雲桂香米線專門店

营业中

休息中

同事今日出曬去做嘢，所以只有我一個人食，系公司附近行來行去都唔知食乜嘢好，經過間過橋米線見到入面都幾滿座，心霖應該唔會難食，決定入去試試佢🍜重慶米線（墨丸+豆卜）：辣度可以按自己需求同店員講，我叫既系小辣，感覺還可以接受，配菜有三款（雪菜、花生、肉碎、芫西）肉同粉既份量ok，湯濃味香，湯底都有幾款可供選擇。總體感覺酸辣可口，開胃醒神

我不嬲都好鍾意食米線，食呢間之前嗰一日食咗金西南，所以對呢間都冇太大期望，但係最後我食完真係好失望。首先，我嗌左小鍋米線，麻酸辣，腩肉、豬肚。小小辣。都唔算太貴，51$。我等左大約5分鐘，野食就到左，一開始我睇個湯我以為唔會太辣，點知我錯左，大錯特錯。一食落去，我淨係食到笌菜，食多幾啖就食到米線，但係米線只有辣味，乜其他味都冇，好失望。我仲嗌左個蒜泥白肉，白肉入包住一條青瓜，都幾好。白肉煮得幾淋。白肉總括嚟講都好食。最後我覺得呢間既米線有兩個超大既問題，就係米線太辣同埋米線得超小，我食左差唔多四啖就得番笌菜。完全唔推薦

人生第一次食咁難食嘅雲吞，一咬落去，啲豬肉又削又霉，我一向都好鍾意食雲吞，但真係難食到入唔到口，吐都吐唔切，服務有一般，錯落冇奈，都見隔離有痛向夥記投訴碗嘢有問題，真係唔會再嚟！

今晚約咗朋友出嚟，喺荃灣附近行吓街 行完街，順便陪佢去放狗散吓步 生完煲肚餓啦，跟住之後就即刻諗住搵嘢食啦第一個就一定係食米線 跟住兩條友就行咗入呢間雲桂香 其實我哋都已經係常客嚟㗎啦今次難得我哋帶埋狗狗其實人哋本身唔俾入 但係侍應姐姐非常之好 見我哋隻狗細細隻 而且又唔叫 安排排咗個門邊位俾我哋，我哋可以喺度食嘢 我就不嬲搞開大腸豬紅麻酸辣嘅小窩米線 加可樂 朋友就叫咗蘿蔔豬肉紅薯粉跟凍檸茶 一路以嚟都食開 所以真係唔需要特別講啲咩啲 好似一貫水準 推介推介

我真係超級鍾意食米線，最鍾意酸辣米線，而呢間係我最鍾意嘅米線餐廳之一。位於荃灣嘅呢間米線餐廳開咗好多年，平時都有唔少客人幫襯，我之所以會咁欣賞呢間餐廳，首先第一個係佢湯底夠酸，同埋湯底係熱辣辣，成碗米線食完之後好有滿足感😼❇️雞翼尖小窩米線雞翼尖醃得入味，米線硬度適中，唔會過淋或者偏硬，另外識食一定要嗌多芫荽🥹❤️芫荽再加埋個湯底係超級夾每一啖米線都配到少少嘅芽菜，令米線食落特別爽口🥰🥰🔥🔥

荃灣路德圍好多間米線，不過趕時間就隨便入左一間食就算叫咗個小鍋紅薯粉+豬軟骨🥸面嘅份量都足夠，而且紅薯粉嘅質感都幾好🫶🏻不過豬軟骨略嫌炆得未夠𣺉，啲軟骨都仲好硬🙈湯底少少油，不過可接受嘅回頭率：👅👅性價比：👅👅👅打卡值：👅👅

打風前夕OT到10點，估唔到打風都仲咁多人係街，去左最多野食的路德圍覓食，決定入去好耐無食過的雲桂香，係門口等左一陣，比我想像中多人，好彩兩個人位置都快我叫左小鍋米線三餸 (豬紅、雞奕尖、腩肉) 微辣 ($59)，辣味有分7個級數 (微辣、小辣、中小辣、中辣、中大辣、大辣同勁辣) 好快手落完單，不過等餐比較耐，感覺上都等左十幾二十分鐘度先有野食湯底酸酸辣辣好開胃，而且湯唔會好沌雞奕尖入味，肉質軟硬適中豬紅滑口入味👍🏻腩肉唔鞋好味雲桂香一定會係我米線之選入面頭三甲，可惜屋企或者公司附近無，唯有下次再經開先食啦

呢到係第2次黎食…上次11am，係等佢開門入去食…隔咗3個幾月黎，今次12點半黎，雖然未去到要排隊，但都已經坐無虛席👍🏻食物無湯熱拌米線 - $33我係嗌咗微辣，但完全一啲都唔辣..我上次食過微辣係有辣味…佢個面好香麻油味！👍🏻你問我抵唔抵食…其實呢個價錢，係荃灣廣場個邊都有，都大碗過呢個。不過大家口味唔同，各有千秋腩肉熱拌無湯米線其實我自己覺得呀下…加餸冇咁抵，$9腩肉..但好似本身個肉碎都少咗…不過嗌個小食仲抵😆😆😆上次個夫妻肺片覺得都幾好食。其他落單唔係順住去，佢記得就行過去，我舉咗手好耐，佢話收到一陣黎，結果冇咗回事。最後收銀同我哋落單…等等下，野食未到，本身已經係搭枱，我哋隔離個個食完走咗，然後呀姐話:麻煩你哋坐過個張枱丫，我哋一陣有幾個入嚟嘩😳聽到仲以為有大客添！過另一張枱唔係問題，但都抹一抹枱先啦🥴我哋都未算勁，有個食食下要同我哋搭😂好啦，啲嘢到啦，結果呀哥仔搵唔到我哋，我哋大聲嗌先話:乜調咗位又唔岀聲呀？我哋就回佢:係囉，調咗位又唔同你哋講，難為你地揸住碗麵繞場一周再另外一樣比較反感…有病就唔好返工，濁口水就入後場飲啖水先🥹冇帶口罩又不停:嗯嗯嗯、箝箝箝…我哋都快快手食

今次又嚟食呢間雲桂香米線店,餐廳環境正常都係比較逼提高客流量，通常這種米線店價格比較親民首先呢個係腩肉豬大腸酸麻辣米線,但係佢落錯單落左麻辣，最後佢加咗啲酸落去😂需然佢落錯單但係食物質素正常腩肉同埋豬大腸都比較有味道然後呢個係豬大腸豬扒米線,呢個叫做清湯因為唔舒服，清湯比較穩陣啲豬扒佢會另上唔會畀啲湯汁浸住比較好食，而豬頸肉燒得唔係太夠，冇咁濃郁嘅味道每次過嚟食都必叫嘅皮蛋,我鍾意佢呢隻口水皮蛋唔會太辣同埋係比較香辣嘅味道，總括而言大家可以過嚟食

得閒又黎荃灣總店食米線😋味道依然好味！✨小鍋米線+豬大腸豬紅 三小辣$50✨小鍋米線+腩肉腐竹 小辣$48✨熱拌紅薯米線加腩肉 三小辣$45✨秘製豬頸肉🥓$43✨蒜泥白肉$38✨飲品🍹1.凍檸茶加$72.熱菜蜜加$6雲桂香米線專門店 Yugu Noodle📍荃灣路德圍22號地舖G/F, 22 Lo Tak Court, Tsuen Wan🔍#NSEAT_荃灣#hkig #hk #hkfoodie #foodie #foodpics #foodphotos #foodblogger #instafood #foodstagram #hkfood #hkfoodblogger #食好西 #香港美食 #相機食先 #吃貨 #荃灣美食 #荃灣 #米線關注組 #米線 #酸辣 #麻辣 #豬頸肉 #豬紅 #雲貴香 #辣 #路德圍

荃灣呢度可以話係米線嘅彈丸之地，周圍都係好食嘅米線舖，所以其實我覺得呢一間嘅米線舖算係正常可以食嘅程度，因為隔離間譚仔真係唔係一般嘅難食😂今次食嘅同平時一樣，都係食佢哋嘅小鍋米線，因為佢哋小鍋米線入邊會有肉碎，我今次嗌咗BB辣，自己其實平時就唔係好食得辣，但係覺得呢一個辣度都可以接受，佢哋個冬菇都係有炆煮過，所以會有少少蠔油味嘅，而且佢哋份量都幾多，如果想喺荃灣簡單食個米線，但係又唔想排隊嘅話都可以過嚟🫶🏻

米線熱潮未開始前，想食米線一定會嚟雲桂香，但係多年後再食，質素愈來愈差🙁🍜小鍋紅薯粉+豬大腸+金菇 (小辣) $46湯底酸味唔夠，得個咸字👎已經叫咗小辣，但係冇辣味😓豬大腸份量足夠，但係煮得唔入味炸醬好油，食到D油膱味😐薯粉係幼身果種，比較易咬😊🌟 Lamlam脷指數 😋 (1/5)🐤醬拌皮蛋 $20皮蛋鋪滿咗油，好似油浸皮蛋咁😐食咗兩舊已經食唔到落去🌟 Lamlam脷指數 😋 (1/5)🌟整體評價: 米線煮得好hea，質素差過以前好多，酸辣湯底酸味同辣味都冇，好失望，唔會再幫襯🙁🌟 Encore指數 ⭐️ (1/5)

平日工作繁忙，真喺好耐無寫記錄，呢間真喺叻，迫我出手。入坐時，6：25pm全鋪計埋自己得4張枱，4個客。6個員工激烈討論農曆新年假期安排，全間鋪還迴立體聲，開大喉嚨大聲呼叫，有夠震撼。我都嘗試理解，員工對假期可能不滿，要發洩一吓，諗住落完單等佢講一陣就算？你大錯特錯啦，你喺客又點？完全無視基本工作禮貌，客人食緊野，要被迫聽你叫囂？講（大聲叫）公司假期唔公平？我用耳機聽住歌都嘈都不得了，無耳機會點？我食到7：15分，足足45分鐘不停被嘈音轟炸，我唔喺要酒店級服務，只喺基本既禮貌都無。先唔好話隔離“譚佬”食物質素得唔得，但我真喺無見過佢哋喺客人食緊野時，員工會大聲叫囂。唔好話食物質素大倒退，喺所有野都大倒退。一碗米線，一碟小食再加一杯飲品，$100絕對唔貴，但今次完全喺貼錢買難受。喺我揀錯，真喺我錯！我以後都唔敢。。。再嚟食啦～

呢間荃灣分店已經幫襯左好多年，味道如一，今次叫咗個蟲草花雞湯米線，非常好味！雞湯都算入味，啲雞肉啖啖肉，米線份量好多，細食既我差啲食唔晒😂。價錢都係$50咋，非常抵食！其實旺角都有間，感覺呢間好似好食啲同事叫左個自選米線，中辣辣到飛起啊，但同事話過癮、爽既。侍應姐姐哥哥都好有禮貌，樓面亦都十分企理😆不過lunchtime預咗多人附近好多學生哥喔，如果想食lunch，可能要行快兩步或者等一陣間啊

總分，2.3/5食物方面，4/10啲面好林Pat Pat，炸醬好普通，其實係放入肚嘢食，唔吸引。我食熱拌米線小麻辣，雞絲，生菜。最唔鍾意食榨菜，佢完全係買返嚟嗰啲即食包裝，好難食，仲有種味喺度。唔鍾意。環境方面，5/10就係雲貴香，古色古味，但係唔算好靚。同埋琴日有浸酸味，入到去就聞到，唔香，好怪。但係都預計到。服務方面，7/10雖然佢冇得八達通俾錢，但係佢哋都好好人，冇晒現金，佢叫我出去撳完機再返入嚟。是但難旦嘅 好態度，I like it ! 呢間米線都叫做中學回憶，但係佢真係唔太OK~