二撇雞

营业中

休息中

二撇雞的黃酒藥膳雞米線，真係一個唔可以錯過！一行入店，已經被香氣撲鼻的雞湯吸引。湯底用上香醇的黃酒，配合多種中藥材，味道濃郁，簡直係滋補又暖身。米線係偏幼身嗰種，好滑溜彈牙，吸收了湯汁的精華，每一口都好正😋雞肉方面，係鮮嫩的雞肉，煮到剛剛好，口感軟滑，咬下去多汁。店家還特別加入了紅棗、杞子、蟲草花，不單止色彩繽紛，還增添了清新的口感，平衡了整體的味道。我特別鍾意那碗藥膳湯，喝一口就感覺整個身體都被暖和包圍，真係好舒服！即使天氣再凍，食完都會令你心情大好。二撇雞的黃酒藥膳雞米線，無論是滋味還是健康，真係讓人一試成主顧！下次一定要再來！🤍

一直唔明點解排長龍花膠雞濃湯米線首先碟雞勁多骨，得面頭幾舊係有肉，肉質普通唔係嫩。到個米線係幼身嘅，但食落好硬好似煮得唔夠耐咁，口感好怪。花膠食落有浸真膠味又係怪怪地。係個湯好飲夠濃味。💰HKD$69

朋友推薦工廈區放Lunch呢間餐廳一定排滿人🌤️今日趁住早收嚟食😅果然人龍好長😨位置雖然多但係坐得比較迫要兩人坐一邊🥹識得比較趕之餘除咗湯底之外冇咩特別😟 整體感覺一般如果要排長龍未必需要食🌚⭐️ 黃酒藥膳雞米線 🥂呢個係其中一個招牌🤪飲落去酒味唔算太濃但係好香藥材味🌿好在飲落唔會太過鹹同埋唔會太過燥熱嘅感覺🔥但係雞件就比較失色🤨 可能雪藏的關係無咩肉味同埋口感一般⭐️ 胡椒濃湯雞米線 🍲胡椒味點到即止唔會太過重口味🌶️整體湯底都好清澈🤍

身為米線愛好者，當然唔可以錯過二撇雞呢間近排好HIT米線店啦！主打冇味精雞湯底，仲要價錢唔貴，每逢中午、晚飯時段一定大排長籠！🍜吊你瘾小鍋米線 $66★★★★☆超級豐盛咩餸都有啲，有巨多雞肉、蟹柳、魚腐、冬菇，但米線冇減少，女仔食真係未必食得哂。欣賞佢地米線雖然幼身但做到好滑溜有咬口。雲吞大大粒，皮薄但入面好多蝦，好爽脆彈牙，好食！湯底係酸辣，但偏向甜味，辣味同酸味唔算太特出。🍜花膠雞米線 $69★★★★☆雞件大大件足份量，做到唔鞋，有雞味！湯底好奶白，應該同加左腐竹有關係。飲落唔似有味精，都幾天然。但唔算超級有驚喜。🍜香炸腐皮魚角 $24★★★★★價錢抵，份量多，即炸熱辣辣，腐皮炸到好薄脆香口，絕對唔油膩，加埋魚肉幾爽滑，好食！🌟總括：好多呢啲養生米線都接近一百蚊，呢間足料，價錢抵食！下次要試埋佢招牌黃酒煮雞

基本上係同事們飯堂，每次嚟到都起碼要排15至20分鐘以上，但每一次大家都一定會照排、照食，基本上每個禮拜都起碼食一次。所有米線類別都好好食，呢個份量、呢個味道、呢個價錢簡直係超值！雲吞扎肉濃湯米線米線軟硬適中，唔會煮過龍太淋有咬口濃味嘅扎肉片最最最最正嘅係佢啲雲吞大大粒！粒粒都有兩隻蝦喺入邊，啲雲吞肉又係醃得好好食，皮薄餡巨多，食兩粒已經飽了，但每次依然會係碗碗清(習慣叫少米，先唔會頂住個肚走)雖然呢間主打花膠雞，但我個人覺得雲吞先係必食！有同事經常會叫花膠雞+2粒雲吞，大家都可以參考吓。(不過份量一定好多了)食過黃酒藥膳雞米線個人覺得香氣上係好濃酒味，但食落唔太覺，食落覺得純粹係一鍋有雞嘅米線，話雖如此，但都係好味，啲雞唔肥，肉質好嫩滑，所以食到尾段啲湯都唔會好肥膩！不過我覺得未至於驚艷到排20分鐘都一定要食，因為20分鐘嘅時間成本真係太高~ 反而紅磡有一間花膠雞米線仲正不過純粹個人意見！俾大家參考利申同事們10個有9個每次嚟都係叫黃酒藥膳雞米線~

依間排隊有價值👍估唔到小店都用電子落單👍繁忙時段非常好Nice☺️落咗😌小鍋米線內有多種味道👍甜酸苦辣喺晒度🥰埋單$6x元💰平價美食🎉🎉抵讚🎉正

鮮茄湯米線非常好味👍🏻上枱滾熱的湯底，酸酸甜甜真係好正，有啲家嘅感覺，肥牛唔係普通cheap嘢，份量亦都好足夠，平時我好少食食評都覺得值得為佢寫番個正評！另外仲叫左炸魚角，炸到恰到好處，推介大家試下

<吊你癮小鍋米線🌶️> 💲66係酸辣雞肉雲吞米線 超多料 湯底真係好濃郁🥹又酸又辣，超好吃！一口雲吞嘅肉汁好鮮美 食完真係超過癮🤤<花膠雞濃湯米線 🐔> 💲69雞肉份量真係唔少 濃厚嘅雞湯，食完都唔會覺得口渴 花膠增加咗湯嘅香味同口感，令到呢碗米線變得好豐富🥰<失傳已久嘅豬扒 🍖> 💲28呢份豬扒真係超級鬆化 份量又大又實在，每一口都飽滿都好滿足🤤真係啖啖肉 食得好過癮！好開心可以食到咁好味嘅豬扒👍

星期五夜晚七點去排隊排咗15分鐘到就可以入座因為座位都多 同埋食既野都比較簡單啲人食完就走所以15分鐘係俾我想像中排得快🔹🔸🔹🔸🔹🔸🔹🔸🔹🔸🔹🔸🔹🔸嗌左個花膠雞濃湯米粉 + 無糖黑豆漿因為我平時都麻麻哋食米線所以嗌咗個米粉🔺米粉好淋身 係我鍾意既🔺花膠正正常常 冇咩特別🔺雞件 份量味道都係正正常常 冇咩特別🔺最滿意係個湯 真係冇味精 但係又煲得好濃味 飲左好多湯👍🏻🔺無糖黑豆漿 都係可預計到嘅味 冇咩特別總結：我覺得值得一試 但係未去到真係好好味 好味道要排隊

嗰日咁啱諗唔到食咩，記得之前有bookmark呢間所以去試吓 去到門口排隊等咗10分鐘左右就有位叫咗口水雞米線 ，藥膳雞米線同埋炸豬扒個口水雞就好普通 ，真係唔洗試 藥膳雞米線個湯幾好味，仲要冇諗過會有咁多計件，大大碗算幾抵食 👍🏻 失傳已久的豬扒🐷 $28 係大大塊 鬆軟 但味道唔算特別好味 不過呢個價錢都可以試一次 嗰日坐近門口位，叫咗杯凍飲但好少冰，可能天氣太熱 啲冰好快就溶晒唔夠凍 平時想食米線都有機會會再幫襯多次 ！

難得lunch time 有少少metime，我即刻去駱駝漆打算早d 食完即刻行街。上到黎見到有條長隊，就諗，好啦就試下呢間啦！我叫左個沙姜雞米線，個米線其實唔錯，湯底都似足藥膳湯底，但個沙姜雞一般。唔係話佢難食，因為個雞d 質感其實唔錯，但d 汁有少少似就咁最後淋上去咁，同埋d 味唔係好似我以前食開d 沙姜雞汁，似少少偏向類似麻醬。但其實ok geh，不過我下次黎可能會試其他野。另外我叫左杯凍檸茶解渴，因為係出面實在等得太熱😂

平日Lunch Hour去到都會排長龍，1點左右上到去，眼看都差不多有20人在門外排隊等位，不過佢有2個舖位，所以人流都會去得比較快，大概15分鐘就可以入坐~我每一次嚟都系食重慶口水雞米線，唔系因為其他唔好食***我跟本就無試過其他***，而系呢個配搭真系好夾，另我每一次都比佢吸引，嚟到就想食番佢~個口水雞比較重口味，而個米線就比較無錦濃味，完美Balance~ 啲雞唔會有雪味，食落去覺得食材新鮮，個米線既湯又足料，有啲枸杞系面，跟湯重有木耳同勁多既腐竹~ 除左足料之外，個湯底食唔出有味精，食落感覺健康啲，但又唔會唔夠味~而價錢都中規中矩，以食材用料來說，個人覺得都幾有性價比~總結~ 觀塘人唔可以未試過~

平日就唔食米線既, 同事又話要試呢間主打養顏健康. 無味精,未入門口已經見到餐牌1.生滾花膠雲吞雞$882花膠雞濃湯米線$693.黄酒藥膳雞米線$594.胡椒濃湯雞米線$595.招牌海南雞飯$576.失傳已久的豬扒$28花膠雞濃湯米線濃郁的湯汁+ 花膠雞 無得輸$69 就食到甘濃郁花膠雞濃湯 係估唔到既. 加埋米線, 係回味無窮. 絕對值得一試的美食胡椒濃湯雞米線雞肉嫩滑多汁, 湯汁帶有濃厚的胡椒香氣，令人胃口大開。風味搭配好失傳已久的豬扒豬扒外脆內嫩，煎得恰到好處, 不會過於油膩. 保留了豬肉本身的原汁原味。#pro之美食 #pro之推介

二撇雞光顧了好多次，亦都試過以下菜式 。花膠雞，黃酒藥膳雞同埋胡椒濃湯雞都係穩陣之選，絕對唔會令你失望 。黃酒藥膳雞同胡椒濃湯雞佢哋啲雞已經放喺湯裏面。不過花膠雞濃湯啲雞係另外分碟上 。放湯嘅雞同分開上嘅雞嘅質地都唔同 。我比較喜歡另外上嘅雞，似食緊海南雞咁滑嫩 。今次想推介一下吊你癮小鍋，佢裏便嘅材料包括有放湯嘅雞，巨雲吞，蟹柳，酸菜，豆卜，魚角，冬菇 。非常非常多料！湯底酸辣得來唔似係坊間嘅酸辣米線嘅味 。味道雖然濃郁，但飲落好舒服，而且一啲都唔頸渴。上菜嘅時候湯底熱辣辣，由於湯底非常開胃唔經唔覺我可以食晒成碗米線 。佢哋米線嘅質地煙煙韌韌同坊間嘅米線都好唔同，冇咁粗，有啲似南記嗰種米線 。我非常喜歡 。如果食雞湯食得悶嘅非常推薦呢一個米線 。花膠雞濃湯，非常推薦黃酒藥膳雞，推薦胡椒濃湯雞，推薦鮮茄濃湯，茄湯味道普通，可以一試沙薑雞，沙薑比較鹹，麻麻吊你癮小窩，非常推薦佢話就話收九點，不過8:30都仲有人排隊 。我成日趕尾班車嚟食🤭，食到過左9點佢哋都冇話要趕人 。而且佢哋租埋隔離舖位，座位非常寬敞舒適 。

湯易入口，清甜。米線，幼細煙韌。但！但！但！沙姜雞真係好鬼鹹，鹹到我不斷捫心自問點解要揀沙姜雞！點解要揀呢間餐廳！啊啊啊啊啊啊啊啊！😭有comment話沙姜雞非常多沙姜，冇錯，佢將d雞浸左落d沙姜醬度，如果d沙姜好食就應該好好食，但d沙姜好似落左成桶鹽落去咁，食完我塊面即刻浮腫，真係超級無敵鹹。我有諗過同佢講，不過算啦，快快食完算啦，當快餐。炸雞翼都好多人話好食，但應該冇醃過，食到入面冇味，雞味都冇，得層炸皮有味。雲吞係大粒，但味道都係想像到嘅味道，肉加蝦，冇咩特別，唔洗特登試，但想要大件夾飽可以叫黎試下，不過裡面有少少骨碎，食嘅時候慢慢食，唔好咬到牙崩。服務因為我早黎所以正常，但後來見佢開始多人都係一張細檯中間放隔板分兩個人坐，d隨身物品要擺喺自己坐嘅位，比較逼擠。後來走嘅時候見到佢其實有多間店，入面都未坐滿，照叫人搭檯。想食嘅考慮下再黎啦，尤其如果需要排隊就冇咩必要。🙂