亞參雞飯 (形點 II)

营业中

休息中

嗰日去YOHO買外賣，突然想食喇沙，所以叫咗一碗試吓，可能星期日關係，所以冇午市套餐，$80一碗有點小貴，返屋企打開係好夠熱，整體係好食嘅，湯底好有椰奶香，辣辣地幾開胃。略嫌就係細碗咗少少，啲配送都係好少，如果可以改善下會更好。

最近開到成行成市，總有一間喺附近，今日嚟到，禮拜日嘅中午好多人，我叫咗個海南雞飯$89沒有包嘢飲，覺得價錢有啲貴，加$10奶茶少甜，但係非常甜😅海南雞本身係幾好食，但係好多雞毛未處理，有黑色一點點。包咗碗雞湯，好好飲，真材實料雞湯。

3周年慶好抵食！元朗站既 yoho mall勁多好野食！今次食下東南亞美食！明爐酸辣亞参魚 $88有個爐熱住，味道酸酸辣辣幾惹味，條魚都算大條檳城蝦麵 $69好好味！有好多隻蝦！湯底味道勁濃勁鮮，一啖湯一啖面，正！+3蚊馬來拉茶凍香滑，奶味濃！獨特風味！追加優惠 $39 兩款鳳尾蝦春卷炸脆，爽口！香烤豬肉串必食推介！烤得好香，一串啖啖肉！小食中最好食！整體而言，裝修靚， 坐得舒服！其中一個女侍應服務態度好好！CP值高！會趁三周年特價再去食！

亞參雞飯-yoho今日同個好耐冇見嘅同學喺YOHO行街行完街，之後就食晚飯啦唔知食咩好之後就行行吓入到去呢間亞參雞飯 食晚餐一人揀左一個飯 share 食揀咗一個海南雞飯一個豬手飯叫咗碟菜同埋煎蝦餅個海南雞算抵食喎 無骨海南雞 啖啖肉豬手飯就正正常常冇乜特別 碟菜都好大碟 🫢買單一人百零蚊 價錢算可以接受坐位方面都幾舒適不過呢個燈光就有少少偏黃 人象拍照就會爭少少🤏🏻👀整體感覺都OK 唔想排隊等嘅話，就食呢間啦😂

元朗站 想搵個好坐又唔趕既地方食飯我會選擇亞參雞飯係yoho M記果一層入面店舖空間好大又多位東南亞既裝修風格睇吓餐牌先阿參去骨海南雞飯 雞肉軟滑 加埋酸酸辣辣既汁 勁開胃加多一口 雞油飯！好味 配上濃郁嘅雞湯可惜嘅係 點解我唔記得影佢？雞絲紮肉湯河佢既湯底同海南雞飯個湯係一樣既味道不過不失 湯底濃郁扎肉份量都幾多明爐酸辣亞參魚湯汁酸酸辣辣 好開胃 味道很好用香煎過嘅䱽魚 呢個魚最好就係少骨飲品 泰式奶茶 泰式咖啡因為泰式 都係有種香料味不錯不錯

近排有幸去了亞參雞飯食飯。餐廳地方寬敞乾淨，燈光光猛，五使等位，服務員友善有禮。由於肚餓，我們叫了兩個都係飯，一個是亞參豬手飯，一個是新加坡肉骨茶。豬手飯沒什麼特別，豬手軟腍，味道中規中矩。肉骨茶好勁胡椒味，天氣凍的時候飲哩個湯，就非常暖身了。肉骨茶有兩大條肉排，四條豆腐卜(豆腐卜吸曬d湯，幾好味)，料不算多，附有三色醬。飲品我們要了馬來拉茶(順滑香茶味)，薏米水(飲落微甜，清潤，值得推薦)。總體來說，值得來試一試

今日食評✍🏻亞參雞飯@yoho mall試食指數⭐⭐⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·我哋點了1️⃣雞絲扎肉湯河湯底係人參雞湯 正2️⃣lasak好正宗嘅湯底三條切片豆卜三條1/2蝦多條魚片條米線份量少加$57有3樣小食3️⃣蝦尾春卷脆、香口但好油食唔到蝦味(尾)4️⃣炸魚餅(麻辣)辣粉幾香我唔食辣都接受到5️⃣咖㖿牛油多士賣相ok但冇溫度(凍)好甜唔值得俾正價食·全單加一209·

睇左食評話吾錯就黎食，但食完後有D失望。海南雞飯：招牌有個雞字，諗住係主打招牌菜，但坦白說，雞吾太滑，仲有D鞋，太太食左一半比左我食。肉骨茶：料吾多，2.3件肉排不過幾腍+4條豆腐卜，湯就有好重黑椒味，質素比海南雞飯好少少。其他2樣小食也一般。基本上食物質素類近一般茶餐廳，價錢不貴，性價比一般，重點係食物質素一般，我地就無下次。

今日行經yoho mall, 朋友肚餓就見到呢間亞參雞飯，有好多分店，但我未試過，於是試試佢亞參去骨海南雞飯 $89呢個價錢已經跟埋雞油香飯同冬瓜清雞湯! 上枱個陣仲有三款醬料for點雞黎食! 雞油香雞飯真係好香, 而無骨海南雞肉質夠晒鮮嫩!就咁食都已經好正! 點晒醬汁仲可以帶出雞肉嘅鮮味!檳城蝦麵 ＄83湯底濃郁,蝦肉份量都唔少! 而且麵質彈牙,全部加埋都幾match馬來班蘭咖央多士 ＄27佢麵包皮整得非常脆,咬落去D餡料已經流晒出黎, 食落口感豐富而且香脆😍😍香煎手作蝦餅 ＄43一碟有3片, 蝦餅口感夠晒彈牙! 煎得幾香, 夠晒足料! 點埋泰式甜辣醬真係唔錯！飲品方面，柑桔特飲 ＄28 馬來拉茶 ＄28味道正常，都係唔錯選擇

同仔仔拍拖撐枱腳👩‍👦佢未食過星馬菜😎所以帶佢去試下先💚亞參雞飯💚主打星馬菜🤗一系列東南亞特色美食都有🐥亞參去骨海南雞飯🐥三黃雞嘅雞味濃郁嫩滑😚無骨所以啖啖肉配搭油飯+三色醬🍚更惹味再飲啖冬瓜草菇雞湯🥣清清油膩感😌岩岩好🍲新加坡肉骨茶🍲呢家天氣咁凍❄️飲肉骨茶就最岩胡椒味重🤪配上軟腍豬肋骨同索湯豆卜😙好暖胃喔🍤香煎手作蝦餅🍤爽滑彈牙有蝦粒😊配泰式甜辣醬😆好味道🍞班蘭咖央多士🍞烘得好鬆脆🧈夾住大量咖央醬+厚切牛油外脆內軟😉必試！柑桔特飲🥤飲落好清新馬來拉茶☕️順滑香茶味

_亞參雞飯終於等到元朗開！近近地可以食晒海南雞同肉骨茶兩樣都我最愛🎈亞參去骨海南雞飯雞油飯好香 雞份量都好多雞夠滑身但又唔會好生 岩岩好 配埋個湯 👍🏻👍🏻🎈新加坡肉骨茶 新加坡肉骨茶最緊要夠胡椒味天氣凍飲呢個肉骨茶就岩晒呢個肉骨茶入面好多肉一個套餐有包埋飯 一定夠飽🎈斑蘭咖央多士麵包烘得好脆！咖央醬加埋個咁脆既包完全唔似食緊包 勁似食緊薯片咁 好好味👍🏻🎈特色秘製炸魚餅 炸魚餅係辣既 好惹味佢雖然係炸 但佢係軟身既 唔會話好熱氣最後野飲我地揀左柑桔特飲同香茅薄荷特飲香茅薄荷特飲簡直係有去外國按摩嘅味道😍值得一試

今日來到元朗行街，元朗比我的感覺是很多人，YOHO喺元朗最大的商場，人來人往。行到攰.就去商場搵嘢食，經過這間食馬來西亞菜的餐廳，就很想食，餐廳地方寛敞而且乾淨，細看餐牌有很多選擇。點了一個無骨海南雞飯，海南雞的份量也很多，食落啖啖肉，吃一口雞皮爽滑，而且雞肉夠晒嫩滑，連雞胸肉都非常之柔嫩，食落仲好香雞味，而且雞油飯好香雞油味，即使食晒成碗都唔覺個口油笠笠，而且油飯粒粒分明，口感煙煙韌韌，最值得一讚是他的雞湯，喝一口雞湯味道濃郁而且有很濃的雞味，真好味。點了一個喇沙，材料很豐富，湯底是他的靈魂，試一口湯底有一點辣，喇沙味道夠地道。點了一個香烤豬肉串，食落有炭燒嘅香味，而且加了香料也不錯。點了一杯薏米水，飲落口很清潤，飲得出真材實料。

上星期經過yoho見到呢間飯店排滿人所以我就冇等位今日見時間尚早，所以唔使排隊我就嚟試吓，原來餐廳入面非常寬敞，燈光又夠光猛，坐得非常舒服，夠晒闊落，今日唔使等位，一坐低職員就非常友善，給我們兩杯熱水😚馬來咖喱雞撈麵，平時去到馬來西亞嘅餐廳都係會食海南雞飯，今日就試吓呢個咖喱雞撈麵，雞肉嫩滑，又夠林身最重要係啲咖喱汁咖喱香味非常出眾仲有香濃嘅夜香味原來配撈麵都非常不錯值得一試，麵質彈牙，粗幼度適中，啱晒我口味新加坡肉骨茶，一聞就已經聞到好重嘅胡椒味道，聖誕節呢段期間咁凍，真係啱晒暖笠笠，湯入面有兩大舊一字牌肉質好鮮甜入面啲豆腐卜仲吸晒啲湯，配埋個飯真係一流滋味無窮香煎手作蝦餅，蝦餅入邊都有啲蝦肉，非常爽口，但就有少少比較油，口感非常好，味道都好鮮味配埋甜酸醬，味道更加好味香烤豬肉串（三串）豬肉串完全唔乾身,燒到好香口,咬落仲有肉汁夠晒Juicy🤭到最尾同朋友一人叫咗兩杯餐飲，我揀咗金桔特飲，味道酸酸甜甜，又開胃，柑桔仲非常有利於喉嚨，咁乾嘅天氣梗係飲番杯金桔飲品

今日突然好掛住馬拉野食, 而我第一時間諗到既就係肉骨茶, 所以就去返原區揾餐廳黎食喇, 發現自己從來未去過開到成行城市既阿參雞飯, 今次一於去幫襯下先😆裝潢用左宜家好興既波希米亞風格, 舒適悠閑👍🏾1/ 檳城蝦麵 $83送上黎已經超大層蝦膏味, 立即飲一啖湯試下, 極之香濃😋而麵底好滑, 蝦肉仲好彈牙👍🏾2/ 新加坡肉骨茶 $86比起平時馬來西亞個種少左層中藥味, 但胡椒味就好重, 飲落去熱辣辣感覺好袪寒, 肉骨茶撈飯食我非常鍾意😋3/ 斑斕咖央多士 $27食得馬拉野點可以唔叫咖央多士, 中間夾仲厚厚既牛油, 雖然非常邪惡但極之好味🥹🥹4/ 香煎手工蝦餅 $43三件圓圓既蝦餅, 煎得香口而且彈牙, 每一件都幾大件👍🏾5/ 凍美綠 ☕️同樣地係馬拉就好中意叫美綠飲😊整件事好令人想念當地🥹6/ 凍柑桔特飲 🍹呢個柑桔特飲比較酸但就好醒神開胃🤩

記得第一次經過亞參係喺中環，個時聞到好香，估唔到而家開到黎元朗，近近地終於食到。哩到裝修好靚，黎到梗係食佢個去骨海南雞飯（$89），+$10就有埋野飲。男朋友就叫左個檳城蝦麵（$83）。另外叫左斑蘭咖央多同香煎手作蝦餅，飲品就要柑桔特飲同熱既馬來拉茶。哩到上菜都快，而且份量好足。個海南雞用黃油雞，好入味好滑，雞味重，仲有特別既薑黃醬，香過出要食個啲，難怪佢係招牌菜，好好食！佢個雞湯入面有草菇，都係好香。男朋友既蝦麵既配料都大份，而且入味，個湯底又係好香。斑蘭咖央多中間既咖央好多，佢多士都係馬來西亞直送，食落去好地道。最估唔到係個手作蝦餅，好彈牙好好食，食得出係手作，唔係機打出黎既蝦餅，同埋煎得啱啱好，仲好juicy。飲品都係好正宗既風味。哩到全日免收加一，職員依然服務都好好。