亞婆豆腐花 (已結業)

吃過飯後, 我和朋友又去了亞婆豆腐花吃豆花。豆花是傳統甜品中我的至愛之一, 我認為愈傳統愈懷舊的食物才是最美味的, 但現時很多普通糖水舖的豆腐花的味道也很一般, 有些不夠滑, 有些則不夠黃豆味。 這碗豆腐花加入芝麻粉, 真的很好吃, 它把平凡的豆花提升到另一境界, 每一啖都品嚐到很香的芝麻味, 吃下去又有豆花的豆香, 口感還很滑溜。豆花上有很多芝麻粉, 吃到整個口也是芝麻粉, 吃完整碗雖然是很飽, 但是是有滿足的感覺。另外, 我亦推薦他們的芝麻豆漿。芝麻豆漿內放入芝麻粉, 兩種味很夾, 啖啖香濃的豆香味, 其甜度適中, 飲完非常舒服。

來了大圍工作接近一個月，終於開始適應新工作。這天準時放工，就到附近的小店覓食。留意到這問豆腐花店人龍不絕，就停下來一看究竟。花奶豆腐花($13)豆腐花本身不算滑身，但聰明地加入花奶令口感更為香滑。整體甜度不會很高，所以即使瘋狂加添我最愛的黃糖，甜度亦剛好。冷熱同價，點了冷的，非常透心涼。不過＄13一碗，價錢就較貴。芝麻豆漿($15一枝)對比豆腐花，豆漿更得我心。豆漿帶豆香，而且低糖，比較健康。加了芝麻的豆漿，味道也更香更豐富。$15一支，價錢不貴，不失為健康有解渴之選。

豆腐花無乜豆味，口感尚可以，挺身。沒有位置可以坐，只可以立食。味道無咩特別，依個價錢亦比坊間賣得偏貴。試一次就夠。 味道：⭐（無豆味）價錢：⭐（不成正比）環境：⭐（無環境可言）衛生 : ⭐⭐⭐（店面望落乾淨）服務：不適用（叫完自理，冇交流）

個阿婆同個男店員態度好差，加上冇豆味！以前都成日黎食，同以前唔同晒，問多二句好似想食人甘，今時今日甘既態度對顧客，都冇下次啦，，大圍唔知重有冇第二間，甘趕客冇下次啦！

一年都唔去大圍一次、今日同朋友相約在大圍晚飯、才發現大圍火車站是「掃街」熱點。碗仔翅、雞蛋仔、魚蛋、燒賣、煎釀三寶等小食什麼都有、附近街坊都圍著攤檔好不熱鬧。記得姐姐說過這裡有檔亞婆豆花很有名、每次來都很多人來排隊買。難得今天來到，就順便買回家宵夜。這裡有原味、黑芝麻、花奶味豆花、見幾特別、就三款都買回去一試。另外還有腐乳同豆漿提供。原味豆花 $12濃郁的豆味、豆花亦很滑、簡單加點黃糖已很美味。黑芝麻豆花 $15店主哥哥從木桶裡「片」出滑溜溜的豆花、慷慨地加入兩大匙的黑芝蔴、好足料。黑芝蔴原有的甜與豆花很㚒花奶豆花$14比想像中沒那麼甜、口感幾香滑原以為亞婆豆花是老婆婆經營、誰知原來是一個青年人。店主哥哥很友善、有禮貌、難怪街坊都主動走過來聊天。

大圍有不少美食，今日巧遇前來，等朋友時，見到傳說中嘅阿婆豆腐花走上前叫咗一碗，站吃$11 ，貴過南丫島。朋友走上前諗住爭俾錢，聽到11蚊都忍唔住話: 咁貴嘅.西營盤賣緊＄9滑到不行，大碗兩倍朋友話: 北角呀一成日都做任食，又平又夠滑我再用南丫島$10個碗比，唔好計個豆腐花，淨係濃郁嘅薑糖水，已經贏左呢度。。。糖同糖水，普通到不行。。。無特色可言。糖水稀，糖就當然無分別啦！豆府花望落幾省鏡，唯獨是but起上嚟已經睇到一層層，意思係切落去嘅時候個結構。甚至已經唔會係滑。大熱天時食一碗冰凍豆腐花都好不錯了。大家唔好要求太高，只不過有冇人哋所講到咁神級好食呢？但呢一個11蚊一碗嘅價錢，就真係有點名過其實。至於嗰啲嘅黑芝麻豆漿。。。只不過係加左黑芝麻粉落去沖豆漿。。。。我唔識睇好無，但好似無咩誠意咁。

昨天難得到了大圍, 當然要一試大圍馳名的豆腐花專門店啦！我猜它是家族生意。店內只有三人工作, 老闆的態度很好, 給了我們很大碗和足料的豆腐花。我點了一個凍芝麻豆腐花, 豆腐花加上黑芝麻粒真是很好吃, 將平凡的豆漿花提升到另一境界, 每一啖都聞到好香的芝麻味, 黑芝麻要炒得好才能有這種香味, 而且老闆毫不吝嗇地倒上很多很多芝麻粒, 吃到滿口也是芝麻粒, 食落去又有豆腐花味, 口感亦非常滑溜。由於我非常喜愛吃芝麻味的食物, 所以我也叫了一杯芝麻豆漿, 豆漿的豆味很香, 黑芝麻的份量剛剛好, 甜而不漏。另外那一杯是胚芽豆漿, 胚芽豆漿入口順滑, 粒粒胚芽在口中慢慢溶化, 它的甜度適中, 我們不消一會兒便喝完兩杯豆漿了。由於我們真的很喜愛他們的豆漿，所以臨走時也帶了兩支胚芽豆漿回家喝。

大K最喜歡幫襯小型街坊食肆，貪佢夠local有地方特色。尢其是這些方便的街坊小食，更加是香港本土文化的一部份。(講到我成個偽文青咁)這個自稱為阿婆的人，看上去都唔係好大而已。好明顯，說明與事實不符，不過，我接受。門口好多人排隊，但係好快。大約3 分鐘就等到。買左碗豆花，1 支胚芽豆漿外賣。"阿婆"話： 佢地的芝麻同胚芽都是自家製的。 今次無試到芝麻，只試左胚芽。我發現新鮮的胚芽豆漿是有一陣草青味，唔係好arm 的口味。下次試下芝麻先。但係個豆腐花，就真係勁屈機law. 滑到呢，企都企唔穩。街坊小食的先家製招牌豆腐花，真係無得輸。店內不大，一眼睇晒，但係好乾淨。仲比我見到佢地係用加拿大黃豆，非國貨。食落肚，信心都大好多。

去完大圍食飯想食糖水，行到火車站A出口對面街見到間傳純豆腐花店，名叫『阿婆豆腐花』，開得喺個咁靚的鋪位，相信大有來頭吧。於是就試下佢的招牌豆腐花，同豆漿。門口都有幾個人排緊餐牌簡單清楚，本身想叫純豆漿，見佢有芝麻同胚芽味，應該會比純豆漿更好營養同埋個配搭都幾好，就叫左兩支了。都幾大支，芝麻味好香，應該是自己磨的芝麻粉溝出黎的，而且豆漿的豆味好濃，甜度ok, 唔錯而個人覺得胚芽味相對普通d. 入面有好大部傳純的豆腐機喔重點當然是豆腐花啦，有圖有真相！滑到好似鏡面咁！！！！食落一樣咁滑，我真係好耐都冇食過呢個質素的豆花了，下次過大圍係一定會再買！！！！桌上放了個兜俾你落糖同埋秘左d水佢，但店員話其實豆腐花出的水是清熱的，很健康，建議食埋~~傳統的大桶喔~我見到入面放左好多包加拿大黃豆，相信此良心小店是真材實料的！

今晚收工後同朋友去大圍食飯，一出地鐵站就見到成條街都係小食，我地掃街之心頓起，忍唔住買咗兩碗豆腐花試下。花奶豆腐花（凍）（堂食＄13，外賣＄14）本來只係抱住一試無妨嘅心態，點知豆腐花意外地好食，不但嫩滑，而且黃豆味重，多加一點黃糖也不怕，與花奶混和一齊食唔會太甜，剛剛好。芝麻豆腐花（凍）（堂食＄14，外賣＄15）呢碗更加有驚喜，有別於一般加芝麻糊，佢哋係加芝麻粉，實在香味撲鼻！友善嘅店家仲建議加黃糖一齊食，算係豆腐花之中嘅「重口味」，真係令人回味無窮！兩碗豆腐花都令人喜出望外，於是我哋即時追加左兩支豆漿，分別係胚芽豆漿（$15/支），同埋芝麻豆漿（$15/支）。仲以為佢會喺雪櫃攞現成嘅豆漿出黎，點知佢攞出嚟嘅係個空樽，然後係我地面前即時沖，睇住呢個炮製嘅過程都覺得開心！胚芽豆漿令我諗起細個最鍾意食嘅好立克糖，就係嗰種味啦！芝麻豆漿亦不錯，兩樽都值得推薦。朋友見呢度仲有腐乳賣，就忍唔住買咗樽細嘅返去（$22），唔知好唔好食呢？等我下次問下佢。要留意嘅係呢度八點後不設堂食，但仍然可以買外賣企喺隔離食，黎大圍一定要記得試啊！

突然口痕， 經過見到豆腐花就好想一試又見到咁多人排隊， 應該都係出名野卦?!於是就叫左碗芝麻豆腐花外賣一心諗住係芝麻糊加豆腐花點都錯晒只係豆腐花加左芝麻粉啲芝麻粉咁就值3蚊?!! 有少少呃人既感覺..豆腐花仲要唔滑， 雖然豆味好香, 但食落都冇咩豆味下次應該唔會幫襯喇..

口痕想食豆腐花, 係大圍火車站對面就有一間, 店舖只賣豆類製品, 夠專一.我就外賣取走.豆腐花 - 即叫即"片"俾你, 加少少糖水, 每片豆花都光滑, 反曬光黃糖可以另上, 食之前先落.食落真係好滑, 一點"咋"都沒有, 而且更沒有"鞋口"的感覺, 豆味夠, 熱食最正!胚芽豆漿 - 可選有糖或無糖豆漿, 胚芽是立即加入膠樽, 再倒入豆漿.要搖勻先飲呀, 我要了無糖豆漿, 帶一點豆芽味, 凍飲較好!

很多人都知道大埔有間豆腐花，每次路過都大排長龍，食過的人都贊好食，所以每次到大埔都會去排隊買來食。但其實大圍都開了一間亞婆豆腐花，不用走到大埔也能可以好好享受美味的豆腐花。******************************沒想到晚上21:45來到大圍地鐵站附近的亞婆豆腐花，都排長龍，看來大家都喜愛飯後吃甜品了。豆腐花味道有3款提供，原味、花奶和芝麻豆腐花。此外，肧牙和芝麻豆漿，還有腐乳都有得賣。從沒吃過這些特別的口味，便決定買回家一試。花奶豆腐花 外賣HKD14/碗，冷熱同價，都是第1次聽說用花奶配豆腐花。一碗豆腐花都幾大碗，還加了很多的花奶和黃糖。其實在大圍都有很多地方賣豆腐花，特別是在街巿賣豆腐的店內都有售，但沒有亞婆豆腐花的份量那麼大碗，一個人食都幾飽。此外，豆腐花入口嫩滑，再配上花奶更加滑溜，沒想到花奶加上黃糖之後的味道完全不會很重奶的味道，豆味不算很重，但又幾特別，絶對比街巿所買到的更加滑溜好食。芝麻豆腐花 外賣HKD15/碗，我還以為加入芝糊，沒想到是加入芝麻粉和黃糖，沒有加任何水或糖水，只有新鮮熱騰騰的豆腐花、芝麻粉和黃糖。回到家中一看，芝麻粉已經溶入豆腐花內，

朋友難得出城就梗係要聚下架啦~~~我都知衰架啦..............遲咗出門口所以朋友就係火車站附近行一行就出事啦~~出事係..............我地正餐都未食.............就要食甜品哈哈哈~~~雖然我都諗住帶朋友去食亞婆豆腐花既，不過係食完正餐先囉~~~唔梗要啦~~而家調轉都無問題，反正甜品向來都係第二個胃~~~哈哈哈! 我就點咗熱花奶豆腐花$13今次食既同之前有唔同豆味比上次濃唔通因為上次係食凍的關係..............花奶加豆腐花就算唔加糖都有種清香甜美對於唔太嗜甜既信義妹來講就足夠了但如果想更甜就可以選擇加紅糖豆腐花口感幼滑 朋友就點了芝麻豆腐花$14芝麻粉令到豆腐花多一種芝麻香朋友是芝麻控食得特別開心豆腐花的滑加上芝麻粉的粗令口感多一種層次 食完豆腐花朋友覺得唔夠所以仲叫了兩支豆漿每支$12有杯裝的，但係我地怕飲唔曬就樽裝比較方便豆味香濃甜度適中，對於不嗜甜的我地就剛好啦!!! 到走嗰陣朋友突然見到綠豆餅店員跟我地推介要試下都好~一於試下啦~~細的$11 果然無推介錯，如果你地係喜愛老婆餅那一類的就要試下啦外層做得好鬆化，皮一啲都唔厚內裡豆餡豐

假日同朋友踩單車黎到大圍，就比火車站對出呢條食店林立既街吸引住啦～食左個清涼既花奶豆腐花。豆腐花加左花奶變得好滑好creamy，再加埋紅糖好香甜。但豆味就唔太濃郁，我以為係我加左糖同花奶所以蓋過豆味，但原來睇其他食評都有豆味不足呢個情況呢。