雲桂香米線專門店

营业中

休息中

荃灣真係有好多米線餐廳, 今次黎到雲桂香, 朋友好鍾意食米線架, 話要帶我食盡荃灣米線喎。 平日晏晝黎到已經爆哂好多人, 等咗一陣就可以入座, 未食過佢既辣就由小辣開始啦, 另外點了一個麻辣拍青瓜。麻辣拍青瓜, 勁多辣味, 比一般辣, 但青瓜清爽吾互補, 做前菜一流。小鍋米線本身有哂芽菜酸菜肉碎等等, 都已經好惹味, 我就叫咗魚肉春卷, 蘿蔔同雲吞, 值得得一提米線屬於幼少少, 而且比一般米線多咗煙韌感, 我幾鍾意食佢呢隻米線。 蘿蔔都夠清甜, 雲吞仲好大粒好足料添!呢間米線我幾鍾意, 會成日黎食。

My favourite: 小鍋米線雞翼金菇少辣走芽菜!❤ 食過好多間米線 始終都係最中意雲桂香個湯底 酸酸地又有辣味 米線好彈牙索晒個湯既味~ 湯底有分酸辣同麻辣兩種 個人中意食酸辣多d （比較唔辣） 之前都有推介過俾唔食辣既朋友（少少辣）佢食晒成碗都唔覺辣🤣 所以中意食辣既朋友可以嗌中辣/more都ok😆 麻辣就小辣都好明顯feel到條脷好麻～環境黎講係迫左小小 如果撞正食飯時間就要同人搭枱 不過都未至於食得好唔自在既～btw學生去食好似仲有其他優惠!

荃灣出名多米線鋪，但未試過呢間，見到餐牌有蟲草花雞湯米線好似好好味咁就入黎試下。店面裝修乾淨企理，檯之間唔會好迫。下午茶時段人唔多可以自己揀位。叫左個蟲草花雞湯紅薯粉、腐乳生菜，兩樣份量都算多。紅薯粉有6-7件雞肉、生菜同一小撮蟲草花。唔同平時酸辣米線，可以揀大中小辣，想食辣就要自己落辣椒油。點解會想加辣油？因為個湯好淡，唔止飲唔到有酒味，其實係飲唔出有咩味，懷疑係時下流行嘅無味精湯底，但如果係應該會喺餐牌大大隻字註明「無味精」🤔薯粉都算彈牙，但由於佢本身冇乜味，要靠個湯，而個湯又冇味時，最後我食淨大半碗⋯講下個油菜，生菜唔多油，但未至於好乾。腐乳顏色比平日見嘅深色，起初驚會好鹹，但食落係正常味，可能我都就住嚟醮。餐牌，其實都幾多配菜同小食揀

天口熱，一人晚餐就想到食拌紅薯粉。今次選了熱拌紅薯粉，加腩肉和海帶，小辣。大大碗薯粉送到面前，見到碎上的海帶有點失望，以前食開的是一大片打成一個結，好有咬口，呢個碎濕濕，冇興趣。稍為拌起後，驚喜的是有麻油味，幾好。腩肉就肥、肉均勻，還可以。再由底拌到面，才驚覺辣椒醬未拌勻，然後感受到味蕾辣到咩咁。下次要叫微辣~~

今日星期日，本來荃灣都好多人，順便去左路德圍食，最後揀左雲桂香。叫左兩個米線，兩個都係港式。兩個都等左三個字，十五分鐘後先上一個米線。仲有一個再等多十五分鐘 (即三十分鐘)都無，期間吹左N次。追左好多次都係咁。最後嬲得滯取消左個 order, 佢地先話係漏單。真係多謝晒。我明荃灣係多人，但都唔係咁做野，仲要一句唔好意思都無。佢地就賴係廚房做野唔妥當，但我覺得係成間餐廳都有問題。經過今次，我諗我以後都唔會再黎。

一向鍾意食粉面多過飯食既我，終於一嘗雲桂香。名氣好大，又開到成行成市。當日宵夜去食都多人到等位。環境就唔係好靚la，比譚仔差d，坐得又迫，上菜速度咁多人都算係咁。叫左酸辣，一試已經唔想再多講，我d酸呢？？？？？？？？？加左d醋再試感覺好臭……勉強食左半碗。不過要讚既係，佢比既餸係好大方，小食都好大兜滿曬唔似得其他粉店得過一兩舊。小食都ok。總括而言，有其他食店唔會再食呢間既粉，偶爾可以凈係買佢小食

今日放半晝，2點幾都未食lunch勁肚餓！見到『雲桂香』九秒九衝入去😂路德圍呢間舖面好大，食客都好多，好彩咁岩去到有位，唔洗等✌🏻湯底同配料選擇多，不過價錢比同類食肆貴，『雲桂香』都叫做質素有啲保證，個人覺得價錢都唔係貴得太過份嘅⋯⋯當然平啲會更好😂我叫左墨魚頭小窩米粉，小辣～小窩湯底睇落好正，食落都香，帶點微辣，不過如果多返少少酸味應該會好味啲🤔墨魚頭份量勉強可以，都有7、8舊，不過每舊都好細🙈味鮮肉彈。由於配料好多，而且好濕碎，當中混合左不少黑色嘅鑊燶，食嘅時候睇清楚先放入口呀～

原來荃灣路德圍的雲桂香即是雲南過橋米線。地點不太難找，我們下午茶時間去，裏面仍然有很多客人，可見應該頗受歡迎。這家云貴香的特色，大概就是香菜吧。是的，看到菜單封面上的那串香菜，你應該也會懂。畢竟在香港能吃香菜的地方不多，所以還是要珍惜的。除了配料裡有香菜外，也還可以單點加成配料的，菜單裡是叫做芫茜。配料裡的香菜很香，味道比較濃。適合沒胃口的時候來這裡開開胃。我點了傳統過橋米線($53), 配料充足，有腩肉，火腿，腐皮，鵪鶉蛋，蟹柳及墨魚片，湯底清甜，米線份量充足。自己把它們放進湯中別有風味。朋友吃雲南小鍋米線(小辣)，湯底很濃鬱，整體酸酸辣辣的，要的中小辣不是很辣 ，有很多酸菜，芽菜和肉碎，配料有魚腐，腐竹，雞絲等十多種，加了魚皮餃和豬脷米線很多，很大碗。此店很值得推介，我也會再去。

這間米線，相信很多荃灣人都有光顧過！這裡米線十分彈牙，放耐左也不會爛掉！來這裡用餐，一定會吃米線，選的配菜一定不能少得豬軟骨，十分稔！多汁！而且，這裡的竹笙也不是很貴，都是七元！最後，加杯熱央，都是七元！是次花費都是46元！不過，因為是午餐時間，要等十幾分鐘才有人來下單！但是，為了吃西就不計較這少少時間啦！

今日陪仔黎荃灣上興趣班，難得可以過黎食我最喜歡既酸酸辣辣雲桂香。正吖呢。今次我就叫左個腩肉海帶小窩米線，我老公就叫左個腩肉清湯米。 佢狂「不」我個湯底囉，仲有夾晒我果碗酸菜甘滯。 梗係，我果個野味甘多。 食過小窩都幾難返轉頭叫清湯。腩肉夠晒入味，不過略為小小「柴」...口感扣小小分喇，不過都無損我心中地位海帶合格，無特別，係浸晒落個湯之後，味道又係正甘囉，仲有都叫做爽口。米線軟硬係適中，都ok 。無特別。

腩肉豬脷中小辣米線🔥🍜.嘻嘻又係小編最愛既雲桂香😍😋腩肉係必點既😁肥肉唔會多但都好嫩口👍🏻第二款餸今次就簡豬脷👅荃灣總店既辣唔算太過利害所以都接受到辣既朋友，可以放心點，反而覺得小小辣/小辣唔夠喉添🔥🔥.唔食辣既爸爸就點左蟲草醉雞幼薯粉，湯底稍嫌味精左少少，唔係天然清甜湯底，但係雞都幾多件同唔鞋口仲真係有少量蟲草花係面頭🤣👍🏻

成條街都係食米線，點指兵兵咁求其揀左間！座位都有啲迫，要搭枱都正常！枱上面有個大大嘅menu，揀左個自選系列，揀麵款、辣度同菜款(價錢$6至$12不等，連芫茜都係一款餸😱，芫茜米線好日本呀)，自由選，但最低消費係$30！自選一：小鍋米線+中小辣+魚肉春卷+豬大腸Hungry Pig都中意酸酸辣辣嘅湯底，再配多酸菜芫茜同芽菜，開胃醒神！而雲桂香都做到呢方面嘅效果，但個人覺得香港仔X記做得出色少少！而餸方面，魚肉春卷係ok，入面有細細粒嘅嘢，有咬口嘅！豬大腸就一般，唔夠入味！自選二: 小鍋紅薯粉+中辣+肥牛+雲呑+豬大腸呢個同小鍋米線同一配料，但紅薯粉比較煙韌，係另一個好選擇！朋友仔話中辣都好辣，慎叫！食完勁飽飽

路德圍米線街依然咁旺人龍處處，人頭處處夜一點就好一點，好快入到去一個人最適合食米線小鍋米線，大大碗的，真的令人回味無窮，價錢叫做抵呀湯底選好了，小辣，加豬軟骨及通菜酸酸的湯底帶辣，一路食一路不禁飲曬d湯米線煙刃，質感滑溜，湯底滲透入米線內，特別入味豬軟骨，大大舊，而且好入味肉滑骨軟，入埋酸辣味，更正通菜好入味，食親都咁翠嫩，完全唔會硬或者有渣，好喜歡配菜既芽菜和酸菜，味道好鮮，配合湯底，又夾又入味

一年間中都會去荃灣幫襯，今天吃發覺米線幼左好似米粉咁樣，問啲職員話轉左幾年喎，唔係掛，我上次3個月前食過，而家2餸已經要41，啲米線仲要幼左，真係垃圾羅，之前有一間叫雲貴x仲做得好過佢，唔會得之一間一間咁消失左啦

有晚經過諗住求其食個米線，開頭無咩野，食到一半，阿姐執對面個人個碗果陣，跌左人地隻筷子落我碗米線度，個阿姐第一時間唔係同我講「唔好意思，叫廚房煮過碗比你」，而係話：「哎呀，跌左落去添！你仲食唔食？筷子尾咋⋯」我當堂O左，我話：「咁我食唔食好呢？」跟住佢先話煮過碗比我！我費時哂野咪叫阿姐煮一半米線夠了，佢聽完轉個頭返黎竟然話：「係咪淨係豬紅得喇，頭先碗野無哂豬皮喎！」聽完真心都黎，而家係我呃佢碗米線呀？佢自己跌左人地筷架唔道歉，一開始唔諗住煮過碗比我，仲要同我數住入面仲有幾多料？（果陣明明仲有幾舊豬皮！）有無攪錯？我唔要求一間米線鋪頭職員好有禮貌好識同個客諗，但至基本既餐廳服務都要有呀？最後比錢果陣，另一個職員又好似啞咁，唔講要收幾錢，望都唔望，當個客人無到，多謝又唔講，呢間咁既米線鋪以後都唔會再去！離哂譜！