井茶

营业中

休息中

好少可會有餐廳差到咁，同琦興有得比。食物：早餐越黎越難食，同岩岩開店比份量少一大截，質量越黎越差。茄鮮牛通比埋d似沙嗲牛黑過墨斗既牛肉，午餐肉有食開就知乜事。佢午餐鹹到爆，最嬲係D豬扒牛扒，求其煎，牛扒得果1，2成熟就算。最嬲豬排唔熟生到透明仲滲血。想食死人？服務：個店長會係客面前話：廚房做乜俾咁多咁大塊。然之後即刻走去話個廚房。店長同班員工長期耳聾又扮睇唔到。例湯又成日唔俾。叫佢俾佢就叫你慢慢等等到食哂都未俾。。。。。

放工經過vwalk, 之前都未行過去南昌薈，今次行左過去見倒有間晚餐價錢都唔算貴，就入左去試下"超級雜扒飯"見今日個餐牌唔太吸引，直接叫左個雜扒飯配黑椒汁，因為可以唔洗諗食咩。當中包括左 太陽蛋﹑腸仔，雞扒同豬扒。雞扒好嫩滑，腸仔唔係廚師腸，不過都唔錯。而飯量係十分十分多。"菠菜雞皇焗飯"而女朋友叫左呢個菠菜雞皇焗飯，個白汁同芝士個味都唔錯，但可惜佢個雞肉係無味，應該係用過左水再放入去一齊焗，呢一點扣好多分。呢間餐廳有個個嘅地方係值得一讚，每張枱都好闊落，坐得好舒服。不過焗嘅野食可能之後都唔會再叫。

今日行開呢一頭～見到呢一間餐廳都幾特別選擇都幾多就嚟試吓🍥我哋晚餐時間嚟嘅，都唔算太多人😆唔使等位就入咗嚟啦！呢度嘅晚餐都有好多唔同嘅款式～都有部份嘅套餐，睇落幾抵食～我就叫咗一個精選晚餐-滑蛋吉列大蝦飯呢個吉列大蝦飯就好乾🥲因為佢係完全冇汁嘅！啲炸蝦都林晒🥲好彩呢一個餐都跟咗一杯嘢飲同埋一個湯～係白汁湯🥣所以都可以用嚟送飯食👽😆呢度嘅環境，其實都OK ！希望可以改善一下食物嘅質素啦～～

質素同Vwalk茶記有得揮坐低叫咗早餐A 雪菜肉絲米$37配腸仔煎蛋厚方包雪菜肉絲米都幾足料，啖啖雪菜同雞絲個蛋餐牌上寫住有得揀4種蛋（炒滑蛋、煎蛋、太陽蛋、熟蛋）係塊方包唔夠林，烘底會好食啲熱奶茶口感唔夠滑、略嫌鞋身第二個餐叫沙嗲牛肉米線相雙太陽蛋、牛油厚多士跟凍奶茶+$3呢個質素同一橋之隔Vwalk嘅餐廳比較佢係平啲哩度一份早餐$37VWalk嘅餐廳一份早餐起碼$40哩度餐廳裝修環境幾靚同埋坐得舒服

早上10點幾喺南昌薈搵咗間茶記食早餐等對面寵物店開門，又可以俾寵物手推車泊喺旁邊嘅黃金位置食早餐哩間餐廳裝修行北歐風格、之前入黎幫襯都係因為佢既裝修吸引坐低叫咗個纖營鮮奶麥皮早餐餐有鮮奶麥皮、餐蛋治烘底、港式熱奶茶首先嚟嘅係熱奶茶+鮮奶麥皮奶茶係用捷榮全脂淡奶沖茶味夠濃不過未夠滑口呢度嘅鮮奶麥皮，口感綿滑有咬口、落左煉奶加味以前食過好難食茶記麥皮既好似飲緊奶水粥咁最後黎餐蛋治烘底麵包軟熟，只係餐肉蛋嘅油多咗少少餐蛋治烘底+1幫襯左$42蚊埋單

裝修有幾靚都好，唔好食就係唔好食。仲諗住坐滿哂，多人食應該係好野，所以都決定一試。早餐價錢計埋野飲都已經40蚊個餐，唔係平架。早餐通常食最大眾，應該係最冇特殊技巧的餐。叫左2個餐，一個A餐，一個C餐。上菜快，可惜啲野黎到係唔熱既啲牛肉同豬扒，整到林得太過份，完全食唔到肉既感覺...公仔麵黎到都未煮好就上枱，睇完成個麵餅既時候都真係無言，個湯唔熱，個麵浸幾耐都冇用。 麵包唔熱，要成pat牛油咁食落口，真係好難頂火腿同蛋都係唔熱。

離晒譜架叫左兩個焗飯45分鐘先焗好拎出嚟催催催 催完又催整緊整整3分鐘 整緊叫佢換兩兜炒飯比我又話整 好快 真係整緊9個字後拎出嚟 叫佢轉外賣仲話要加$1外賣兜真心好野以後都唔會幫襯

經過南昌薈，等人搵地方坐下開揚之格局一眼睇清餐廳內部，乾淨企理好緊要員工都非常友善，問下焗飯之外賣時間、份量十分細心解答👍🏻惡魔雞髀🍗熱辣辣香脆可口睇落好細隻，其實都唔係😃奶茶香滑，有濃郁茶味雪菜肉絲雞湯米粉$35⋯⋯原來好大兜，唸住食個tea變咗食dinner😅份量足夠，米粉唔會太硬恰好雪菜+肉絲都多，唔似大xx咁孤寒😌白汁菠菜魚柳焗飯$47外賣另+$2地方寬敞、座位任選，服務唔錯😀原來有3間分店，可以再試

非常地極度唔抵，早幾年啱啱開嘅時候質素非常唔錯，而家簡直不知所謂。今日見到佢出邊寫個紙牌有個虎年賀年餐「外賣價錢$168 （堂食$188 ）」，包三個餸，諗住好抵咁樣，但係俾錢嘅時候就話外賣盒要另外再比$4 ，即係$172 ，咁你就唔好寫「外賣$168誤導人」，一開始寫$172根本就好地地。個餐入邊，明明包半隻雞，返到去，根本嗰度就冇半隻雞，搵嚟搵去都搵唔到一隻完整嘅雞髀同埋一隻完整嘅雞翼，雞肋骨就有好多舊。個金菇肥牛煲，份量極度細，少少幾小片牛肉，另外加一大鍋水汁，粉絲同金菇都孤寒，最正常得返個四季豆同兩碗飯。

坐得非常舒服嘅茶餐廳，空間感大，環境乾淨，屬於中級茶餐廳。今日嚟到食下午茶，款式都多，西多士可以配炸雞髀或者雞翼。下單之後，唔使5分鐘已經嚟到。奶茶偏甜，茶味唔夠重。

西多士大家一定有食過，但係唔知有冇試過芒果汁呢🤣🤣今日去咗南昌，晏晝有啲肚餓，所以去咗呢間茶餐廳嘆個下午茶，佢都好多選擇揀。我就試咗呢個粒粒金磚西多士 🥞可以揀成日食嘅糖漿或者自家製芒果汁，我就揀咗比較特別嘅芒果汁🥭 食落甜甜地少少酸酸地都幾特別，比起平時嘅糖漿有另一番滋味😋 佢仲有好多唔同嘅下午茶揀，例如雙拼三文治，公司三文治，餐蛋麵等等，全部睇落都幾好食，下次路過一定會再試！價錢都幾抵😊😊

星期六黎到南昌食飯睇到依間茶記 下午茶選擇都幾多喎我地好快就決定入場座位都幾多 所以唔洗等位環境其實都幾靚 比起一般茶餐廳佢地嘅裝飾都幾grand有啲打卡cafe嘅感覺呢 我哋叫左一個午餐套餐蔥油雞扒配紅腸飯賣相好吸引 但係食落唔熱嘅依個位扣曬分 不過味道都正正常常嘅午餐套餐會跟飲品同湯我哋仲叫咗恒常餐牌上嘅焗咖哩薯仔雞扒飯依一樣真係有驚喜咖哩香濃仲好重椰奶味 而薯仔同雞扒都焗得岩岩好表面脆脆地內裡好juicy芝士亦都好足料 每一啖都好滿足呀整體黎講 作為一間茶餐廳佢哋既環境都幾企理食物都唔差 我哋下次都會再試

個化妝好濃嘅啊嬸真係好差啲態度！！！！！！簡直冇人有，落單唔同人講冇野飲跟餐，落完即刻話退，又唔畀😡野食都叫做不過不失。我叫ge系千島吉列豬排包，價錢系抵，服務態度就一言難盡，不推薦去！收銀化濃妝ge啊嬸就真係好唔掂，有種自己好高貴睇唔起人ge感覺！！！！

井茶既西式早餐井茶既裝修同環境 絕對係數一數二 相比一般茶記 衛生情況都會更加好！佢用既冰底 唔係一般茶記既大大舊方形冰 而係長條形既冰粒 個好處係飲落凍得更平均 唔會面凍 但底仲係暖既情況！我覺得係有用心去做好佢既第一 佢沙嗲牛肉麵 沙嗲汁濃郁 份量多第二 餐肉粒 係輕輕煎香過第三 炒蛋生熟度剛剛好 滑蛋佢用既外賣辣椒油 係用綿香出既樽仔辣椒油 比起一般外賣既紅色辣椒油 更香價錢都係40蚊到 雖然唔係特別平 但份量多 大快活都要40蚊既情況下 井茶既中早 絕對更有誠意 份量更多

我同朋友係2021年4月18日，下午1點10分左右幫襯呢間喺南昌薈嘅井茶，女侍應安排我地兩人坐四人枱，大約五分鐘後，有兩個人嚟搭枱，我問個女侍應，有冇膠板提供，佢話四人枱唔提供膠板分隔，我再同佢講，我地相方都唔識，有塊膠板放喺中間隔一隔，大家都食得安心，佢死都話唔會提供。咁我就再同另一個男侍應講，我話：「既然你地間冰室，每張枱之間有膠板隔住，點解唔提供一塊俾我地，放喺枱中間，隔一隔同枱嘅兩個男食客！」，個男侍應勁無禮貌回應：「無㗎喎，四人枱呀，提咩供呀？」，同我地同枱嘅兩位食客都同佢講：「我地大家都唔識喎，真係要有塊膠板囉！」，個男侍應勁串回應：「四人枱，無喎！」我再睇清楚當時冰室食客數量啦！我同個男侍應講：「你地冰室望落去，每張四人枱同兩人枱都坐滿食客，根據防疫規定，所有食肆嘅數量只可以係50%！而家睇落都9成坐滿啦！」，佢好串咁回答：「四人枱坐四人，無話有半數規定喎！」既然係咁，我都費事同佢講。最後，我睇返呢間井茶嘅社交平台專頁，又話冰室好跟足防疫指引，但講一套又做另一套！講到服務態度，呢間井茶真係超級差呀！