亞參雞飯 (康怡廣場北座)

营业中

休息中

新年唔知食咩好揀左呢間好似未食過嘅ASAM鍾意食海南雞飯賣相不錯重點 原來可以選$49 有3款小食如果胃口細 又想試下幾款不同嘅食物都可以獨立order下午茶時間 2點至5:30可以食個早晚餐 都係唔錯嘅選擇👍

每次經過康怡廣場，見到同一集團的敏華，靠得住同亞參三間餐廳並排，就好想入去試下。今日終於得嘗所願，在下午茶時間試到亞參嘅海南雞飯。敏華在最前，走一條好長嘅走廊，差不多走到最尾才見到亞參。下午茶比正價平好多，份量當然少，無餐湯供應，但有餐飲，雞雖然祇得幾塊，但雞肉入口嫩滑，味道唔錯，個都好好食，好快清碟。意猶未盡，再叫咗一個斑蘭咖央多士，多士烘得幾脆，配合牛油，不過好邪惡食完要行多幾個圈減肥。這裏無加一，埋單合共73元。

不嬲都係亞參嘅忠實fans，今日同老公去太古行街，肚餓搵嘢食，我又掛住亞參，當然要幫襯亞參啦，原來佢哋推出左咗新產品「藥膳豬骨煲」哇🙀 個套餐抵到。。咁，二百零蚊可以有咁多嘢食，抵到爛啦 ，我要同我啲friend分享吓呢個好消息先～🤣

今日係太古行街，突然想吃星馬菜，選擇了康怡分店亞參就餐，一入來服務員都好熱情招待我，我點左一碗喇沙，裏邊有蝦有豆卜有鸡蛋，湯底濃郁，適合鍾意食辣野既人，同埋好推薦香茅薄荷飲品好解渴

前幾天下午經過康怡廣場亞參雞飯，走入去諗住食個下午茶，見到餐牌都好多下午茶可以選擇，於是就決定點個下午茶咖吔多士加一杯斑蘭咖啡飲飲試試，好有驚喜，咖吔多士好脆，加上牛油及咖吔，再加上一杯咖啡，簡直係絕配，而且價錢性價比又好實惠，下次一定要試吓其他下午茶

今日行得攰攰地，見康怡多間食肆排長龍，越行越遠，最尾去到間亞參坐低食個遲來的午飯。入到去叫咗個海南雞飯阿女至愛，標準味道沒驚喜。順手叫個下午茶的班蘭咖吔多士，出奇地好食，可能因為我太鍾意食牛油😘。但係為咗健健康康食個馬拉盞通菜，就出奇地清淡完全冇馬拉盞味，佢都有良心放返啲醬喺碟菜旁邊都有得點吓！最估唔到最出色竟然係個煎蝦餅可能係新鮮煎出嚟特別好食。

今日放假行街啦，之後經過康怡亞參雞飯嗰度就上去食個飯啦之後呢，嗰啲侍應會好快呢帶咗我去一人嘅餐枱嗰度服務態度都算有禮貌我落咗肉骨茶同埋一杯嘢飲，但嗰個肉骨茶有陣藥材味，我同服務員港‘’可唔可以同我換返其他食物？因為我食唔倒嗰個藥材味‘服務員’應承下可以，之後就換咗一個海南雞飯啦海南雞飯都好好味扭計唔會俾面色我睇我知道咁樣嘅嘢係唔係幾好，但係佢哋都好樂意地幫我都好多謝佢哋

星期二我帶住我細佬去太古康怡嗰度玩，我哋行攰咗睇到依間亞參雞飯，一行到門口嗰個員工睇到我哋即刻帶我哋去搵個卡位俾我哋坐，問我哋要唔要水，食飯嗰陣時細佬唔小心倒瀉咗杯柠茶，服務員睇到立即走過來問有冇事，並且同我哋講要唔要換咗杯柠茶俾返我，態度好到我都唔好意思，所以我要贊下

今日行開太古，肚餓搵地方醫肚，一直好鍾意食星馬菜嘅我，一直都有幫襯開銅鑼灣嘅亞參雞飯，佢哋嘅王牌海南雞飯超正，我今次試吓太古呢間分店，不過今次就唔試海南雞啦，試吓亞參豬手飯，可能係食飯時間，都排隊，但入客速度非常之快。都係等咗5分鐘左右，見到啲服務員做嘢非常有效率，態度非常唔錯，帶位入座都有同客人講，可以ORCode落單或者搵佢地幫忙落單都可以，很是窩心呀！講返豬手飯，好好味😋 又淋又香，下次再試吓其他野食先～

前幾日帶我的小朋友出來食飯，入亞參食，我點了一個豬手飯和兩個小食和一杯拉茶，豬手飯好糯唔硬巧好味，我個小朋友唔小心倒瀉一杯飲品，有個女職員即刻上前幫我處理並補回飲品，並問小朋友有沒有倒係身上，希望呢間公司可以賺大錢

我从内地来香港旅游，发现这里藏着一家星马菜，逛街随缘逛到了康怡广场，就进来了这边 ，这边很大，什么餐厅都有，进来之后选择了亚参鸡饭吃，环境坐的舒服食物平价，好吃不贵

已經來過很多次來食下午茶，下午茶5個餐變為6個餐，多了兩個下午茶餐一個鴨比一個輕量版海南雞飯，我來到已經排滿長隊，大家都覺得抵！我當時用手機落單，但遲遲冇送過來，之後我問職員點解我咁耐？佢幫我睇有冇落單發現自己冇送出去，於是幫我下返單，職員真係好耐心，會多多支持！

今日來咗康怡嘅亞參雞飯食飯，叫左招牌海南雞飯，不愧係招牌，亞參魚都好好味，又辣又酸 ，好令人上癮，上菜速度很快唔使等好耐，服務員態度都非常耐心，是個值得幫襯嘅店鋪

週日在晚餐時間來到太古，逛了一圈還是決定來阿參吃海南雞飯。嫩滑的海南雞，不配醬料都已經香滑入味，雞湯香濃不過咸，油香的雞飯和海南雞是絕配。咖喱牛肉撈面，牛肉出乎意料用的牛坑腩，肉質彈牙。咖喱汁香料味豐富配拌面很合適。另外附辣醬，可以自由加在拌面。

突然間好想食海南雞飯，好彩放lunch嘅時候遇到阿參雞飯🤗其實我之前都食過幾次，食過佢嘅喇沙湯底同埋海南雞飯，仲有試過佢個咖喱，印象都唔錯，不過記得最好食，始終係海南雞。咁啱我個朋友想試吓海南雞，所以我哋就一齊過咗嚟食。佢哋係會一set咁樣上包括傳統三色醬，一小碟青瓜，一個油雞飯，一個雞湯同埋一碟無骨海南雞。另外我加咗$10要咗杯凍朱古力。海南雞啖啖肉係皮脆肉嫩，而我最欣賞係佢個雞油飯，似係泰國香米幼身而尖，凡係粒粒分明，本身係有少少鹹味，加上雞油香味我一上枱就已經係咁空口食咗半碗飯，我平時係唔鍾意食飯嘅人，但係都忍唔住🤭不過佢個凍朱古力就差啲，成杯嘢面頭係冰一半下面仍然係熱嘅朱古力粉未搞溶嘅咁呢個係有啲失望，所以我淨係飲咗兩啖就冇飲。