4枱左右既客人。晏晝2點去到，好彩咁岩有枱客人食完，唔洗等好耐就有得食啦。我同友人分別叫左一個兩食既牛肉麵同乾撈麵。首先講下個湯先，好重牛骨味，老闆娘叫我地飲一啖湯食一啖麵先再決定加唔加啲湯落碗麵度。然後到啲牛肉，因為係半筋半肚（牛肚），我覺得個牛肚就比較難咬，不過反而牛筋係入口即溶。正呀！

次次假期經過都勁多人終於等到平日有機會嚟試🥰當然要試一試佢嘅招牌牛腱麪湯底有兩款選擇：紅燒同牛骨濃湯🧐由於怕太濃味，所以最後揀咗牛骨濃湯一上台，成個賣相勁吸引💛店員教先分開食撈麪同飲湯，最後可以加湯落麪一齊食😝牛骨湯熱辣辣，雖然話比較淡，但都好濃味！而撈麪嘅麪質適中，唔會過腍過硬，同埋撈麪嘅麪汁好濃，拌勻食好正😍而牛腱就筋肉分明，加上佢嘅肉經過長時間炆煮，入味軟腍，的確好食👍🏼👍🏼👍🏼最後加湯入撈麪做湯麪，又係另一種味道。咁高質都只係70幾蚊，CP值勁高！☺️

今次試一間好鍾意食嘅台灣菜🥰舖頭只有幾個位所以大家想食又唔想等咁耐，就早啲去啦😎😎手工肉燥乾拌麵定食 $62每個定食有得選擇兩個餸菜，各六款選擇。分別揀咗牛腱、牛肚、炸雞翼及台灣腸☺️☺️平時食台灣麵都鐘意食刀削麵嘅麵質多啲，好小試今次食到幼身嘅台灣麵，麵質軟硬適中而且有一定口感，配上蔥花、肉燥及滷肉汁，清新得嚟又有少少滷肉香味👍🏼👍🏼佢附有碗牛骨湯🤣🤣所以最後兩個嘅做法都唔同🤣🤣但兩個人都覺得個牛骨湯超級正，飲落去會有淡淡嘅牛骨香味，好明顯要花時間去熬製呢一個湯出嚟，就算點麵定係直接飲都係非常好味😋最後，介紹吓啲餸菜先！牛肚煮到好淋身，而且唔會有牛騷味，口感及味道唔錯👍🏼牛腱都係非常淋身，但因為叫定食關係，感覺上好似餸頭餸尾嘅感覺，視覺有少少影響味覺，所以感覺一般，但口感同埋味道都唔差。台灣腸真係好耐冇食過，佢嘅油香同埋香腸嘅肥肉比例非常適中，唔會淡淡咬落去都好肥，而且煎得好香，推介大家可以試吓👍🏼👍🏼炸雞翼係我哋比較意外嘅一款餸，唔係炸到好似炸雞嘅感覺，屬於半煎炸，鎖到雞翼嘅肉汁而且keep到個溫度，所以食落非常好味😋

小店身處在小巷，如果唔熟元朗可能比較難搵，認住學校隔離就會比較容易搵舖頭好細，加上疫情下只可以五成入座，即是只有7個位，如果唔想等咁耐就建議早少少到食第一輪呀二悅牛骨濃湯牛肉麵$70二悅紅燒牛肉麵 $70叫左兩款二悅牛肉麵，兩款都係二食，即係拌麵另外仲有個湯可以變湯麵建議可以先飲一啖湯，真係不得了，牛骨湯白雪雪香濃有驚喜，紅燒湯就相對普通一點，都好夠牛味拌麵就咁食已經好滋味，我鍾意個湯同拌麵分開食多啲個麵有厚切牛腱同牛肚各兩大件，牛腱口感啱啱好唔會太淋或太硬，滷得好入味翻兜指數：3.5/5 (如果唔係要排咁耐我會俾4）📍 二悅 (元朗)元朗合益路9-15號紀業樓地下G號舖

-{黃店💛元朗台灣麵小店🍜}約左朋友係元朗食個牛肉麵做晚餐😋🤤手工肉燥乾拌麵定食🤤 ($64)幼麵麵質 肉燥算係半肥瘦再加啲菇粒撈小小滷水汁好香口😍啲麵量算多 旁邊配上牛骨湯一碗 覺得太濃嘅時侯又可以飲兩啖口味清淡啲😂另外小香腸同花枝丸就正常 個丸食倒有啲蜜糖味🤓👖褲評: 7.8/10🤤牛骨濃湯牛腱麵🤤 ($60)麵質同上 個湯都係牛骨湯啱啲較淡口味嘅人😌而牛腱有3塊份量偏少但味道唔錯 夠淋身同有牛香 不過有件尾部嘅就難咬啲 同個麵食到最後味道太單一👀👖褲評: 7.3/10小店唔多位 7點排隊大概等左20分鐘先入座🧐飲品推介龍眼冬瓜茶！性價比: 8/10服務: 7.8/10環境: 7.8/10🚩二悅🚩地址: 元朗合益路9-15號紀業樓地下G號舖

好開心又搵到另一間5⭐️餐廳啦。早兩日我地係  去左一間食台灣牛肉麵既小店，成間餐廳只得4-5張台，位於內街， 係真正既隱世小店。店內佈置係走簡約cafe 路線，環境太細我就唔方便影相啦。最近天氣轉涼，我地想食熱野，叫左2款湯麵🍜湯同麵係另上。店員叫我地食麵，再飲湯，最後先倒湯水係麵到。可以一味三食，又幾好玩bor～📍二悅紅燒牛肉麵 $7️⃣0️⃣先講麵底，應該係我食過最好食既麵條。每一條幼麵既麵條分明，而且有陣甜既醬油味，難怪店員叫我地先食淨麵。拌麵同湯麵都係同一款面，唔落湯其實係拌麵。欣賞佢既湯同麵另上，可以乾濕兩食，食得出佢既用心💛牛肉麵包括牛腱同牛肚各2塊，牛腱大大份得黎無筋，中間既骨膠原好軟淋，正👍牛肚都係大大塊，雖然無筋，但始終容易梗親，剪細塊d更好～紅燒湯底飲落去夠香濃，據稱無加味精，難怪飲落唔口渴，而且佢無咩油😋📍二悅牛骨濃湯牛肉麵$ 7️⃣0️⃣麵&配料同紅燒麵一樣，湯頭係奶白色，但一d奶味都無，湯底好有牛骨味，有啲似韓國既牛骨湯，味道清淡啲，個人偏好前者😎另外叫左個花枝丸，呢個相對地普通d，食完無咩記憶點😅

呢間係同事極力推薦但我真係唔鍾意排隊😅所以特登搵一日平日下午去食完就明點解d 人願意排咁耐都去食🤤.😋 二悅紅燒牛肉麵 同一般紅燒牛肉湯好唔同湯底飲落好順口 充滿濃濃🍅既味道 完全唔肥膩 係可以一口接一口咁飲🍲😋 二悅牛骨濃湯牛肉麵 牛骨湯反而🐮味比紅燒湯突出 雖然淡味d 但飲得出無味精同清甜既感覺我個人幾鍾意😍兩款麵食都有牛鍵及牛肚 一碗麵有三食 店員姐姐好細心講解食法🥰牛肉麵既湯會用鐵壺🧉另上 1.建議先飲啖湯2.麵可以直接當乾拌麵食3.將🐮湯倒入變湯麵乾拌麵既麵質同調味都控制得剛好見到佢地既製作過程都覺得好用心🤩配料一d 都唔吝嗇牛鍵係厚切但好入味好淋 牛肚爽彈友人都對牛鍵讚不絕口已bookmark下次要試埋肉燥乾拌麵😍

第一次嚟到元朗出名嘅台灣牛肉麵小店-二悅，星期六中午1:00嚟到，門口已經有八個人喺度等緊位，店舖裏面大概有10個位左右，我哋一行兩個人大概等咗半個鐘左右就有枱啦。今次叫咗二悦紅燒牛肉麵，賣相比坊間嘅台灣牛肉麵有所不同，裏面包含紅燒牛肉湯底，以及一碗蔥油拌麵配半筋半肉嘅牛肉同埋牛肚。首先飲左一啖湯底，清甜而且充滿牛肉香味，感覺應該冇味精，好味！半筋半肉嘅牛肉，炆得好入味同埋口感鬆軟，蔥油拌麵亦都好香同埋面質適中。小食叫咗炸雞翼，香脆入味，又唔會過鹹，值得推介！

小店位於背街，店內只有十幾個位，除左一張4人檯，其他都係2人檯，平時好多人排隊等位。周末趁啱啱開店過來，好好彩仲有最後一張檯。午市套餐幾抵，仲有好多小食可以選擇。二悅紅燒牛腱麵 （$77）店員問係咪第一次來，然後介紹呢款麵嘅食法。先食拌麵，再用湯碗盛湯飲，然後將壺裡面剩餘嘅湯倒入麵中一齊食，好講究。麵條較硬有咬口，有好香嘅蔥油味，牛肉好淋，筋肉分佈平均。湯就咁飲都有好濃郁嘅牛味。將湯倒入麵中，又可以沖淡蔥油嘅油膩感。以店員介紹嘅呢種次序食真係唔錯。手工肉燥乾拌麵定食 （$64）肉臊肥瘦適中，麵底同紅燒牛腱麵差不多。牛骨濃湯味道比較清甜。叫埋香腸同花枝丸兩款小食。花枝丸入面係有魷魚粒的，好有嚼頭。手工肉燥豆腐（$27）使用台式滷味果種較硬嘅豆腐，外層煎過，微脆，好好食。手工肉燥燙青菜（$24）係菜心，非常少油，同台灣燙青菜做法一樣。洛神花蜜（$18）、菊花薑蜜（$18）洛神花蜜（左）較甜，菊花薑蜜味道比較清新。

上網看到這間民間美食，順便到YOHO MALL購物，幸好無需等位就可以入坐。位置：元朗B出口，路程十分鐘，不過有點難找，因為店舖位於內巷，旁邊是一間學校。環境：門口有一把大太陽傘和木櫈，讓客人可以在此等位，很貼心。店內以白色為主調，推開白色框架造的玻璃門，可見內部環境較狹窄，約有10個座位，呈L字形分佈，牆上掛有相架和天花掛上白色花燈作裝飾，簡潔大方。服務：職員先問我是否第一次來，之後介紹麵的食法，建議先食拌麵，之後用湯碗試湯底的味道，最後按自己口味加湯變湯麵。午市：二悅紅燒牛肉麵$77+菠蘿青檸蜜$18木盤上有茶壺，裝有牛骨湯，一大碗麵和三塊厚切的牛腱，灑有碎蔥和一塊紅蘿蔔。另外有一小碟碎酸菜和一個小湯碗。第一次點一個餐竟然有兩種食法：拌麵同湯麵，實在很有趣。湯底的顏色呈深啡色，有一股濃郁的牛香味，喝起來是清甜； 牛腱屬半筋半肉，肉質非常軟霖，甚至有少許黏口的口感。而麵底下有蔥油，再拌一拌，是很香的味道，我覺得只是吃蔥油伴麵，就已經很夠味道，反而濃湯會蓋過蔥油香，所以兩種食法，不能合二唯一。我就喜歡喝湯，一邊吃蔥油伴麵。這一餐很滿足，而且從用餐和食材看出店主的心思，值得捧場。

於位元朗國既💛店✨食物擺放精美 味道都十分不錯😋-✨手工肉燥乾拌麵定食 ($62)包乾拌麵、前菜、牛湯、同小食2款-❕肉燥乾拌麵：有少少汁 吾會太乾身 肉燥份量亦好多 仲有少少香菇 食落好香 亦吾會滯🍲-❕小食簡左台灣腸同牛肚 台灣腸好香 吾會硬亦吾會太淋😋至於牛肚方面 食吾停口 味道好特別 講吾岀係咩味🤣🤣總之係好食既味💛餐廳比較細 晚市6點開始 要食趁早去排隊🧘🏻環境乾淨又坐得舒服 一啲都吾會逼夾 有機會會再去食多次！☺️

▫️ 台式牛肉麵喺香港好受歡迎，陸續都開左唔少好食嘅鋪頭，而依間「二悅」，就開左喺元朗合益路嘅巷仔啦。▫️ 身為牛肉麵maniac嘅我，雖然距離元朗好遠，不過平日有假，都會專登入去搵啲平時要排隊嘅鋪頭。▫️（其實之前都黎左次，不過撞正星期一休息😂證明做好research嘅重要性 ）▫️ 準時六點到，鋪頭啱啱開始晚市營業。我哋成為第一枱客人~▫️ 其實睇圖片已經見到乾麵同湯麵都係同一種麵，雖然擺盤好靚，不過心入邊都有少少擔心麵同湯夾唔夾▫️▫️ 二悅紅燒牛肉麵一上枱，已經俾兩大塊牛肚吸引，擺盤精緻🤤▫️ 至於食法，大家應該都了解過佢係乾濕分離：先食拌麵，飲湯（貼心咁有個碗仔裝湯），再倒湯。 ❗️湯壺好熱㗎，要小心啲。▫️ 可以話湯頭唔錯但味道較保守。牛肚口感厚實彈牙！牛展就不過不失啦。▫️ 未加湯之前，麵質適中，煙韌且咬落齒間係留有麵香。可惜加湯之後明顯同湯唔係一體，本身嘅特色俾湯沖淡同溝埋左，但麵又掛唔起單飲唔錯嘅湯汁⋯⋯▫️ 相比起拌麵，加湯後嘅牛肉麵真係失色不少，又或者利用佢附上用於飲湯嘅碗，將麵同湯分開享用，試下湯麵嘅味道係點樣先🤔▫️ ▫️ 附上乾拌麵嘅圖片~ 總結，其實二悅嘅拌

元朗出名的牛肉麵小店，據聞湯底每日用新鮮熬製而成。由於鋪頭位置係細行，搵路都花左少少時間。店面空間吾大，好彩咁岩吾洗等位就可以入坐。*二悅紅燒牛肉麵 $68配前菜、自選小食兩款:牛展同牛肚店鋪招牌麵，提供乾濕兩種食法，最欣賞係湯另上，放在壺裹面即使依到最後都可以保持到溫度。店員推薦可以先飲啖湯，試口撈麵，然後隨個人喜好加湯。蔥油伴麵食法味道偏淡，倒入香濃湯底反應味道好好多。牛腱炆得好腍、牛肚口感好爽，兩者都滷得好入味。*手工肉燥乾伴麵定食 $62配前菜、牛骨湯、自選小食兩款: 炸花枝丸、台式香腸本人少食伴麵原因吾鐘意麵質太乾身，但呢款既滷肉汁又多又香，仲帶有少少甜味，肉燥肥瘦均勻，整體好有驚喜。牛骨湯味道好清甜，麵質軟硬適中，食落仲有少少煙韌。小食相對就普普通通。

元朗真係好多好野食😍今次去出哂名ge二悅排隊食台灣麵🍜其實都算等得耐😵因為疫情關係成間舖頭坐得7個人🥲小編都等到忍唔住要食串燒賣先繼續堅持到😅不過佢真係值得等待ge！因為真係用心製作🥰小編非常欣賞手工肉燥乾拌麵定食（牛骨濃湯）小食：牛肚、台灣腸二悅紅燒牛腱麵兩個set都真係無得彈呀😍小編真係食到舔舔脷😋無論係乾拌麵顛定係湯麵都好出色👍🏻牛腱好淋好香牛肉味又唔會蘇☺️紅燒湯底真係好香濃😃爭D想飲哂成個湯🤪牛肚同台灣腸都好正🥴配埋個拌麵真係一絕！