亞一食堂

营业中

休息中

星期六係附近做野，經過附近幫襯下食個下午茶，平日依間茶記都幾旺坐得好滿太多人個陣反而唔係好想入去逼…….咁岩星期六無咩人又下午茶時段可以坐得舒服啲！諗左好耐最後叫左個五香肉丁炒公仔麵，凍檸茶知道依啲茶記通常都好大兜，所以特登叫老闆娘俾少啲麵因為比較細食 最後都係食唔哂！幾有鑊氣！凍檸茶係真係有檸檬片，正而家越嚟越多茶記啲凍檸茶係用檸檬汁..….好難飲又無得自己督，希望依間茶記可以keep住用檸檬片！！下次再幫襯下其他，老闆娘話啲魚好好食，下次試下！

叫左個干炒牛河 得几片肉 個粉系甜嘅食到1半食到1大塊唔知鹽定味精另1個叫左班腩炒河 個粉完全冇味班腩還可以真心失望 兩碟野都完全唔合格完全唔明附近咁多茶餐廳呢間野點生存絕對冇下次

每逢星期二，小弟放工都會係九龍灣做瑜珈，當強身健體，而做瑜珈之前，我就會嚟到亞一食堂食晚飯，因為呢度個呀姨嘅服務真係好好。呢個麻醬烏冬成日都會賣哂，難得今日比我食倒，就決定寫番個食評比佢。呢度嘅烏冬唔會好淋，咬落依然好有口感，伴碟嘅餸菜都好啱我口味同埋如果覺得唔夠麻醬，細細聲問呀姨攞，佢都會比你架典型茶記老火湯，每次都會比兩舊豬骨我食因為我都幾鍾意食湯渣。湯非常夠味道，料都落得足如果有時行開九龍灣，又唔知食咩好 呢間茶記真係不錯呀😎

塔塔子雖然係一個elegant嘅女仔，但偶爾都唔介意同同事一齊到茶記食晏今日塔塔子唔算好餓，所以揀一個冇飯嘅午餐。塔塔子有一顆未泯嘅童心，見到雞肶就好開心外層嘅雞皮好脆，冇炸粉，唔好見佢咁深色，其實佢炸得剛剛好，一咬就知肉質鮮嫩，仲好juicy，唔乾！佢仲好細心有錫紙包住舊骨，可以好方便咁拎住黎食！不過塔塔子為保淑女形象，都係用刀叉享受吧呢個沙律一d都唔求其，睇得出有心機擺嘅，可惜都係茶記水準，沙律菜唔係太新鮮，但算尚可接受！

Extremely rude and cold service!Disgusting and rip off foods!Dirty and cramped! NEVER GO THERE!!! 

今日星期五放左工，觀塘區好塞車，去到德福廣場已經好想快點吃飯。想起一行出天橋就有一家未食過。好似係新開張既「亞一食堂」，開放到晚上7點，於是唔理咁多就試下。一入到去，好有好家庭式茶餐廳的感覺。門口用兩塊膠布遮住，仲放住啲桶係度裝住啲客人食完既野。店員唔多個，環境有點窄，座位唔多，行入啲，座位唔夠1米已經係廚房，唔係好企理。夜晚6點幾，一入到去就問「仲有冇意大利飯」，而店內的女店員就話意大利米用哂，要用普通米代替。唉，太趕時間，又既然入到黎，就蝕一次咁多，睇下去到咩水準。等左10分鐘，上店啦，個女店員仲笑住話「睇見都想覺得好味」…賣相唔錯又覺得幾用心做。而普通米勉強都做到意大利飯果種濕濕地但又唔會極軟的口感。食到汁料既味道，但墨魚汁味道唔出。至於海鮮就有青口，魷魚，小蝦2、3隻，其本上成碟野都冇乜海鮮可言，啲蝦細到幾乎搵唔到，但個青口又唔錯既，有咬口。順帶一提，碟邊既饅魚汁拌飯雖然不錯，但係唔覺意掂到就會整污糟隻手。總結來說，$46，冇乜餸，又唔係用意大利米，墨魚汁麻麻地，整體一般，感覺似係食普通燴飯。不過唔知用真意大利米會唔會冇咁好食?