影片
营业时间
今日营业
11:00 - 22:30
星期一至日
11:00 - 22:30
以上资料只供参考，请与餐厅确认详情
有朋自遠方來，不亦樂乎！大家商議過，歐陸食品就不用吃了，吃東南亞食品比較好 ....星加坡叻沙米線 : 叻沙湯底的味道充滿了椰汁，不失鮮味，香口但偏辣一點，跟在星加坡所吃到的有些少差別；食材有蝦、豆卜、雞蛋、魚片、蝦，食材算是豐富，味道算是不錯吃的 ~招牌海南雞 (一隻)： 賣相不錯，海南雞是去骨的， 吃起來啖啖肉，雞肉的肉質滑嫩，皮薄而富脂香，雞味都濃郁鮮美，不用沾醬汁也好味 ; 油飯，色澤油潤，滿有米香；配以獨家秘製的海南雞醬，實在是把海南雞飯的味道提昇到另一個 level ~還另點了一些東南亞小吃，碟頭都頗大的，質素都算不錯，三個人吃不完，還可以打包回家，認真大件夾抵食 ~本篇完 ~
继续阅读
3點半幫襯下午茶餐，座位雖多，全場只坐約半滿！職員帶位需與另一食客隔膠板而對坐！如果人滿無可厚非，所以要求可否坐另一4人卡座，寧願待客滿時才安排對坐，但職員梗要安排坐2人座，安排餐廳盡頭2人卡座，坐位偏狹窄，空調又不太足，職員安撫坐坐下就涼，原來係想客人「心靜自然涼」！剛食到茶餐飲，隔鄰安排中年夫婦坐，該男客不久向本人方向打了大噴嚏，雖用單手掩蓋，該男客不久再向本人方向打大噴嚏，仍只用手掩！本人要求他使用枱上餐紙掩蓋，但該男客即表不滿，聲稱已用手掩！隨後又撩交呀，叫本人盡快食完離開，否則會好快再打噴嚏！本人反駁點解香港人咁無公德心！該兩夫婦即反唇相譏！本人唯有離開息事寧人！香港地食肆租金貴，但都要視乎環境安排食客坐得較舒適，餐廳角落空調不足，相信是雅蘭屬舊建商場，所以空調分佈不均！總而言之，一個十分失望得體驗。
继续阅读
今日中午喺雅蘭中心附近，見已經係食晏時間，諗住去返之前食過嗰兩間餐廳睇吓有乜嘢食。上到一樓俾呢間餐廳牆上面搶眼嘅宣傳字句：「尋覓99分海南雞飯」吸引住。見到當時餐廳入邊都已經差唔多冇位，不過又唔係好多人喺度排隊等位，為咗試吓係咪真係99分，我排咗隊。😂等咗一陣就有個較隱蔽嘅位，因為用QR Code落單，唔係好需要餐廳職員幫手，呢個位靜靜哋仲好, 我今日當然係食海南雞啦。我其實好唔鍾意食雞胸，不過QR Code落單冇得揀「走胸」，如果𨍭雞髀要加$25😅，唯有希望佢哋俾我嗰碟唔好咁多胸肉啦，好彩都唔係好多。😊碗湯望落去好多油，飲落去雖然淡咗啲，但係都okay喎。試第一嚿雞，原來雞皮都可以入口即化，忍唔住連皮食咗呢嚿。😂碟上面有幾嚿雞胸，唔鍾意食都唔好做「大嘥鬼」，好彩都唔係嚡熠熠好難食。😂一向食好少飯嘅我，今日成碗油飯食哂😅，我鍾意佢哋啲薑蓉，好味！唔太鹹而且有啲沙薑味。海南雞豉油就唔係好甜同埋有啲「稀稀哋」，同平時一般餐廳嗰啲有少少唔同。如果我有得選擇「走胸」，我會俾90分，不過而家我要勉強自己食雞胸，雖然唔係好難食，我都係俾唔落咁高分，88分係我今日俾佢哋海南雞嘅分數。整體嚟講，雞肉質素唔錯，雞唔會太肥，皮唔會有一層厚肥膏，油飯軟硬適中味道好，加埋薑蓉更正。下次試吓問可唔可以「走胸」🤣。價錢方面，雖然冇加一，不過我個人覺得有啲貴，要提一句，佢哋淨係接受電子付款，唔收現金（No Cash❌💵)。
继续阅读
通常亞參我都幫襯開銅鑼灣利舞臺嗰間多，今日在旺角食晏晝食咗一次，其實佢嘅食物質素同銅鑼灣一樣啦，但係旺角始終係旺角🤣🤣🤣因為旺呀嘛，所以地方比較擠迫人多嘈雜要搭枱，加埋見佢好似啱啱開業，公司人手唔夠，雖然我見到佢門口已經貼咗排版只收電子貨幣，但我食緊嘅過程中見到好多食客都仲想俾cash , 有點微言，其實應該客人入座時，店員應該同個客講多聲會好啲，但見啲職員已經好忙，已經做到死死地🤣🤪 不過冇辦法！香港租金太貴，仲要開在雅蘭，未完善就已經開張呀呢，依個明白，希望有待改善la …. 所以食評我只減環境個🌟🌟。😅😅😅
继续阅读
全部雞骨雞翼頭離晒譜，同店員講完只係話同廚房講吓即係冇講，而家啲飲食集團真係要自救希望再做得好啲。又要自助俾錢又要全部收錢機都壞，簡直嘥時間。諗住以為咖喱可以遮擋食物嘅質素就任意比垃圾給食客食真係要改善
继续阅读